انٹرنیشنل اسلامک یونیورسٹی اسلام آباد میں ہاسٹل بندش کیخلاف طلباء کا نیشنل پریس کلب اسلام آباد کے باہر احتجاج جاری ہے،طلباء مطالبات منظور نہ ہونے پر شہر بھرمیں مظاہروں کا الٹی میٹم دے دیا۔
اسلام آباد میں احتجاج میں انٹرنیشنل اسلامک یونیورسٹی کے ہاسٹل سے بے دخل کیے گئے طلبا اور ان کے ساتھیوں نے شرکت کی۔ مظاہرین کا کہنا ہے کہ یونیورسٹی ہاسٹل اور مرکزی گیٹ کے تالے نہ کھولے گئے تو بھرپور احتجاج ہوگا۔
نیشنل پریس کلب اسلام آباد کے باہر احتجاج کرنے والے طلبا نے کہا کہ کسی ادارے کے ساتھ ٹکراؤ نہیں چاہتے، جہدوجہد پرامن ہے، حکمران صورتحال کا نوٹس لیں، احتجاجی طلبا نے مطالبات منظور نہ ہونے کی صورت میں شہر بھرمیں احتجاج کی دھمکی دی ہے۔
