گاڑیوں کی خریداری کیلئے بینکوں کی جانب سے قرضہ جات کے اجراء میں مئی کے دوران سالانہ بنیادوں پرکمی ریکارڈ کی گئی ہے۔
اسٹیٹ بینک کی جانب سے اس حوالہ سے جاری کردہ اعدادوشمارکے مطابق مئی 2024 میں گاڑیوں کی خریداری کیلئے بینکوں کی جانب سے فراہم کردہ قرضہ جات کاحجم233 ارب روپے ریکارڈ کیا گیا جوگزشتہ سال مئی کے مقابلہ میں 22.5 فیصد کم ہے۔
رپورٹ کے مطابق سال مئی میں گاڑیوں کی خریداری کیلئے بینکوں کی جانب سے فراہم کردہ قرضہ جات کاحجم 300 ارب روپے ریکارڈکیاگیاتھا، اپریل کے مقابلہ میں مئی میں گاڑیوں کی خریداری کیلئے بینکوں کی جانب سے قرضہ جات کے اجراء ماہانہ بنیادوں پر1.2 فیصدکی کمی ہوئی ہے۔
اپریل میں گاڑیوں کی خریداری کیلئے بینکوں کی جانب سے قرضہ جات کے اجراء کاحجم 236 ارب روپے ریکارڈ کیا گیا تھا جو مئی میں کم ہوکر 233 ارب روپے ہوگیا۔
