ملک بھر میں بلااجازت نئی یونیورسٹی یا سب کیمپس کے قیام پر فوری پابندی عائد کردی گئی۔
ایچ ای سی نے نئی یونیورسٹیوں کے قیام سے متعلق اہم فیصلہ کرلیا، یونیورسٹیوں کے وائس چانسلرز اور سربراہان کو خط لکھ کر آگاہ کردیا اجازت اور سکروٹنی کے بغیر کوئی ذیلی کیمپس یا یونیورسٹی نہیں بنے گی۔
خط کے مطابق ایچ ای سی این او سی یا ایکریڈیٹیشن دے گا نہ ڈگریوں کی تصدیق کرے گا، ایچ ایس سی نے تمام جامعات کو پالیسی پر سختی سے عملدرآمد کرنے کی ہدایت کردی۔
فیصلے کی وجہ غیرمعیاری تعلیم، اہل اساتذہ اور سہولیات کی کمی، کمزور انفراسٹرکچر ہے، خط میں تحصیل کیمپسز میں پی ایچ ڈی اساتذہ اور طلبہ کی کمی پر تشویش کا اظہار کیا گیا ہے۔
ایچ ای سی نے اساتذہ کی بھرتیاں اور تعمیراتی سرگرمیاں فوری روکنے کا حکم دیدیا، ایچ ای سی نے ذیلی کیمپسز کیلئے زمین کے حصول کا عمل بھی روکنے کی ہدایت کردی۔ خلاف ورزی پر کیمپس اور پروگرامز کی منظوری معطل ہوسکتی ہے۔
