ترجمان سپارکو نے خوشخبری سناتے ہوئے کہاہے کہ آئی کیوب قمر سے لی گئی سورج کی پہلی تصویر موصول ہو گئی ہے ۔
تفصیلات کے مطابق آئی کیوب قمر نے 7 روز کے بعد چاند کے مدارسے لی گئی پہلی تصویر بھیج دی ہے ،ڈاکٹر خرم خورشید نے بتایا کہ آئی کیوب کا خلاء میں پہنچنے پر کیمرے کا رخ سورج کی طرف تھا،اس کے بعد آئی کیوب نے چاند کے مدار سے تصاویر لیں، چاند کے مدار سے بھی پہلی تصویر آئی کیوب سے لی گئی
پاکستان نے آئی کیوب قمر 3 مئی کو چین کے چانگ ای 6 کے ہمراہ رروانہ کیا تھا جو 8 مئی کو چاند کے مدار میں پہنچ گیا۔ پاکستانی سیٹلائٹ نے اپنی روانگی کے ساتویں دن پہلی تصاویر بھی بھیج دیں۔ آئی کیوب قمر چھ ماہ تک چاند کے مدار میں رہے گا اور روزانہ 2 چکر کاٹے گا۔
چین کی نیشنل اسپیس ایجنسی میں باقاعدہ تقریب سجا کر آئی کیوب قمر سے آنے والی تصاویر پاکستانی کور ٹیم اور سفیر کو دی گئیں۔ چینی نیشنل اسپیس ایجنسی میں موجود پاکستانی کور ٹیم میں ڈاکٹر قمر الاسلام، ڈاکٹر خرم خورشید اور ڈاکٹر ریحان شامل ہیں۔
آئی کیوب قمر کے سگنلز 3 لاکھ 60ہزارسے4 لاکھ کلومیٹر کا فاصلہ طے کر کے زمین پر موصول ہوں گے۔
