پاکستانی ایتھلیٹ ارشد ندیم نے پیرس اولمپکس میں تاریخ رقم کرتے ہوئے نہ صرف گولڈ میڈل جیتا جبکہ 92.97 میٹر کی تھرو کر کے ورلڈ ریکارڈ بھی قائم کر دیا ہے ۔
تفصیلات کے مطابق ارشد ندیم 2016 سے واپڈا سپورٹس بورڈ کے ملازم ہیں اور ان کی بھرتی کی منظوری چیئرمین واپڈا جنرل ریٹائرڈ مزمل نے 11 ویں گریڈ میں دی تھی تاہم 2020 میں مزید عالمی کامیابیوں کے بعد گریڈ 18 میں ترقی دیدی گئی تھی ۔
واپڈا ذرائع کے مطابق ارشد کو 2016ء کی ایشیئن جونیئر چیمپئن شپ کے لئے واپڈا نے تیاری کرائی، جیولین کا نہ ہونا اور سہولیات کی کمی صرف سوشل میڈیا کا پراپیگنڈہ ہے ۔ارشد ندیم،انعام بٹ،نوح دستگیر، ماہ نور سمیت کئی قومی ہیروز کو مکمل سپورٹ حاصل ہے۔
عمران خان دور میں محکموں کی سپورٹس ڈیپارٹمنٹ بند کرنے کے حکم کے باوجود ارشد ندیم ڈاون سائزنگ سے محفوظ رہے تھے ۔
ذرائع کے مطاق چیف ایگزیکٹو لیسکو نے ارشد کو گریڈ 19 میں ترقی کی سفارش کردی ہے ، واپڈا سپورٹس بورڈ چیئرمین جنرل (ر) سجاد غنی کی منظوری سے نوٹیفکیشن جاری کردے گا۔
