صدر مملکت آصف علی زرداری نے کہا ہے کہ اللہ نے پاکستان کو ہر قسم کی دولت دی ہوئی ہے لیکن اسلام آباد میں بیٹھے بابوؤں کی سوچ نے ہمیں غریب کیا۔
بانی پیپلز پارٹی ذوالفقار بھٹو کی 45 ویں برسی کے موقع پر منعقدہ اجتماع سے خطاب کرتے ہوئے صدر مملکت آصف زرداری کا کہنا تھا کہ آج تاریخ میں بی بی بول رہی ہے، بی بی بول رہی ہے جو فرض میں چھوڑ کر گئی میں نے ادا کر دیا۔
صدر مملکت کا کہنا تھا کہ کافی دوستوں کو پتا نہیں تھا شاید میں پارٹی سنبھال سکوں، مگر بی بی کو پتا کہ میں پارٹی سنبھال لوں گا، ہم ملک کو اور بھی بہتر کریں گے۔
آصف زرداری کا کہنا تھا کہ ہمارے نصیب میں نہیں لکھا ہمارا غریب ملک ہے، اسلام آباد میں بیٹھے بابوؤں کی سوچ نے ہمیں غریب کیا، اللہ نے پاکستان کو ہر قسم کی دولت دی ہوئی ہے، ہمارے پاس صرف دماغ کی کمی ہے، خدمت کرنے میں بھی ہماری ایک جنگ ہے، ہم ہمیشہ لڑتے رہے توعوام پھرکس لیے ہیں؟ ہمیں سب کچھ سوچنا اور سمجھنا ہوتا ہے۔
ان کا کہنا تھا کہ میں ہرکام سوچ سمجھ کر کرتا ہوں ، ملک کا نقصان نہ ہو، عوام کا نقصان ملک کا نقصان ہے اور ملک کا نقصان ہمارا ہے، کچھ لوگوں نے ملک کا نقصان کیا جو آج بھی ہم برداشت کر رہے ہیں، خوشی ہے قیامت کے دن جب بھٹو کے سامنے بیٹھوں گا تو کہیں گے بیٹاشاباش، بھٹو صاحب کہیں گے کہ تم نےمیرا پالاند کیا، ہم نے بی بی کا پالاند کیا ، شہید بھٹو کا پالاند کیا ، ہم سب کا پالاند کریں گے۔
