مالاکنڈ کے شہر بٹ خیلہ کت نواحی علاقے باڈوان روڈ پر تیز رفتار موٹرسائیکل الٹنے کے نتیجے میں 3 نوجوان جاں بحق ہوگئے۔
ضلع مالاکنڈ کے شہر بٹ خیلہ میں باڈوان پل کے قریب افسوس ناک واقعہ پیش آیا جہاں 3 دوست سیر و تفریح سے واپسی پرموٹرسائیکل پر تیزرفتاری کا مظاہرہ کررہے تھے کہ اس دوران موٹرسائیکل بے قابو ہوکر الٹ گئی جس کے نتیجے میں تینوں زندگی کی بازی ہار گئے۔
جاں بحق ہونے والے نوجوانوں کی شناخت سہیل، جبران اور ابوبکر کے نام سے ہوئی۔
ریسکیو نے لاشیں ڈی ایچ کیو اسپتال بٹ خیلہ منتقل کردیں جہاں سے ضروری کارروائی کے بعد ورثاء کے حوالے کردی گئیں۔
