کوئٹہ میں خون کے کینسر میں مبتلا مریضوں کو ڈیڑھ سال کے تعطل کے بعد مفت ادویات کی فراہمی شروع کردی گئی ۔
سیکرٹری صحت بلوچستان عبداللہ خان کے مطابق بلوچستان میں بلڈ کینسر کے تقریباً 765 کے مریض رجسٹرڈ ہیں جنہیں ڈیڑھ سال سے ادویات نہیں مل رہی تھیں۔ اب سول ہسپتال کوئٹہ سے مریضوں کو مفت ادویات کی فراہمی شروع کردی گئی ہے۔
انہوں نے ہدایت کی کہ کینسر کی ادویات سپلائی کرنے والی کمپنیوں کو بروقت ادائیگی کی جائے اور ادئیگی کے نظام میں شفافیت کو ملحوظ خاطر رکھا جائے۔ تاکہ مریضوں کو کینسر کی ادویات کی فراہمی میں تعطل نہ آئے۔
عبداللہ خان کے مطابق نے کہا کہ محکمہ صحت میں سسٹم کو درست کرنے کے لیے فنانشل ڈسپلن سمیت قانون سازی پر خصوصی توجہ دی جارہی ہے ۔ہیلتھ سیکٹر اسٹریٹیجی تیار کرکے گورننس اور اکاؤنٹیبلٹی کے نظام کو مضبوط کردیا ہے۔