پاکستان سپرلیگ ( پی ایس ایل ) کے سیزن 9 کے ایلیمنیٹرون میںاسلام آباد یونائیٹڈنے کوئٹہ گلیڈی ایٹرز کو ہرا دیا، جس کے بعد کوئٹہ گلیڈی ایٹرز کا پی ایس ایل میں سفرختم ہوگیا۔
کراچی سٹیڈیم میں کھیلے گئے ایلیمنیٹر ون میچ میں اسلام آباد یونائیٹڈ نے ٹاس جیت کر بیٹنگ کا فیصلہ کیا اور مقررہ 20 اوورز میں 9 وکٹوں کے نقصان پر 174 رنز بنائے ، اسلام آباد کی جانب سے مارٹن گپٹل نے 47 گیندوں پر 56 رنز کی اننگ کھیلی اور سرفہرست رہے جبکہ ایلیکس ہیلز نے 23 ، آغا سلمان نے 31 ، شاداب خان نے 23 اور اعظم خان نے 18 رنز بنائے ۔
کوئٹہ کی جانب سے محمد عامر اور اکیل حسین نے 2 ، 2 وکٹیں حاصل کیں جبکہ سعود شکیل، ابرار احمد اور محمد وسیم نے ایک ایک کھلاڑی کو پولین پہنچایا ۔
اسلام آباد یونائیٹڈکے175رنزکے تعاقب میں کوئٹہ گلیڈی ایٹرزکی ٹیم 135رنزبنا کرآؤٹ ہوگئی،عمیر یوسف نے50رنز کی اننگزکھیلی،عقیل حسین31اورمحمد عامر23رنز بناکر آؤٹ ہوئے،جیسن رائے ایک،سعود شکیل صفر،خواجہ نافع اوررائلی روسو 5-5 رنزبناسکے جبکہ عماد وسیم نے3، نسیم شاہ نے2 وکٹیں حاصل کیں۔
یاد رہے کہ ایلیمنیٹرٹو میں آج اسلام آباد یونائیٹڈ اورپشاورزلمی کا مقابلہ ہوگااورایلی منیٹرٹو کی فاتح ٹیم فائنل میں ملتان سلطانز سے ٹکرائے گی۔
اسلام آباد یونائیٹڈ کا سکواڈ:۔
اسلام آباد یونائیٹڈکےسکواڈ میںایلکس ہیلز، مارٹن گپٹل، سلمان علی آغا، شاداب خان (کپتان)، اعظم خان (وکٹ کیپر)، حیدر علی، عماد وسیم، فہیم اشرف، نسیم شاہ، حنین شاہ، عبید میک کوئے شامل ہیں
کوئٹہ گلیڈی ایٹرز کا سکواڈ:۔
کوئٹہ گلیڈی ایٹرز کی ٹیم میں جیسن رائے، سعود شکیل، خواجہ نافے، ریلی روسو (ج)، عمیر بن یوسف، لوری ایونز (وکٹ)، عقیل حسین، محمد وسیم جونیئر، محمد عامر، ابرار احمد، عثمان طارق شامل ہیں ۔
