خیبر پختونخوا کابینہ کا اجلاس آج ہوگا،وزیراعلیٰ علی امین گنڈاپور کی صدارت میں ہونے والے اس اجلاس کے لیے 13 نکاتی ایجنڈا جاری کر دیا گیا ہے۔
خیبر پختونخوا کابینہ کے آج کے اجلاس میں اہم معاملات زیرغور آئیں گے،ضلع کرم میں ٹی ڈی پیز کے لیے ایمرجنسی کےنفاذکی منظوری ایجنڈے کا اہم حصہ ہے،اپر چترال میں جوان مرکز کے قیام اور چارسدہ میں جوان مرکزکی تعمیرکی منظوری بھی دی جائے گی۔
کابینہ خیبرپختونخوا کنٹرولر آف نارکوٹکس سبسٹانس ایکٹ 2019 میں ترمیم کی منظوری پر بھی غور کرےگی۔سولرائزیشن آف ہاؤس اینیشیٹیو منصوبہ بھی ایجنڈے کا حصہ ہے،جس کی منظوری کابینہ سے لی جائے گی۔اجلاس میں متعلقہ وزراء اور سیکرٹریز کی شرکت متوقع ہے۔
