چیف آف آرمی سٹاف جنرل سید عاصم منیر،نشان امتیاز (ملٹری )کی خصوصی ہدایت پر شہداء اور ان کے لواحقین کی بہبود کے لیے"مداوا"گریف کونسلنگ سیل کا قیام عمل میں لایا گیا ہے۔
گریف کونسلنگ سیل کےقیام سےشہداء کےورثاءکےساتھ فوری اوربراہ راست رابطےکو یقینی بنایا گیا ہے، گریف کونسلنگ سیل میں خصوصی مددگار ٹیموں کوتشکیل دیاگیا ہے ،جو آرمی آفیسرز اورماہرین نفسیات پرمشتمل ہیں۔
مددگارٹیم شہادت کےبعد شہید کے آبائی گھرتعزیت کےلیےجاتی ہے،مددگار ٹیم میں شامل ماہرنفسیات شہید کے لواحقین سے تفصیلی ملاقات میں ان کے ذہنی تناؤ کی تشخیص کرتے ہیں۔
گریف کونسلنگ سیل کی ٹیم ورثاء کےمعاشی،سماجی،رہائشی اورتعلیمی ضروریات کےمتعلق معلومات اکھٹی کرتی ہے،شہداء کے ورثا ءکومراعات اورسہولیات کے لائحہ عمل پر آگاہی دی جاتی ہے،شہداء کے ورثاءکو مراعات اورسہولیات کے حصول میں ہر قسم کا تعاون فراہم کیا جاتا ہے۔
چیف آف آرمی سٹاف کی جانب سےشہداء کی قبروں پر پھولوں کا گلدستے رکھے جاتےہیں اور مرحوم کے بلند درجات کے لیےفاتحہ خوانی کی جاتی ہے۔
مددگار ٹیم میں شامل ماہر نفسیات، شہداء کےغمزدہ خاندان میں موجود ذہنی اور نفسیاتی مسائل کے شکار افراد کی نشاندہی کر کے ان کے علاج میں معاونت فراہم کرتے ہیں۔
شہیدکی زندگی کا کوئی مداوا نہیں،مگر گریف کونسلنگ سیل کی مددگارٹیمیں شہداء کےورثا میں زندگی بسر کرنے کےلیےنئی امید اجاگر کرتی ہیں،شہداء ہمارے ماتھے کا جھومر ہیں اور گریف کونسلنگ سیل کا قیام اس چیز کا عملی مظاہرہ ہے
