سماء ڈیجیٹل پر پروگرام ’ اسلام آن لائن ‘ کا آغاز ہو گیاہے جس میں سکالر زیاب ہاشمی ، علی وقار قادر معروف نعت خوان مرغوب احمد ہمدانی مہمان تھے، اس دوران تمام مسلمان اپنے دینی مسائل پر احسن رائے طلب کر سکتے ہیں جیسا کہ علی وقار قادر اور زریاب ہاشمی کی جانب سے عالم ارواح پر ایمان افروز روشنی ڈالی گئی ۔
مکمل پروگرام سنئے:
زریاب ہاشمی نے عالم ارواح پر گفتگو کرتے ہوئے کہا کہ عالم ارواح میں اللہ تعالیٰ نے ارواح کو ٹھہرایا ، اللہ نے فرشتوں سے کہا کہ میں اپنا خلیفہ دنیا میں بھیجنے جارہاہوں ، اللہ تعالیٰ نے انسان کو فرشتوں کے سامنے بڑے فخر سے پیش کیاہے ۔کمہار جب گیلی مٹی سے برتن بناتاہے تواسے مضبوط کرنے کیلئے آگ میں رکھتاہے تاکہ وہ اپنی شکل میں آجائے ، اسی طرح اللہ تعالیٰ نے نفس کی آگ گیلی مٹی کے برتن کے ساتھ ایسی خوبصورتی سے جوڑ دی ہے ۔مسئلہ یہ ہے کہ یہی آگ انرجی کی صورت میں آپ کے جسم کو گرمائش پہنچا رہی ہے اور جب یہی آگ جب آپ کے کنٹرول سے نکل جائے تو آپ کو جلا کر راکھ بھی کر سکتی ہے ۔اصل بات یہ ہے کہ آپ نے نفس کو اس طرح کرناہے کہ یہ آپ کے راستے ہموار کرے۔
