ہوائی اڈوں کے اطراف رہائشیوں سے عید قربان پر ذمہ دارانہ کردار ادا کرنے کی اپیل کی گئی ہے۔
ایئر پورٹ انتظامیہ کا کہنا ہے ائر ٹریفک کا تحفظ اور روانی یقینی بنانے کیلئے قربانی کے جانوروں کی آلائشیں باقاعدگی سے ٹھکانے لگائی جائیں۔
سول ایوی ایشن اوراسلام آباد ایئرپورٹ مینجر نے اپنے پیغام میں شہریوں سے عید قربان پر ذمہ دارانہ کردار ادا کرنےکی اپیل کی ہے۔ کہا قربانی کے جانوروں کی آلائشیں باقاعدگی سے ٹھکانے نہ لگانے کی صورت میں ائر ٹریفک میں خلل آ سکتا ہے اور کسی بڑے حادثے کے خدشات بھی رہتے ہیں۔
اسلام آباد ایئرپورٹ انتظامیہ نے قریبی سوسائٹیز اور مساجد میں آگاہی پمفلٹس بھی تقسیم کروائے ہیں۔
