محکمہ موسمیات کےمطابق میدانی علاقوں میں گرمی کی لہربرقرار رہے گی۔جون میں سندھ اور پنجاب کے لئے نئی ہیٹ ویو ایڈوائزری جاری کردی۔
محکمہ موسمیات نےملک کے جنوبی اضلاع میں موسم شدید گرم رہنےکی پیشگوئی کردی، بالائی خیبرپختونخوا،پوٹھو ہار، شمال مشرقی پنجاب کے چند مقامات پر بارش متوقع ہے، اسلام آباد میں دن میں موسم گرم رہےگا، شام میں بارش کا امکان ہے، خیبرپختونخوا کے بیشتر اضلاع میں موسم شدید گرم رہے گا۔
کوہستان،شانگلہ،بٹگرام،سوات، چترال،دیر،ایبٹ آباد،ہری پور اور مانسہرہ میں بارش کا امکان ہے،پنجاب کےجنوبی اضلاع شدید ترین گرمی کی لپیٹ میں رہیں گے،بلوچستان اور سندھ کے زیادہ تر علاقوں میں گرمی کی لہربرقرار رہے گی۔
