پیرو میں 22 سال قبل لاپتہ ہونے والے امریکی کوہ پیما کی جمی ہوئی لاش پہاڑی سے مل گئی ۔ کوہ پیما کے کپڑے اور جوتے محفوظ حالت میں تھے۔
غیرملکی میڈیا کے مطابق امریکا سے تعلق رکھنے والے کوہ پیما ولیم سٹیمپفل 22 سال قبل ایک مہم کے دوران اپنی ٹیم سمیت برفانی چوٹی پر تودے کی زد میں آگئے تھے ۔
یہ حادثہ 22 ہزار فٹ بلندی پر پیش آیا تھا ۔ جس کے نتیجے میں کوہ پیما اسی جگہ دفن ہوگئے تھے ۔ سال دو ہزار دو میں اُنسٹھ سالہ کوہ پیما کے لاپتہ ہونے کے بعد ان کی تلاش میں کی جانے والی تمام تر کوششیں ناکام ثابت ہوئیں تھیں۔
