آئی سی سی چیمپئینز ٹرافی کے انتظامات کا جائزہ لینے کے لئے انٹرنیشنل کرکٹ کونسل کا وفد رواں ہفتے لاہور پہنچے گا۔
ذرائع کے مطابق آئی سی سی وفد کے چند اراکین 7 اور 8 اور کچھ 9 نومبر کو لاہور پہنچیں گے اور وفد چیمپئنز ٹرافی کے انتظامات کے سلسلے میں لاہور آئے گا۔
آئی سی سی وفد 8 نومبر کو بھی میٹنگ کرے گا جبکہ وفد کے اعزاز میں عشائیہ کی تقریب 11 نومبر کو رکھی جائے گی۔
11 نومبر کو شاہی قلعہ لاہور میں تقریب کا انعقاد کیا جائے گا اور تقریب میں آئی سی سی چیمپئینز ٹرافی کے شیڈول کا اعلان کیا جائے گا۔
آئی سی سی وفد قذافی اسٹیڈیم کی تیاریوں اور سکیورٹی روٹس کا جائزہ لے گی۔
جنرل مینجر آئی سی سی وسیم خان کی بھی وفد کے ہمراہ آمد بھی متوقع ہے۔
