وزیراعظم شہباز شریف سے روس کے سفیر البرٹ پی خوریف نے ملاقات کی۔ وزیراعظم نے ماسکو حملے میں قیمتی جانوں کے ضیاع پر گہرے دکھ کا اظہار کیا۔ کہا پاکستان اس المناک واقعہ پر روس کے ساتھ کھڑا ہے۔
روسی سفیر نے صدر ولادیمیر پیوٹن کی جانب سےعہدہ سنبھالنے پر وزیراعظم شہباز شریف کو مبارکباد دی۔ وزیراعظم نے تہنیتی پیغام پر صدر ولادی میر پیوٹن کا شکریہ ادا کیا۔ وزیراعظم کا کہنا تھا کہ پاکستان روس کے ساتھ متعدد شعبوں بالخصوص توانائی، تجارت اور سرمایہ کاری میں دو طرفہ تعاون بڑھانا چاہتا ہے۔
وزیراعظم نے بین الحکومتی کمیشن کا نواں اجلاس جلد بلانے کی ضرورت پر زور دای۔ روس اس سال کے آخر میں آئی سی جی اجلاس کی میزبانی کرے گا۔روسی سفیر کا کہنا تھا کہ روس پاکستان کے ساتھ مضبوط تعلقات استوار کرنا چاہتا ہے۔
شہباز شریف نے کہا کہ توانائی، تجارت اور سرمایہ کاری کےعلاوہ روس تعلیم،ثقافت میں بھی تعاون بڑھانے کا خواہاں ہے۔ وزیراعظم کی سرمایہ اور تجارت کےلیے روسی وفد کو پاکستان کے دورہ کی دعوت بھی دی۔
