نگران حکومت نے جاتے جاتے عوام پر بجلی بم گرا دیا۔بجلی 7 روپے 5 پیسےفی یونٹ مہنگی کردی گئی ۔
نیشنل پاور ریگولیٹری اتھارٹی (نیپرا) کی جانب سے بجلی کی قیمت میں اضافے کا نوٹیفکیشن کے مطابق بجلی کی قیمت میں اضافہ جنوری کی ماہانہ فیول ایڈجسٹمنٹ کی مد میں کیاگیا ۔
نوٹیفکیشن کے مطابق اضافےکااطلاق لائف لائن اورکےالیکٹرک صارفین پرنہیں ہوگا ۔بجلی صارفین کومارچ کےبلزمیں اضافی ادائیگیاں کرنا ہوں گی۔ جس سے صارفین پرجی ایس ٹی سمیت 70ارب کا بوجھ پڑے گا۔
نیپرا کے مطابق سسٹم میں عدم استحکام کے باعث 26ارب روپے کا بوجھ پڑا، جنوری میں سسٹم مستحکم رکھنے کیلئے مہنگے پلانٹس چلائے گئے نیپرا نے انکوائری کا حکم دیا تھا۔
سینٹرل پاور پرچیزنگ ایجنسی(سی پی پی اے) نے 7روپے 13پیسے اضافہ مانگا تھا، نیپرا نے محض 8پیسے کمی کر کے پورا بوجھ صارفین پر ڈال دیا۔
