بھارتی ریاست گجرات کے شہر راجکوٹ میں انڈور گیم آرکیڈ میں آتشزدگی سے 27 افراد ہلاک اور کئی زخمی ہوگئے۔
بھارتی میڈیا کے مطابق ہلاک ہونے والوں میں نو بچے بھی شامل ہیں۔ کئی افراد ملبے تلے دب گئے۔ پولیس نے گیمنگ زون کے مالک کوگرفتار کرلیا ہے۔ گیم زون سے 15 سے 20 بچوں کو بچایا گیا ہے۔
افسوسناک واقعے پر بھارتی وزیر اعظم نریندر مودی کا بھی بیان سامنے آیا ہے جس میں انہوں نے کہا کہ راجکوٹ میں آتشزدگی کے حادثے پر انتہائی غمزدہ ہوں۔ انہوں نے مزید کہا کہ میرے دعائیں ان لوگوں کے ساتھ ہیں جنہوں نے اپنے پیاروں کو کھو دیا ہے۔ انتظامیہ متاثرہ افراد کو ہر ممکن مدد فراہم کرنے کے لیے کام کر رہی ہیں۔
