بھارتی ڈرامہ انڈسٹر کی نامور پروڈیوسر اور ہدایتکارہ ایکتا کپور نے پاکستان کے ہٹ ڈرامہ سیریل تیرے بن‘ کے ریمیک بنانےکا اعلان کرتے ہوئے اس کی تیاریاں بھی شروع کردی ہیں ۔’
تفصیلات کے کے مطابق چندبرسوں سے پاکستانی ڈرامےہمسایہ ملک بھارت میں ایک خاص شہرت حاصل کررہے ہیں، اور بھارتی اداکار اور پروڈیوسرز پاکستانی ڈراموں کی تعریفیں کرتے نظر آتے ہیں، جبکہ بعض بھارتی اداکاراؤں کی جانب سے تو پاکستانی ڈراموں میں کام کی خواہش بھی ظاہر کیا جا چکا ہے۔
آج کل بھارت میں پاکستان کے بلاک بسٹر ڈرامے تیرے بن کے چرچے عام ہیں ،اس ڈرامے کی شہرت کو دیکھتے ہوئے اب معروف بھارتی پروڈیوسر اور ہدایتکار ایکتا کپور نے بھارت میں اس ڈرامے کا ریمیک بنانے کا اعلان کیا ہے۔
بھارتی میڈیا رپورٹس کے مطابق ایکتا کپور نے ڈرامہ سیریل ‘تیرے بن’ کے ریمیک کے لیے بھارتی ٹی وی چینل ‘کلرز ٹی وی’ کے ساتھ شراکت داری کی ہے، ایکتا کپور نے اس ڈرامے میں کام کرنے کے لیے اداکارہ کنیکا مان اور عائشہ سنگھ سے بھی رابطہ کیا ہے۔
میڈیا رپورٹس میں بتایا گیا کہ ایکتا کپور ریمیک ڈرامے کا عنوان بھی ‘تیرے بن’ ہی رکھیں گی جبکہ یہ ڈرامہ رواں سال جولائی سے ٹی وی پر نشر کیا جائے گا۔
