سینیٹر فیصل واوڈا نے پیشگوئی کرتے ہوئے کہا ہے کہ بانی پی ٹی آئی،ان کی بیگم اورحواریوں کیخلاف مزیدگھیراتنگ ہوگا، ارشد شریف قتل اور بانی پی ٹی آئی پر حملے کا کیس کھلنا باقی ہے ، بانی پی ٹی آئی پرحملےکا کیس کھلے گا تو وہ خود حیران رہ جائیں گے۔
سینیٹر فیصل واوڈا نے سماء نیوز کے پروگرام ’ دو ٹوک‘ میں گفتگو کرتے ہوئے کہا کہ پہلےہی کہاتھافوجی عدالتوں میں ٹرائل ہوگا تو میرے لئے حیران کن نہیں ہوگا، فیض حمید بہت پہلے ہی شواہد دے چکے ہیں،گھیرا تنگ ہوگیاہے۔
انہوں نے کہا کہ بانی پی ٹی آئی،ان کی بیگم اورحواریوں کیخلاف مزیدگھیراتنگ ہوگا، بانی پی ٹی آئی کےقریبی لوگوں نے بھی اپنی جان چھڑانے کیلئے شواہد جمع کرا دیئے ہیں ، ارشد شریف قتل اور بانی پی ٹی آئی پر حملے کا کیس کھلنا باقی ہے۔
ان کا کہناتھا کہ بانی پی ٹی آئی پرحملےکا کیس کھلے گا تو وہ خود حیران رہ جائیں گے، بانی پی ٹی آئی کی بیگم اوران کےحواریوں نےانہیں مارنےکی تیاری کی ہوئی ہے، علی امین گنڈاپور جیسے لوگ بانی پی ٹی آئی کو پھنسا رہے ہیں، بانی پی ٹی آئی نےکل خود کہہ دیاہے باہر گڈی گڈی کاکھیل چل رہاہے۔
