خیبرپختونخوا میں لوڈشیڈنگ کے بحران پر وفاقی وزیر داخلہ محسن نقوی اور وزیر اعلیٰ خیبرپختونخوا علی امین گنڈاپور کے درمیان رابطہ ہوا ہے۔
رابطے کے دوران وزیر اعلیٰ علی امین گنڈاپور نے وزیر داخلہ محسن نقوی کو اپنے تحفظات سے آگاہ کیا اور دونوں رہنماؤں میں اگلے 2 روز میں مشاورت اور مذاکرات پر اتفاق ہوا۔
مذاکرات میں خیبرپختونخوا میں 12 گھنٹے کی لوڈشیڈنگ پر بات چیت ہوگی۔
وزیرداخلہ اور وزیراعلی میں اتفاق پایا کہ غلط فہمیاں افہام وتفہیم سے دور کی جائیں گی۔
وزیراعلیٰ نے وفاقی وزیرداخلہ کو صوبے میں گرڈا سٹیشنزکی حفاظت کی یقین دہانی بھی کرائی۔
محسن نقوی کا کہنا تھا کہ پوری کوشش ہے کہ خیبرپختونخوا میں لوڈشیڈنگ کا مسئلہ جلد حل ہو، تمام وفاقی تنصیبات کی حفاظت ہماری ذمہ داری ہے۔
