انگلینڈ کے شہر نیوکیسل میں رہائشی عمارت دھماکے سے تباہ ہوگئی ہے واقعے میں ایک سات سالہ بچہ ہلاک اور چھ زخمی ہوگئے۔
برطانوی میڈیا کے مطابق دھماکے کے بعد عمارت میں آگ لگ گئی ہے ریسکیو اہلکاروں نے آگ پر قابو پالیا ہے۔ چھ افراد کو طبی امداد کے لیے اسپتال منتقل کیا گیا۔
ابتدائی طور پر دھماکے کی وجوہات سامنے نہ آسکیں تاہم تحقیقات جاری ہیں خدشہ ظاہر کیا جارہا ہے کہ دھماکہ گیس لیکیج کا نتیجہ ہوسکتا ہے۔
