رائٹ سائزنگ کمیٹی نے وزارت سائنس و ٹیکنالوجی کے 6 ادارے بند کرنے کا فیصلہ کرلیا، 4 محکموں کو ضم کرنے کی منظوری دیدی گئی جبکہ 6 اداروں کو کم افرادی قوت کے ساتھ برقرار رکھا گیا ہے۔ وزارت سائنس و ٹیکنالوجی سے رائٹ سائزنگ کمیٹی کی سفارشات پر عملدرآمد رپورٹ 20 جولائی تک طلب کرلی گئی۔
رائٹ سائزنگ کمیٹی نے وزارت سائنس و ٹیکنالوجی کے 6 ادارے بند کرنے کا فیصلہ کرلیا گیا جبکہ وزارت سائنس کے 4 محکموں کو ضم کرنے کی منظوری بھی دیدی گئی۔
رپورٹ کے مطابق رائٹ سائزنگ کمیٹی نے وزارت سائنس کے 6 اداروں کو کم افرادی قوت کے ساتھ برقرار رکھنے کا فیصلہ کیا ہے، کمیٹی کی سفارشات پر عملدرآمد رپورٹ 20 جولائی تک طلب کرلی گئی۔
رپورٹ کے مطابق کونسل فار ورکس اینڈ ہاؤسنگ ریسرچ، پاکستان کونسل فار سائنس اینڈ ٹیکنالوجی، سائنٹیفک ٹیکنالوجیکل ڈیولپمنٹ کارپوریشن، کاسمیٹک اتھارٹی آف پاکستان کو بند کرنے کا فیصلہ کیا گیا ہے جبکہ پاکستان کونسل فار رینیوایبل انرجی ٹیکنالوجی، نیشنل انسٹی ٹیوٹ آف الیکٹرانکس کو ضم کرنے کی ہدایت کی گئی ہے۔
رائٹ سائزنگ کمیٹی نے پاکستان حلال اتھارٹی کے تھرڈ پارٹی جائزے کی بھی ہدایت کی ہے، پاکستان اسٹینڈرڈز اینڈ کوالٹی کنٹرول اتھارٹی اور پاکستان انجینئرنگ کونسل کو ڈیجیٹلائز کرنے کی ہدایت بھی کردی گئی۔
رپورٹ کے مطابق نسٹ کو معیار بہتر کرنے اور 100 یونیورسٹیوں میں جگہ بنانے کا پلان پیش کرنے کی ہدایت کی گئی ہے، نیشنل یونیورسٹی آف ٹیکنالوجی کو 5 سال میں خود کفالت کے حصول کا پلان پیش کرنے کی بھی ہدایت کی گئی ہے۔
پاکستان کونسل فار سائنٹیفک اینڈ انڈسٹریل ریسرچ کی کارکردگی جانچنے کیلئے تھرڈ پارٹی جائزے کی ہدایت کی گئی ہے جبکہ کمیٹی نے وزارت سائنس و ٹیکنالوجی میں اسٹاف کی شرح میں نصف تک کمی کی ہدایت کی ہے۔
