اسرائیلی طیاروں کی اسکول پر بمباری سے 100 فلسطینی شہید ہوگئے۔
عرب میڈیا رپورٹس کےمطابق اسرائیلی طیاروں کی غزہ سٹی میں اسکول پر بمباری ،100فلسطینی شہید ہوگئے،اسرائیل نےدراج میں التابن اسکول کو نشانہ بنایا۔
رپورٹس کےمطابق اسکول میں سیکڑوں بے گھر افراد نے پناہ لے رکھی تھی،حملہ اس وقت کیا گیا جب لوگ نماز فجر کی ادائیگی میں مصروف تھے۔
دوسری جانب المواسی میں اسرائیلی طیاروں نے ایک گھر پر بمباری کی جس سے پانچ فلسطینی شہید ہوگئے،خان یونس میں بھی زمینی آپریشن تیزکردیا گیا، مزید ہزاروں فلسطینیوں کو انخلا کی وارننگ دی گئی۔
رفح میں القسام بریگیڈ نےصہیونی فوج کے ٹینکوں کو تباہ کردیا۔اسرائیلی فوج نے لبنان اور شام پربھی بمباری کی۔شام کے شہرحمص میں ایئربیس کو نشانہ بنایا گیا۔
اُدھریمن کےدارالحکومت صنعا میں ہزاروں لوگوں نےحماس کے نئے سربراہ یحی سنوار کی تصاویر اٹھاکر ریلی نکالی اور فلسطینیوں سے یکجہتی کا اظہار کیا۔
