آئندہ 24 گھنٹوں کے دوران اسلام آباد اور گرد و نواح میں ہلکی بارش کا امکان ہے۔
محکمہ موسمیات کے مطابق آج رات اسلام آباد اور گردونواح میں موسم سرد اور مطلع جزوی ابرآلود رہے گا جبکہ آئندہ 24 گھنٹوں کے دوران وفاقی دارالحکومت اور مضافات میں ہلکی بارش کا بھی امکان ہے ۔
صبح کے اوقات میں چند مقامات پر ہلکی سے درمیانی دھند بھی پڑ سکتی ہے۔
شمالی مغربی بلوچستان، بالائی خیبر پختونخوا ، گلگت بلتستان، کشمیر اور ملحقہ پہاڑی علاقوں میں بارش کے ساتھ برفباری کا بھی امکان ہے۔
پنجاب کے زیادہ تر میدانی علا قوں اور بالائی سندھ میں صبح اور رات کے اوقات میں دُھند چھائی رہے گی۔
دوسری جانب آج سب سے کم درجہ حرارت اسکردو اور گوپس میں منفی 9 ڈگری سینٹی گریڈ ریکارڈ کیا گیا، لیہہ میں ٹمپریچر منفی 8 ، گلگت منفی 6، استور منفی 5 جبکہ ہنزہ اور چترال میں منفی 4 ڈگری سینٹی گریڈ ریکارڈ کیا گیا۔
