لاہور پولیس نے نو مئی جلاؤ گھیراؤ سمیت دیگر مقدمات میں سابق وفاقی وزیر اسد عمر اور اعظم سواتی سمیت دیگر کو قصوروار قرار دے دیا۔
انسداد دہشتگردی کی عدالت میں جناح ہاؤس سمیت نو مئی جلاؤ گھیراؤ اورپانچ اکتوبر پولیس تشدد کیس کی سماعت ہوئی۔ عبوری ضمانت ختم ہونے پرعظمی خان اورعلیمہ خان عدالت میں پیش ہوئیں۔
پولیس نے جے آئی ٹی کی رپورٹ عدالت پیش کی جس میں بتایا گیا کہ اسد عمر ،اعظم سواتی ،حافظ فرحت عباس ،مسرت چیمہ اور جمیشد چیمہ تفتیش میں قصوروار قرار پائے گے۔ رپورٹ کے مطابق ملزمان نے کارکنوں کو جلاؤ گھیراؤ کے لیے اکسایا۔
عدالت نے وکلاء کو دلائل کے لیے طلب کرتے ہوئے مختلف عبوری ضمانتوں میں چودہ جنوری اوراٹھارہ جنوری تک توسیع کردی۔
ادھر کمرہ عدالت میں علیمہ خان نے روسٹرم پر کہا کہ تفتیشی افسران تفتیش مکمل نہیں کررہے، اے ٹی سی عدالت کے جج نے کہا جب میں ٹرانسفر ہوکر آیا تو 300 سے زائد ضمانتیں زیرسماعت تھیں۔ اس کے بعد کئی لوگ بے گناہ ہوکر گھروں کو جا چکے ہیں اب تعداد 170 ہے۔
عدالت نے اسد عمر ،اعظم سواتی اور فواد چوہدری کی ایک روزہ حاضری معافی کی درخواستیں منظور کرلی اور آئندہ پیش ہونے کا حکم دے دیا۔
