الیکشن کمیشن نے بلوچستان اسمبلی کے حلقہ پی بی چھتیس قلات کے سات پولنگ اسٹیشنز پر دوبارہ پولنگ کا اعلان کردیا ۔
الیکشن کمیشن آف پاکستان کی جانب سے نوٹیفکیشن کے مطابق بلوچستان اسمبلی کے حلقہ پی بی 36 قلات کے7 پولنگ اسٹیشنز پر دوبارہ پولنگ 9 فروری کو ہوگی، پولنگ اسٹیشنز پر دوبارہ پولنگ کا نوٹیفکیشن بھی جاری کر دیا گیا ہے۔
واضح رہےالیکشن ٹربیونل نے وزیرداخلہ بلوچستان میرضیا لانگو کو ڈی نوٹیفائی کرتے ہوئے حلقہ پی بی36 کے گزگ اور جوہان کے سات پولنگ اسٹیشنز پر دوبارہ ووٹنگ کا حکم دیا تھا ضیاء لانگو کے خلاف جے یو آئی اے میرسعید لانگو نے الیکشن ٹربیونل میں انتخابی عذرداری دائر کی تھی۔
