اسلام آباد ٹول پلازہ پر موٹروے پولیس سے بدسلوکی اور اہلکار کو گاڑی کی ٹکر مار کر بھاگنے والی خاتون کو گرفتار کر لیا گیا۔
خاتون نے یکم جنوری کو موٹروے پولیس اہلکار کو ٹول پلازہ پر گاڑی کی ٹکر ماری تھی اور اس کے بعد موقع سےفرارہو گئی تھی، جبکہ اہلکار کو گاڑی کی ٹکر مارنے سے قبل اس سے بدسلوکی بھی کی تھی۔
یکم جنوری کے واقعے کی ویڈیو سوشل میڈیا پر وائرل ہونے پر معاملہ سامنے آیا تھا۔
بدھ کو پولیس نے خاتون کو اسلام آباد سے گرفتار کر کے راولپنڈی منتقل کر دیا ہے۔
حکام کے مطابق خاتون کیخلاف تھانہ نصیرآباد میں موٹروے پولیس اہلکار کی مدعیت میں خاتون کے خلاف مقدمہ درج کیا گیا ہے۔
