سندھ میں شدید ہیٹ ویو الرٹ کے پیش نظر کراچی میں بورڈ آف سیکنڈری ایجوکیشن نے میٹرک کے جاری امتحانات ملتوی کرنے کا اعلان کردیا ہے۔
تفصیلات کے مطابق کراچی میں میٹرک کے امتحانات جو ابتدائی طور پر 21 اور 27 مئی کے درمیان شیڈول تھے، طلباء کی حفاظت کو یقینی بنانے کے لیے ملتوی کر دیے گئے ہیںامتحانات ملتوی کرنے کا فیصلہ ایجوکیشن منسٹرکی ہدایات پرکیا گیاہیٹ ویو کے خطرناک حد تک زیادہ درجہ حرارت کی پیش گوئی کی گئی ہےجس سے حکام کو احتیاطی تدابیر اختیار کرنے کی ترغیب دی گئی ہے۔
میٹرک کے امتحانات اصل شیڈول کے مطابق 28 مئی سے دوبارہ شروع ہوں گے۔ ثانوی تعلیمی بورڈ نے طلباء اور والدین کو یقین دلایا کہ ملتوی ہونے والے امتحانات کو دوبارہ شیڈول کیا جائے گا، اور نئی تاریخوں کا اعلان مقررہ وقت پر کیا جائے گاملتوی کرنے کا مقصد ہیٹ ویو سے منسلک صحت کے خطرات کو روکنا ہےکیونکہ کراچی اور سندھ کے دیگر حصوں میں درجہ حرارت میں نمایاں اضافہ متوقع ہے۔
اتوار کو سندھ حکومت نے خطے میں گرمی کی شدید لہر کے باعث کراچی سمیت صوبے بھر میں انٹرمیڈیٹ کے امتحانات ملتوی کر دیے۔ جو پہلے 22 مئی کو شروع ہونے والے تھے، اب 27 مئی سے شروع ہوں گے۔ یہ فیصلہ یونیورسٹیز اور بورڈز کے وزیر محمد علی ملکانی کی سفارش پر کیا گیا تھا، جس کی منظوری وزیر اعلیٰ سندھ مراد علی شاہ نے دی۔
یونیورسٹیز اور بورڈز ڈیپارٹمنٹ کی جانب سے ان تبدیلیوں کے لیے نوٹیفکیشن جاری کر دیا گیا۔ ادھر محکمہ موسمیات نے ہیٹ ویو الرٹ جاری کرتے ہوئے پنجاب اور سندھ کے میدانی علاقوں میں شدید درجہ حرارت کی وارننگ جاری کر دی ہے۔
