لاہور ہائیکورٹ نے پنجاب میں دفعہ ایک سو چوالیس کے نفاذ کیخلاف دائر درخواست سماعت کیلئے مقرر کردی گئی۔
لاہور ہائیکورٹ کے جسٹس سید شہباز علی رضوی کل زبیر احمد کسانہ سمیت دیگر کی درخواستوں پر سماعت کریں گے درخواست میں پنجاب حکومت سمیت دیگر کو فریق بنایا گیا۔
درخواست میں موقف اختیار کیا گیا کہ پی ٹی آئی نے 26جولائی کو آئین اورقانون کےمطابق ریلی کی کال دی ، پنجاب حکومت نے پچیس جولائی کو بدنیتی کی بنیاد پر دفعہ 144 نفاذ کردی ۔ پنجاب حکومت بنیادی حقوق کی خلاف ورزی کررہی ہے ۔
درخواست میں استدعا کی گئی ہے کہ عدالت پنجاب میں دفعہ ایک سو چوالیس کے نفاذ کا نوٹیفکیشن کالعدم قرار دے ۔
