کابینہ ڈویژن نے سینیٹ کو وزیراعظم کے مشیروں اور معاونین خصوصی کے اثاثوں کی تفصیلات فراہم کرنے سے انکار کردیا۔ سینیٹر ہدایت اللہ کے پوچھے گئے سوال کے جواب میں صرف مشیروں اور معاونین خصوصی کی تعداد اور نام فراہم کردیئے مگر کوئی تفصیل فراہم نہیں کی۔
کاینہ ڈویژن کے جواب میں صرف مشیروں اور معاونین خصوصی کی تعداد اور نام درج ہیں۔ تحریری جواب کے مطابق وزیراعظم کے 3 مشیر رانا ثناءاللہ ، محمد علی اور پرویز خٹک ہیں۔
کاینہ ڈویژن کے مطابق وزیراعظم کے 7 معاونین خصوصی ہیں، معاونین خصوصی میں طارق فاطمی، محمد صادق، طارق باجوہ شامل ہیں۔ حذیفہ رحمان، مبارک زیب، طلحہ برکی اور فہد ہارون بھی معاون خصوصی ہیں۔
تحریری جواب کے مطابق معاونین خصوصی اور مشیران کے اثاثوں کے گوشوارے کابینہ ڈویژن کے پاس دستیاب ہیں، ہدایت اللہ نے مشیروں اور معاونین خصوصی کے ظاہر کردہ اثاثوں کی تفصیلات مانگی تھیں۔
