کامسیٹس یونیورسٹی ساہیوال کیمپس کی فیکلٹی اور طلبہ و طالبات نے اوکاڑہ گیریژن کا دورہ کیا اور ایک دن پاک فوج کے ساتھ گزارا۔
وفد نے یادگارِ شہداء پر حاضری دی، پھولوں کی چادر چڑھائی اور وطن عزیز کے شہداء کے بلند درجات کے لیے دعا کی۔ شرکاء کو پاک فوج کی ملک و قوم کے لئے کلیدی کردار اور لازوال قربانیوں کے بارے میں بریفنگ دی گئی۔
طلباء کو دیگر تربیتی مشقیں دیکھنے کا موقع بھی فراہم کیا گیا۔اس کے علاوہ طلبہ و طالبات کو انفنٹری، آرمڈ اور توب خانے کے ہتھیاروں کے بارے میں آگاہی فراہم کی گئی۔ طلباء کو بکتر بند گاڑیوں کی سیر بھی کروائی گئی جس سے وہ خوب محظوظ ہوئے۔
طلباء کا کہنا تھا کہ ہمیں بہت کچھ سیکھنے کو ملا۔ پاک فوج کی پاکستان کے لئے خدمات قابل دید ہیں۔
