رکن قومی اسمبلی شیر افضل مروت کا کہنا ہے کہ بانی پی ٹی آئی نے نئے احتجاج یا دھرنے کی تیاری کی ہدایت کی ہے۔
راولپنڈی میں رکن قومی اسمبلی و رہنما ء پاکستان تحریک انصاف(پی ٹی آئی) شیر افضل مروت نے میڈیا سے گفتگو کرتے ہوئے وزیراعلیٰ خیبر پختونخوا کی قیادت میں ہونے والے تحریک انصاف کے احتجاج کو بے اثر قرار دے دیا ہےکہا کہ علی امین گنڈا پور نے اکیلے معرکے سر کرنے کی کوشش کی ہے۔
میڈیا سے گفتگو کرتے ہوئے کہا کہ بانی پاکستان تحریک انصاف ( پی ٹی آئی )کو ملاقات میں سب بتا دیا ہےکہ لولے لنگڑے احتجاج ہو رہے ہیں بانی پی ٹی آئی نے نئے احتجاج یا دھرنے کی تیاری کی ہدایت کی ہے،جلد احتجاج کمیٹی اس حوالے سے فیصلے کرے گی۔
