کراچی کے علاقے منگھوپیر خیر آباد میں پولیس کا مبینہ مقابلے میں 5 ڈاکو ہلاک ہوگئے۔ پولیس نے ملزمان سے اسلحہ برآمد کرنے کا دعوی کردیا۔ ہلاک ڈاکو متعدد واردتوں میں ملوث تھے۔
منگھوپیر پولیس کے مطابق رات گئے کومبنگ آپریشن کیا جارہا تھا کہ 5 ڈاکوؤں کی موجودگی کی اطلاع ملی جس پر مزید نفری کو طلب کرلی گئی ۔ ملزمان نے پولیس کو دیکھ کر فائرنگ کی، جوابی کارروائی میں پانچوں ڈاکو مارے گئے۔
ملزمان کے قبضے سے ایک ایس ایم جی ، رپیٹر اور تین چھوٹے ہتھیار بھی ملے ہیں ۔ ملزمان نے ڈسٹرکٹ ویسٹ اور دیگر علاقوں میں شہریوں کا جینا مشکل کردیا تھا۔ ملزمان کی لاشیں عباسی شہید اسپتال منتقل کردی گئی، مزید تفتئش جاری ہے۔
