نیوزی لینڈ کرکٹ ٹیم کےدورہ پاکستان کے لیےتربیتی و فٹنس کیمپ کےلیےکھلاڑیوں کا انتخاب کرنے کےلیے چیئرمین پاکستان کرکٹ بورڈ محسن نقوی کی پی سی بی حکام سے تفصیلی مشاورت ہوئی ہے۔
چیف سلیکٹر وہاب ریاض نےپی ایس ایل 9 کےبہترین کھلاڑیوں کےبارےرپورٹ پیش کی، پی سی بی ہیڈ آفس میں کیمپ کے لئےکھلاڑیوں کے ناموں پر غور کیا گیا۔
چئیرمین پی سی بی محسن نقوی کی میرٹ اورکارکردگی پرکھلاڑیوں کا انتخاب کرنے کی ہدایت کی،اس موقع پر محسن نقوی نےکہا پی ایس ایل 9 کے بہترین کھلاڑیوں کو کیمپ میں شامل کیا جائے،کھلاڑیوں کے انتخاب میں میری سفارش بھی نہ مانی جائے۔
محسن نقوی کا مزید کہنا تھا کہ میرٹ اور کارکردگی پر منتخب کھلاڑی اچھا رزلٹ دینے کی صلاحیت رکھتےہیں۔
