Live Updates: امریکی صدر ڈونلڈ ٹرمپ اسلام آباد کا دورہ کرسکتے ہیں،ری پبلکن رہنما
امریکی اور ایرانی حکام کا مذاکرات کیلئے ممکنہ تاریخوں اور مقام پرغور
مذاکرات کا اگلا دور ممکنہ طور پر اسلام آباد میں ہوگا،ترجمان وائٹ ہاؤس
ترجمان وائٹ ہاؤس کیرولائن لیویٹ کا کہنا ہے کہ ایران کے ساتھ بات چیت مثبت انداز میں جاری ہے، مذاکرات کا اگلا دور ممکنہ طور پر اسلام آباد میں ہوگا۔ ایران کے ساتھ مذاکرات میں پاکستان واحد ثالث ہے۔
ترجمان وائٹ ہاؤس کیرولائن لیویٹ نے نیوز بریفنگ کے دوران بتایا کہ یہ رپورٹس غلط ہیں کہ امریکا نے جنگ بندی میں توسیع کی درخواست کی، آبنائے ہرمز میں ناکہ بندی کا سلسلہ جاری ہے، ایرانی بندرگاہوں سے روانہ ہونیوالے جہازوں کی مکمل ناکہ بندی ہے۔
کیرولائن لیویٹ نے مزید کہا کہ چینی صدر شی نے امریکی صدر ڈونلڈ ٹرمپ کو یقین دہانی کرائی ہے وہ ایران کو ہتھیار فراہم نہیں کر رہا۔
مستقل امن کے ساتھ اسلامی بلاک کا قیام ہماری تمنا ہے، مولانا فضل الرحمان
جمعیت علما اسلام کے سربراہ مولانا فضل الرحمان نے کہا ہے کہ امریکا ایران مذاکرات کی میزبانی پاکستان کا اعزاز ہے ۔ جنگ بندی اور مستقل امن کے ساتھ اسلامی بلاک کا قیام ہماری تمنا ہے۔
ایرانی سفیر رضا امیری مقدم کی مولانا فضل الرحمان کی رہائش گاہ آمد ہوئی جہاں دونوں شخصیات کے درمیان اہم ملاقات ہوئی۔ ملاقات میں حالیہ امریکا ایران جنگ کے مضمرات سمیت اہم امور پر تبادلہ خیال کیا گیا۔
ایرانی سفیر نے پاکستان کے دوران جنگ جان دار موقف پر ایرانی قوم کی طرف سے اظہار تشکر کیا۔ رضا امیری مقدم نے کہا کہ پاکستانی عوام ، علما کا مضبوط اور متوازن موقف قابل تحسین ہے۔
مولانا فضل الرحمان کا میڈیا سے گفتگو میں کہنا تھا امریکا ایران مذاکرات کی میزبانی پاکستان کا اعزاز ہے ۔ جنگ بندی اور مستقل امن کے ساتھ اسلامی بلاک کا قیام ہماری تمنا ہے۔ اسلامی بلاک جمعیت علماء اسلام کے منشور کا حصہ بھی ہے۔
مولانا فضل الرحمان نے کہا کہ اسلامی ممالک کی خودمختاری کا احترام ہونا چاہیے، مسلم اُمّہ کا مل بیٹھ کر مسائل کو حل کرنا وقت کا تقاضا ہے، بیت المقدس کو اسرائیل کے قبضے سے آزاد کرانا ہر مسلمان پر فرض ہے۔
امریکا اور ایران جنگ ختم کرنے کے فریم ورک معاہدے کے قریب پہنچ گئے
امریکی میڈیا کے مطابق امریکا اور ایران جنگ ختم کرنے کے فریم ورک معاہدے کے قریب پہنچ گئے۔
رپورٹ کے مطابق یہ پیش رفت امریکا اور ایران نے منگل کے روز مذاکرات میں کی ہے، جہاں فریقین جنگ ختم کرنے کے فریم ورک معاہدے کے قریب پہنچ گئے۔
دوسری جانب بلوم برگ کے مطابق امریکا اور ایران کے درمیان جنگ بندی معاہدہ 21اپریل کو ختم ہورہا ہے، امریکا اور ایران جنگ بندی کو مزید دو ہفتے بڑھانے پر غور کر رہے ہیں۔ دونوں ملک ثالثوں کے ذریعے تکنیکی مذاکرات کی کوشش کر رہے ہیں، تکنیکی مذاکرات میں متنازع مسائل، آبنائے ہرمزاور جوہری افزودگی شامل ہے۔
قبل ازیں ایرانی وزارت خارجہ کے ترجمان اسماعیل بقائی نے کہا کہ امریکا اور ایران کے درمیان پاکستان کے ذریعے رابطے جاری ہیں۔ پاکستان سے ایرانی وفد کی واپسی کے بعد کئی بار پیغامات کا تبادلہ ہوا۔
اسماعیل بقائی کے مطابق پاکستان میں ہونے والے مذاکرات میں جنگ کے مکمل خاتمے پر بات ہوئی۔ جنگ سے ہونے والے نقصانات کے ازالے پر بھی بات چیت کی گئی۔
دوسری جانب امریکی نائب صدر جے ڈی وینس کا کہنا ہے کہ ڈونلڈ ٹرمپ ایران کے ساتھ چھوٹی نہیں جامع ڈیل چاہتے ہیں۔ کہا ایران کے ساتھ جنگ بندی برقرار ہے،مذاکرات بھی جاری ہیں۔
جے ڈی وینس کا مزید کہنا تھا کہ پاکستان کی ثالثی میں زبردست پیش رفت ہوئی لیکن بداعتمادی ایک رات میں ختم نہیں ہوسکتی، یہ بڑی بات ہے کہ 49 سال میں پہلی بار تہران کے ساتھ اعلیٰ سطح پر براہ راست بات چیت ہورہی ہے۔
امریکا ایران مذاکرات، فیلڈ مارشل کی ایرانی وزیرخارجہ سے وفد کے ہمراہ ملاقات
امریکا اور ایران کے درمیان مذاکرات کے تناظر میں فیلڈمارشل سید عاصم منیر نے تہران میں ایرانی وزیرخارجہ سے وفد کے ہمراہ ملاقات کی ہے۔
امریکا اور ایران کے درمیان مذاکرات کے سلسلے میں پاکستان کا اعلیٰ سطح کا وفد فیلڈ مارشل سید عاصم منیر کے ہمراہ تہران پہنچ گیا ہے۔ فیلڈمارشل سید عاصم منیر نے ایرانی وزیرخارجہ سے وفد کے ہمراہ ملاقات کی۔
ایرانی وزیرخارجہ عباس عراقچی نے کہا کہ فیلڈ مارشل عاصم منیر کو تہران آمد پر خوش آمدید کہتے ہیں، مذاکرات کی میزبانی پاکستان اور ایران کے مضبوط تعلقات کا مظہر ہے، خطے میں امن و استحکام کیلئے ہماراعزم پختہ ہے۔
قبل ازیں فیلڈ مارشل سید عاصم منیر کی تہران پہنچنے پر ایرانی وزیر خارجہ عباس عراقچی نے استقبال کیا، سپہ سالار نے استقبال کیلئے آنے والے میزبان کو سلیوٹ کیا تو عباس عراقچی نے آگے بڑھ کر گلے لگا لیا۔ جاندار مسکراہٹوں کا تبادلہ اور گرمجوش مصافحہ ہوا۔
فیلڈ مارشل کے اہم ترین دورے میں ایران امریکا مذاکرات کے دوسرے دور پر بات چیت ہو گی۔ آئی ایس پی آر کے مطابق فیلڈ مارشل کا دورہ تہران ثالثی کی کوششوں کا حصہ ہے۔
اس سے پہلے ایرانی وزارت خارجہ کے ترجمان اسماعیل بقائی نے بتایا تھا کہ پاکستان کے ذریعے امریکا سے پیغامات کا تبادلہ کیا جارہا ہے اور مذاکرات کے تسلسل میں ایران آج پاکستانی وفد کی میزبانی کرے گا۔
ڈونلڈ ٹرمپ ایران کے ساتھ چھوٹی نہیں جامع ڈیل چاہتے ہیں،جے ڈی وینس
امریکی نائب صدر جے ڈی وینس کا کہنا ہے کہ ڈونلڈ ٹرمپ ایران کے ساتھ چھوٹی نہیں جامع ڈیل چاہتے ہیں۔
امریکی نائب صدر جے ڈی وینس نے ایران کو جوہری ہتھیار نہ رکھنے کا عہد کرنے پر معاشی ترقی کی پیشکش کردی۔ کہا ایران کے ساتھ جنگ بندی برقرار ہے،مذاکرات بھی جاری ہیں۔
جے ڈی وینس کا مزید کہنا تھا کہ پاکستان کی ثالثی میں زبردست پیش رفت ہوئی لیکن بداعتمادی ایک رات میں ختم نہیں ہوسکتی، یہ بڑی بات ہے کہ 49 سال میں پہلی بار تہران کے ساتھ اعلیٰ سطح پر براہ راست بات چیت ہورہی ہے۔
دعا ہے کہ امریکا ایران مذاکرات کا دوسرا راؤنڈ کامیاب ہو، وزیر دفاع
وزیر دفاع خواجہ آصف کا کہنا ہے کہ دعا ہے کہ امریکا ایران مذاکرات کا دوسرا راؤنڈ کامیاب ہو، خواہش ہے کہ ایران لبنان اور فلسطین کے حقوق پامال نہ ہوں۔
اسلام آباد میں میڈیا سے گفتگو کے دوران خواجہ آصف کا کہنا تھا کہ وزیراعظم اور فیلڈ مارشل کی حکمت عملی کے باعث عالمی سطح پر پاکستان کا تشخص بہتر ہوا۔ ایسے موڑ پر ہیں کہ ساری دنیا کی نظریں پاکستان پر ہیں۔ دعا ہے کہ ایران امریکا مذاکرات کا دوسرا راؤنڈ کامیاب ہو۔
دوسری جانب ایرانی وزارت خارجہ کے ترجمان اسماعیل بقائی کا کہنا ہے کہ امریکا اور ایران کے درمیان پاکستان کے ذریعے رابطے جاری ہیں۔ پاکستان سے ایرانی وفد کی واپسی کے بعد کئی بار پیغامات کا تبادلہ ہوا۔ بدھ کو پاکستانی وفد کے دورہ تہران کا قومی امکان ہے جو امریکا کے ساتھ جاری مذاکرات کے سلسلے میں ہوگا۔
اسماعیل بقائی کے مطابق پاکستان میں ہونے والے مذاکرات میں جنگ کے مکمل خاتمے پر بات ہوئی۔ جنگ سے ہونے والے نقصانات کے ازالے پر بھی بات چیت کی گئی۔
ترک صدر رجب طیب اردوان کی اسرائیلی وزیراعظم نیتن یاہو کو وارننگ
ترک صدر رجب طیب اردوان نے اسرائیلی وزیراعظم نیتن یاہو کو خبردار کردیا۔
ترک صدر رجب طیب اردوان نے کہا کہ بچوں کے قاتل نے سوشل میڈیا پر میری اور میرے ملک کی توہین کی، ان کو یاد دلانا چاہتا ہے کہ ترکیہ معمولی ریاست نہیں ہے۔ کوئی بھی طاقت ترکیہ یا اس کے صدر کو انگلی نہیں دکھا سکتی۔
رجب طیب اردوان نے کہا کہ لبنان پر اسرائیلی حملے خطے میں امن کی امیدوں کو نقصان پہنچا رہے ہیں، جنگ بندی سے ملنے والے موقع سے پورا فائدہ اٹھانا چاہیے، ترکیہ مذاکرات جاری رکھنے اورسیز فائر میں توسیع کی کوشش کررہا ہے۔
امریکا اور ایران کے درمیان پاکستان کے ذریعے رابطے جاری ہیں، اسماعیل بقائی
ایرانی وزارت خارجہ کے ترجمان اسماعیل بقائی کا کہنا ہے کہ امریکا اور ایران کے درمیان پاکستان کے ذریعے رابطے جاری ہیں۔
ایرانی وزارت خارجہ کے ترجمان اسماعیل بقائی نے پریس بریفنگ کے دوران کہا کہ پاکستان کے ذریعے امریکا سے پیغامات کا تبادلہ جاری ہے۔ پاکستان سے ایرانی وفد کی واپسی کے بعد کئی بار پیغامات کا تبادلہ ہوا۔ بدھ کو پاکستانی وفد کے دورہ تہران کا قومی امکان ہے جو امریکا کے ساتھ جاری مذاکرات کے سلسلے میں ہوگا۔
اسماعیل بقائی کے مطابق پاکستان میں ہونے والے مذاکرات میں جنگ کے مکمل خاتمے پر بات ہوئی۔ جنگ سے ہونے والے نقصانات کے ازالے پر بھی بات چیت کی گئی۔
ترجمان ایرانی وزارت خارجہ نے کہا امریکا کی جانب سے آبنائے ہرمز کی ناکہ بندی عالمی قوانین اور جنگ بندی معاہدے کی خلاف ورزی ہے۔ جوہری توانائی کے پرامن استعمال کے موقف پر قائم ہیں۔
دوسری جانب ایرانی فوج کے ترجمان نے کہا کہ امریکی محاصرہ جاری رہا تو خلیج فارس میں تجارتی سرگرمی ہونے نہیں دیں گے، بحیرہ احمر کے ذریعے تجارت جاری رہنے نہیں دیں گے، امریکی ناکہ بندی جاری رہی تو اسے جنگ بندی کی خلاف ورزی سمجھی جائے گی۔
ایران کو جھکانے کی کوئی بھی کوشش ناکامی سے دوچار ہوگی،ایرانی صدر
ایرانی صدر مسعود پزشکیان کا کہنا ہے کہ ہم جنگ چاہتے ہیں اور نہ ہی عدم استحکام، ہم نے ہمیشہ مختلف ممالک کے ساتھ مکالمے اور تعمیری تعاون پر زور دیا۔
ایرانی میڈیا کے مطابق صدر مسعود پزشکیان نے تہران میں ایمرجنسی ڈپارٹمنٹ کے دورے کے دوران میڈیا سے گفتگو میں کہا کہ ایرانی عوام دشمنی پر مبنی کسی بھی رویے کو مسترد کرتے ہیں۔
ایرانی صدر نے کہا کہ ایران کو جھکانے کی کوئی بھی کوشش ناکامی سے دوچار ہوگی۔ عالمی نظام میں دہرا معیار اور ایران کے خلاف جارحیت کی مذمت کرتے ہیں۔
ایران نے جنگ کے دوران چینی سیٹلائٹس کی مدد سے امریکی اڈوں کو نشانہ بنایا، فنانشل ٹائمز کا دعویٰ
خفیہ دستاویزات میں انکشاف ہوا ہے کہ ایران نےچینی جاسوس سیٹلائٹ کے ذریعے امریکی اڈوں کو نشانہ بنایا۔
فنانشل ٹائمز نے اپنی رپورٹ میں دعوی کیا ہےکہ ایران نے جنگ کےدوران چینی سیٹلائٹس سے مدد لی، 2024 کے آخرمیں ایران نے چینی سیٹلائٹ تک رسائی حاصل کی، TEE-01B سیٹلائٹ چینی ساختہ اور چین سےہی خلا میں بھیجاگیا،ایرانی فوجی کمانڈرز نے اس سیٹلائٹ سے امریکی تنصیبات کی نگرانی کی۔
فنانشل ٹائمز کےمطابق سیٹلائٹ نےاردن کےموافق السالتی ایئر بیس،بحرین میں امریکی ففتھ فلیٹ کے قریب مقامات،عراق کے اربیل ایئر پورٹ، کویت کے کیمپ بیوہرنگ اور علی السالم ایئر بیس، جبوتی میں کیمپ لیمونیئر اور عمان کے دقم ایئر پورٹ سمیت کئی دیگر تنصیبات کی نگرانی کی۔
رپورٹ میں کہاگیاہےکہ خلیجی ممالک کےسویلین انفرا اسٹرکچرجیسے متحدہ عرب امارات کی خورفکن بندرگاہ،قیدفہ پاور و ڈی سیلینیشن پلانٹ اوربحرین کی الباایلومینیم فیکٹری کوبھی مانیٹرکیاگیا،سیٹلائٹ کی ہائی ریزولوشن تقریباً نصف میٹر صلاحیت ایران کو اہداف کی درست شناخت اور حملوں کی مؤثر منصوبہ بندی میں مدد دیتی ہے۔
دوسری جانب چینی دفترخارجہ نےایران کی فوجی مددکی تردید کرتےہوئےکہا ایران کو چین سے فوجی امداد ملنےکی خبریں من گھڑت ہیں،چین غیرمصدقہ معلومات پھیلانے کی مخالفت کرتا ہے اورہمیشہ امن کے فروغ کے لیے کام کرتا ہے۔
مشرق وسطیٰ میں مستقل جنگ بندی کی خبروں پرعالمی منڈی میں خام تیل کی قیمتوں میں استحکام آگیا
مشرق وسطیٰ میں مستقل جنگ بندی کی خبروں پرعالمی منڈی میں خام تیل کی قیمتیں مستحکم ہورہی ہیں۔
امریکی خام تیل کی قیمت میں صفر اعشاریہ چارپانچ فیصدکا معمولی اضافہ ہوا اور قیمت 91 ڈالر فی بیرل پر برقرارہے،برطانوی خام تیل ایک فیصد اضافے سے 95 ڈالر پر فروخت ہورہا ہے۔
دوسری جانب ایشین اسٹاک مارکیٹ میں بھی مثبت رجحان برقرار ہے،جنوبی کورین اسٹاک انڈیکس میں دو اعشاریہ نو چھ،ہانگ کانگ اسٹاک مارکیٹ میں ایک اعشاریہ سات چھ اور جاپانی انڈیکس میں صفر اعشاریہ آٹھ فیصد اضافہ ہوا۔
ایران کے ساتھ سیزفائر میں توسیع کا نہیں سوچ رہے،جنگ بندی میں توسیع سے معاہدہ بہتر ہے، امریکی صدر
امریکی صدرڈونلڈ ٹرمپ نےکہاایران کےساتھ سیزفائرمیں توسیع کےبارےمیں نہیں سوچ رہا،میرا نہیں خیال کہ اس کی ضرورت پڑےگی،میرے خیال میں معاہدہ بہتر ہے تاکہ وہ تعمیر کر سکیں۔
امریکی صدرڈونلڈ ٹرمپ نےفاکس نیوزکو انٹرویو ایران کےساتھ مذاکرات میں بڑی پیشرفت کا اشارہ دے دیا، کہاکہ جنگ بندی میں توسیع کا امکان نہیں،اس سےپہلےہی مسئلہ حل ہوسکتا ہے،میرے خیال میں معاہدہ بہترہےتاکہ وہ تعمیرکرسکیں،ایران کو ایٹمی قوت بننے سےروکنے کیلئےفوری اقدام کیا،وہ ایٹمی قوت بنتے تو عالمی توازن بگڑ جاتا۔
اے بی سی نیوزکو انٹرویو میں صدرٹرمپ نےکہاسیزفائرکا دورانیہ بڑھانےکی ضرورت نہیں پڑے گی ایران کی تعمیرنو کیلئےمعاہدہ بہترین آپشن ہے۔
اس سےقبل نیویارک پوسٹ سےگفتگوکرتےہوئے امریکی صدر نےاگلےدودن انتہائی اہم قراردیے،فیلڈ مارشل سید عاصم منیرکی تعریف کی اورکہا مذاکرات کے اگلے دورکیلئے بھی پاکستان ہی بہترین آپشن ہے۔
اس سےپہلے نیویارک پوسٹ کو انٹرویو میں امریکی صدر نےاگلےدودن انتہائی اہم قرار دیےاورکہا
مذاکرات کا دوسرا دور بھی اسلام آباد میں ہوسکتا ہے،ہمارا جھکاؤ بھی اسلام آباد کی جانب ہے،کیونکہ فیلڈ مارشل سیدعاصم منیر بہترین کام کررہےہیں،کسی ایسے ملک میں کیوں جائیں جس کا اس معاملے سے تعلق ہی نہیں،پاکستان میں موجود امریکی صحافیوں کو مخاطت کرکےصدر ٹرمپ نےکہا وہاں ہی رکیں،اگلے دون دن میں کچھ بھی ہوسکتا ہے
میرا خیال ہےمجھے اس معاملےکوریورس کرنا پڑا،میں ایسا نہ کرتا تو آج ایران کے پاس جوہری ہتھیار ہوتا، اور اگر ان کے پاس جوہری ہتھیار ہوتا،توآپ وہاں سب کو سر کہہ کر مخاطب کر رہے ہوتےاور تم ایسا نہیں کرنا چاہتے،میرا خیال ہے یہ اختتام کے قریب ہے،میں سمجھتا ہوں کہ یہ جنگ بس ختم ہونے والی ہے۔
صدر ٹرمپ نے واضح کہا کہ مذاکرات اسلام آباد میں ہی ہوں گے: صحافی نیویارک پوسٹ کیٹلین ڈور نبوس
امریکی صدر کا انٹرویو کرنے والی صحافی کیٹلین ڈورنبوس نے سماء ٹی وی کے پروگرام ’ ریڈلائن ‘ میں خصوصی گفتگو کرتے ہوئے کہا کہ صدر ٹرمپ نے کہا ہے ایران کے ساتھ مذاکرات پاکستان میں ہوسکتے ہیں،پاکستان میں مذاکرات کا یہ اہم موقع ہے،شیڈول کے مطابق مجھے کل واپس جانا تھا،میں نے صدر سے رابطہ کیا اور انہیں افواہوں کے بارے میں بتایا۔
کیٹلین ڈور نبوس کا کہناتھا کہ بہت دلچسپ ہے پاکستان کو ایک بار پھر مذاکرات کی میزبانی کا موقع مل سکتا ہے،صدر ڈونلڈ ٹرمپ کو میں نے بتایا میں اسلام آباد میں ہوں،میں نے صدر سے پوچھا ہے کیا میں واپس چلی جاؤں ،انہوں نے کہا ہاں واپس آجائیں،صدر ڈونلڈ ٹرمپ نے تقریباً 37 منٹ بعد دوبارہ مجھے فون کیا،صدر ٹرمپ نے کہا اگر میں آپ کی جگہ ہوتا تو اسلام آباد ہی میں رہتا،صدر ٹرمپ نے کہا حالات بدل رہے ہیں،اگلے 48 گھنٹوں میں کوئی اہم پیش رفت ہو سکتی ہے،صدر کے فون کے بعد میں نے اپنے ایڈیٹر کو بتایا مجھے کچھ دن اور رکنا ہوگا۔
انہوں نے کہا کہ یہ غیر معمولی بات ہے صدر خود آپ کو دوبارہ فون کریں،بہت خوشی ہے،یہ میری کیئرکیئر میں پہلی بار ہوا،صدر نے دوبارہ فون کیا،صدرڈونلڈ ٹرمپ کی رائے میں بہت تبدیلی آئی ہے،صدر ٹرمپ نے کہا وہ نیو یارک پوسٹ کی پرواہ کرتے ہیں،صدر نے کہا وہ نہیں چاہتے تھے میں کسی اہم خبر سے محروم رہوں،صدر ڈونلڈ ٹرمپ نے فیلڈ مارشل عاصم منیر کی تعریف بھی کی۔
صحافی نیویارک پوسٹ کا کہناتھا کہ صدر نے کہا ہم وہاں جائیں گے کیونکہ وہ بہت اچھا کام کر رہے ہیں، ہم کسی ایسے ملک میں کیوں جائیں جس کا اس معاملے سے کوئی تعلق نہیں،صدر ڈونلڈ ٹرمپ نے واضح طور پر کہا مذاکرات اسلام آباد میں ہی ہوں گے،صدر ٹرمپ نے اسلام آباد مذاکرات کی وجہ فیلڈ مارشل کو قرار دیا۔ صدر نے کہا وہ اسلام آباد جانیوالے وفد میں شامل نہیں ہوں گے۔
ایران کے ساتھ مذاکرات کا اگلا دور 2 دن میں پاکستان میں ہوسکتا ہے: امریکی صدر
امریکی صدر ڈونلڈ ٹرمپ نے نیویارک پوسٹ کو انٹرویو دیتے ہوئے کہا کہ ایران کے ساتھ مذاکرات کا اگلا دور 2 دن میں پاکستان میں ہوسکتا ہے،ایران سے بات چیت کے لیے پاکستان جانے کا امکان زیادہ ہے۔
تفصیلات کے مطابق صدر ڈونلڈ ٹرمپ کا کہناتھا کہ ہم کسی ایسے ملک میں کیوں جائیں جس کا اس معاملے سے کوئی تعلق ہی نہیں؟،پاکستان کے فیلڈ مارشل عاصم منیر بہت اچھا کام کررہے ہیں،فیلڈ مارشل زبردست ہیں،اس لئے امکان ہے ہم دوبارہ اسلام آباد جائیں۔
دوسری جانب امریکی صدر نے سوشل میڈیا پر بیان جاری کرتے ہوئے کہا کہ یورپ توانائی کے لیے بے حد پریشان ہے،برطانیہ شمالی سمندر سے تیل نکالنے پر انکار کر رہا ہے،برطانیہ کا یہ اقدام بالکل پاگل پن ہے،ڈرل بے بی ڈرل۔
امریکی صدر ڈونلڈ ٹرمپ کا کہناتھا کہ شمالی سمندر دنیا کے بہترین ذخائر میں سے ایک ہے،ناروے اپنا تیل برطانیہ کو دوگنی قیمت پر دے رہا ہے۔
اٹلی کی وزیراعظم نے اسرائیل سے دفاعی معاہدے معطل کردیے، غیرملکی میڈیا
اٹلی کی وزیراعظم جارجیا میلونی نے اسرائیل سے دفاعی معاہدے معطل کردیے۔
وزیراعظم جارجیا میلونی نےکہا کہ حکومت نے ان معاہدوں میں توسیع نہ کرنے کا فیصلہ کیا ہے،دونوں ملکوں کے درمیان دفاعی ساز و سامان کے تبادلے کا معاہدہ تھا۔
اٹلی کی وزیراعظم جارجیامیلونی نے امریکی صدرڈونلڈ ٹرمپ کی جانب سے پوپ لیو کے بارے میں دیے گئے بیانات کو ناقابلِ قبول قرار دیکر شدید الفاظ میں مذمت کی ہے،کہاٹرمپ کے پوپ لیوچہاردہم کے بارے میں الفاظ مناسب نہیں۔
امریکی ناکہ بندی کے باوجود ایرانی جہاز آبنائے ہرمز سے گزرگئے
امریکی ناکہ بندی کے باوجود 4 ایرانی بحری جہاز آبنائے ہرمز سے گزر گئے۔
برطانوی نشریاتی ادارے بی بی سی نے ٹریکنگ ڈیٹا کے حوالے سے لکھا کہ 4 میں سے 2 بحری جہاز ایرانی بندرگاہوں سے روانہ ہوئے تھے۔ باقی دو وہ جہاز تھے جو امریکی پابندیوں کی زد میں ہیں۔ اس کے باوجود ایک جہاز شارجہ سے روانہ ہوا اور دوسرا چین سے آرہا تھا جو آبنائے ہرمز عبور کرکے ایرانی بندرگاہ پہنچ گیا۔
ترجمان ایرانی پاسداران انقلاب کا کہنا ہے کہ امریکا پہلے بھی خالی ہاتھ بھاگا تھا اب بھی ایسا ہی ہوگا۔ جنگ جاری رہی تو نئے ہتھیار سامنے لائیں گے۔ دشمن ہماری صلاحیت کا اندازہ نہیں لگاسکتا۔
دوسری جانب چینی دفتر خارجہ کے ترجمان کا کہنا ہے کہ آبنائے ہرمزکی امریکی ناکہ بندی کشیدگی میں اضافہ کرے گی، امریکی اقدام خطرناک اور غیر ذمہ دارانہ ہے۔ بیان کے مطابق چین مشرقِ وسطیٰ میں امن اور استحکام کیلئے کوششیں کرے گا، صرف مکمل جنگ بندی ہی صورتِ حال کو بہتر بنا سکتی ہے۔
بین الاقوامی قانون کی اتھارٹی کو برقرار رکھا ضروری ہے، چینی صدر
چینی صدر شی جن پنگ کا کہنا ہے کہ بین الاقوامی قانون کی اتھارٹی کو برقرار رکھا ضروری ہے، ایسا نہ ہوا تو دنیا واپس جنگل کے قانون کی جانب لوٹ جائے گی۔
چینی میڈیا کے بیجنگ میں اماراتی ولی عہد سے ملاقات میں شی جن پنگ نے پرامن بقائے باہمی کے اصول پر عملدرآمد پر زور دیا۔ صدر شی نے کہا کہ مشرق وسطیٰ میں پائیدار سلامتی کے ڈھانچے کی تعمیرناگزیر ہے۔ خطے میں قومی خودمختاری کے اصول کی پاسداری کی جائے
چینی صدر نے کہا کہ بین الاقوامی قانون کی اتھارٹی کو برقرار رکھا ضروری ہے۔ ایسا نہ کیا گیا تو دنیا واپس جنگل کے قانون کی جانب لوٹ جائے گی۔ چینی صدر نے خلیجی ممالک کو مل کر ترقی کیلئے ایک سازگار ماحول پیدا کرنے کا مشورہ دیا۔
امریکا ہمارا حق تسلیم کریں یا پھر جنگ کا انتخاب کرے، ایرانی نیشنل سیکیورٹی کمیشن
ایرانی نیشنل سیکیورٹی کمیشن کے ترجمان ابراہیم رضائی کا کہنا ہے کہ امریکا ہمارا حق تسلیم کریں یا پھر جنگ کا انتخاب کرے۔
ایک بیان میں ابراہیم رضائی نے کہا کہ جنگ بندی کی مدت کا خاتمہ توسیع پر نہیں ہونا چاہیے، یا تو آبنائے ہرمز اور ایٹمی پروگرام پر ہمارا حق تسلیم کریں، یا پھر امریکا دوبارہ ایران کے خلاف جنگ کا انتخاب کرے۔
ترجمان ایرانی نیشنل سیکیورٹی کمیشن نے کہا کہ انہیں خود کو دوبارہ مسلح کرنے کیلئے موقع نہیں ملنا چاہیے، ہمیں ہمارے حقوق نہیں دیں گے تو جنگ بندی بے معنی ہوجائے گی۔
دوسری جانب ایرانی وزارت دفاع نے کہا ڈونلڈ ٹرمپ کی آبنائے ہرمز اور بحیرہ عمان میں فوجی مداخلت ناکام ہوگی ۔ ناکہ بندی سے عالمی توانائی کی صورتحال خراب ہوسکتی ہے۔
آبنائے ہرمز کی امریکی ناکہ بندی کشیدگی میں اضافہ کرے گی، چین
چینی دفتر خارجہ کے ترجمان کا کہنا ہے کہ آبنائے ہرمزکی امریکی ناکہ بندی کشیدگی میں اضافہ کرے گی، امریکی اقدام خطرناک اور غیر ذمہ دارانہ ہے۔
بیان کے مطابق چین مشرقِ وسطیٰ میں امن اور استحکام کیلئے کوششیں کرے گا، صرف مکمل جنگ بندی ہی صورتِ حال کو بہتر بنا سکتی ہے۔
دوسری جانب ترجمان ایرانی پاسداران انقلاب کا کہنا ہے کہ امریکا پہلے بھی خالی ہاتھ بھاگا تھا اب بھی ایسا ہی ہوگا۔ جنگ جاری رہی تو نئے ہتھیار سامنے لائیں گے۔ دشمن ہماری صلاحیت کا اندازہ نہیں لگاسکتا۔
ایرانی قدس فورس کے کمانڈر بریگیڈیئر جنرل اسماعیل قانی نے کہا کہ ٹرمپ کی فوجی مداخلت ناکام ہوگی، ناکہ بندی سےعالمی توانائی کی صورتحال خراب ہوگی۔ کوئی بندرگاہ محفوظ نہیں رہے گی۔ آبنائے ہرمز پر ہمارا کںٹرول ہے فوجی جہازقریب آئے تو سخت ایکشن لیں گے۔
جنگ جاری رہی تو نئے ہتھیار سامنے لائیں گے،پاسداران انقلاب
ترجمان ایرانی پاسداران انقلاب کا کہنا ہے کہ امریکا پہلے بھی خالی ہاتھ بھاگا تھا اب بھی ایسا ہی ہوگا۔ جنگ جاری رہی تو نئے ہتھیار سامنے لائیں گے۔ دشمن ہماری صلاحیت کا اندازہ نہیں لگاسکتا۔
ایرانی قدس فورس کے کمانڈر بریگیڈیئر جنرل اسماعیل قانی نے کہا کہ ٹرمپ کی فوجی مداخلت ناکام ہوگی، ناکہ بندی سےعالمی توانائی کی صورتحال خراب ہوگی۔ کوئی بندرگاہ محفوظ نہیں رہے گی۔ آبنائے ہرمز پر ہمارا کںٹرول ہے فوجی جہازقریب آئےتوسخت ایکشن لیں گے۔
ایرانی وزارت دفاع نے کہا ڈونلڈ ٹرمپ کی آبنائے ہرمز اور بحیرہ عمان میں فوجی مداخلت ناکام ہوگی ۔ ناکہ بندی سےعالمی توانائی کی صورتحال خراب ہوسکتی ہے۔
جے ڈی وینس کی اسلام آباد مذاکرات میں اہم پیشرفت کی تصدیق
امریکہ کے نائب صدر جے ڈی وینس نے اسلام آباد میں ایران سے مذاکرات میں اہم پیشرفت کی تصدیق کردی۔
فوکس نیوز کو انٹرویو میں جے ڈی وینس نے کہا کہ اسلام آباد میں ایران سے مذاکرات میں اہم پیشرفت ہوئی ۔ تہران کو ایٹمی مواد ملک سے باہر بھیجنا ہوگا۔ یورینیم افزودگی کی صلاحیت مکمل ختم کرنا ہوگی۔
جے ڈی وینس نے کہا کہ سوال یہ ہے کہ ایرانی مطلوبہ لچک دکھائیں گے یا نہیں؟ کیا وہ اُن بنیادی نکات کو تسلیم کریں گے جنہیں ہم معاملات کو آگے بڑھانے کیلئے ضروری سمجھتے ہیں، ہم نے واضح کردیا کہ جوہری مواد ایران سے باہر نکالا جائے۔
نائب امریکی صدر نے کہا کہ ایران اس بات کی یقین دہانی بھی کرائے کہ ایٹمی ہتھیار نہیں بنائے گا ۔ واضح کردیا کہ بات چیت کے دوسرے راؤنڈ کا انحصار ایران پر ہے ۔ کہا امید ہے ایران آبنائے ہرمز کھولنے کیلئے پیشرفت کرے گا۔ ہمیں آبنائے ہرمز کو مکمل طور پر کھلا دیکھنا ہوگا۔
نائب امریکی صدر کی جانب سے مصالحت کاری پر وزیراعظم پاکستان اور فیلڈ مارشل کی تعریف کی۔ کہا دونوں نے حقیقی مدبرانہ قیادت کا مظاہرہ کیا۔ پاکستان کی کوششوں سے ایران اور امریکا کے درمیان طویل عرصے بعد براہ راست مذاکرات ممکن ہوئے۔
عالمی مارکیٹ میں خام تیل کی قیمت 100 ڈالر سے نیچے آگئیں
عالمی مارکیٹ میں خام تیل کی قیمت 100 ڈالر سے نیچے آگئیں۔
امریکی خام تیل 2.26 فیصد کمی کے ساتھ 96 ڈالر فی بیرل جبکہ برطانوی خام تیل کی قیمت1.4 فیصد کم، 97 ڈالر فی بیرل پر آگئی۔
دوسری جانب ایشین اسٹاک مارکیٹس میں سرمایہ کاروں کا اعتماد بحال ہوگیا، جنوبی کورین اسٹاک مارکیٹ میں 3.42 فیصد اضافہ ہوا، جاپانی اسٹاک انڈیکس 2.34 فیصد بڑھ گیا۔ ہانگ کانگ اور شنگھائی اسٹاک مارکیٹ میں بھی کاروبار کا مثبت آغاز ہوگیا۔
امریکی صدر ڈونلڈ ٹرمپ کا پوپ لیو سے معافی مانگنے سے انکار
امریکی صدر ڈونلڈ ٹرمپ نے پوپ لیو سے معافی مانگنے سے انکار کردیا۔
امریکی صدر ڈونلڈ ٹرمپ نے اپنے بیان میں کہا پوپ لیو سے معافی نہیں مانگوں گا کیونکہ انہوں نے غلط باتیں کی ہیں، پوپ لیو ایران کے حوالے سے میرے اقدامات کے سخت خلاف ہیں۔
امریکی صدر نے کہا کہ پوپ لیو آخری نتیجے سے خوش نہیں ہوں گے، میں صرف پوپ لیو کی باتوں کا جواب دے رہا ہوں۔
اس سے قبل امریکی صدر نے اپنے سوشل میڈیا اکاونٹ پر بطور یسوع مسیح تصاویر شیئر کی، شدید تنقید کے بعد ٹرمپ نے پوسٹ ڈیلیٹ کردی۔
ثالثی کی کوششیں جاری، ایران امریکا مذاکرات کا اگلا دور جلد متوقع
امریکی میڈیا کے مطابق امریکی حکام ایران کے ساتھ جنگ بندی ختم ہونے سے پہلے دوبارہ ملاقات پر غور کررہی ہے۔ امریکی حکام اب بھی پُرامید ہیں کہ ایران تنازعے کا سفارتی حل ممکن ہے۔
سی این این کے مطابق امریکی اور ایرانی حکام مذاکرات کیلئے ممکنہ تاریخوں اور مقامات پر غور کر رہے ہیں، امریکی حکام ایران کے ساتھ ذاتی ملاقات پر بات چیت کررہے ہیں۔ ثالث بھی نیا دور شروع کرنے کیلئے کوششیں کررہے ہیں۔
امریکی میڈیا کے مطابق مذاکرات کا دوسرا دور بھی اسلام آباد میں ہونے کا امکان ہے۔ تہران اور واشنگٹن نے رضامندی ظاہر کردی ہے۔
نیویارک ٹائمز کا دعویٰ ہے کہ ایران پانچ سال کیلئے یورینیم افزودگی معطل کرنے کیلئے تیار ہے لیکن امریکا بیس سال کا مطالبہ کررہا ہے۔
دوسری جانب امریکی ٹی وی اے بی سی نیوز سے گفتگو میں ایک امریکی عہدیدار نے کہا کہ واشنگٹن اور تہران کے درمیان مذاکرات کے نئے دور کیلئے ثالث سرگرم ہیں۔ ثالث پر امید ہیں مذاکرات کا ایک اور دورِ جلد شروع ہو جائے گا۔
رپورٹ کے مطابق امریکا اور ایران دونوں ہی مسئلے کا سفارتی حل چاہتے ہیں، ثالث امریکی حملوں کے دوبارہ آغاز کو روکنے کی کوشش کر رہے ہیں۔
پاکستان علاقائی امن کی جانب بامعنی پیش رفت کیلئے کوششں جاری رکھےگا،وزیراعظم
وزیراعظم شہباز شریف سے کینیڈا اور جاپان کے وزرائے اعظم نے رابطے کیے، دونوں نے امریکا ایران جنگ بندی اور مذاکرات کیلئے پاکستان کے کردار کو سراہا۔ وزیراعظم شہباز شریف نے کہا کہ پاکستان علاقائی امن و استحکام کیلئے کوششیں جاری رکھے گا۔
کینیڈا کے وزیراعظم مارک کارنی نے وزیراعظم شہباز شریف کو جنگ بندی پر مبارکباد دی۔ پاکستانی کی میزبانی میں امریکا ایران مذاکرات کو بھی سراہا۔
وزیراعظم شہباز شریف نے کہا کہ کینیڈا کی جانب سے پاکستان کی سفارتی کوششوں کی حمایت قابل تعریف ہے۔ امریکا ایران مذاکرات امن کی جانب ایک اہم قدم ہیں ۔ فریقین پرکشیدگی میں کمی اورجنگ بندی برقرار رکھنےکیلئے زوردیتے رہیں گے۔ دونوں رہنماؤں نے پاکستان اور کینیڈا کے درمیان دوطرفہ تعلقات پر بھی تبادلہ خیال کیا۔ شہباز شریف نے کینیڈین ہم منصب کو پاکستان کےسرکاری دورے کی دعوت بھی دی۔
جاپانی وزیراعظم نے بھی جنگ بندی اور مذاکرات میں پاکستان کے سفارتی کردار کو سراہا۔ خطے میں قیام امن کے عمل کی مکمل حمایت کی۔ امن کو علاقائی استحکام اور عالمی توانائی سلامتی کےلئے اہم قرار دیا۔
شہبازشریف نے نیک خواہشات پر جاپانی ہم منصب تاکائیچی کا شکریہ ادا کرتےہوئے کہا اسلام آباد میں تفصیلی مذاکرات پر امریکا اور ایران کے وفود کے شکرگزار ہیں ۔ پاکستان جنگ بندی برقرار رکھنے کے لئے کوششیں جاری رکھے گا۔
امریکی صدر ڈونلڈ ٹرمپ اسلام آباد کا دورہ کرسکتے ہیں،ری پبلکن رہنما
امریکا کے صدر ڈونلڈ ٹرمپ اسلام آباد کا دورہ کرسکتے ہیں ۔ ری پبلکن رہنما ساجد تارڑ کا کہنا ہے کہ واشنگٹن میں صدر ٹرمپ کےدورہ پاکستان کی چہ مگوئیاں ہورہی ہیں ۔ صدرٹرمپ ایرانی وفد سے ملاقات کرکے اسلام آباد معاہدے کو حتمی شکل دے سکتے ہیں۔
اس سے پہلے سی سی این این نے اپنی رپورٹ میں کہا تھا کہ امریکی حکام اور ایران کے ساتھ دوبارہ ملاقات پر غور کررہے ہیں ۔ امریکی اور ایرانی حکام کے درمیان مذاکرات کیلئے ممکنہ تاریخوں اورمقامات پر غورہورہاہے۔
رپورٹ کے مطابق اس سلسلے میں امریکی حکام ایران کے ساتھ ذاتی ملاقات پر بات چیت کررہے ہیں ۔ ثالث بھی بات چیت کے نئے دور کیلئے کوشاں ہیں ۔ امریکی ٹی وی کی رپورٹ کے مطابق امریکی حکام اب بھی پُرامید ہیں کہ ایران تنازع کا سفارتی حل ممکن ہے۔
امریکی فوج نے ایران کے سمندری راستوں کی ناکہ بندی شروع کردی،عرب میڈیا
عرب میڈیا نے دعویٰ کیاہے کہ امریکی فوج نے ایران کے سمندری راستوں کی ناکہ بندی شروع کردی ہے، محاصرہ آبنائے ہرمز کے مشرق میں خلیج عمان اور بحیرہ عرب تک نافذ ہوگا۔
سینٹ کام کے مطابق ممنوعہ علاقے میں آنے والے جہاز کا رخ موڑ دیں گے یا قبضے میں لے لیں گے،کسی بھی پرچم کا جہاز ہو ، سب پر احکامات لاگو ہوں گے،غیر جانبدار جہاز اب بھی تلاشی اور معائنے کے بعد سفر جاری رکھ سکتے ہیں، انسانی ہمدردی کی ترسیلات کو معائنے کے بعد اجازت دی جائے گی،جو جہاز ایران نہ جا رہا ہو یا ایران سے نہ نکلا ہو وہ سفر کرسکتے ہیں ،امریکا نے آج ایرانی سمندری راستوں کی ناکہ بندی کا اعلان کیا تھا۔
امن کے پیغام کو بیان کرنے سے جھکوں گا نہیں، پوپ لیو صدر ٹرمپ بیان پر ردعمل
امریکی صدرڈونلڈ ٹرمپ کے بیانات پر پوپ لیو نے ردعمل دیتے ہوئے کہا میں کسی بحث میں نہیں پڑوں گا، امن کے پیغام کو بیان کرنے سے جھکوں گا نہیں۔
پوپ لیو نے ردعمل دیتے ہوئے کہامیری باتیں ہرگز کسی پر حملہ کرنے کے لیے نہیں ہوتیں،مبارک ہیں وہ لوگ جو صلح کراتے ہیں،لوگ امن اور مفاہمت کے پل بنانے کے طریقے تلاش کریں،جہاں تک ممکن ہو جنگ سے بچنے کی راہیں اختیار کریں۔
خیال رہے کہ امریکی صدر ڈونلڈٹرمپ نےجنگ بندی کا مطالبہ کرنے پر مسیحیوں کے پیشوا پوپ لیو کو جرائم پسند قرار دے دیا تھا۔
اسلام آباد میں امریکا اور ایران کے مذاکرات حوصلہ افزا تھے،ترجمان چینی دفتر خارجہ
ترجمان چینی دفترخارجہ نے کہا اسلام آباد میں امریکا اور ایران کے مذاکرات حوصلہ افزا تھے،امید ہے کہ فریقین جنگ بندی برقرار رکھیں گے۔
چینی دفتر خارجہ کے ترجمان نے پریس بریفنگ میں کہاآبنائےہرمز پر فریقین کو تحمل کا مظاہرہ کرنا چاہیے،
چین انرجی سیکیورٹی کیلئے تمام فریقوں کے ساتھ مل کر کام کرنے کیلئے تیار ہے۔
ترجمان کا کہنا ہےکہ اہم آبی راستے کو محفوظ، مستحکم اور بلا رکاوٹ رکھنا بین الاقوامی برادری کے مشترکہ مفاد میں ہے۔
ترجمان چینی وزارتِ خارجہ نے یہ بھی کہا ہے کہ چین توانائی کے تحفظ اور فراہمی کے لیے تمام فریقین کے ساتھ کام کرنے کے لیے تیار ہے۔
ترک وزیرخارجہ حقان فدان کا آبنائے ہرمز کھولنے کیلئے سفارتکاری پر زور
ترک وزیر خارجہ حقان فدان نے آبنائے ہرمز کھولنے کیلئے سفارتکاری پر زور دیاہے۔
ترک وزیرخارجہ حقان فدان نےاپنےبیان میں کہا آبنائےہرمزکو بات چیت کےذریعےکھولنےمیں کوئی مسئلہ نہیں ہے،مذاکرات میں نئےقواعظ وضوابط کےباعث مسائل پیدا ہوتےہیں،انٹرنیشنل فورس کو آبنائے ہرمزمیں کئی مشکلات درپیش ہیں،سمندری گزرگاہ کوسفارتکاری کےذریعےہی کھولنےکی ضرورت ہے۔
ترک وزیرخارجہ نےمزیدکہا امریکا اورایران جنگ بندی میں سنجیدہ ہیں،دونوں ملک جنگ بندی کی اہمیت کو سمجھتے ہیں،جوہری مسئلےکا حل نہ نکلا تومسائل پیدا ہو سکتے ہیں۔
برطانوی وزیراعظم کیئر اسٹامر نے آبنائے ہرمز کی ناکہ بندی کی مخالفت کردی
برطانوی وزیراعظم کیئر اسٹامر نے آبنائے ہرمز کی ناکہ بندی کی مخالفت کردی۔
برطانوی وزیراعظم کیئراسٹامر نےاپنے بیان میں کہا آبنائے ہرمزکوکھلا رکھنابہت ضروری ہے،ہم آبنائےہرمز کی ناکہ بندی کے حق میں نہیں ہیں،چاہتے جتنا بھی دباؤ آجائے، ہم جنگ میں شامل نہیں ہونگے۔
برطانوی وزیراعظم سر کیئر سٹارمر اور فرانسیسی صدر ایمانوئل میکرون کے درمیان ٹیلیفونک رابطہ ہوا ہے،دونوں رہنماؤں نے دوران گفتگو لبنان میں جنگ بندی اور آبنائے ہرمز کی صورتحال پر تبادلہ خیال کیا۔
برطانوی وزیراعظم نے کہا لبنان میں جنگ بندی انتہائی ضروری ہے، کیئر سٹارمر اور میکرون نے آبنائے ہرمز سے متعلق مشترکہ اقدامات پر بھی اتفاق کیا۔
ایران امریکا ثالثی میں اہم پیشرفت،وزیراعظم شہبازشریف کا ولی عہد کی دعوت پرسعودی عرب جانے کا امکان
وزیراعظم شہبازشریف مشرقِ وسطیٰ کی صورتحال پیش نظر اعلیٰ سطح کے وفد کے ہمراہ جلد سعودی عرب کا دورہ کریں گے، جس کے بعد وہ ترکیہ جائیں گے۔
ذرائع کاکہنا ہےکہ دورے کےدوران وزیراعظم شہبازشریف سعودی ولی عہدمحمد بن سلمان سے ملاقات کریں گے،جس میں اہم علاقائی اورعالمی امورپرتبادلہ خیال کیاجائےگا،ملاقات میں امریکا اورایران کے درمیان مذاکرات کےآئندہ لائحہ عمل پرتبادلہ خیال متوقع ہے،اس کےعلاوہ کشیدگی میں کمی اور مستقل جنگ بندی کے امکانات پر بھی گفتگو کا امکان ہے۔
ذرائع کاکہنا ہےکہ مشرق وسطیٰ کی صورتحال اورقیام امن کےامورپربھی بات چیت کا امکان ہے،پاک سعودی تعلقات کومزید مضبوط بنانےکےاقدامات پربھی گفتگوہوگی،خطےمیں امن واستحکام کے لیے مشترکہ سفارتی کوششوں کا بھی جائزہ لیا جائے گا۔
پاکستان اورسعودی عرب کےدرمیان اعلیٰ سطح کےرابطےاورمشاورت جاری ہے،ایک ماہ سےبھی کم عرصے میں وزیراعظم کادوسرادورہ ہوگا،وزیراعظم کےدورے کی تفصیلات حکومت نےابھی تک جاری نہیں کیں۔
دوسری جانب پاکستان نے ایران اور امریکا کےدرمیان جنگ بندی کی توسیع کے لیے کوششیں شروع کر دیں،وزیراعظم شہبازشریف نے قریبی رفقاء سے مشاورتی اجلاس طلب کرلیا۔
ذرائع کےمطابق اجلاس میں وفاقی کابینہ کےسینئر اراکین،اعلیٰ حکام کی شرکت متوقع ہے،ایران امریکا مذاکرات کےبعد کی صورتحال کاجائزہ لیاجائےگا،وزیراعظم مذاکرات کےحوالےسےقیادت کےکردارپراظہار خیال کریں گے،جنگ بندی پرعملدرآمد اور توسیع کے حوالے سے کاوشوں پرغور ہوگا۔
اسلام آباد مذاکرات مفاہمتی یادداشت سے چند قدم کے فاصلے پر تھے، ایرانی وزیر خارجہ
ایرانی وزیر خارجہ عباس عراقچی نے کہا اسلام آباد مذاکرات مفاہمتی یادداشت سے چند قدم کے فاصلے پر تھے۔
ایرانی وزیر خارجہ عباس عراقچی نے سوشل میڈیا پر پیغام میں کہاجنگ کے خاتمے کیلئے امریکا کے ساتھ نیک نیتی سےبات چیت کی، 47 برس میں پہلی باراعلیٰ ترین سطح پرمذاکرات ہوئے،اسلام آباد مذاکرات مفاہمتی یادداشت سے چند قدم کے فاصلے پر تھے،حد سے زیادہ شرائط اورپل پل بدلتےموقف کی وجہ سے معاہدہ نہ ہوسکا۔
In intensive talks at highest level in 47 years, Iran engaged with U.S in good faith to end war.
— Seyed Abbas Araghchi (@araghchi) April 12, 2026
But when just inches away from "Islamabad MoU", we encountered maximalism, shifting goalposts, and blockade.
Zero lessons earned
Good will begets good will.
Enmity begets enmity.
عباس عراقچی نے کہا کوئی سبق نہیں سیکھا گیا،نیک نیتی سے نیک نیتی جنم لیتی ہے،دشمنی کروگے تو اس سے مزید دشمنی پیدا ہوگئی
دوسری جانب ایرانی صدر مسعود پزشکیان نے سوشل میڈیا پر پیغام میں کہا امریکی حکومت اپنی سخت گیر روش ترک کرے،امریکا ایرانی قوم کے حقوق کا احترام کرے تومعاہدے کا راستہ نکل سکتا ہے،مذاکراتی ٹیم بالخصوص ڈاکٹر قالیباف کی کاوشوں کو سراہتا ہوں۔
امریکی صدر کے آبنائے ہرمز کی ناکہ بندی کے اعلان کے بعد تیل کی قیمتوں میں بڑا اضافہ
امریکی صدر ڈونلڈ ٹرمپ کی جانب سے آبنائے ہرمز کی ناکہ بندی کے اعلان کے بعد تیل کی قیمتوں میں تیزی سے اضافہ ہو گیا
بین الاقوامی میڈیا کی رپورٹ کےمطابق عالمی منڈی میں خام تیل کی قیت 9 فیصد بڑھ گئی ہے،برینٹ خام تیل کی قیمت 103 ڈالرزتک پہنچ گئی جبکہ ڈبلیو ٹی آئی 105 ڈالرز فی بیرل سے زائد میں فروخت ہو رہا ہے۔
دوسری جانب آبنائے ہرمز کی ناکہ بندی کے علان پر ایرانی پارلیمان کے اسپیکر باقر قالیباف نے صدر ٹرمپ پر طنز کےنشترچلا دئیے،سوشل میڈیا پر وائٹ ہاؤس کے قریب پیٹرول پمپس کی لوکیشن شیئر کرتے ہوئے کہاتیل کی موجودہ قیمتوں سے فائدہ اٹھائیں،نام نہاد ناکہ بندی کے بعد چار سے ناچ ڈالر فی گیلن پیٹرول کو یاد کریں گے۔
ایران اور امریکا کے درمیان کچھ دنوں کے اندر مذاکرات کا دوسرا دور ہوسکتا ہے،وال اسٹریٹ جرنل کا دعویٰ
امریکی اخبار وال اسٹریٹ جرنل نے دعویٰ کیا ہے کہ ایران کے ساتھ سفارتکاری کے دروازے کھلے ہیں،کچھ دنوں کے اندر مذاکرات کا دوسرا دور ہوسکتا ہے۔
امریکی اخبار وال اسٹریٹ جرنل کی رپورٹ کےمطابق علاقائی ممالک امریکا اور ایران کو مذاکرات کی میز پرواپس لانے کیلئے کوشاں ہیں،دونوں جانب سے سخت بیانات کے باوجود سفارتکاری جاری ہے۔جنگ بندی میں توسیع کیلئے خطے کے ممالک امریکا سے رابطے میں ہیں۔
ایک اور رپورٹ میں دعویٰ کیاگیا کہ امریکا مذاکرات کی ناکامی کے بعد ایران پر محدود حملوں پر غور کر رہا ہے۔
جنگ بندی کا مطالبہ کرنے پر امریکی صدر نے مسیحیوں کے پیشوا کو جرائم پسند قرار دے دیا
امریکی صدر ڈونلڈٹرمپ نےجنگ بندی کا مطالبہ کرنے پر مسیحیوں کے پیشوا پوپ لیو کو جرائم پسند قرار دے دیا۔
امریکی صدر ڈونلڈ ٹرمپ نے کہا ہمیں ایسا پوپ پسند نہیں جو یہ کہےکہ ہمارے شہروں میں جرائم قابل قبول ہیں،جو یہ کہےکہ جوہری ہتھیاررکھنا ٹھیک ہے،پوپ لیو ایک نہایت لبرل سوچ رکھنے والے شخص ہیں۔
امریکی صدر نےکہا پوپ ایسے شخص ہیں جو یہ نہیں سمجھتےکہ ہمیں کسی ایسے ملک کے ساتھ تعلق نہیں رکھنا چاہیے،جوجوہری ہتھیارحاصل کرنا چاہتا ہو تاکہ دنیا کو تباہ کرسکے،میں پوپ لیو کا مداح نہیں ہوں۔
اسلام آباد مذاکرات ایک ایونٹ نہیں ایک مسلسل عمل کا نام ہے، ایرانی سفیر
پاکستان میں تعینات ایرانی سفیر کا کہنا ہے کہ اسلام آباد مذاکرات میں ایک سفارتی عمل کی بنیاد رکھی گئی ہے، یہ مذاکرات ایک ایونٹ نہیں ایک مسلسل عمل کانام ہے۔
ایک پیغام میں ایرانی سفیر رضاامیری مقدم نے کہا کہ وزیراعظم شہبازشریف اور فیلڈمارشل کی کوششوں کو سراہتےہیں، نیک نیتی اور اعتماد کے ساتھ پائیدارحکمت عملی تشکیل دی جاسکتی ہے۔ پاکستان کی میزبانی اورکردارقابل تعریف ہے۔
ایرانی سفیر نے کہا کہ پاکستان نے مذاکرات کےلیے پرامن، باوقار اور محفوظ ماحول فراہم کیا، پاکستانی حکومت،فوج اورپولیس نے مذاکراتی عمل کوآسان بنایا۔ ایرانی وفد نےوقار اور اعتماد کے ساتھ قومی مفاد کیلئے مذاکرات کیے، مذاکرات کا مقصد ایرانی عوام کے حقوق اورقومی مفادات کا تحفظ ہے۔
واضح رہے کہ پاکستان کی ثالثی میں ایران اور امریکا کے تاریخ ساز مذاکرات کا پہلا راؤنڈ مکمل ہوگیا ہے۔ فریقین نے مذاکرات جاری رکھنے کا عندیہ دیا ہے۔
امریکی نائب صدر کا بات چیت کو بڑی پیشرفت قرار دینا امید کی واضح بڑی کرن ہے۔ امریکی نائب صدر نے کہا کہ ہم نے 21 گھنٹوں تک بات چیت کی اچھی خبر یہ ہے کہ ہم نے کئی پہلوؤں پر گفتگو کی،فی الحال ہم کسی حتمی نتیجے تک نہ پہنچ سکے۔ ہماری ریڈ لائنز کیا ہیں وہ ہم نے واضح کردی ہے،ان میں سے کون سے معاہدے میں شامل ہونگے کونسے نہیں ،یہ سب ہرممکن حدتک واضح ہوگیا ہے۔
ایرانی وزارت خارجہ کے ترجمان نے بھی کئی پیچیدہ نکات پر مفاہمت کی تصدیق کی ہے۔ کہا اتنے بڑے تنازع کا ایک ہی نشست میں حل ہوجانا ممکن نہ تھا۔ مذاکرات کے اہم موضوعات کے مختلف پہلوؤں پربات چیت کی گئی،اکثر نکات پراتفاق ہوگیا،دو سےتین نکات پراختلاف برقرار ہے،پاکستان اور دیگر دوست ملکوں کے ساتھ مشاورت جاری رہی گے۔
فوجی جہاز آبنائے ہرمز کے قریب آئے تو سختی سے نمٹیں گے،ایرانی پاسداران انقلاب
ترجمان ایرانی پاسداران انقلاب کا کہنا ہے کہ فوجی جہاز آبنائے ہرمز کے قریب آئے تو سختی سے نمٹیں گے۔
بیان کے مطابق آبنائے ہرمز پر ہمارا کنٹرول ہے، آبنائے ہرمز غیر فوجی جہازوں کے لیے کھلا ہے مگر فوجی جہاز آبنائے ہرمز کے قریب آئے تو سختی سے نمٹیں گے۔
دوسری جانب ترجمان ایرانی حکومت کا کہناہے کہ دھمکیوں سے امریکا کی ساکھ ختم ہوچکی، ایران وینزویلا نہیں ہے، پوری دنیا کہہ رہی ہے ایران ثابت قدم رہا اور جنگ جیت گیا۔
واضح رہے کہ امریکی صدر ڈونلڈ ٹرمپ نے آبنائے ہرمز کی ناکہ بندی کا اعلان کیا ہے۔ سوشل میڈیا پر بیان میں امریکی صدر نے کہا کہ امریکی نیوی فوری طور پر آبنائے ہرمز کی ناکہ بندی کرے گی، جو بھی ہمارے جہازوں پر فائرنگ کرے گا اسے تباہ کریں گے۔ ہم آبنائے ہرمز پر بارودی سرنگوں کو تباہ کرنا شروع کریں گے۔ ناکہ بندی ہوگی اور دوسرے ممالک بھی اس میں شامل ہونگے۔
ڈونلڈ ٹرمپ نے کہا کہ اپنی نیوی کو کہا ہے ایران کوٹول دینے والے جہازوں کو تلاش کریں، جو بھی ایران کو ٹول ادا کرے گا اسے محفوظ راستہ نہیں ملے گا، ہمیں لگا تھا آبنائے ہرمز پر جہازوں کو آزادانہ آنے جانے کی اجازت ہوگی مگر ایران نے ایسا ہونے نہیں دیا۔
امریکی صدر نے کہا کہ ایران نے آبنائے ہرمز کو کھولنے کا وعدہ کیا تھا وہ اس میں ناکام رہا، ان کی وجہ سے دنیا بھر کے کئی لوگوں اور ممالک میں بے چینی پیدا ہوئی۔ ایران نے کہا کہ آبنائے ہرمز میں بارودی سرنگیں ہیں جن کا صرف ان کو علم ہے، یہ عالمی سطح پر بھتہ خوری ہے، دنیا کے رہنما اور امریکا اس کا شکار نہیں ہونگے۔
وزیر خارجہ کے سعودی عرب، ترکیہ اور مصر کے وزرائے خارجہ سے رابطے، جنگ بندی کے عزم کو برقرار رکھنا ضرور قرار
نائب وزیراعظم ووزیرخارجہ اسحاق ڈار نے سعودی وزیرخارجہ فیصل بن فرحان، ترکیہ کے وزیرخارجہ ہاکان فیدان اور مصر کے وزیرخارجہ بدرعبدالعاطیٰ سے رابطہ کرکے اسلام آباد مذاکرات اور فریقین کے درمیان روابط کیلئے مسلسل کوششوں سے آگاہ کیا۔
ترجمان دفترخارجہ کے مطابق نائب وزیراعظم و وزیرخارجہ اسحاق ڈار نے سعودی وزیرخارجہ فیصل بن فرحان سے رابطہ کیا، اسحاق ڈار نے اسلام آباد مذاکرات کے حوالے سے پیش رفت سے آگاہ کیا۔ دونوں رہنماؤں نے خطے اور عالمی سطح پر امن و استحکام کے فروغ پر اتفاق کیا۔
نائب وزیراعظم اسحاق ڈار نے مذاکرات میں سہولت فراہم کرنے میں پاکستان کے کردار اورتمام فریقوں کی جنگ بندی کے وعدوں پرعمل کرنے کی اہمیت پرزور دیا۔ اسحاق ڈار نے خطے میں امن واستحکام کو فروغ دینے کیلئے تمام سفارتی کوششوں کی حمایت کا اعادہ کیا۔
دوسری جانب اسحاق ڈار نے مصر کے وزیرخارجہ بدرعبدالعاطیٰ سے بھی رابطہ کیا اور فریقین کے درمیان روابط کیلئے مسلسل کوششوں سے آگاہ کیا۔ اسحاق ڈار نے خطے میں امن واستحکام کیلئے بات چیت اور سفارت کاری کی ضرورت کا اعادہ کیا، کہا تمام فریقین کیلئے جنگ بندی کے اپنےعزم کو برقراررکھنا ضروری ہے۔
وزیرخارجہ اسحاق ڈار نے ترکیہ کے وزیرخارجہ ہاکان فیدان سے رابطہ بھی رابطہ کیا، دونوں رہنماؤں نےاسلام آباد مذاکرات کے حوالے سے پیشرفت کا جائزہ لیا، ہاکان فیدان نےایران امریکامذاکرات میں سہولت کاری کیلئے پاکستان کے کردار کو سراہا۔ ترک وزیرخارجہ نے تمام سفارتی کوششوں کیلئےاپنی حمایت کا اعادہ کیا اور اسحاق ڈار کو اس ماہ کے آخر میں انطالیہ ڈپلومیسی فورم میں شرکت کی دعوت دی۔
یمن کے قریب مسلح افراد کی بحری جہاز کو قبضے میں لینے کی کوشش ناکام
یمن کے قریب مسلح افراد کی جانب سے بحری جہاز کو قبضے میں لینے کی کوشش ناکام بنادی گئی۔
برطانوی میری ٹائم ایجنسی کے مطابق یمن کے قریب مسلح افراد سے بھری ایک کشتی بحری جہاز کے قریب آئی، کپتان نے جہاز روکنے سے انکار کیا تو کشتی پر چڑھنے کی کوشش کی گئی، کپتان کی جانب سے فلیئرز داغنے پر کشتی پیچھے ہٹ گئی۔
مشرق وسطیٰ تنازع حل کرنے کیلئے سفارتکاری ضروری ہے، یورپی یونین
یورپی یونین نے مشرق وسطیٰ کا تنازعہ حل کرنے کیلئے سفارتکاری ضروری قرار دیدیا۔
یورپی یونین کے فارن افیئرز کے ترجمان کا کہنا ہے کہ ثالثی کی کوششوں پر ہم پاکستان کو سلوٹ پیش کرتے ہیں، امن مذاکرات کے تسلسل کیلئے برسلز ثالثی کیلئے تیار ہے۔
اس سے پہلے آسٹریلیا کے وزیر ٰخارجہ نے امریکا اور ایران سے مذاکرات کی میز پر واپسی کا مطالبہ کیا۔ انہوں نے معاہدے کے بغیر مذاکرات کے خاتمے کو مایوس کن قرار دیا۔ برطانوی وزیر مملکت برائے صحت نے بھی معاہدہ نہ ہونے پر مایوسی کا اظہار کیا۔
روسی میڈیا کے مطابق صدر پیوٹن نے ایرانی ہم منصب مسعود پزشکیان سے ٹیلیفونک رابطہ کیا۔ اسلام آباد میں ہونے والے امریکا ایران مذاکرات پر تبادلہ خیال کیا۔
صدر پیوٹن نے کہا کہ مشرق وسطیٰ میں امن کی کوششوں میں مدد کیلئے تیار ہیں۔ مشرق وسطیٰ کے تنازعے کا سفارتی حل ڈھونڈنا ہوگا، پائیدار امن کے قیام کیلئے ماسکو ثالثی کیلئے تیارہے۔
ایران،امریکا بات چیت کا پہلا راؤنڈ مکمل، فریقین کا مذاکرات جاری رکھنے کا عندیہ
پاکستان کی ثالثی میں ایران اور امریکا کے تاریخ ساز مذاکرات کا پہلا راؤنڈ مکمل ہوگیا ہے۔ فریقین نے مذاکرات جاری رکھنے کا عندیہ دیا ہے۔
امریکی نائب صدر کا بات چیت کو بڑی پیشرفت قرار دینا امید کی واضح بڑی کرن ہے۔ امریکی نائب صدر نے کہا کہ ہم نے 21 گھنٹوں تک بات چیت کی اچھی خبر یہ ہے کہ ہم نے کئی پہلوؤں پر گفتگو کی،فی الحال ہم کسی حتمی نتیجے تک نہ پہنچ سکے۔ ہماری ریڈ لائنز کیا ہیں وہ ہم نے واضح کردی ہے،ان میں سے کون سے معاہدے میں شامل ہونگے کونسے نہیں ،یہ سب ہرممکن حدتک واضح ہوگیا ہے۔
ایرانی وزارت خارجہ کے ترجمان نے بھی کئی پیچیدہ نکات پر مفاہمت کی تصدیق کی ہے۔ کہا اتنے بڑے تنازع کا ایک ہی نشست میں حل ہوجانا ممکن نہ تھا۔ مذاکرات کے اہم موضوعات کے مختلف پہلوؤں پربات چیت کی گئی،اکثر نکات پراتفاق ہوگیا،دو سےتین نکات پراختلاف برقرار ہے،پاکستان اور دیگر دوست ملکوں کے ساتھ مشاورت جاری رہی گے۔
امریکا اور ایران کے وفود نے شاندار میزبانی پر پاکستان کا شکریہ ادا کیا۔ پاکستان مذاکراتی عمل میں ایک اسٹریٹجک برج بن کر ابھرا ہے۔ وزیراعظم شہبازشریف ۔ نائب وزیراعظم اسحاق ڈاراور فیلڈمارشل سید عاصم منیر کی کاوشوں کا عالمی سطح پر اعتراف کیا جارہا ہے۔
بعد ازاں نائب وزیراعظم اسحاق ڈار نے بریفنگ دیتے ہوئے کہا کہ مذاکراتی عمل میں شریک ایران اور امریکا کے وفود کا شکر گزار ہوں،دونوں ملکوں نے وزیراعظم شہبازشریف کی درخواست پر مثبت ردعمل دیا۔
اسحاق ڈار نے کہا کہ پاکستان دونوں ملکوں کےدرمیان مذاکراتی عمل میں سہولت کاری کاکردارجاری رکھے گا۔ امید کرتے ہیں دونوں ملک پائیدارامن اورخوشحالی کیلئےمثبت سوچ سے آگے بڑھیں گے،یہ ضروری ہے کہ دونوں ملک سیز فائر کے عزم پر قائم رہیں۔
ایران کا اعلیٰ سطح کا وفد اسلام آباد مذاکرات میں شرکت کے بعد واپس روانہ
ایران کا اعلیٰ سطح کا وفد اسلام آباد مذاکرات میں شرکت کے بعد واپس روانہ ہوگیا۔
نائب وزیر اعظم و وزیر خارجہ اسحاق ڈار،چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر اور قومی اسمبلی کے اسپیکر سردار ایاز صادق نے ایرانی وفد کو الوداع کہا۔
ایرانی وفد میں مجلس شوریٰ کے اسپیکر محمد باقرقالیباف اور وزیرخارجہ عباس عراقچی شامل تھے۔
واضح رہے کہ پاکستان کی ثالثی میں ایران اور امریکا کے تاریخ ساز مذاکرات کا پہلا راؤنڈ مکمل ہوگیا۔ فریقین نے مذاکرات جاری رکھنے کا عندیہ دیا ہے۔ امریکی نائب صدر کا بات چیت کو بڑی پیشرفت قرار دینا امید کی واضح بڑی کرن ہے۔
ایرانی وزارت خارجہ کے ترجمان نے بھی کئی پیچیدہ نکات پر مفاہمت کی تصدیق کی ہے۔ کہتے ہیں اتنے بڑے تنازع کا ایک ہی نشست میں حل ہوجانا ممکن نہ تھا۔ امریکا اور ایران کے وفود نے شاندار میزبانی پر پاکستان کا شکریہ ادا کیا۔
امریکی صدر ڈونلڈ ٹرمپ کا آبنائے ہرمز کی ناکہ بندی کا اعلان
امریکی صدر ڈونلڈ ٹرمپ نے آبنائے ہرمز کی ناکہ بندی کا اعلان کردیا۔
سوشل میڈیا پر بیان میں امریکی صدر نے کہا کہ امریکی نیوی فوری طور پر آبنائے ہرمز کی ناکہ بندی کرے گی، جو بھی ہمارے جہازوں پر فائرنگ کرے گا اسے تباہ کریں گے۔ ہم آبنائے ہرمز پر بارودی سرنگوں کو تباہ کرنا شروع کریں گے۔ ناکہ بندی ہوگی اور دوسرے ممالک بھی اس میں شامل ہونگے۔
ڈونلڈ ٹرمپ نے کہا کہ اپنی نیوی کو کہا ہے ایران کوٹول دینے والے جہازوں کو تلاش کریں، جو بھی ایران کو ٹول ادا کرے گا اسے محفوظ راستہ نہیں ملے گا، ہمیں لگا تھا آبنائے ہرمز پر جہازوں کو آزادانہ آنے جانے کی اجازت ہوگی مگر ایران نے ایسا ہونے نہیں دیا۔
امریکی صدر نے کہا کہ ایران نے آبنائے ہرمز کو کھولنے کا وعدہ کیا تھا وہ اس میں ناکام رہا، ان کی وجہ سے دنیا بھر کے کئی لوگوں اور ممالک میں بے چینی پیدا ہوئی۔ ایران نے کہا کہ آبنائے ہرمز میں بارودی سرنگیں ہیں جن کا صرف ان کو علم ہے، یہ عالمی سطح پر بھتہ خوری ہے، دنیا کے رہنما اور امریکا اس کا شکار نہیں ہونگے۔
ان کا مزید کہنا تھا کہ ایران کو فوری آبی گزرگاہ کو کھولنے کا عمل شروع کرنا چاہیے، وہ اپنے اقدام سے ہر طرح کے قوانین کی خلاف ورزی کر رہے ہیں، ایران کو غیر قانونی بھتہ خوری سے فائدہ اٹھانے کی اجازت نہیں دی جائے گی۔
صدر ٹرمپ کے مطابق ایران کی بحریہ اور فضائیہ ختم ہو چکی ہیں، خامنہ ای اور ان کے اکثر رہنما قتل ہوچکے ہیں ، اس صورتحال سے کیسے نکلنا ہے ایران کو زیادہ پتہ ہے۔
ڈونلڈ ٹرمپ نے کہا کہ اسلام آباد میں ملاقات اچھی رہی، زیادہ تر نکات پر اتفاق ہو گیا، مجھے جے ڈی وینس، اسٹیو وٹکوف اور جیرڈ کشنر نے اسلام آباد مذاکرات پر بریفنگ دی۔ یہ مذاکرات پاکستان کے فیلڈ مارشل عاصم منیر اور وزیر اعظم شہباز شریف کی قیادت میں ہوئے، وہ غیر معمولی صلاحیتوں کے حامل شخصیات ہیں، میں ہمیشہ ان کی قدر کرتا ہوں۔
امریکی صدر نے کہا کہ اہم نکتے جوہری معاملے پر اتفاق نہ ہوسکا، ایران کو پیسہ چاہیے اور وہ جوہری صلاحیت چاہتے ہیں، یہ سب ان کے ایٹمی عزائم کی وجہ سے ہوا ہے، مناسب وقت پر ہماری فوج ایران میں جو باقی ہے اسے بھی ختم کرے گی۔
انہوں نے کہا کہ ایران کے ساتھ مذاکرات صبح شروع ہوئے، رات بھر جاری رہے، ایران اپنے جوہری عزائم سے دستبردار ہونے کے لیے تیار نہیں، جو نکات طے ہوئے وہ جنگ سے کئی درجہ بہتر ہیں، لیکن جوہری طاقت کا خاتمہ کیے بغیر ان نکات کی کوئی حیثیت نہیں، میں برسوں پہلے کہہ چکا ہوں ایران کبھی بھی جوہری ہتھیار حاصل نہیں کرے گا۔
امریکا اور اسرائیل کے حملوں میں 3 ہزار 375 ایرانی شہید ہوئے، ایرانی حکام
ایران نے کہا ہے کہ امریکا اور اسرائیل کے حملوں کے آغاز سے اب تک 3300 سے زیادہ افراد شہید ہو چکے ہیں۔
ایرانی حکام کی جانب سے جاری رپورٹ کے مطابق 3375 لاشوں کی شناخت کی جا چکی ہے۔ رپورٹ میں بتایا گیا ہے کہ مرنے والوں میں 2875 مرد اور 496 خواتین شامل ہیں، جبکہ تہران، ہرمزگان اور اصفہان صوبوں میں سب سے زیادہ اموات ریکارڈ کی گئی ہیں۔
رپورٹ کے مطابق سینکڑوں بچے بھی شہید ہوئے ہیں۔ مرنے والوں میں سات شیر خوار بچے (ایک سال سے کم عمر)، 255 بچے جن کی عمریں ایک سے 12 سال کے درمیان تھیں اور 121 نوجوان جن کی عمریں 13 سے 18 سال کے درمیان تھیں۔
مشرق وسطیٰ میں امن کی کوششوں میں مدد کیلئے تیار ہیں، روسی صدر
روسی صدر ولادی میر پیوٹن کا کہنا ہے کہ مشرق وسطیٰ میں امن کی کوششوں میں مدد کیلئے تیار ہیں۔
روسی میڈیا کے مطابق صدر پیوٹن نے ایرانی ہم منصب مسعود پزشکیان سے ٹیلیفونک رابطہ کیا۔ اسلام آباد میں ہونے والے امریکا ایران مذاکرات پر تبادلہ خیال کیا۔
صدر پیوٹن نے کہا کہ مشرق وسطیٰ میں امن کی کوششوں میں مدد کیلئے تیار ہیں۔ مشرق وسطیٰ کے تنازعے کا سفارتی حل ڈھونڈنا ہوگا، پائیدار امن کے قیام کیلئے ماسکو ثالثی کیلئے تیارہے۔
پاکستان کی شاندار اور تاریخی سفارتی اننگز
پاکستان نے انتہائی بھرپور، مخلصانہ اور نہایت پیشہ ورانہ کوششیں کیں۔ پاکستان نے جنگ بندی ممکن بنائی اور دونوں فریقین کو دہائیوں بعد ایک میز پر بٹھایا۔
نائب وزیرِاعظم و وزیرِ خارجہ کی قیادت میں یہ سفارتی کوششیں ہوئیں جبکہ وزیرِ خارجہ کے ثالثی کردار کو دونوں فریقین نے تسلیم کیا۔ 31 گھنٹے تک مسلسل سفارتکاری جاری رہی، جس میں متعدد نشستیں شامل تھیں۔ کافی پیش رفت ہوئی اور کئی مثبت پہلو سامنے آئے، تاہم یہ ایک پیچیدہ اور طویل تنازع ہے جس میں کئی اختلافات اور بیرونی عناصر و رکاوٹیں بھی شامل ہیں۔
جو کچھ حاصل ہوا یا نہ ہو سکا، وہ دونوں فریقین کے باہمی معاملات اور ان کے داخلی دباؤ کا نتیجہ ہے۔ پاکستان نے عالمی و علاقائی امن کے لیے ایک غیر معمولی کردار ادا کیا۔ امریکی نائب صدر جے ڈی وینس کے بیان میں بھی امید کی جھلک موجود ہے، جہاں انہوں نے ثالثی کے دوران دی گئی پیشکش کا ذکر کیا۔
دونوں فریقین اب ایک دوسرے کے مؤقف کو بہتر طور پر سمجھ چکے ہیں، اور اب آگے کا راستہ اسی بنیاد پر طے ہونا چاہیے۔ مذاکرات کی تفصیلات پر بات کرنا پاکستان کا کام نہیں، کیونکہ یہ معاملہ رازداری سے جڑا ہے اور پاکستان کا کردار صرف ثالثی تک محدود تھا۔
فیصلہ امریکا نے کرنا ہے وہ ہمارا اعتماد حاصل کر سکتا ہے یا نہیں؟ باقر قالیباف
ایرانی مذاکراتی وفد کے سربراہ باقر قالیباف کا کہنا ہے کہ کہا کہ امریکا ایران کے مؤقف اور اصولوں کو سمجھ چکا۔ انہوں نے کہا اب فیصلہ امریکا نے کرنا ہے وہ ہمارا اعتماد حاصل کر سکتا ہے یا نہیں؟
ایک بیان میں باقر قالیباف نے کہا کہ مذاکراتی عمل کو ممکن بنانے میں پاکستان کی کوششوں کے شکرگزار ہیں۔ ایرانی وفد نے مستقبل پر مبنی تجاویز پیش کیں۔ مخالف فریق اس مرحلے میں ایرانی وفد کا اعتماد حاصل کرنے میں ناکام رہا۔
دوسری جانب امریکا نے ایران کو فائنل آفر دے دی ۔ نائب صدر جے ڈی وینس نے کہا ڈیل نہیں ہوئی، بہترین پیشکش کرکے جارہے ہیں ۔ ایٹمی ہتھیار نہ بنانے کی واضح یقینی دہانی چاہیے ۔ جواب کا انتظار ہے۔ جے ڈی وینس نے کہا کہ ہم نے لچک کا مظاہرہ کیا ۔ تہران نے شرائط قبول نہیں کیں ۔ کہا پاکستان نے امن کیلئے تعمیری کردار ادا کیا۔
صیہونی فوج نے لبنان میں اپنی کارروائیاں ایک بار پھر تیز کردیں
صیہونی فوج نے لبنان میں اپنی کارروائیاں ایک بار پھر تیز کردیں۔
الجزیرہ کے مطابق صیہونی فوج نے جنوبی لبنان کے تاریخی شہر صور میں متعدد مقامات پر بم برسائے گئے۔ بمباری سے 11 لبنانی شہری شہید جبکہ متعدد زخمی ہوگئے۔ زخمیوں کو نکالنے کیلئے ریسکیو آپریشن جاری ہے۔
لبنان کے دارالحکومت بیروت پر بھی بمباری کی گئی جس کے بعد دھویں کے بادل اٹھتے دکھائی دیے۔ صیہونی فوج نے حزب اللہ کے راکٹ لانچرز کو نشانہ بنانے کا دعویٰ کیا۔
حزب اللہ نے بھی صیہونی فوج کوبھرپور جواب دیا۔ شمالی اسرائیل پرکئی راکٹ داغ دیے ۔ اسرائیلی حملوں میں اب تک 165 بچے اور 85 طبی رضا کار شہید ہوچکے ہیں۔
ایران سے زیادہ معاہدے کی ضرورت امریکا کو ہے، ابراہیم عزیزی
ایرانی پارلیمنٹ میں نیشنل سیکیورٹی کمیٹی کے سربراہ ابراہیم عزیزی نے کہا آبنائے ہرمز سے گزرنے والے ہر جہاز کو نئے کنٹرول نظام کے تحت ٹول ادا کرنا ہوگا۔
روسی میڈیا سےگفتگو میں ابراہیم عزیزی نےکہا ایران سے زیادہ معاہدے کی ضرورت امریکا کو ہے،معاہدے کیلئے امریکا کو ایران کےدونوں مطالبات ماننے ہونگے جن پرڈیڈ لاک ہوا ہے،شرائط قبول نہیں ہونگی تو ہم اپنے راستے پر چلیں گے۔
دوسری جانب ایران کی آئل ریفائننگ کی بحالی کا عمل جاری ہے،دو ماہ میں 80 فیصد صلاحیت بحال ہونے کی امید ہے،حالیہ حملوں میں تباہ ہونے والی آئل ریفائننگ صلاحیت آئندہ 2 ماہ کے دوران 70 سے 80 فیصد تک بحال ہونے کی توقع ہے۔
سینیئرصوبائی وزیرمریم اورنگزیب نے اسلام آباد مذاکرات کو تاریخی لمحہ قرار دے دیا
سینیئر صوبائی وزیر مریم اورنگزیب نے اسلام آباد مذاکرات کو تاریخی لمحہ قرار دے دیا، وزیراعظم شہباز شریف، فیلڈ مارشل عاصم منیر اور اسحاق ڈار کو خراجِ تحسین پیش کیا۔
مریم اورنگزیب نےاپنےبیان میں کہاکہ اسلام آباد مذاکرات پاکستان کی سفارتی کامیابی کا واضح ثبوت ہیں،پاکستان نے دنیا پرثابت کیاکہ سفارت کاری ایک مسلسل عمل ہے،جس میں بات چیت، مشغولیت اور مذاکرات کلیدی حیثیت رکھتے ہیں۔
انہوں نےکہاکہ یہ پیشرفت علاقائی استحکام اورعالمی امن کوفروغ دےگی،جبکہ یہ لمحہ قوم کے لیے باعثِ فخرہےجو پاکستان کی پختگی،شائستگی اورساکھ کو اجاگرکرتا ہے،عالمی سطح پرپاکستان پراعتماد میں اضافہ ہوا ہے اورملک ایک ذمہ دار اور قابل اعتماد امن مذاکرات کار کے طور پر ابھر رہا ہے۔
انہوں نےمزیدکہا کہ بین الاقوامی مہمانوں کے لیے کیےگئے انتظامات پاکستان کی مہمان نوازی اور پیشہ ورانہ صلاحیتوں کا منہ بولتا ثبوت ہیں،اوریہ کہ پاکستان کا مستقبل مضبوط اورقومی مفاد کے تابع قیادت کے ہاتھوں میں ہے
آبنائے ہرمز سے کوئی امریکی بحری جہاز نہیں گزرا، ایرانی فوج کی سینٹ کام کے دعوی کی تردید
،آبنائے ہرمز سے کوئی امریکی بحری جہاز نہیں گزرا،ایرانی فوج نے سینٹ کام کے دعوے کی تردید کردی
ترجمان ایرانی فوج کی جانب سےجاری بیان میں کہاگیاکہ ایرانی فوج کی اجازت کےبغیر آبنائے ہرمز سے کوئی جہاز نہیں گزرتا،جنگی جہاز آبنائے ہرمز سے گزرنے کی کوشش کرے گا تو سخت جواب دیں گے۔
ایرانی نائب وزیرپیٹرولیم کاکہنا ہےکہ تیل کی پیداوار ایک سے دو ماہ میں 80 فیصد تک بحال ہوگی، لاوان آئل ریفائنری کو 10 دن کے اندر فعال کریں گے۔
بلومبرگ کے مطابق امریکا ایران مذاکرات ختم ہونے پر آبنائے ہرمز میں 2 آئل ٹینکرز نے یوٹرن لےلیا،خالی سپر ٹینکرز آبنائے ہرمز عبور کرنے والے تھے، واپس مڑ گئے۔
آسٹریلیا نے امریکا اور ایران سے مذاکرات کی میز پر واپسی کا مطالبہ کردیا
آسٹریلیا نے امریکا اور ایران سے مذاکرات کی میز پر واپسی کا مطالبہ کردیا۔
آسٹریلوی وزیرخارجہ نےکہا فریقین جنگ بندی برقراررکھیں اورمذاکرات میں واپس آئیں،مذاکرات کا معاہدے کے بغیرختم ہونا مایوس کن ہے،ہم اس تنازعےکا فوری اور پائیدارحل دیکھنا چاہتے ہیں،کشیدگی میں اضافے سے عالمی معیشت مزید متاثر ہوگی۔
دوسری جانب ایرانی وزارت خارجہ کےترجمان اسماعیل بقائی نے اپنے بیان میں کہا اکثر نکات پراتفاق ہوگیا، دو سے تین نکات پراختلاف برقرار ہے،ایک ہی نشست میں کسی معاہدے تک پہنچنے کی توقع نہیں کی جانی چاہیے،کسی کو بھی اتنی جلدی معاہدے کی توقع نہیں تھی،ایران، پاکستان اوردیگر دوست ملکوں کے ساتھ مشاورت جاری رہی گے۔
اسماعیل بقائی نےکہاایک اورنکتہ مسائل اور حالات کی پیچیدگی تھی،کچھ نئےموضوعات بھی ان مذاکرات میں شامل کیےگئے،ہم سفارتی محاذ پر اپنےحقوق اورمفادات کے حصول کی جدوجہد جاری رکھیں گے۔
مجھے فرق نہیں پڑتا ایران کے ساتھ کوئی معاہدہ ہوتا ہے یا نہیں، امریکی صدر ڈونلڈ ٹرمپ
امریکی صدر ڈونلڈ ٹرمپ نے اپنے بیان میں کہا مجھے فرق نہیں پڑتا ایران کے ساتھ کوئی معاہدہ ہوتا ہے یا نہیں،ہم نے انھیں شکست دے دی ہے ۔
امریکی صدرڈونلڈ ٹرمپ نے میڈیا سےگفتگو میں کہاایران کی نیوی،فضائی اور دفاعی سسٹم تباہ کردیا،
ایرانی قیادت کو ختم کیا جاچکا ہے،چاہے جو بھی ہو، ہم جنگ جیت ہوچکے ہیں۔
ڈونلڈ ٹرمپ نےمزیدکہا ہمارے پاس مائن صاف کرنے والے جہازموجود ہیں، ہم آبنائے ہرمز سے بارودی سرنگیں صاف کر رہے ہیں،شاید ایران کے پاس کچھ بارودی سرنگیں ہوں۔
ایران امریکا کے درمیان جامع اور تعمیری مذاکرات کے متعدد دور ہوئے، نائب وزیراعظم اسحاق ڈار
ایران امریکاکےدرمیان جامع اورتعمیری مذاکرات کےمتعدددورہوئے،پاکستان دونوں ملکوں کےدرمیان مذاکراتی عمل میں سہولت کاری کاکردارجاری رکھےگا۔
نائب وزیراعظم اسحاق ڈار نےبریفنگ دیتےہوئےکہامذاکراتی عمل میں شریک ایران اور امریکاکےوفود کا شکر گزار ہوں،دونوں ملکوں نے وزیراعظم شہبازشریف کی درخواست پر مثبت ردعمل دیا۔
امریکی وفدنائب صدرجےڈی وینس کی قیادت میں پاکستان آیا،اسپیکرمحمدباقرقالیباف کی قیادت میں ایرانی وفد نے مذاکرات میں شرکت کی،میں نے بطور نائب وزیراعظم اور فیلڈمارشل عاصم منیرنےمذاکراتی عمل میں معاونت کی،فریقین کی طرف سے پاکستان کے مثبت کردار کے اعتراف پر شکر گزار ہوں۔
امیدکرتےہیں دونوں ملک پائیدارامن اورخوشحالی کیلئےمثبت سوچ سےآگےبڑھیں گے،یہ ضروری ہے کہ دونوں ملک سیز فائر کے عزم پر قائم رہیں۔
اکثر نکات پر اتفاق ہوگیا، دو سے تین نکات پر اختلاف برقرار ہے، ایرانی وزارت خارجہ
ترجمان ایرانی وزارت خارجہ اسماعیل بقائی نے کہا گزشتہ 24 گھنٹوں کے دوران مذاکرات کے اہم موضوعات کےمختلف پہلوؤں پربات چیت کی گئی،اکثر نکات پراتفاق ہوگیا،دو سےتین نکات پراختلاف برقرار ہے،پاکستان اور دیگر دوست ملکوں کے ساتھ مشاورت جاری رہی گے۔
ترجمان ایرانی وزارت خارجہ اسماعیل بقائی نے ایکس پر بیان میں کہاایک ہی نشست میں کسی معاہدے تک پہنچنے کی توقع نہیں کی جانی چاہیے،کسی کو بھی اتنی جلدی معاہدے کی توقع نہیں تھی،ایک اور نکتہ مسائل اور حالات کی پیچیدگی تھی،کچھ نئےموضوعات بھی ان مذاکرات میں شامل کیےگئے،ہم سفارتی محاذ پر اپنےحقوق اور مفادات کے حصول کی جدوجہد جاری رکھیں گے
مزید کہا ہم پاکستان کے شکر گزار ہیں جنہوں نے ان مذاکرات کی میزبانی کی،پاکستان نے مذاکراتی عمل کو آگے بڑھانے میں مثبت کردارادا کیا،کوئی بھی چیزملک اورتہذیب کےحوالے سےاپنی ذمہ داری سے باز نہیں رکھ سکتی اور نہ رکھنی چاہیے،ایران قومی مفادات کے حصول،تحفظ کیلئے سفارتکاری سمیت تمام ذرائع استعمال کرنے کیلئے پُرعزم ہے۔
ایرانی حکام کےمطابق ایران کے خلاف جنگ کا مکمل اختتام اورخطے کی صورتحال پر بھی بات چیت ہوئی، سفارتی عمل کی کامیابی کا انحصار دوسرے فریق کی سنجیدگی اور نیک نیتی پر ہے۔
مذاکرات میں بعض نکتوں پرحتمی رضامندی نہیں ہوئی،بغیرکسی ڈیل کے واپس جارہے ہیں، امریکی نائب صدر
امریکی نائب صدرجے ڈی وینس نےکہامذاکرات میں بعض نکتوں پر حتمی رضامندی نہیں ہوئی، بغیر کسی ڈیل کے واپس جارہے ہیں،ہماری ریڈ لائنز کیا ہیں وہ ہم نے واضح کردی ہے۔
امریکی نائب صدرجےڈی وینس کی پریس کانفرنس کہا ہم یہاں نہایت سادہ اوربہترین پیشکش چھوڑ کرجارہے ہیں،امید ہے ایران اسے قبول کرے گا،ہمارا ایک ہی مطالبہ ہے کہ ایران ایٹمی ہتھیار نہ بنائے اور ایسے ٹولز حاصل نہ کرے جو انہیں ایٹمی ہتھیار بنانے کے قابل بنائیں۔
امریکی نائب صدرنےمزیدکہاوزیراعظم پاکستان اورفیلڈمارشل نےشاندارمیزبانی کی،مذاکرات میں بعض نکتوں پر حتمی رضامندی نہیں ہوئی،لیکن پاکستانیوں نے بہت شاندار کام کیا، ہمارے درمیان اختلافات ختم کروانے کی پوری کوشش کی،تاکہ ہم کسی حتمی معاہدے تک پہنچ سکیں،ہم نے 21 گھنٹوں تک بات چیت کی اچھی خبر یہ ہےکہ ہم نے کئی پہلوؤں پرگفتگو کی،فی الحال ہم کسی حتمی نتیجے تک نہ پہنچ سکے، ہماری ریڈ لائنز کیا ہیں وہ ہم نے واضح کردی ہے،ان میں سےکونسےمعاہدے میں شامل ہونگے کونسے نہیں ،یہ سب ہرممکن حدتک واضح ہوگیا ہے،انہوں نے ہماری تجاویز کو فوری قبول نہیں کیا۔
انہوں نےبتایا کہ صدرٹرمپ نےکہا تھا اچھی نیت سے جائیں، ڈیل کی ہر ممکن کوشش کریں، ہم مسلسل صدر ٹرمپ سے رابطے میں تھے، کم سے کم 6 بار یا 12 مرتبہ تو ان سے بات کی۔
پریس بریفنگ میں امریکی نائب صدر نے بتایا کہ ہم نے ایڈمرل کوپر، وزیر جنگ ہیگیستھ، وزیرخارجہ روبیو سے بھی بات کی، ہم نے قومی سلامتی ٹیم، وزیر خزانہ اسکاٹ بیسینٹ سے بھی بات کی۔
امریکی نائب صدرجےڈی وینس وفد کے ہمراہ واپس امریکا روانہ ہوگئے،نائب وزیراعظم اسحاق ڈار اور فیلڈمارشل عاصم منیرنےرخصت کیا،ایئرپورٹ پروفاقی وزیرداخلہ محسن نقوی بھی موجود تھے۔
دوسری جانب ترجمان ایرانی وزارت خارجہ اسماعیل بقائی نے ایکس پر بیان میں کہا گزشتہ 24 گھنٹوں کے دوران مذاکرات کے اہم موضوعات کے مختلف پہلوؤں پر بات چیت کی گئی،ہم پاکستان کے شکر گزار ہیں جنہوں نے ان مذاکرات کی میزبانی کی،پاکستان نے مذاکراتی عمل کو آگے بڑھانے میں مثبت کردار ادا کیا۔
مزید لکھا کہ کوئی بھی چیزملک اور تہذیب کے حوالے سےاپنی ذمہ داری سے باز نہیں رکھ سکتی اور نہ رکھنی چاہیے، ایران قومی مفادات کے حصول،تحفظ کیلئے سفارت کاری سمیت تمام ذرائع استعمال کرنے کیلئے پُرعزم ہے۔
آبنائے ہرمز کو صاف کرنے کا عمل شروع کر رہے ہیں: ڈونلڈ ٹرمپ
امریکی صدر ڈونلڈ ٹرمپ نے بیان جاری کرتے ہوئے کہاہے کہ چین، جاپان، جنوبی کوریا، فرانس، جرمنی کے ساتھ مل کر آبنائے ہرمز کو صاف کرنے کا عمل شروع کر رہے ہیں۔
تفصیلات کے مطابق ایران کی 28 بارودی سرنگیں بچھانے والی کشتیوں کو غرق کیا جاچکا ہے،ایران کی بحریہ ،فضائیہ ،دفاعی نظام ،ریڈار سب ختم ہوچکا ہے جبکہ ایران کی میزائل اور ڈرون فیکٹریاں تباہ کر دی گئی ہیں۔
انہوں نے کہا کہ ایران کی اہم لیڈر شپ ختم کی جاچکی،جعلی خبریں دینے والے میڈیا نے اپنی ساکھ متاثر ہوچکی ،جعلی میڈیا کہتا ہے ایران جیت رہا ہے لیکن حقیقت میں وہ بری طرح ہار رہا ہے۔
وزیراعظم شہباز شریف سے ایرانی وفد کی ملاقات
وزیراعظم شہباز شریف نے اسلام آباد مذاکرات میں ایران کی شرکت کو سراہا ہے اور کہا کہ پاکستان خطے اور دنیا میں امن و استحکام کیلئے مثبت اور مؤثر کردار ادا کرتا رہے گا ۔
اسلام آباد مذاکرات کیلئے پاکستان پہنچنے والے ایرانی وفد نے وزیراعظم شہباز شریف سے سے ملاقات کی ۔ اسپیکر ایرانی پارلیمنٹ محمد باقر غالیباف کی زیر قیادت وفد میں وزیر خارجہ ایران عباس عراقچی بھی موجود تھے ۔ نائب وزیراعظم اسحاق ڈار، فیلڈ مارشل عاصم منیر اور وفاقی وزیر داخلہ محسن نقوی نے بھی ملاقات میں شرکت کی ۔
اس سے قبل وزیراعظم شہباز شریف اور اعلیٰ حکام نے امریکی نائب صدر جے ڈی وینس کی سربراہی میں آنے والے امریکی مذاکراتی وفد سے بھی ملاقات کی۔
واضح رہے کہ جنگ بندی کے بعد وزیراعظم کی دعوت پر دونوں ممالک کے اعلیٰ سطح کے وفود اسلام آباد پہنچے ہیں جہاں دونوں فریقین کے درمیان پائیدار امن اور مستقل جنگ بندی کیلیے مذاکرات ہوں گے۔
وزیراعظم سے امریکی نائب صدر کی ملاقات، مذاکرات پائیدار امن کی جانب اہم قدم قرار
وزیراعظم شہبازشریف سے اسلام آباد میں موجود امریکی نائب صدر جے ڈی وینس نے وفد کے ہمراہ ملاقات کی ہے۔
امریکی وفد میں اسٹیووٹکوف اور جیرڈکشنر بھی امریکی نائب صدر جے ڈی وینس کے ہمراہ تھے۔ ملاقات میں نائب وزیراعظم اور وزیرداخلہ بھی شریک ہوئے۔ دونوں ممالک کے وفود نے مثبت اور تعمیری مذاکرات پر اتفاق کرلیا۔
وزیراعظم نے ایران امریکا وفود کے تعمیری انداز میں بات چیت کے عزم کو سراہا اور مذاکرات کو خطے میں امن کی جانب اہم قدم قرار دیا۔
شہبازشریف نے کہا کہ خطے میں دیرپا امن کیلئے فریقین کے درمیان سہولت کاری جاری رکھنے کے خواہاں ہیں، مذاکرات خطے میں پائیدار امن کی جانب اہم سنگ میل ثابت ہوں گے۔
یاد رہے کہ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔ ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ چکا ہے۔
رات گئے امریکا سے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔
امن مذاکرات کی کامیابی سے عالمی معیشت کو فائدہ ہوگا، احسن اقبال
وفاقی وزیر ترقی و منصوبہ بندی احسن اقبال کا کہنا ہے کہ پاکستان کو اسلام آباد امن مذاکرات کی میزبانی پر فخر ہے۔ امن مذاکرات کی کامیابی سے عالمی معیشت کو فائدہ ہوگا۔
ایک بیان میں احسن اقبال نے کہا کہ پاکستان نے فریقین کو مذاکرات کی میز پر لانے میں کردار ادا کیا، پاکستان، برادر ممالک کی مثبت کوششوں سے امن کا موقع ملا ہے، بد اعتمادی کے بجائے بات چیت کو فروغ دینا ہوگا۔
احسن اقبال نے کہا کہ کشیدگی کے بجائے برداشت اور عقل سے کام لینے کی ضرورت ہے، جنگ پورے خطے اور دنیا کے لیے تباہ کن ثابت ہو سکتی ہے، یہ بحران اب صرف خطے تک محدود نہیں رہا، دنیا بھر میں مہنگائی اور معاشی دباؤ بڑھ رہا ہے، توانائی کی فراہمی متاثر، عالمی مارکیٹس غیر یقینی کا شکار ہے۔
انکا مزید کہنا تھا کہ جنگ جاری رہی تو مزید لوگ غربت کا شکار ہو سکتے ہیں، اس بحران کا بوجھ عام عوام کو اٹھانا پڑ سکتا ہے، امن مذاکرات کی کامیابی سے عالمی معیشت کو فائدہ ہوگا، یہ مذاکرات لاکھوں خاندانوں کے مستقبل کیلئے اہم ہیں، تاریخ طاقت نہیں، دانشمندی دکھانے والوں کو یاد رکھے گی۔
حماس کا اسلام آباد میں امریکا ایران مذاکرات کا خیر مقدم
حماس کی جانب سے اسلام آباد میں امریکا ایران مذاکرات کا خیر مقدم کیا گیا ہے۔
حماس کی جانب سےجاری بیان میں کہا گیا ہےکہ ہم اسلام آباد میں جاری مذاکرات کی کامیابی کے منتظر ہیں،مذاکرات کی کامیابی سے مشرق وسطیٰ اور خطے میں امن و استحکام آئے گا،یہ بات چیت عرب اور اسلامی ممالک کے درمیان اتحاد کا باعث بنیں گی۔
خیال رہے کہ ایران کیساتھ جنگ بندی مذاکرات کےلیےامریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ چکا ہے،نائب وزیراعظم اسحاق ڈار اور فیلڈمارشل عاصم منیر نے استقبال کیا۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
قبل ازیں رات گئے مذاکرات کیلئےایران کا اعلیٰ سطح کا وفد پاکستان پہنچ گیا،اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
ایرانی اسپیکرنے پاکستان کی پرواز کے دوران جنگ میں شہید بچوں کی تصاویر شیئر کردیں
ایرانی پارلیمنٹ کے اسپیکر باقر قالیباف نے پاکستان کی پرواز کے دوران اپنی تصویر سوشل میڈیا پر جاری کر دی۔
پاکستان آنے والے ایرانی وفد کے ساتھ کچھ ایسے ہم سفر بھی تھے جوجنگ کی ہولناکیوں کی علامت ہیں، طیارے میں چند نشستیں ان بچیوں کیلئے مختص تھیں جو میناب میں امریکی بمباری میں شہید ہوئی تھیں۔ ایرانی وفد کے سربراہ باقر قالیباف نے دل چیر دینے والے منظر کی تصویر شیئر کردی۔
کچھ ایسا ہی منظر ایرانی وفد کے طیارے میں بھی تھا،وفد کے سربراہ محمد باقر قالیباف نے سوشل میڈیا پر ایک تصویرشیئرکی،جس میں طیارے کی کچھ نشستیں بچیوں کیلئے مختص تھیں،لیکن بچیوں کی جگہ انکی تصاویر اور اسکول بیگزنشستوں پر موجودتھے۔
یہ وہ بچیاں ہیں جو 28 فروری کو ایران کے شہر میناب میں امریکی بمباری میں شہید ہوئی تھیں۔ قالیاف نے لکھاکہ یہ ہمارے ہم سفرہیں امید رکھنی چاہیےکہ امن کا سورج جلد طلوع ہوگا،لیکن سفاکیت کے کالے بادل چھٹنے دہائیاں بیت جائیں گی۔
دنیا کے امن میں اہم کردار ادا کرنا پاکستان کے لیے خوشی کا باعث ہے، بیرسٹرگوہر
چیئرمین پی ٹی آئی بیرسٹرگوہر نےکہا ہم مذاکرات کے لیےپاکستان آنے والے معزز مہمانوں کو خوش آمدید کہتے ہیں۔
چیئرمین پی ٹی آئی بیرسٹرگوہر نےسما سےگفتگو کرتےہوئےکہا ہماری دعا ہےکہ مشرق وسطٰی میں پائیدار اور دیرپا امن بحال ہو،ہم اس عمل میں شامل تمام لوگوں کی کاوشوں کو سراہتے ہیں۔
بیرسٹرگوہر نےمزیدکہا دنیا کے امن میں اہم کردار ادا کرنا پاکستان کے لیےخوشی کا باعث ہے،امید ہے اسلام آباد مذاکرات مستقل اور پائیدار امن کا سنگ میل ثابت ہوں گے
ایران کے بعد امریکی وفد بھی مذاکرات کے لیے اسلام آباد پہنچ گیا
ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ گیا۔ نائب وزیراعظم اسحاق ڈار اور فیلڈمارشل عاصم منیر نے استقبال کیا۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
وزارت خارجہ کے اعلامیے کے مطابق امریکی نائب صدر کا خیرمقدم کرتے ہوئے نائب وزیراعظم اسحاق ڈار نے علاقائی اور عالمی سطح پر دیرپا امن و استحکام کے حصول کے لیے امریکا کے عزم کو سراہا۔
اعلامیے میں کہا گیا ہے کہ اسحاق ڈار نے اس امید کا اظہار کیا کہ فریقین تعمیری انداز میں بات چیت کریں گے۔ اس موقع پر انھوں نے تنازع کے پائیدار اور دیرپا حل کے لیے فریقین کو سہولت فراہم کرنے کے پاکستان کے عزم کا اعادہ کیا۔
قبل ازیں رات گئے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
امریکا میں پاکستانی سفیر رضوان شیخ نے ایک انٹرویو میں کہا کہ پاکستان کا کام فریقین کو مذاکرات کی میز پر بیٹھانا تھا۔ دونوں جانب سے تعمیری سوچ کا اظہار کیا جارہا ہے۔ مذاکراتی عمل آگے بڑھے گا تو مسائل خود بہ خود حل ہوتے جائیں گے۔
جنگ اور اب مذاکرات کا ایک ہی مقصد ہے ایران کو ایٹمی ہتھیاروں کے حصول سے روکنا، امریکی صدر
امریکی صدر ڈونلڈ ٹرمپ نے کہا جنگ اور اب مذاکرات کا ایک ہی مقصد ہے،ایران کو ایٹمی ہتھیاروں کے حصول سے روکنا،رجیم چینج ہمارے مقاصد میں شامل نہیں تھا لیکن وہ بھی ہوگئی۔
امریکی صدرڈونلڈ ٹرمپ کی میڈیا سےگفتگوکہا ایران کو عسکری میدان میں شکست ہوچکی ہے،اس لیے کسی بیک اپ پلان کی ضرورت نہیں ہے،ان کے پاس میزائل بہت کم رہ گئے ہیں،پیداواری صلاحیت بھی بہت محدود ہوگئی ہے،ہماری فوج نے جو کام کیا وہ بہت شاندار ہے
امریکی صدر نےکہا جےڈی وینس،اسٹیو وٹکوف،وہ آج مل رہے ہیں،جو ہوگا ہم دیکھ لیں گے،ان کیلئےمیری نیک تمنائیں ہیں،معاملہ بڑا ہے،میں دیکھوں گاکیا ہوتاہے،اوراب ہم خلیج کو کھول رہےہیں، وہ ساتھ دیں یا نہ دیں،خلیج کو کھول دیں گے،آبنائے ہرمز کو ہم استعمال بھی نہیں کرتے،دوسرے کرتے ہیں،چند ملک سامنے آئے ہیں جو مدد کرنا چاہتے ہیں۔
مزیدکہا ایران کی نیوی اورایئرفورس ختم ہوچکی،اینٹی ایئرکرافٹ سسٹم بھی تباہ کردیا،انکا لیڈر بھی مارا گیا،سب کچھ ختم ہوگیا،دیکھتے ہیں کیاہوتاہے،۔
سیکریٹری جنرل اقوا متحدہ کا پاکستان میں ہونے والے امریکا ایران مذاکرات کا خیرمقدم
اقوام متحدہ کے سیکرٹری جنرل انتونیو گوتریس پاکستان میں ہونے والے امریکا ایران مذاکرات کی کامیابی کےلیے پرامید ہیں۔
انتونیو گوتریس کے ترجمان نے پریس بریفنگ میں بتایا کہ سیکرٹری جنرل پاکستان کی ثالثی میں ہونے والےامریکا اورایران کے مذاکرات کا خیرمقدم کرتے ہیں۔
ترجمان نے کہا کہ فریقین سفارتی موقع سے فائدہ اٹھاتے ہوئےخلوصِ نیت کے ساتھ بات چیت کریں تاکہ کشیدگی میں کمی لائی جا سکے اور دشمنی کے دوبارہ آغاز کو روکا جاسکے۔ فریقین نے معاملات افہام و تفہیم سے آگے بڑھائےتو ایک دیرپا اور جامع معاہدے کی جانب پیش رفت ممکن ہے۔
نئی تاریخ رقم، امریکا اور ایران کے درمیان مذاکرات آج اسلام آباد میں ہوں گے
امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ گیا۔
رات گئے امریکا سے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
امریکا میں پاکستانی سفیر رضوان شیخ نے ایک انٹرویو میں کہا کہ پاکستان کا کام فریقین کو مذاکرات کی میز پر بیٹھانا تھا۔ دونوں جانب سے تعمیری سوچ کا اظہار کیا جارہا ہے۔ مذاکراتی عمل آگے بڑھے گا تو مسائل خود بہ خود حل ہوتے جائیں گے۔
پاکستانی سفیر رضوان شیخ نے کہا کہ پاکستان اور عالمی برادری کی نیک خواہشات فریقین کے ساتھ ہیں۔ ہم سب پرامید ہیں کہ اس بات چیت کا کوئی معنی خیز نتیجہ سامنے آئے گا۔
جنگ بندی مذاکرات کیلئے ایران کا اعلیٰ سطح وفد اسلام آباد پہنچ گیا
ایران کا اعلیٰ سطح وفد امریکہ کے ساتھ جنگ بندی مذاکرات میں شرکت کے لیے اسلام آباد پہنچ گیا۔
ترجمان دفتر خارجہ کی جانب سے جاری بیان میں بتایا گیا کہ ایران کے اعلیٰ سطح وفد کی قیادت سپیکر ایرانی پارلیمنٹ محمد باقر قالیباف کر رہے ہیں جبکہ وزیرخارجہ عباس عراقچی بھی وفد کے ہمراہ ہیں ۔
ایرانی وفد کا استقبال فیلڈ مارشل عاصم منیر، نائب وزیراعظم و وزیر خارجہ اسحاق ڈار، سپیکر قومی اسمبلی سردار ایاز صادق او روزیر داخلہ محسن نقوی نے کیا ۔
ترجمان دفتر خارجہ کے مطابق وزیرخارجہ اسحاق ڈار نے امید ظاہر کی کہ فریقین تعمیری انداز میں مذاکرات آگے بڑھائیں گے، پاکستان نےتنازع کے پائیدار اور دیرپا حل کے لیے سہولت کاری جاری رکھنے کے عزم کا اعادہ کیا۔
امریکی نائب صدر پاکستان کیلئے روانہ، اگر ایرانی نیک نیتی کے ساتھ مذاکرات کیلئے تیار ہیں تو ہم بھی تیار ہیں: جے ڈی وینس
امریکی نائب صدر جے ڈی وینس اسلام آباد ٹاکس کیلئے پاکستان روانہ ہو گئے ہیں ۔
تفصیلات کے مطابق ایئرپورٹ پر طیارے میں روانگی سے قبل میڈیا سے گفتگو کرتے ہوئے جے ڈی وینس نے کہا کہ ایران کے ساتھ مذاکرات کے منتظر ہیں،صدر ٹرمپ نے ہمیں مذاکرات کے حوالے سے کافی واضح ہدایات دی ہیں،سمجھتے ہیں ایران کے ساتھ مذاکرات مثبت ہوں گے،اگر ایرانی نیک نیتی کے ساتھ مذاکرات کے لیے تیار ہیں تو ہم بھی تیار ہیں۔
نائب امریکی صدر جے ڈی وینس، اسٹیو وٹکوف اور جیرڈ کشنر امریکا کی نمائندگی کریں گے جبکہ ایران کی طرف سے وزیر خارجہ عباس عراقچی اور اسپیکرباقر قالیباف مذاکرات میں شریک ہوں گے۔ غیرملکی وفود آج کسی بھی وقت اسلام آباد پہنچیں گے۔
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
دفتر خارجہ
اسلام آباد ٹاکس کیلئے ویزا فری سفر کی اجازت سے متعلق ترجمان دفترخارجہ نے وضاحت جاری کر دی ہے ۔
ترجمان دفتر خارجہ نے بیان میں کہا کہ پاکستان نے صرف اسلام آباد ٹاکس میں شریک ممالک کیلئے یہ سہولت دی ہے ،ایران ،امریکا کے وفود، صحافیوں کیلئے ویزا فری سفر کی سہولت فراہم کی گئی ہے ،یہ سہولت ان صحافیوں کیلئے بھی صرف مذاکرات کی مدت تک محدود ہوگی ،اس سہولت کا اطلاق تیسرے ممالک کے شہریوں پر نہیں ہوگا۔
مشرق وسطیٰ میں مستقل امن معاہدہ کےلیے اسلام آباد میں مذاکرات کیلئے تیاریاں مکمل
مشرق وسطیٰ جنگ میں دو ہفتے کی جنگ بندی کے بعد مستقل امن معاہدہ کروانے کی تیاریوں کے سلسلے میں پاکستان کی میزبانی میں اسلام آباد میں مذاکراتی میز سج گئی۔
نائب امریکی صدر جے ڈی وینس، اسٹیو وٹکوف اور جیرڈ کشنر امریکا کی نمائندگی کریں گے جبکہ ایران کی طرف سے وزیر خارجہ عباس عراقچی اور اسپیکرباقر قالیباف مذاکرات میں شریک ہوں گے۔ غیرملکی وفود آج کسی بھی وقت اسلام آباد پہنچیں گے۔
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
دوسری جانب حکومت نے اسلام آباد ٹاکس 2026 کے شرکاء کے لیے بڑی سہولت کا اعلان کردیا۔ وزارت داخلہ نے اسلام آباد ٹاکس کیلئے خصوصی ویزا پالیسی جاری کردی۔
اسلام آباد ٹاکس 2026 کیلئے آنے والے تمام افراد کو"ویزا آن آرائیول" کی سہولت ملے گی، تمام ایئر لائنز کو اسلام آباد ٹاکس 2026 کے شرکاء کو بورڈنگ کی اجازت دینے کی ہدایت کردی گئی ہے۔ ایئرپورٹس پر مسافروں کی رہنمائی کے لیے خصوصی "فیسیلٹیشن ڈیسک" قائم کردیئے گئے، نوٹیفکیشن سیکشن آفیسر (ویزا) آغا حاشر محمود خان کے دستخط سے جاری کیا گیا۔
ڈونلڈ ٹرمپ کی جے ڈی وینس کو ایران جنگ سے نکلنے کا راستہ ڈھونڈنے کی ہدایت
امریکی صدر ڈونلڈ ٹرمپ نے نائب صدر جے ڈی وینس کو ایران جنگ سے نکلنے کا راستہ ڈھونڈنے کی ہدایت کردی۔
عالمی میڈیا کے مطابق ٹرمپ انتظامیہ میں جے ڈی وینس جنگ کے سب سے زیادہ مخالف تھے، جے ڈی وینس ماضی میں بھی جنگ کے خلاف بیانات دیتے رہے ہیں۔
قبل ازیں امریکی نشریاتی ادارے سے گفتگو کرتے ہوئے صدر ڈونلڈ ٹرمپ کا کہنا تھا کہ اسلام آباد مذاکرات کے نتیجے میں ایران کے ساتھ امن معاہدے کے لیے پر امید ہوں۔ ایران اور امریکہ کے درمیان مذاکرات سے قبل اسرائیلی وزیرِ اعظم نیتن یاہو لبنان پر حملوں میں کمی کریں گے۔
ڈونلڈ ٹرمپ نے کہا کہ اسرائیلی وزیرِ اعظم نیتن یاہو نے فون کرکے حملوں میں کمی کرنے کی یقین دہانی کرائی، نیتن یاہو سے بات کر لی ہے اور وہ حملوں میں کمی کریں گے۔ لبنان پر اسرائیلی حملوں میں کمی آئی ہے۔
امریکی نائب صدر، ایرانی قیادت کو خوش آمدید کہتے ہیں، صدر استحکام پاکستان پارٹی
وفاقی وزیرمواصلات اور صدر استحکام پاکستان پارٹی عبدالعلیم خان نے اسلام آباد میں ایران امریکا مذاکرات کے تناظر میں خیرمقدمی پیغام میں مہمانوں کو خوش آمدید کہتے ہوئے پاکستان کو عالمی امن کا مرکز قرار دے دیا۔
پاکستان میں ایران اور امریکا کے درمیان ممکنہ جنگ بندی مذاکرات کے تناظر میں وفاقی وزیر عبدالعلیم خان نے خیرمقدمی پیغام جاری کرتے ہوئے عالمی قیادت کو خوش آمدید کہا ہے۔ عبدالعلیم خان کا کہنا تھا کہ امریکی نائب صدر اور ایرانی قیادت کو دل کی گہرائیوں سے خوش آمدید کہتے ہیں۔
صدر استحکام پاکستان پارٹی نے کہا کہ اسلام آباد آج عالمی سیاست کا مرکز نگاہ بن چکا ہے۔ وزیراعظم اور عسکری قیادت کی بہترین سفارتکاری کے باعث دنیا پاکستان کی معترف ہو رہی ہے، نائب وزیراعظم اسحاق ڈار کی کاوشیں بھی قابل تحسین ہیں۔
وفاقی وزیر مواصلات نے دنیا بھر میں جنگی حالات کی مذمت کرتے ہوئے کہا کہ امن ہی جینے کا واحد راستہ ہے اور پاکستان نے عملی طور پر خود کو عالمی امن کا علمبردار ثابت کیا ہے۔
عبدالعلیم خان نے امید ظاہر کی کہ اسلام آباد سے دنیا بھر کیلئے سلامتی اور استحکام کا مثبت پیغام جائے گا اور مذاکرات کا یہ سلسلہ کامیابی سے ہمکنار ہوگا۔
پاکستان اور فرانس کا لبنان میں جنگ بندی کی خلاف ورزیوں پر اظہار تشویش
پاکستان اور فرانس نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔
ترجمان دفترخارجہ کے مطابق نائب وزیراعظم اسحاق ڈار سے فرانس کے وزیر خارجہ ژاں نوئل بیروٹ نے ٹیلیفونک رابطہ کیا، فرانسیسی وزیر خارجہ نے جنگ بندی یقینی بنانے میں پاکستان کی کوششوں کو سراہا۔
اعلامیے کے مطابق ژاں نوئل نے خطے میں امن کیلئے پاکستان کے سفارتی کردار کی حمایت کا اظہار کیا، دونوں وزرائے خارجہ نے لبنان میں جنگ بندی کی خلاف ورزیوں پر تشویش کا اظہار کیا اور جنگ بندی کے مکمل نفاذ اور احترام کی اہمیت پر زور دیا۔
دونوں رہنماوں نے پاکستان اور فرانس کا دوطرفہ تعلقات مزید مضبوط بنانے، دونوں ممالک نے تجارت اور اقتصادی تعاون بڑھانے کے عزم کا اعادہ کیا۔ دونوں وزرائے خارجہ نے قریبی رابطے جاری رکھنے کا فیصلہ کیا۔
جنوبی لبنان میں ایک بار پھر اسرائیلی فوج کی بمباری
جنوبی لبنان میں ایک بار پھر اسرائیلی فوج نے بمباری کی ہے۔
عرب میڈیا کے مطابق صبح سے اب تک لبنان کے علاقے صرفند کے علاقے میں 2 بار اسرائیلی فوج کی جانب سے بمباری ہوئی ہے۔
واضح رہے کہ امریکا اور ایران جنگ بندی کے بعد لبنان میں بدھ کو ہونے والے اسرائیلی فوج کے حملوں میں 200 سے زائد افراد شہید ہو گئے ہیں۔ لبنان کی وزارتِ صحت کا کہنا ہے کہ کشیدگی کے شروع ہونے کے بعد سے اب تک بدھ کے روز حملوں میں سب سے زیادہ لوگ شہید ہوئے ہیں۔
واضح رہے کہ لبنان جنگ میں اب تک مجموعی اموات کی تعداد1600سے تجاوز کرگئی ہے،ہزاروں زخمی، لاکھوں بے گھر ہوچکے ہیں، جاں بحق افراد میں102خواتین،130بچے اور طبی عملے کے57 کارکن شامل ہیں۔
امریکا ایران کے بعد یوکرین اور روس کے درمیان بھی عارضی جنگ بندی ہوگئی
امریکا ایران کے بعد یوکرین اور روس کے درمیان بھی عارضی جنگ بندی ہوگئی۔
روسی صدر ولادی میر پیوٹن نے آرتھوڈوکس ایسٹر کے موقع پر 32 گھنٹے کی جنگ بندی کا اعلان کیا۔ جسے یوکرینی صدر زیلنسکی نے بھی منظور کرلیا۔
گزشتہ سال بھی ایسٹر کے موقع پر دونوں ملکوں کے درمیان 30 گھنٹے کی جنگ بندی ہوئی تھی تاہم اس دوران دونوں جانب سے جنگ بندی کی خلاف ورزیوں کے الزامات سامنے آئے تھے۔
امریکا ایران مذاکرات کا اسلام آباد میں انعقاد پاکستان کے لیے اعزاز کی بات ہے، وزیر داخلہ
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
اجلاس میں فیصلہ کیا گیا کہ ریڈ زون کو مکمل سیل کیا جائے گا اور صرف متعلقہ افراد کو داخلے کی اجازت ہو گی۔ سکیورٹی کے حوالے سے وزارت داخلہ میں کنٹرول روم قائم کر دیا گیا ہے۔
اجلاس میں وزیر مملکت داخلہ طلال چوہدری، وفاقی سیکرٹری داخلہ، چیف کمشنر۔ آئی جی اسلام آباد پولیس، کمشنر راولپنڈی، ڈی جی ایف آئی اے، ڈی سی اسلام آباد، رینجرز، فیڈرل کانسٹیبلری اور وزارت خارجہ کے نمائندوں نے شرکت کی۔
ایران کے سابق وزیر خارجہ کمال خرازی زخموں کی تاب نہ لا کر شہید ہوگئے
ایران کے سابق وزیر خارجہ کمال خرازی زخموں کی تاب نہ لاتے ہوئے شہید ہوگئے۔
ایرانی میڈیا کے مطابق سابق وزیر خارجہ گزشتہ روز اپنے خالق حقیقی سے جاملے۔ یکم اپریل کو امریکا اور اسرائیل کی بمباری میں کمال خرازی کی اہلیہ موقع پر ہی شہید ہوگئی تھیں جبکہ انہیں شدید زخم آئے تھے۔
ڈاکٹر کمال خرازی ایران کی اعلیٰ قیادت کے قریبی مشیر رہے۔ وہ مجتبیٰ خامنہ ای کے مشیر تھے اور اس سے قبل علی خامنہ ای کے بھی قریبی ساتھی رہ چکے تھے۔
جنگ بندی کے دوران ایرانی افواج نے کسی ملک پر کوئی حملہ نہیں کیا، ترجمان
ایرانی پاسداران انقلاب کے ترجمان کا کہنا ہے کہ جنگ بندی کے دوران ایرانی افواج نے کسی ملک پر کوئی حملہ نہیں کیا۔
بیان کے مطابق اگر کسی ملک پر حملہ ہوا ہے تو یہ اسرائیل کی سازش ہے، ایرانی افواج کسی پر حملہ کریں گے تو اس کا اعلان کریں گے۔
دوسری جانب ترجمان امریکی سینٹ کام کے مطابق جنگ بندی کے تحت ایران کے خلاف کارروائیاں عارضی طور پر روک دیں، جنگ میں ایران کی نیوی، بحریہ ،دفاعی نظام اور ڈرونز کی صلاحیت ختم کردی، جنگ میں ایران کو تاریخی شکست کا سامنا کرنا پڑا۔
بیان کے مطابق ہم نے ایران میں 13ہزار فوجی اہداف کو کامیابی سے نشانہ بنایا، امریکی فوج اب بھی مشرق وسطیٰ میں موجود ہے اور الرٹ ہے، امریکا علاقائی شراکت داروں کی مدد جاری رکھے گا۔
نیتن یاہو کے خلاف بدعنوانی مقدمے کی کارروائی دوبارہ شروع کرنے کا اعلان
سیز فائر کے بعد اسرائیل میں ہنگامی حالات کی صورتحال ختم ہونے کے بعد اسرائیلی عدالت نے نیتن یاہو کے خلاف بدعنوای کے مقدمے کی کارروائی دوبارہ شروع کرنے کا اعلان کردیا۔
خبر ایجنسی کے مطابق نیتن یاہو کے خلاف بدعنوانی کے مقدمے کی سماعت اتوار سے شروع ہوگی، مقدمے کی کارروائی اتوار سے بدھ تک جاری رہے گی، ان کے خلاف مقدمات کی سماعت 2020 سے جاری ہیں۔
نیتن یاہو اسرائیلی وزیرِاعظم ہیں جن پر اقتدارکے دوران فردِ جرم عائد کی گئی، ایران جنگ کی آڑ میں نیتن یاہو نے تمام عدالتی کارروائیاں معطل کردی تھیں۔ نیتن یاہو کی جانب سے بار بار رکاؤٹیں ڈالنے کی وجہ سے 2020 سے جاری مقدمے کی کارروائی مکمل ہونے کا نام نہیں لیتی۔
سعودی عرب پر حملوں کے بعد تیل و گیس کی پیداوار میں نمایاں کمی ریکارڈ
سعودی عرب کی سرکاری خبر رساں ایجنسی نے انکشاف کیا ہے کہ حالیہ حملوں کے نتیجے میں ملک کے اہم توانائی منصوبے شدید متاثر ہوئے ہیں، جس کے باعث تیل اور گیس کی پیداوار اور ترسیل میں نمایاں کمی واقع ہوئی ہے۔
رپورٹ کے مطابق ایک بڑے تیل پمپنگ اسٹیشن پر حملے کے نتیجے میں یومیہ 7 لاکھ بیرل تیل کی ترسیل متاثر ہوئی، جبکہ منیفہ اور خریص آئل فیلڈز پر حملوں سے مجموعی طور پر یومیہ 3 لاکھ بیرل پیداوار کم ہو گئی ہے۔ اس طرح سعودی عرب کی مجموعی تیل پیداواری صلاحیت میں یومیہ 6 لاکھ بیرل تک کمی ریکارڈ کی گئی ہے۔
سعودی نیوز ایجنسی کے مطابق جبیل میں سٹورپ، راس تنورہ، ینبع میں سامرف اور ریاض ریفائنری جیسے بڑے صنعتی اور توانائی کے مراکز بھی ان حملوں کی زد میں آئے ہیں، جس کے باعث نہ صرف ملکی سطح پر بلکہ عالمی منڈی میں بھی تیل کی سپلائی متاثر ہونے لگی ہے۔
مزید بتایا گیا ہے کہ جُعیمہ کے پروسیسنگ پلانٹس میں آگ لگنے سے ایل پی جی کی برآمدات بھی متاثر ہوئی ہیں۔ ان حملوں میں ایک سیکیورٹی اہلکار جاں بحق جبکہ 7 سعودی شہری زخمی ہوئے ہیں۔
رپورٹ میں خبردار کیا گیا ہے کہ اگر ان حملوں کا سلسلہ جاری رہا تو عالمی تیل کی سپلائی میں مزید کمی آ سکتی ہے، جس کے نتیجے میں بین الاقوامی منڈی میں توانائی کا بحران شدت اختیار کر سکتا ہے۔
ماہرین کے مطابق سعودی عرب جیسے بڑے تیل پیدا کرنے والے ملک کی سپلائی متاثر ہونے سے عالمی معیشت پر بھی گہرے اثرات مرتب ہو سکتے ہیں۔
جنگ نہیں چاہتے مگر اپنے حقوق سے دستبردار نہیں ہوں گے،ایرانی سپریم لیڈر
ایران کے سپریم لیڈر مجتبیٰ خامنہ ای نے واضح کیا ہے کہ ایران جنگ نہیں چاہتا، تاہم اپنے حقوق سے کسی صورت دستبردار نہیں ہوگا۔
ایرانی سپریم لیڈر مجتبیٰ خامنہ ای کا بیان سرکاری ٹیلی وژن پر پڑھ کر سنایا گیا، جس میں انہوں نے کہا کہ آبنائے ہرمز کے انتظام کو مزید مؤثر بنایا جائے گا اور ایران پر حملہ کرنے والوں کو ہرگز معاف نہیں کیا جائے گا۔
ایرانی سپریم لیڈر مجتبیٰ خامنہ ای نے کہا کہ ہم ہر نقصان کا ازالہ طلب کریں گے، آبنائے ہرمز کے انتظام کے حوالے سے نیا طریقہ کار اختیار کریں گے، بہادر ایرانی قوم، اس میدانِ جنگ میں فاتح ثابت ہوئے۔
انہوں نے خبردار کیا کہ یہ متکبر طاقتیں کسی بھی موقع پر خطے کے ممالک کا استحصال کرنے اور انہیں ذلیل و شرمندہ کرنے سے گریز نہیں کریں گی۔
امریکی صدر اسلام آباد مذاکرات کے نتیجے میں ایران کے ساتھ امن معاہدے کے لیے پُرامید
امریکی صدر ڈونلڈ ٹرمپ کا کہنا ہے کہ اسلام آباد مذاکرات کے نتیجے میں ایران کے ساتھ امن معاہدے کے لیے پر امید ہوں۔
امریکی نشریاتی ادارے سے گفتگو کرتے ہوئے صدر ڈونلڈ ٹرمپ نے کہا ہے کہ ایران اور امریکہ کے درمیان مذاکرات سے قبل اسرائیلی وزیرِ اعظم نیتن یاہو لبنان پر حملوں میں کمی کریں گے۔
ڈونلڈ ٹرمپ نے کہا کہ اسرائیلی وزیرِ اعظم نیتن یاہو نے فون کرکے حملوں میں کمی کرنے کی یقین دہانی کرائی، نیتن یاہو سے بات کر لی ہے اور وہ حملوں میں کمی کریں گے۔ لبنان پر اسرائیلی حملوں میں کمی آئی ہے۔
ان کا مزید کہنا تھا کہ وہ پُر امید ہیں کہ اسلام آباد میں مذکرات کے دوران امن معاہدہ ہو جائے گا۔ ایرانی رہنما بہت معقول لوگ ہیں، ایران نے ان تمام چیزوں سے اتفاق کرلیا ہے جس پر اسے اتفاق کرنا تھا اور اس کے عہدیدار جب میڈیا سے بات نہیں کرتے تو مناسب نظر آتے ہیں۔
امریکی صدر نے ایک اور پیغام میں لکھا کہ ایران کی جانب سے آبنائے ہرمز سے گزرنے والے ٹینکرز سے فیس وصولی کی اطلاعات ہیں۔ اگر ایران ایسا کررہا ہے تو اسے روکنا ہوگا۔ جو ہورہا ہے وہ معاہدے کےمطابق نہیں، ایران کےساتھ یا اس کے بغیر آبنائے ہرمز سے تیل کی ترسیل جلد شروع ہوگی۔
وزارت داخلہ نے اسلام آباد ٹاکس کیلئے خصوصی ویزا پالیسی جاری کردی
حکومت نے اسلام آباد ٹاکس 2026 کے شرکاء کے لیے بڑی سہولت کا اعلان کردیا۔ وزارت داخلہ نے اسلام آباد ٹاکس کیلئے خصوصی ویزا پالیسی جاری کردی۔
اسلام آباد ٹاکس 2026 کیلئے آنے والے تمام افراد کو"ویزا آن آرائیول" کی سہولت ملے گی، تمام ایئر لائنز کو اسلام آباد ٹاکس 2026 کے شرکاء کو بورڈنگ کی اجازت دینے کی ہدایت کردی گئی ہے۔
ایئرپورٹس پر مسافروں کی رہنمائی کے لیے خصوصی "فیسیلٹیشن ڈیسک" قائم کردیئے گئے، نوٹیفکیشن سیکشن آفیسر (ویزا) آغا حاشر محمود خان کے دستخط سے جاری کیا گیا۔
دوسری جانب اسلام آباد میں مذاکرات کے لیے غیرملکی وفود کی آمد کے تناظر میں وفاقی وزیر داخلہ محسن نقوی کی زیرصدارت سیکیورٹی اور دیگر انتظامات سےمتعلق اہم اجلاس ہوا۔ جس میں امریکا ایران مذاکرات کی تیاریوں اورسیکیورٹی پلان کا تفصیلی جائزہ لیا گیا۔
وفاقی وزیر داخلہ نے غیر ملکی مہمانوں کے لیے بہترین انتظامات یقینی بنانے کی ہدایت کرتے ہوئے کہا اسلام آباد میں امریکا ایران مذاکرات کا انعقاد پاکستان کےلیے اعزاز ہے۔ اجلاس میں فیصلہ کیا گیا کہ ریڈ زون کو مکمل طور پر سیل کیا جائے گا اور صرف متعلقہ افراد کو داخلے کی اجازت ہوگی۔۔ وزارت داخلہ میں کنٹرول روم بھی قائم کر دیا گیا۔
اسرائیل کے ساتھ براہ راست مذاکرات شروع ہو چکے ہیں: لبنانی صدر
لبنان کے صدر جوزف عون نے بیان جاری کرتے ہوئے کہا ہے کہ اسرائیل کے ساتھ براہ راست مذاکرات شروع ہوچکے ہیں۔
تفصیلات کے مطابق لبنانی صدر نے بیان میں کہا کہ مسئلے کا واحد حل اسرائیل کے ساتھ جنگ بندی ہے،اسرائیل کی جانب سے جنگ بندی کا مثبت جواب ملا ہے۔
دوسری جانب ترک وزیرخارجہ حاقان فیدان نے نیوز کانفرنس سے خطاب میں کہا کہ امید ہے لبنان میں مستقل جنگ بندی پر عمل درآمد کیا جائیگا،نیتن یاہو کو لبنان کا امن سبوتاژ کرنےکی اجازت نہیں دیں گے،لبنان کو جنگ بندی شامل کیا جانا چاہیے۔
لبنان کے وزیراعظم کی شہبازشریف سے اسرائیلی حملے رکوانے کیلئے تعاون کی درخواست
وزیر اعظم محمد شہباز شریف نے لبنان کے وزیراعظم نواف سلام سے ٹیلیفونک رابطہ کیا جس دوران لبنان کے خلاف اسرائیل کی جارحیت کی شدید مذمت کی گئی۔
وزیراعظم نے لبنان کے خلاف اسرائیل کی جاری جارحیت کی شدید مذمت کی اور ہزاروں قیمتی جانوں کے ضیاع پر دکھ کا اظہار کیا۔ وزیراعظم نے کہا کہ پاکستان علاقائی امن کے لیے مخلصانہ کوششوں میں مصروف ہے اور اسی جذبے کے تحت ایران اور امریکا کے درمیان امن مذاکرات کا انعقاد کیا جا رہا ہے۔
وزیر اعظم شہباز شریف کی امن کی کوششوں پر شکریہ ادا کرتے ہوئے، لبنان کے وزیر اعظم نے لبنان اور اس کے عوام کو نشانہ بنانے والے حملوں کو فوری طور پر ختم کرنے کے لیے پاکستان سے تعاون طلب کیا۔ دونوں رہنماؤں نے رابطے میں رہنے پر اتفاق کیا۔
اسرائیلی فوج کا رہنما حزب اللہ علی یوسف خرشی کو شہید کرنے کا دعویٰ
اسرائیلی فوج نے حزب اللہ کے سربراہ نعیم قاسم کے ڈپٹی علی یوسف خرشی کو شہید کرنے کا دعویٰ کیا ہے۔
ترجمان صیہونی فوج کے مطابق حزب اللہ کے رہنما کو بیروت میں گزشتہ روز نشانہ بنایا، علی یوسف خرشی نعیم قاسم کے ذاتی سیکرٹری بھی تھے۔
دوسری جانب عالمی رہنماوں کا کہنا ہے کہ امریکا اور ایران کی جنگ بندی کا اطلاق لبنان پر بھی ہونا چاہیے۔ یورپی یونین کی فارن پالیسی چیف کایا کالاس نے کہا کہ اسرائیل کے حملوں کو کسی بھی طرف دفاعی کارروائی نہیں کہا جاسکتا۔ حق دفاع اس تباہی کا جواز نہیں ہوسکتا۔ جنگ بندی میں لبنان کو بھی شامل ہونا چاہیے۔
برطانوی اور فرانسیسی وزرائے خارجہ نے بھی لبنان میں جنگ بندی کا مطالبہ کیا۔ ایمنیسٹی انٹرنیشنل نے اپنے بیان میں کہا کہ دس منٹ کے اندر 100 مقامات پر بمباری کی گئی۔ ذمہ دار ممالک اسرائیل کو ہتھیاروں کی فراہمی روک دیں۔
امن کا موقع ضائع نہیں ہونے دیں گے، سیاسی و عسکری قیادت کا مذاکرات کامیاب بنانے کا عزم
وزیراعظم شہباز شریف کی زیرصدارت اعلیٰ سطح کا مشاورتی اجلاس ہوا ہے جس میں سیاسی و عسکری قیادت نے امریکا اور ایران مذاکرات کامیاب بنانے کے عزم کا اظہار کیا۔
ذرائع کے مطابق وزیراعظم شہباز شریف کی زیر صدارت اعلیٰ سطح مشاورتی اجلاس میں اعلیٰ عسکری اور سول قیادت نے اسلام آباد مذاکرات کےحوالے سے تفصیلی مشاورت کی۔
شرکاء نے اسلام آباد مذاکرات کو کامیاب بنانے کے عزم کا اظہار کیا، کہا کہ جنگ بندی پر پاکستان کا مثبت، تعمیری کردارعالمی سطح پرسراہا جارہا ہے، امن کا یہ موقع ضائع نہیں ہونے دیا جائے گا۔ شرکاء نے جنگ بندی میں کلیدی کردار پر فیلڈ مارشل کو بھرپور خراج تحسین پیش کیا۔
واضح رہے کہ مستقل جنگ بندی کےلیے امریکا اور ایران کے درمیان مذاکرات کل اسلام آباد میں ہوں گے، وزیراعظم شہباز شریف کو مذاکرات کی جگہ سے متعلق بریفنگ دی گئی، وزیراعظم کو دفتر خارجہ سمیت اہم مقامات اور معزز مہمانوں کی آمد و رفت، ان کیلئے انتظامات پر بریفنگ دی گئی۔
ذرائع کے مطابق وزیراعظم شہبازشریف نے مذاکراتی مقام سمیت دیگر جگہوں کا دورہ کیا، وزیراعظم کے ساتھ وزیر داخلہ اور دیگر متعلقہ حکام بھی شریک تھے۔ وزیراعظم نے متعلقہ حکام کو ہدایت کی کہ مہمانوں کی آمد،انتظامات میں کوئی کوتاہی نہ برتی جائے۔
امریکی سفیر کی وزیر داخلہ سے ملاقات، مذاکرات کے انتظامات پر گفتگو
وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی ہے۔جس میں مشرق وسطیٰ کی موجودہ صورتحال پر تفصیلی بات چیت کی گئی۔ امریکی سفیر نے جنگ بندی کا خیر مقدم کرتے ہوئے پاکستان کے مضبوط اور مثبت سفارتی کردار کو سراہا۔
ملاقات میں اسلام آباد میں ہونے والے اعلیٰ سطح کے مذاکرات اور ان کے انتظامات پر بھی تبادلہ خیال کیا گیا۔ وزیر داخلہ محسن نقوی نے کہا کہ امریکی نائب صدر جے ڈی وینس سمیت دیگر اہم شخصیات پاکستان کے خصوصی مہمان ہوں گی۔ انہوں نے کہا کہ تمام غیر ملکی وفود کے لیے فول پروف سیکیورٹی فراہم کرنے کا جامع پلان تیار کر لیا گیا ہے۔
امریکی سفیر نیٹلی بیکر نے پاکستان کے مخلصانہ کردار اور خطے میں امن کے لیے کوششوں کو سراہتے ہوئے مثبت پیش رفت کی امید ظاہر کی۔
ایران جنگ بندی کی کسی بھی خلاف ورزی کا فیصلہ کن جواب دے گا،ایرانی صدر
ایران کے صدر مسعود پزشکیان کا کہنا ہے کہ ایران جنگ بندی کی کسی بھی خلاف ورزی کا فیصلہ کن جواب دے گا۔
ایران کے سرکاری خبر رساں ادارے کی جانب سے یہ خبر سامنے آئی ہے کہ ایران کے صدر مسعود پزشکیان نے جنوبی ایران میں واقع لاوان آئل ریفائنری پر حملے کی شدید مذمت کی ہے۔
ارنا کے مطابق اس واقعے کو جنگ بندی کی متعدد خلاف ورزیوں میں سے ایک قرار دیا گیا ہے۔ بیان میں مزید کہا گیا کہ اسلامی جمہوریہ ایران کسی بھی جارحیت کا فیصلہ کن جواب دے گا۔
دوسری جانب ایرانی پاسداران انقلاب کا کہنا ہے کہ لبنان پر حملے بند نہ ہوئے تو دشمن کو سخت جواب کا سامنا کرنا پڑ سکتا ہے۔
ایرانی سپریم نیشنل سیکیورٹی کونسل کے رکن محسن رضائی نے بھی اپنے بیان میں کہا کہ ہم اپنی پوری طاقت کے ساتھ حزب اللہ کے ساتھ کھڑے ہیں، جنگ بندی کے ٹوٹنے کی ذمہ داری امریکا پر عائد ہوگی۔
اسرائیلی اقدامات خطے میں جاری امن کوششوں کو نقصان پہنچا رہے ہیں،پاکستان
دوسری جانب ترجمان دفتر خارجہ طاہر حسین اندرابی کے جاری بیان میں کہا گیا ہے پاکستان لبنان میں اسرائیلی حملوں سے بھاری جانی نقصان اور انفراسٹرکچر کی تباہی کی شدید مذمت کرتا ہے۔ پاکستان لبنانی حکومت اور عوام سے مکمل یکجہتی کا اظہار کرتا ہے اور مشکل کی اس گھڑی میں ان کے ساتھ کھڑا ہے۔
بیان کے مطابق اسرائیلی اقدامات بین الاقوامی قوانین کی خلاف ورزی ہی نہیں بلکہ خطے میں جاری امن کوششوں کو نقصان بھی پہنچا رہے ہیں۔ پاکستان نے لبنانی آزادی و علاقائی خود مختاری اور امن و استحکام کی مکمل حمایت کا اعادہ بھی کیا ہے۔
دوسری جانب پاکستان اور سعودی عرب نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔ پاک سعودی وزرائے خارجہ نے دیرپا امن و استحکام کیلئے جنگ بندی کا مکمل احترام و نفاذ ناگزیر قرار دیا ہے۔
نائب وزیراعظم ووزیرخارجہ اسحاق ڈار نے سعودی وزیر خارجہ شہزادہ فیصل بن فرحان سےٹیلی فون پر رابطہ کیا۔ دونوں رہنماؤں نے لبنان میں جنگ بندی کی خلاف ورزیوں کی شدید مذمت کرتے ہوئے کہا کہ دیرپا امن و استحکام کو یقینی بنانےکیلئے جنگ بندی کے مکمل احترام اور نفاذ کی فوری ضرورت ہے۔ اسحاق ڈار نے پائیدار امن کے کیلئے پاکستان کی کوششوں کی سعودی عرب کی مسلسل حمایت کو سراہا۔
پاکستان اور سعودی عرب کا لبنان میں جنگ بندی کی خلاف ورزیوں پر اظہار تشویش
پاکستان اور سعودی عرب نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔ پاک سعودی وزرائے خارجہ نے دیرپا امن و استحکام کیلئے جنگ بندی کا مکمل احترام و نفاذ ناگزیر قرار دیا ہے۔ پاکستان نے لبنان پر اسرائیلی حملوں اور بھاری جانی نقصان کی شدید مذمت کرتے ہوئے کہا ہے کہ اسرائیل خطے میں امن کی کوششوں کو نقصان پہنچا رہا ہے۔
نائب وزیراعظم ووزیرخارجہ اسحاق ڈار نے سعودی وزیر خارجہ شہزادہ فیصل بن فرحان سےٹیلی فون پر رابطہ کیا۔ دونوں رہنماؤں نے لبنان میں جنگ بندی کی خلاف ورزیوں کی شدید مذمت کرتے ہوئے کہا کہ دیرپا امن و استحکام کو یقینی بنانےکیلئے جنگ بندی کے مکمل احترام اور نفاذ کی فوری ضرورت ہے۔ اسحاق ڈار نے پائیدار امن کے کیلئے پاکستان کی کوششوں کی سعودی عرب کی مسلسل حمایت کو سراہا۔
دوسری جانب ترجمان دفتر خارجہ طاہر حسین اندرابی کے جاری بیان میں کہا گیا ہے پاکستان لبنان میں اسرائیلی حملوں سے بھاری جانی نقصان اور انفراسٹرکچر کی تباہی کی شدید مذمت کرتا ہے۔ پاکستان لبنانی حکومت اور عوام سے مکمل یکجہتی کا اظہار کرتا ہے اور مشکل کی اس گھڑی میں ان کے ساتھ کھڑا ہے۔
بیان کے مطابق اسرائیلی اقدامات بین الاقوامی قوانین کی خلاف ورزی ہی نہیں بلکہ خطے میں جاری امن کوششوں کو نقصان بھی پہنچا رہے ہیں۔ پاکستان نے لبنانی آزادی و علاقائی خود مختاری اور امن و استحکام کی مکمل حمایت کا اعادہ بھی کیا ہے۔
لبنان میں اسرائیلی حملوں میں شہادتوں کی تعداد 200 سے متجاوز
لبنان کے سرکاری خبر رساں ادارے کے مطابق لبنان میں بدھ کو ہونے والے اسرائیلی فوج کے حملوں میں 200 سے زائد افراد شہید ہو گئے ہیں۔
لبنان کی وزارتِ صحت کا کہنا ہے کہ کشیدگی کے شروع ہونے کے بعد سے اب تک بدھ کے روز حملوں میں سب سے زیادہ لوگ شہید ہوئے ہیں۔
ایک اور بیان میں لبنانی سول ڈیفنس ایجنسی کے حوالے سے کہا گیا کہ 254 افراد شہید اور 1165 زخمی ہوئے، اسرائیلی دفاعی افواج نے لبنان کے دارالحکومت بیروت، جنوبی علاقوں اور ملک کے دیگر حصوں میں اب تک کے سب سے شدید حملے کیے ہیں۔
بین الاقوامی ریڈ کراس کمیٹی نے بدھ کے روز لبنان کے گنجان آباد علاقوں میں ہونے والی تباہ کن حملوں اور ان میں ہونے والی ہلاکتوں اور نقصان پر شدید تشویش کا اظہار کیا ہے۔
انسانی حقوق کی تنظیم ایمنسٹی انٹرنیشنل نے اسرائیل سے مطالبہ کیا کہ وہ بین الاقوامی انسانی قانون کے تحت اپنی ذمہ داریوں کو پورا کرے اور شہریوں کی حفاظت کو یقینی بنائے۔
واضح رہے کہ لبنان جنگ میں اب تک مجموعی اموات کی تعداد1600سے تجاوز کرگئی ہے،ہزاروں زخمی، لاکھوں بے گھر ہوچکے ہیں، جاں بحق افراد میں102خواتین،130بچے اور طبی عملے کے57 کارکن شامل ہیں۔
لبنان میں فوجی سرگرمیاں امن کوششوں کے لیے سنگین خطرہ بن سکتے ہیں، اقوامِ متحدہ
اقوام متحدہ کے سیکریٹری جنرل انتونیو گوتریس نے اسرائیل کی جانب سے آٹھ اپریل کو لبنان بھر میں بڑے پیمانے پر حملوں کی مذمت کرتے ہوئے تمام فریقین سے فوری طور پر کارروائیاں بند کرنے کی اپیل کی ہے۔
سیکریٹری جنرل انتونیو گوتریس کی جانب سے جاری بیان میں کہا گیا ہے کہ ان حملوں کے نتیجے میں سینکڑوں شہری بشمول بچے ہلاک اور زخمی ہوئے ہیں، اور ساتھ ہی شہری بنیادی ڈھانچے کو بھی نقصان پہنچا ہے۔ انھوں نے شہریوں کی بڑھتی ہوئی ہلاکتوں پر تشویش کا اظہار کیا ہے۔
انتونیو گوتریس نے خبردار کیا ہے کہ لبنان میں فوجی سرگرمیاں جنگ بندی اور خطے میں پائیدار اور جامع امن کی کوششوں کے لیے سنگین خطرہ بن سکتے ہیں، تنازع کا کوئی فوجی حل نہیں ہو سکتا۔
ایرانی وزیرخارجہ کا فیلڈ مارشل سے ٹیلیفونک رابطہ، جنگ بندی کیلئے پاکستانی اقدامات کی تعریف
ایرانی وزیر خارجہ عباس عراقچی نے فیلڈ مارشل عاصم منیر سے ٹیلی فونک رابطہ کیا اور جنگ کے خاتمے کے لیے مسلسل اور مؤثر کوششوں پر پاکستان کی تعریف کی۔
پاکستان میں ایرانی سفارتخانے کے اعلامیے کے مطابق ایرانی وزیر خارجہ عباس عراقچی نے کہا کہ پاکستان کے تعمیری اور ذمہ دارانہ کردار کو سراہتے ہیں، خطے میں امن و سلامتی کے فروغ اور جنگ بندی میں پاکستان کے کردار کو سراہتے ہیں۔
اس سے پہلے ایک بیان میں عباس عراقچی کا کہنا تھا کہ ایران کی طرف سے اپنے عزیز بھائی وزیراعظم شہباز شریف اور فیلڈ مارشل عاصم منیر کا شکریہ ادا کرتے ہیں، انہوں نے خطے میں جنگ کے خاتمے کی انتھک کوشش کی۔
جنگ بندی کیخلاف ورزیاں، خام تیل کی قیمت میں ایک بار پھر اضافہ
عالمی مارکیٹ میں خام تیل کی قیمت میں ایک بار پھر اضافے کا رجحان ہے۔
رپورٹ کے مطابق امریکی خام تیل 3 فیصد اضافے کے ساتھ 97 ڈالر فی بیرل پر پہنچ گیا جبکہ برطانوی خام تیل کی قیمت میں 2.2 فیصد اضافہ، 96.86 ڈالر فی بیرل پر فروخت جاری ہے۔
قبل ازیں ایرانی پارلیمنٹ کے اسپیکر محمد باقر قالیباف کا کہنا ہے مذاکرات شروع ہونے سے پہلے ہی 10 نکاتی تجویز کی 3 شقوں کی خلاف ورزی ہوچکی۔
سوشل میڈیا پیغام میں انہوں نے کہا جنگ بندی سے متعلق پہلی شق پر ہی عمل نہیں ہو رہا۔ مذاکرات یا جنگ بندی میں ایسی صورتحال کسی طور مناسب نہیں۔
دوسری جانب دوسری جانب امریکی نائب صدر جے ڈی وینس نے کہا کہ ایرانیوں کو سنجیدگی کے ساتھ مذاکرات کی میز پر آنا ہوگا، ایرانیوں کا خیال تھا جنگ بندی معاہدے میں لبنان بھی شامل ہے لیکن ایسا نہیں ہے، ایران چاہتا ہے لبنان کی وجہ سے معاملہ ٹوٹ جائے تو یہ اس کا انتخاب ہوگا۔ صدر ٹرمپ کے پاس دوبارہ جنگ کی طرف جانے کے آپشنز موجود ہیں۔
اگر ایران کے ساتھ معاہدہ نہ ہوا تو پہلے سے بدترین بمباری ہوگی، امریکی صدر
امریکی صدر ڈونلڈ ٹرمپ کا کہنا ہے کہ اگر ایران کے ساتھ معاہدہ نہ ہوا تو پہلے سے بدترین بمباری ہوگی۔
سوشل میڈیا پر پیغام میں ڈونلڈ ٹرمپ نے کہا کہ امریکی جنگی جہاز، فوجی اور ہتھیار ایران کے آس پاس ہی رہیں گے، ضرورت پڑی تو دشمن کے خلاف مہلک کارروائی کرسکتے ہیں۔
ڈونلڈ ٹرمپ نے کہا کہ حقیقی معاہدہ اور اس پر عملدرآمد ہونے تک معاملات ایسے ہی رہیں گے، اگر کسی وجہ سے معاہدہ نہ ہوا تو پہلے سے بدترین بمباری ہوگی، یہ پہلے ہی طے تھا کہ ایٹمی ہتھیار نہیں ہونگے اور آبنائے ہرمز کو کھولنا ہوگا۔
دوسری جانب امریکی نائب صدر جے ڈی وینس نے کہا کہ امریکا نے پاکستان کے ذریعے ایران کے ساتھ مذاکرات کئے، ایران نے آبنائے ہرمز کھولنے کا وعدہ کیا ہے، ایران کے ساتھ مذاکرات اس ہفتے شروع ہورہے ہیں۔
جے ڈی وینس نے کہا کہ ایران کسی صورت جوہری ہتھیار نہیں رکھ سکتا، ہم ایران پر پابندیاں کم کرنے پر بات کرسکتے ہیں، جنگ بندی کے بعد اگلا قدم ایرانیوں کو اٹھانا ہے، صدر ٹرمپ کے پاس دوبارہ جنگ کی طرف جانے کے آپشنز موجود ہیں۔
انہوں نے کہا کہ ایرانیوں کو سنجیدگی کے ساتھ مذاکرات کی میز پر آنا ہوگا، ایرانیوں کا خیال تھا جنگ بندی معاہدے میں لبنان بھی شامل ہے لیکن ایسا نہیں ہے، ایران چاہتا ہے لبنان کی وجہ سے معاملہ ٹوٹ جائے تو یہ اس کا انتخاب ہوگا۔
امریکا اور ایران کے درمیان مستقل جنگ بندی کیلئے مذاکرات کل اسلام آباد میں ہوں گے
مشرق وسطیٰ میں مستقل امن کےلیے پاکستان امریکا اور ایران کے درمیان مذاکرات کا میزبان بن گیا۔
دونوں ممالک کے درمیان براہ راست مذاکرات کی میز کل اسلام آباد میں سجے گی۔ ایران اور امریکا کے اعلیٰ سطح وفود جمعہ کو اسلام آباد پہنچیں گے۔
خبر ایجنسی کے مطابق ایرانی وفد کی قیادت اسپیکر باقر قالیباف اور وزیرخارجہ عباس عراقچی کریں گے۔ ترجمان وائٹ ہاؤس کیرولائن لیویٹ کہتی ہیں۔ صدر ڈونلڈ ٹرمپ مذاکراتی ٹیم کو پاکستان بھیج رہے ہیں ۔
امریکی ٹیم میں نائب صدر جے ڈی وینس ۔ نمائندہ خصوصی اسٹیو وٹکوف اور جیرڈ کشنر شامل ہوں گے۔ مذاکرات کا پہلا دور ہفتے کو ہو گا۔ ترجمان وائٹ ہاؤس کا کہنا ہے کہ ایران نے اشارہ دیا ہے وہ یورینیم حوالے کرسکتے ہیں۔
ریڈ زون کو پرائیویٹ گاڑیوں کے لیے مکمل طور پر بند کردیا گیا ہے۔ غیرملکی وفود کی آمدورفت کی وجہ سے سیکیورٹی کے انتہائی سخت انتظامات کئے جارہے ہیں۔
جڑواں شہروں میں جمعرات اور جمعہ کو عام تعطیل ہوگی۔ کابینہ ڈویژن کی جانب سے جاری نوٹیفکیشن کے مطابق اسلام آباد میں آج سرکاری دفاتر بند رہیں گے۔ موجودہ چار روزہ ورک ویک کے تحت جمعہ 10 اپریل کو بھی چھٹی ہوگی۔ تمام افسران ورک فرام ہوم کریں گے۔ سرکاری دفاتر کے تمام افسران اور اسٹاف ممبرز شہر سے باہر نہیں جاسکیں گے۔ وفاقی آئینی عدالت اور اسلام آباد ہائیکورٹ بھی بند رہے گی۔ الیکشن کمیشن میں بھی دو روز تعطیل ہوگی۔
غیرملکی وفود کی آمد کے پیش نظر ٹریفک پولیس نے ایڈوائزری بھی جاری کر دی۔ ترجمان کے مطابق غیرملکی وفود کی آمدورفت کی وجہ سے سیکیورٹی انتظامات انتہائی سخت ہیں۔ شہری ریڈ زون اور اس کے اطراف غیرضروری سفر سے اجتناب کریں۔ ایکسپریس ہائی وے پر ڈائیورشنزلگائی جائیں گی۔
اسلام آباد میں آج سے ہیوی ٹریفک کا داخلہ بند ہے۔ دوسری طرف ڈپٹی کمشنر راولپنڈی نے بھی نو اور دس اپریل کوعام تعطیل کا اعلان کر دیا۔۔ ڈپٹی کمشنر حسن وقار چیمہ کے مطابق اسلام آباد کی طرح راولپنڈی میں بھی دو دن تعطیل ہوگی۔
امریکا کو جنگ بندی یا اسرائیل میں سے ایک راستہ چننا ہوگا، ایرانی وزیر خارجہ
ایرانی وزیر خارجہ عباس عراقچی نے کہا ہے کہ ایران اور امریکا جنگ بندی کی شرائط واضح اور دو ٹوک ہیں ۔ امریکا کو جنگ بندی یا اسرائیل کے ذریعے جنگ میں سے ایک راستہ چننا ہوگا۔
سوشل میڈیا پر بیان میں عباس عراقچی نے کہا کہ دونوں چیزیں ایک ساتھ ممکن نہیں ہیں ۔ گیند اب امریکا کے کورٹ میں ہے ۔ دنیا دیکھ رہی ہے کہ امریکا اب اپنی کی گئی باتوں پر قائم رہتا ہے یا نہیں۔
ایرانی پارلیمنٹ کے اسپیکر محمد باقر قالیباف کا کہنا ہے مذاکرات شروع ہونے سے پہلے ہی 10 نکاتی تجویز کی 3 شقوں کی خلاف ورزی ہوچکی۔
سوشل میڈیا پیغام میں انہوں نے کہا جنگ بندی سے متعلق پہلی شق پر ہی عمل نہیں ہو رہا۔ مذاکرات یا جنگ بندی میں ایسی صورتحال کسی طور مناسب نہیں۔
مذاکرات کیلئے نائب صدر جے ڈی وینس کی قیادت میں ٹیم پاکستان بھیج رہے ہیں : ترجمان وائٹ ہاؤس
ترجمان وائٹ ہاؤس کیرولائن لیویٹ نے اعلان کیاہے کہ ایران امریکہ مذاکرات کا پہلا دور ہفتے کو اسلام آباد میں ہوگا جس میں نائب صدر جے ڈی وینس ، خصوصی ایلچی سٹیو وٹکوف اور جیرڈ کشنر شریک ہوں گے ۔
ترجمان وائٹ ہاوس کے مطابق نائب صدرجے ڈی وینس کی قیادت میں ٹیم پاکستان بھیج رہے ہیں، جے ڈی وینس ایران کے مسئلے پر اہم کردار ادا کیا،امریکا اور ایران ہفتہ کو پاکستان میں مذاکرات کریں گے، ایران نے اشارہ دیا ہے وہ یورینیم حوالے کر سکتے ہیں،لبنان ایران کے جنگ بندی معاہدے کا حصہ نہیں،ایران کے دیے گئے 10نکات پر ہی جنگ بندی ممکن ہوئی۔
ترجمان کا کہناتھا کہ آپریشن ایپک فیوی میں ایرانی فضائیہ ،نیوی اور فوجی صلاحیت ختم کردی،ایران جوہری اور میزائل پروگرام پر حملے کئے گئے،ایران اب اپنے علاقائی پراکسیوں کو ہتھیار فراہم نہیں کر سکتا،جنگ کے دوران 13امریکی فوجی ہلاک اور سیکڑوں زخمی ہوئے،سیز فائر معاہدہ امریکا کی فتح ہے۔
انہوں نے کہا کہ ٹرمپ صدر کی ریڈ لائنز تبدیل نہیں ہوئی ہیں،ایران نے آبنائے ہرمز کھولنے پر اتفاق کیا ہے،ایران میں 13ہزارسے زائد اہداف کو نشانہ بنایا،ایران کے بیلسٹک پروگرام سالوں پیچھے دھکیل دیا۔
