قومی اسمبلی کے پیر ( کل ) کو ہونے والے اجلاس کا وقت تبدیل کر کے 7 نکاتی ایجنڈا جاری کر دیا گیا۔
اسپیکر قومی اسمبلی سردار ایاز صادق نے قومی اسمبلی قواعد و ضوابط کے تحت حاصل اختیار کے تحت اجلاس کا وقت تبدیل کیا ہے اور شام 4 بجے طلب کیے گئے اجلاس کے ایجنڈے کے مطابق سپریم کورٹ پریکٹس اینڈ پروسیجر ترمیمی آرڈیننس اسمبلی میں پیش ہوگا۔
رول آف لا انڈیکس میں پاکستان کا ایک سو 129 واں نمبر آنے کا توجہ دلاؤ نوٹس اور صدر مملکت کے پارلیمنٹ کے مشترکہ اجلاس سے خطاب پر اظہار تشکر کی تحریک بھی ایجنڈے کا حصہ ہے۔
عالیہ کامران کا پی آئی اے کے طیاروں کوگراؤنڈ کئے جانے پر توجہ دلاؤنوٹس کے علاوہ وقفہ سوالات اورنکتہ اعتراض بھی قومی اسمبلی کے اجلاس کے ایجنڈے میں شامل ہیں۔
دوسری جانب حکومت کل سینیٹ میں بھی اہم قانون سازی کرنا چاہتی ہے اور ایوان بالا کا اجلاس شام 6 بجے طلب کیا گیا ہے۔
