چیئرمین پاکستان کرکٹ بورد محسن نقوی نے خوشخبری سناتے ہوئے کہاہے کہ صائم ایوب کی طبیعت اب بہتر ہے اور ان کا پلاسٹر بھی اتر گیاہے ، ٹیم فائنل ہو گئی ہے ، آج اعلان ہو جائے گا ۔
پریس کانفرنس سے خطاب کرتے ہوئے محسن نقوی کا کہناتھا کہ صائم اوران کے ڈاکٹرز کے ساتھ رابطہ ہے، صائم کو ٹھیک ہونے میں 3سے 4 ہفتےکم از کم لگیں گے، امید ہے جلد صائم ٹیم میں واپس آئےگا۔
انہوں نے کہا کہ قذافی اسٹیڈیم کا افتتاح 7 فروری کو ہوگا، وزیر اعظم شہباز شریف مہمان خصوصی ہوں گے، 11 فروری کو صدر پاکستان آصف زرداری کراچی اسٹیڈیم کا افتتاح کریں گے، 16 فروری کو آئی سی سی کے ساتھ مل کر چیمپئنز ٹرافی کی تقریب کا اہتمام کیا ہے۔
محسن نقوی کا کہناتھا کہ قذافی اسٹیڈیم 7 فروری سے پہلے مکمل ہوجائے گا، تمام کرکٹ ٹیموں کے بورڈز کو چیمپئنز ٹرافی کیلئے دعوت دی ہے، بارڈر پار بہت لوگ ہیں جو پتھر گرنے پر بھی اعتراض کرتے ہیں، چین سے کرسیاں آئی ہیں، جن کی گارنٹی 20 سال ہے، دو سے ڈھائی ہزار مزدوروں کو 7 فروری کو ظہرانہ دیں گے، بھارت سمیت تمام کرکٹ بورڈز کو چیمپئنز ٹرافی دیکھنے کی دعوت دی ہے۔
