آزاد کشمیر کے ضلع مظفرآباد میں مسافر ویگن کھائی میں گرنے سے 6 افراد جاں بحق ہوگئے۔
ڈپٹی کمشنر مظفر آباد ندیم جنجوعہ کے مطابق جمعرات کو کائی منجہ کے مقام پر افسوسناک حادثہ پیش آیا جہاں مسافر ویگن کھائی میں جاگری جس کے نتیجے میں 6 افراد جاں بحق اور 18 زخمی ہوگئے۔
ندیم جنجوعہ کا کہنا تھا کہ حادثے کے نتیجے میں زخمی ہونے والے افراد کو ہسپتال منتقل کر دیا گیا ہے۔
انہوں نے بتایا کہ زخمیوں میں سے 4 افراد کی حالت انتہائی تشویشناک ہے۔
