قومی ٹیم کے سابق کپتان اور فاسٹ باولر شاہین شاہ آفریدی نے سماء نیوز کے پروگرام ’’ زور کا جوڑ ‘‘ میں خصوصی گفتگو کرتے ہوئے کہا کہ انجری کبھی بھی ہوسکتی ہے،ابھی بہتر ہوں، جس جگہ پہلے سے انجری تھی گیند دوبارہ وہیں لگی،شعیب اختر کا بیان میں نے سنا نہیں ہے، شعیب اخترلیجنڈ بولر ہیں ان کی عزت کرتا ہوں، چیمپیئنزون ڈے کپ میں بہت سے نوجوان کھلاڑی کھیل رہے ہیں۔
تفصیلات کے مطابق شاہین آفریدی کا کہناتھا کہ ٹیم کے بیک کیلئے یہ ایونٹ اچھا ہے،7سال بعد فیصل آباد میں کھیل رہا ہوں،تمام کھلاڑی گراؤنڈ میں سپورٹ کو انجوائے کررہے ہیں،میں سوشل میڈیا کا استعمال نہیں کرتا، مجھے نہیں معلوم ایکسپرٹ کیا کہتے ہیں،آج کل یوٹیوبرز بہت زیادہ کمارہے ہیں۔
