Live Updates: امریکی صدر ڈونلڈ ٹرمپ کا آبنائے ہرمز کی ناکہ بندی کا اعلان
ایران میں جو باقی ہے ہماری فوج اسے بھی ختم کرے گی، ڈونلڈ ٹرمپ
اسلام آباد مذاکرات ایک ایونٹ نہیں ایک مسلسل عمل کا نام ہے، ایرانی سفیر
پاکستان میں تعینات ایرانی سفیر کا کہنا ہے کہ اسلام آباد مذاکرات میں ایک سفارتی عمل کی بنیاد رکھی گئی ہے، یہ مذاکرات ایک ایونٹ نہیں ایک مسلسل عمل کانام ہے۔
ایک پیغام میں ایرانی سفیر رضاامیری مقدم نے کہا کہ وزیراعظم شہبازشریف اور فیلڈمارشل کی کوششوں کو سراہتےہیں، نیک نیتی اور اعتماد کے ساتھ پائیدارحکمت عملی تشکیل دی جاسکتی ہے۔ پاکستان کی میزبانی اورکردارقابل تعریف ہے۔
ایرانی سفیر نے کہا کہ پاکستان نے مذاکرات کےلیے پرامن، باوقار اور محفوظ ماحول فراہم کیا، پاکستانی حکومت،فوج اورپولیس نے مذاکراتی عمل کوآسان بنایا۔ ایرانی وفد نےوقار اور اعتماد کے ساتھ قومی مفاد کیلئے مذاکرات کیے، مذاکرات کا مقصد ایرانی عوام کے حقوق اورقومی مفادات کا تحفظ ہے۔
واضح رہے کہ پاکستان کی ثالثی میں ایران اور امریکا کے تاریخ ساز مذاکرات کا پہلا راؤنڈ مکمل ہوگیا ہے۔ فریقین نے مذاکرات جاری رکھنے کا عندیہ دیا ہے۔
امریکی نائب صدر کا بات چیت کو بڑی پیشرفت قرار دینا امید کی واضح بڑی کرن ہے۔ امریکی نائب صدر نے کہا کہ ہم نے 21 گھنٹوں تک بات چیت کی اچھی خبر یہ ہے کہ ہم نے کئی پہلوؤں پر گفتگو کی،فی الحال ہم کسی حتمی نتیجے تک نہ پہنچ سکے۔ ہماری ریڈ لائنز کیا ہیں وہ ہم نے واضح کردی ہے،ان میں سے کون سے معاہدے میں شامل ہونگے کونسے نہیں ،یہ سب ہرممکن حدتک واضح ہوگیا ہے۔
ایرانی وزارت خارجہ کے ترجمان نے بھی کئی پیچیدہ نکات پر مفاہمت کی تصدیق کی ہے۔ کہا اتنے بڑے تنازع کا ایک ہی نشست میں حل ہوجانا ممکن نہ تھا۔ مذاکرات کے اہم موضوعات کے مختلف پہلوؤں پربات چیت کی گئی،اکثر نکات پراتفاق ہوگیا،دو سےتین نکات پراختلاف برقرار ہے،پاکستان اور دیگر دوست ملکوں کے ساتھ مشاورت جاری رہی گے۔
فوجی جہاز آبنائے ہرمز کے قریب آئے تو سختی سے نمٹیں گے،ایرانی پاسداران انقلاب
ترجمان ایرانی پاسداران انقلاب کا کہنا ہے کہ فوجی جہاز آبنائے ہرمز کے قریب آئے تو سختی سے نمٹیں گے۔
بیان کے مطابق آبنائے ہرمز پر ہمارا کنٹرول ہے، آبنائے ہرمز غیر فوجی جہازوں کے لیے کھلا ہے مگر فوجی جہاز آبنائے ہرمز کے قریب آئے تو سختی سے نمٹیں گے۔
دوسری جانب ترجمان ایرانی حکومت کا کہناہے کہ دھمکیوں سے امریکا کی ساکھ ختم ہوچکی، ایران وینزویلا نہیں ہے، پوری دنیا کہہ رہی ہے ایران ثابت قدم رہا اور جنگ جیت گیا۔
واضح رہے کہ امریکی صدر ڈونلڈ ٹرمپ نے آبنائے ہرمز کی ناکہ بندی کا اعلان کیا ہے۔ سوشل میڈیا پر بیان میں امریکی صدر نے کہا کہ امریکی نیوی فوری طور پر آبنائے ہرمز کی ناکہ بندی کرے گی، جو بھی ہمارے جہازوں پر فائرنگ کرے گا اسے تباہ کریں گے۔ ہم آبنائے ہرمز پر بارودی سرنگوں کو تباہ کرنا شروع کریں گے۔ ناکہ بندی ہوگی اور دوسرے ممالک بھی اس میں شامل ہونگے۔
ڈونلڈ ٹرمپ نے کہا کہ اپنی نیوی کو کہا ہے ایران کوٹول دینے والے جہازوں کو تلاش کریں، جو بھی ایران کو ٹول ادا کرے گا اسے محفوظ راستہ نہیں ملے گا، ہمیں لگا تھا آبنائے ہرمز پر جہازوں کو آزادانہ آنے جانے کی اجازت ہوگی مگر ایران نے ایسا ہونے نہیں دیا۔
امریکی صدر نے کہا کہ ایران نے آبنائے ہرمز کو کھولنے کا وعدہ کیا تھا وہ اس میں ناکام رہا، ان کی وجہ سے دنیا بھر کے کئی لوگوں اور ممالک میں بے چینی پیدا ہوئی۔ ایران نے کہا کہ آبنائے ہرمز میں بارودی سرنگیں ہیں جن کا صرف ان کو علم ہے، یہ عالمی سطح پر بھتہ خوری ہے، دنیا کے رہنما اور امریکا اس کا شکار نہیں ہونگے۔
وزیر خارجہ کے سعودی عرب، ترکیہ اور مصر کے وزرائے خارجہ سے رابطے، جنگ بندی کے عزم کو برقرار رکھنا ضرور قرار
نائب وزیراعظم ووزیرخارجہ اسحاق ڈار نے سعودی وزیرخارجہ فیصل بن فرحان، ترکیہ کے وزیرخارجہ ہاکان فیدان اور مصر کے وزیرخارجہ بدرعبدالعاطیٰ سے رابطہ کرکے اسلام آباد مذاکرات اور فریقین کے درمیان روابط کیلئے مسلسل کوششوں سے آگاہ کیا۔
ترجمان دفترخارجہ کے مطابق نائب وزیراعظم و وزیرخارجہ اسحاق ڈار نے سعودی وزیرخارجہ فیصل بن فرحان سے رابطہ کیا، اسحاق ڈار نے اسلام آباد مذاکرات کے حوالے سے پیش رفت سے آگاہ کیا۔ دونوں رہنماؤں نے خطے اور عالمی سطح پر امن و استحکام کے فروغ پر اتفاق کیا۔
نائب وزیراعظم اسحاق ڈار نے مذاکرات میں سہولت فراہم کرنے میں پاکستان کے کردار اورتمام فریقوں کی جنگ بندی کے وعدوں پرعمل کرنے کی اہمیت پرزور دیا۔ اسحاق ڈار نے خطے میں امن واستحکام کو فروغ دینے کیلئے تمام سفارتی کوششوں کی حمایت کا اعادہ کیا۔
دوسری جانب اسحاق ڈار نے مصر کے وزیرخارجہ بدرعبدالعاطیٰ سے بھی رابطہ کیا اور فریقین کے درمیان روابط کیلئے مسلسل کوششوں سے آگاہ کیا۔ اسحاق ڈار نے خطے میں امن واستحکام کیلئے بات چیت اور سفارت کاری کی ضرورت کا اعادہ کیا، کہا تمام فریقین کیلئے جنگ بندی کے اپنےعزم کو برقراررکھنا ضروری ہے۔
وزیرخارجہ اسحاق ڈار نے ترکیہ کے وزیرخارجہ ہاکان فیدان سے رابطہ بھی رابطہ کیا، دونوں رہنماؤں نےاسلام آباد مذاکرات کے حوالے سے پیشرفت کا جائزہ لیا، ہاکان فیدان نےایران امریکامذاکرات میں سہولت کاری کیلئے پاکستان کے کردار کو سراہا۔ ترک وزیرخارجہ نے تمام سفارتی کوششوں کیلئےاپنی حمایت کا اعادہ کیا اور اسحاق ڈار کو اس ماہ کے آخر میں انطالیہ ڈپلومیسی فورم میں شرکت کی دعوت دی۔
یمن کے قریب مسلح افراد کی بحری جہاز کو قبضے میں لینے کی کوشش ناکام
یمن کے قریب مسلح افراد کی جانب سے بحری جہاز کو قبضے میں لینے کی کوشش ناکام بنادی گئی۔
برطانوی میری ٹائم ایجنسی کے مطابق یمن کے قریب مسلح افراد سے بھری ایک کشتی بحری جہاز کے قریب آئی، کپتان نے جہاز روکنے سے انکار کیا تو کشتی پر چڑھنے کی کوشش کی گئی، کپتان کی جانب سے فلیئرز داغنے پر کشتی پیچھے ہٹ گئی۔
مشرق وسطیٰ تنازع حل کرنے کیلئے سفارتکاری ضروری ہے، یورپی یونین
یورپی یونین نے مشرق وسطیٰ کا تنازعہ حل کرنے کیلئے سفارتکاری ضروری قرار دیدیا۔
یورپی یونین کے فارن افیئرز کے ترجمان کا کہنا ہے کہ ثالثی کی کوششوں پر ہم پاکستان کو سلوٹ پیش کرتے ہیں، امن مذاکرات کے تسلسل کیلئے برسلز ثالثی کیلئے تیار ہے۔
اس سے پہلے آسٹریلیا کے وزیر ٰخارجہ نے امریکا اور ایران سے مذاکرات کی میز پر واپسی کا مطالبہ کیا۔ انہوں نے معاہدے کے بغیر مذاکرات کے خاتمے کو مایوس کن قرار دیا۔ برطانوی وزیر مملکت برائے صحت نے بھی معاہدہ نہ ہونے پر مایوسی کا اظہار کیا۔
روسی میڈیا کے مطابق صدر پیوٹن نے ایرانی ہم منصب مسعود پزشکیان سے ٹیلیفونک رابطہ کیا۔ اسلام آباد میں ہونے والے امریکا ایران مذاکرات پر تبادلہ خیال کیا۔
صدر پیوٹن نے کہا کہ مشرق وسطیٰ میں امن کی کوششوں میں مدد کیلئے تیار ہیں۔ مشرق وسطیٰ کے تنازعے کا سفارتی حل ڈھونڈنا ہوگا، پائیدار امن کے قیام کیلئے ماسکو ثالثی کیلئے تیارہے۔
ایران کا اعلیٰ سطح کا وفد اسلام آباد مذاکرات میں شرکت کے بعد واپس روانہ
ایران کا اعلیٰ سطح کا وفد اسلام آباد مذاکرات میں شرکت کے بعد واپس روانہ ہوگیا۔
نائب وزیر اعظم و وزیر خارجہ اسحاق ڈار،چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر اور قومی اسمبلی کے اسپیکر سردار ایاز صادق نے ایرانی وفد کو الوداع کہا۔
ایرانی وفد میں مجلس شوریٰ کے اسپیکر محمد باقرقالیباف اور وزیرخارجہ عباس عراقچی شامل تھے۔
واضح رہے کہ پاکستان کی ثالثی میں ایران اور امریکا کے تاریخ ساز مذاکرات کا پہلا راؤنڈ مکمل ہوگیا۔ فریقین نے مذاکرات جاری رکھنے کا عندیہ دیا ہے۔ امریکی نائب صدر کا بات چیت کو بڑی پیشرفت قرار دینا امید کی واضح بڑی کرن ہے۔
ایرانی وزارت خارجہ کے ترجمان نے بھی کئی پیچیدہ نکات پر مفاہمت کی تصدیق کی ہے۔ کہتے ہیں اتنے بڑے تنازع کا ایک ہی نشست میں حل ہوجانا ممکن نہ تھا۔ امریکا اور ایران کے وفود نے شاندار میزبانی پر پاکستان کا شکریہ ادا کیا۔
امریکی صدر ڈونلڈ ٹرمپ کا آبنائے ہرمز کی ناکہ بندی کا اعلان
امریکی صدر ڈونلڈ ٹرمپ نے آبنائے ہرمز کی ناکہ بندی کا اعلان کردیا۔
سوشل میڈیا پر بیان میں امریکی صدر نے کہا کہ امریکی نیوی فوری طور پر آبنائے ہرمز کی ناکہ بندی کرے گی، جو بھی ہمارے جہازوں پر فائرنگ کرے گا اسے تباہ کریں گے۔ ہم آبنائے ہرمز پر بارودی سرنگوں کو تباہ کرنا شروع کریں گے۔ ناکہ بندی ہوگی اور دوسرے ممالک بھی اس میں شامل ہونگے۔
ڈونلڈ ٹرمپ نے کہا کہ اپنی نیوی کو کہا ہے ایران کوٹول دینے والے جہازوں کو تلاش کریں، جو بھی ایران کو ٹول ادا کرے گا اسے محفوظ راستہ نہیں ملے گا، ہمیں لگا تھا آبنائے ہرمز پر جہازوں کو آزادانہ آنے جانے کی اجازت ہوگی مگر ایران نے ایسا ہونے نہیں دیا۔
امریکی صدر نے کہا کہ ایران نے آبنائے ہرمز کو کھولنے کا وعدہ کیا تھا وہ اس میں ناکام رہا، ان کی وجہ سے دنیا بھر کے کئی لوگوں اور ممالک میں بے چینی پیدا ہوئی۔ ایران نے کہا کہ آبنائے ہرمز میں بارودی سرنگیں ہیں جن کا صرف ان کو علم ہے، یہ عالمی سطح پر بھتہ خوری ہے، دنیا کے رہنما اور امریکا اس کا شکار نہیں ہونگے۔
ان کا مزید کہنا تھا کہ ایران کو فوری آبی گزرگاہ کو کھولنے کا عمل شروع کرنا چاہیے، وہ اپنے اقدام سے ہر طرح کے قوانین کی خلاف ورزی کر رہے ہیں، ایران کو غیر قانونی بھتہ خوری سے فائدہ اٹھانے کی اجازت نہیں دی جائے گی۔
صدر ٹرمپ کے مطابق ایران کی بحریہ اور فضائیہ ختم ہو چکی ہیں، خامنہ ای اور ان کے اکثر رہنما قتل ہوچکے ہیں ، اس صورتحال سے کیسے نکلنا ہے ایران کو زیادہ پتہ ہے۔
ڈونلڈ ٹرمپ نے کہا کہ اسلام آباد میں ملاقات اچھی رہی، زیادہ تر نکات پر اتفاق ہو گیا، مجھے جے ڈی وینس، اسٹیو وٹکوف اور جیرڈ کشنر نے اسلام آباد مذاکرات پر بریفنگ دی۔ یہ مذاکرات پاکستان کے فیلڈ مارشل عاصم منیر اور وزیر اعظم شہباز شریف کی قیادت میں ہوئے، وہ غیر معمولی صلاحیتوں کے حامل شخصیات ہیں، میں ہمیشہ ان کی قدر کرتا ہوں۔
امریکی صدر نے کہا کہ اہم نکتے جوہری معاملے پر اتفاق نہ ہوسکا، ایران کو پیسہ چاہیے اور وہ جوہری صلاحیت چاہتے ہیں، یہ سب ان کے ایٹمی عزائم کی وجہ سے ہوا ہے، مناسب وقت پر ہماری فوج ایران میں جو باقی ہے اسے بھی ختم کرے گی۔
انہوں نے کہا کہ ایران کے ساتھ مذاکرات صبح شروع ہوئے، رات بھر جاری رہے، ایران اپنے جوہری عزائم سے دستبردار ہونے کے لیے تیار نہیں، جو نکات طے ہوئے وہ جنگ سے کئی درجہ بہتر ہیں، لیکن جوہری طاقت کا خاتمہ کیے بغیر ان نکات کی کوئی حیثیت نہیں، میں برسوں پہلے کہہ چکا ہوں ایران کبھی بھی جوہری ہتھیار حاصل نہیں کرے گا۔
امریکا اور اسرائیل کے حملوں میں 3 ہزار 375 ایرانی شہید ہوئے، ایرانی حکام
ایران نے کہا ہے کہ امریکا اور اسرائیل کے حملوں کے آغاز سے اب تک 3300 سے زیادہ افراد شہید ہو چکے ہیں۔
ایرانی حکام کی جانب سے جاری رپورٹ کے مطابق 3375 لاشوں کی شناخت کی جا چکی ہے۔ رپورٹ میں بتایا گیا ہے کہ مرنے والوں میں 2875 مرد اور 496 خواتین شامل ہیں، جبکہ تہران، ہرمزگان اور اصفہان صوبوں میں سب سے زیادہ اموات ریکارڈ کی گئی ہیں۔
رپورٹ کے مطابق سینکڑوں بچے بھی شہید ہوئے ہیں۔ مرنے والوں میں سات شیر خوار بچے (ایک سال سے کم عمر)، 255 بچے جن کی عمریں ایک سے 12 سال کے درمیان تھیں اور 121 نوجوان جن کی عمریں 13 سے 18 سال کے درمیان تھیں۔
مشرق وسطیٰ میں امن کی کوششوں میں مدد کیلئے تیار ہیں، روسی صدر
روسی صدر ولادی میر پیوٹن کا کہنا ہے کہ مشرق وسطیٰ میں امن کی کوششوں میں مدد کیلئے تیار ہیں۔
روسی میڈیا کے مطابق صدر پیوٹن نے ایرانی ہم منصب مسعود پزشکیان سے ٹیلیفونک رابطہ کیا۔ اسلام آباد میں ہونے والے امریکا ایران مذاکرات پر تبادلہ خیال کیا۔
صدر پیوٹن نے کہا کہ مشرق وسطیٰ میں امن کی کوششوں میں مدد کیلئے تیار ہیں۔ مشرق وسطیٰ کے تنازعے کا سفارتی حل ڈھونڈنا ہوگا، پائیدار امن کے قیام کیلئے ماسکو ثالثی کیلئے تیارہے۔
فیصلہ امریکا نے کرنا ہے وہ ہمارا اعتماد حاصل کر سکتا ہے یا نہیں؟ باقر قالیباف
ایرانی مذاکراتی وفد کے سربراہ باقر قالیباف کا کہنا ہے کہ کہا کہ امریکا ایران کے مؤقف اور اصولوں کو سمجھ چکا۔ انہوں نے کہا اب فیصلہ امریکا نے کرنا ہے وہ ہمارا اعتماد حاصل کر سکتا ہے یا نہیں؟
ایک بیان میں باقر قالیباف نے کہا کہ مذاکراتی عمل کو ممکن بنانے میں پاکستان کی کوششوں کے شکرگزار ہیں۔ ایرانی وفد نے مستقبل پر مبنی تجاویز پیش کیں۔ مخالف فریق اس مرحلے میں ایرانی وفد کا اعتماد حاصل کرنے میں ناکام رہا۔
دوسری جانب امریکا نے ایران کو فائنل آفر دے دی ۔ نائب صدر جے ڈی وینس نے کہا ڈیل نہیں ہوئی، بہترین پیشکش کرکے جارہے ہیں ۔ ایٹمی ہتھیار نہ بنانے کی واضح یقینی دہانی چاہیے ۔ جواب کا انتظار ہے۔ جے ڈی وینس نے کہا کہ ہم نے لچک کا مظاہرہ کیا ۔ تہران نے شرائط قبول نہیں کیں ۔ کہا پاکستان نے امن کیلئے تعمیری کردار ادا کیا۔
صیہونی فوج نے لبنان میں اپنی کارروائیاں ایک بار پھر تیز کردیں
صیہونی فوج نے لبنان میں اپنی کارروائیاں ایک بار پھر تیز کردیں۔
الجزیرہ کے مطابق صیہونی فوج نے جنوبی لبنان کے تاریخی شہر صور میں متعدد مقامات پر بم برسائے گئے۔ بمباری سے 11 لبنانی شہری شہید جبکہ متعدد زخمی ہوگئے۔ زخمیوں کو نکالنے کیلئے ریسکیو آپریشن جاری ہے۔
لبنان کے دارالحکومت بیروت پر بھی بمباری کی گئی جس کے بعد دھویں کے بادل اٹھتے دکھائی دیے۔ صیہونی فوج نے حزب اللہ کے راکٹ لانچرز کو نشانہ بنانے کا دعویٰ کیا۔
حزب اللہ نے بھی صیہونی فوج کوبھرپور جواب دیا۔ شمالی اسرائیل پرکئی راکٹ داغ دیے ۔ اسرائیلی حملوں میں اب تک 165 بچے اور 85 طبی رضا کار شہید ہوچکے ہیں۔
ایران سے زیادہ معاہدے کی ضرورت امریکا کو ہے، ابراہیم عزیزی
ایرانی پارلیمنٹ میں نیشنل سیکیورٹی کمیٹی کے سربراہ ابراہیم عزیزی نے کہا آبنائے ہرمز سے گزرنے والے ہر جہاز کو نئے کنٹرول نظام کے تحت ٹول ادا کرنا ہوگا۔
روسی میڈیا سےگفتگو میں ابراہیم عزیزی نےکہا ایران سے زیادہ معاہدے کی ضرورت امریکا کو ہے،معاہدے کیلئے امریکا کو ایران کےدونوں مطالبات ماننے ہونگے جن پرڈیڈ لاک ہوا ہے،شرائط قبول نہیں ہونگی تو ہم اپنے راستے پر چلیں گے۔
دوسری جانب ایران کی آئل ریفائننگ کی بحالی کا عمل جاری ہے،دو ماہ میں 80 فیصد صلاحیت بحال ہونے کی امید ہے،حالیہ حملوں میں تباہ ہونے والی آئل ریفائننگ صلاحیت آئندہ 2 ماہ کے دوران 70 سے 80 فیصد تک بحال ہونے کی توقع ہے۔
آبنائے ہرمز سے کوئی امریکی بحری جہاز نہیں گزرا، ایرانی فوج کی سینٹ کام کے دعوی کی تردید
،آبنائے ہرمز سے کوئی امریکی بحری جہاز نہیں گزرا،ایرانی فوج نے سینٹ کام کے دعوے کی تردید کردی
ترجمان ایرانی فوج کی جانب سےجاری بیان میں کہاگیاکہ ایرانی فوج کی اجازت کےبغیر آبنائے ہرمز سے کوئی جہاز نہیں گزرتا،جنگی جہاز آبنائے ہرمز سے گزرنے کی کوشش کرے گا تو سخت جواب دیں گے۔
ایرانی نائب وزیرپیٹرولیم کاکہنا ہےکہ تیل کی پیداوار ایک سے دو ماہ میں 80 فیصد تک بحال ہوگی، لاوان آئل ریفائنری کو 10 دن کے اندر فعال کریں گے۔
بلومبرگ کے مطابق امریکا ایران مذاکرات ختم ہونے پر آبنائے ہرمز میں 2 آئل ٹینکرز نے یوٹرن لےلیا،خالی سپر ٹینکرز آبنائے ہرمز عبور کرنے والے تھے، واپس مڑ گئے۔
آسٹریلیا نے امریکا اور ایران سے مذاکرات کی میز پر واپسی کا مطالبہ کردیا
آسٹریلیا نے امریکا اور ایران سے مذاکرات کی میز پر واپسی کا مطالبہ کردیا۔
آسٹریلوی وزیرخارجہ نےکہا فریقین جنگ بندی برقراررکھیں اورمذاکرات میں واپس آئیں،مذاکرات کا معاہدے کے بغیرختم ہونا مایوس کن ہے،ہم اس تنازعےکا فوری اور پائیدارحل دیکھنا چاہتے ہیں،کشیدگی میں اضافے سے عالمی معیشت مزید متاثر ہوگی۔
دوسری جانب ایرانی وزارت خارجہ کےترجمان اسماعیل بقائی نے اپنے بیان میں کہا اکثر نکات پراتفاق ہوگیا، دو سے تین نکات پراختلاف برقرار ہے،ایک ہی نشست میں کسی معاہدے تک پہنچنے کی توقع نہیں کی جانی چاہیے،کسی کو بھی اتنی جلدی معاہدے کی توقع نہیں تھی،ایران، پاکستان اوردیگر دوست ملکوں کے ساتھ مشاورت جاری رہی گے۔
اسماعیل بقائی نےکہاایک اورنکتہ مسائل اور حالات کی پیچیدگی تھی،کچھ نئےموضوعات بھی ان مذاکرات میں شامل کیےگئے،ہم سفارتی محاذ پر اپنےحقوق اورمفادات کے حصول کی جدوجہد جاری رکھیں گے۔
مجھے فرق نہیں پڑتا ایران کے ساتھ کوئی معاہدہ ہوتا ہے یا نہیں، امریکی صدر ڈونلڈ ٹرمپ
امریکی صدر ڈونلڈ ٹرمپ نے اپنے بیان میں کہا مجھے فرق نہیں پڑتا ایران کے ساتھ کوئی معاہدہ ہوتا ہے یا نہیں،ہم نے انھیں شکست دے دی ہے ۔
امریکی صدرڈونلڈ ٹرمپ نے میڈیا سےگفتگو میں کہاایران کی نیوی،فضائی اور دفاعی سسٹم تباہ کردیا،
ایرانی قیادت کو ختم کیا جاچکا ہے،چاہے جو بھی ہو، ہم جنگ جیت ہوچکے ہیں۔
ڈونلڈ ٹرمپ نےمزیدکہا ہمارے پاس مائن صاف کرنے والے جہازموجود ہیں، ہم آبنائے ہرمز سے بارودی سرنگیں صاف کر رہے ہیں،شاید ایران کے پاس کچھ بارودی سرنگیں ہوں۔
ایران امریکا کے درمیان جامع اور تعمیری مذاکرات کے متعدد دور ہوئے، نائب وزیراعظم اسحاق ڈار
ایران امریکاکےدرمیان جامع اورتعمیری مذاکرات کےمتعدددورہوئے،پاکستان دونوں ملکوں کےدرمیان مذاکراتی عمل میں سہولت کاری کاکردارجاری رکھےگا۔
نائب وزیراعظم اسحاق ڈار نےبریفنگ دیتےہوئےکہامذاکراتی عمل میں شریک ایران اور امریکاکےوفود کا شکر گزار ہوں،دونوں ملکوں نے وزیراعظم شہبازشریف کی درخواست پر مثبت ردعمل دیا۔
امریکی وفدنائب صدرجےڈی وینس کی قیادت میں پاکستان آیا،اسپیکرمحمدباقرقالیباف کی قیادت میں ایرانی وفد نے مذاکرات میں شرکت کی،میں نے بطور نائب وزیراعظم اور فیلڈمارشل عاصم منیرنےمذاکراتی عمل میں معاونت کی،فریقین کی طرف سے پاکستان کے مثبت کردار کے اعتراف پر شکر گزار ہوں۔
امیدکرتےہیں دونوں ملک پائیدارامن اورخوشحالی کیلئےمثبت سوچ سےآگےبڑھیں گے،یہ ضروری ہے کہ دونوں ملک سیز فائر کے عزم پر قائم رہیں۔
اکثر نکات پر اتفاق ہوگیا، دو سے تین نکات پر اختلاف برقرار ہے، ایرانی وزارت خارجہ
ترجمان ایرانی وزارت خارجہ اسماعیل بقائی نے کہا گزشتہ 24 گھنٹوں کے دوران مذاکرات کے اہم موضوعات کےمختلف پہلوؤں پربات چیت کی گئی،اکثر نکات پراتفاق ہوگیا،دو سےتین نکات پراختلاف برقرار ہے،پاکستان اور دیگر دوست ملکوں کے ساتھ مشاورت جاری رہی گے۔
ترجمان ایرانی وزارت خارجہ اسماعیل بقائی نے ایکس پر بیان میں کہاایک ہی نشست میں کسی معاہدے تک پہنچنے کی توقع نہیں کی جانی چاہیے،کسی کو بھی اتنی جلدی معاہدے کی توقع نہیں تھی،ایک اور نکتہ مسائل اور حالات کی پیچیدگی تھی،کچھ نئےموضوعات بھی ان مذاکرات میں شامل کیےگئے،ہم سفارتی محاذ پر اپنےحقوق اور مفادات کے حصول کی جدوجہد جاری رکھیں گے
مزید کہا ہم پاکستان کے شکر گزار ہیں جنہوں نے ان مذاکرات کی میزبانی کی،پاکستان نے مذاکراتی عمل کو آگے بڑھانے میں مثبت کردارادا کیا،کوئی بھی چیزملک اورتہذیب کےحوالے سےاپنی ذمہ داری سے باز نہیں رکھ سکتی اور نہ رکھنی چاہیے،ایران قومی مفادات کے حصول،تحفظ کیلئے سفارتکاری سمیت تمام ذرائع استعمال کرنے کیلئے پُرعزم ہے۔
ایرانی حکام کےمطابق ایران کے خلاف جنگ کا مکمل اختتام اورخطے کی صورتحال پر بھی بات چیت ہوئی، سفارتی عمل کی کامیابی کا انحصار دوسرے فریق کی سنجیدگی اور نیک نیتی پر ہے۔
مذاکرات میں بعض نکتوں پرحتمی رضامندی نہیں ہوئی،بغیرکسی ڈیل کے واپس جارہے ہیں، امریکی نائب صدر
امریکی نائب صدرجے ڈی وینس نےکہامذاکرات میں بعض نکتوں پر حتمی رضامندی نہیں ہوئی، بغیر کسی ڈیل کے واپس جارہے ہیں،ہماری ریڈ لائنز کیا ہیں وہ ہم نے واضح کردی ہے۔
امریکی نائب صدرجےڈی وینس کی پریس کانفرنس کہا ہم یہاں نہایت سادہ اوربہترین پیشکش چھوڑ کرجارہے ہیں،امید ہے ایران اسے قبول کرے گا،ہمارا ایک ہی مطالبہ ہے کہ ایران ایٹمی ہتھیار نہ بنائے اور ایسے ٹولز حاصل نہ کرے جو انہیں ایٹمی ہتھیار بنانے کے قابل بنائیں۔
امریکی نائب صدرنےمزیدکہاوزیراعظم پاکستان اورفیلڈمارشل نےشاندارمیزبانی کی،مذاکرات میں بعض نکتوں پر حتمی رضامندی نہیں ہوئی،لیکن پاکستانیوں نے بہت شاندار کام کیا، ہمارے درمیان اختلافات ختم کروانے کی پوری کوشش کی،تاکہ ہم کسی حتمی معاہدے تک پہنچ سکیں،ہم نے 21 گھنٹوں تک بات چیت کی اچھی خبر یہ ہےکہ ہم نے کئی پہلوؤں پرگفتگو کی،فی الحال ہم کسی حتمی نتیجے تک نہ پہنچ سکے، ہماری ریڈ لائنز کیا ہیں وہ ہم نے واضح کردی ہے،ان میں سےکونسےمعاہدے میں شامل ہونگے کونسے نہیں ،یہ سب ہرممکن حدتک واضح ہوگیا ہے،انہوں نے ہماری تجاویز کو فوری قبول نہیں کیا۔
انہوں نےبتایا کہ صدرٹرمپ نےکہا تھا اچھی نیت سے جائیں، ڈیل کی ہر ممکن کوشش کریں، ہم مسلسل صدر ٹرمپ سے رابطے میں تھے، کم سے کم 6 بار یا 12 مرتبہ تو ان سے بات کی۔
پریس بریفنگ میں امریکی نائب صدر نے بتایا کہ ہم نے ایڈمرل کوپر، وزیر جنگ ہیگیستھ، وزیرخارجہ روبیو سے بھی بات کی، ہم نے قومی سلامتی ٹیم، وزیر خزانہ اسکاٹ بیسینٹ سے بھی بات کی۔
امریکی نائب صدرجےڈی وینس وفد کے ہمراہ واپس امریکا روانہ ہوگئے،نائب وزیراعظم اسحاق ڈار اور فیلڈمارشل عاصم منیرنےرخصت کیا،ایئرپورٹ پروفاقی وزیرداخلہ محسن نقوی بھی موجود تھے۔
دوسری جانب ترجمان ایرانی وزارت خارجہ اسماعیل بقائی نے ایکس پر بیان میں کہا گزشتہ 24 گھنٹوں کے دوران مذاکرات کے اہم موضوعات کے مختلف پہلوؤں پر بات چیت کی گئی،ہم پاکستان کے شکر گزار ہیں جنہوں نے ان مذاکرات کی میزبانی کی،پاکستان نے مذاکراتی عمل کو آگے بڑھانے میں مثبت کردار ادا کیا۔
مزید لکھا کہ کوئی بھی چیزملک اور تہذیب کے حوالے سےاپنی ذمہ داری سے باز نہیں رکھ سکتی اور نہ رکھنی چاہیے، ایران قومی مفادات کے حصول،تحفظ کیلئے سفارت کاری سمیت تمام ذرائع استعمال کرنے کیلئے پُرعزم ہے۔
آبنائے ہرمز کو صاف کرنے کا عمل شروع کر رہے ہیں: ڈونلڈ ٹرمپ
امریکی صدر ڈونلڈ ٹرمپ نے بیان جاری کرتے ہوئے کہاہے کہ چین، جاپان، جنوبی کوریا، فرانس، جرمنی کے ساتھ مل کر آبنائے ہرمز کو صاف کرنے کا عمل شروع کر رہے ہیں۔
تفصیلات کے مطابق ایران کی 28 بارودی سرنگیں بچھانے والی کشتیوں کو غرق کیا جاچکا ہے،ایران کی بحریہ ،فضائیہ ،دفاعی نظام ،ریڈار سب ختم ہوچکا ہے جبکہ ایران کی میزائل اور ڈرون فیکٹریاں تباہ کر دی گئی ہیں۔
انہوں نے کہا کہ ایران کی اہم لیڈر شپ ختم کی جاچکی،جعلی خبریں دینے والے میڈیا نے اپنی ساکھ متاثر ہوچکی ،جعلی میڈیا کہتا ہے ایران جیت رہا ہے لیکن حقیقت میں وہ بری طرح ہار رہا ہے۔
وزیراعظم شہباز شریف سے ایرانی وفد کی ملاقات
وزیراعظم شہباز شریف نے اسلام آباد مذاکرات میں ایران کی شرکت کو سراہا ہے اور کہا کہ پاکستان خطے اور دنیا میں امن و استحکام کیلئے مثبت اور مؤثر کردار ادا کرتا رہے گا ۔
اسلام آباد مذاکرات کیلئے پاکستان پہنچنے والے ایرانی وفد نے وزیراعظم شہباز شریف سے سے ملاقات کی ۔ اسپیکر ایرانی پارلیمنٹ محمد باقر غالیباف کی زیر قیادت وفد میں وزیر خارجہ ایران عباس عراقچی بھی موجود تھے ۔ نائب وزیراعظم اسحاق ڈار، فیلڈ مارشل عاصم منیر اور وفاقی وزیر داخلہ محسن نقوی نے بھی ملاقات میں شرکت کی ۔
اس سے قبل وزیراعظم شہباز شریف اور اعلیٰ حکام نے امریکی نائب صدر جے ڈی وینس کی سربراہی میں آنے والے امریکی مذاکراتی وفد سے بھی ملاقات کی۔
واضح رہے کہ جنگ بندی کے بعد وزیراعظم کی دعوت پر دونوں ممالک کے اعلیٰ سطح کے وفود اسلام آباد پہنچے ہیں جہاں دونوں فریقین کے درمیان پائیدار امن اور مستقل جنگ بندی کیلیے مذاکرات ہوں گے۔
وزیراعظم سے امریکی نائب صدر کی ملاقات، مذاکرات پائیدار امن کی جانب اہم قدم قرار
وزیراعظم شہبازشریف سے اسلام آباد میں موجود امریکی نائب صدر جے ڈی وینس نے وفد کے ہمراہ ملاقات کی ہے۔
امریکی وفد میں اسٹیووٹکوف اور جیرڈکشنر بھی امریکی نائب صدر جے ڈی وینس کے ہمراہ تھے۔ ملاقات میں نائب وزیراعظم اور وزیرداخلہ بھی شریک ہوئے۔ دونوں ممالک کے وفود نے مثبت اور تعمیری مذاکرات پر اتفاق کرلیا۔
وزیراعظم نے ایران امریکا وفود کے تعمیری انداز میں بات چیت کے عزم کو سراہا اور مذاکرات کو خطے میں امن کی جانب اہم قدم قرار دیا۔
شہبازشریف نے کہا کہ خطے میں دیرپا امن کیلئے فریقین کے درمیان سہولت کاری جاری رکھنے کے خواہاں ہیں، مذاکرات خطے میں پائیدار امن کی جانب اہم سنگ میل ثابت ہوں گے۔
یاد رہے کہ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔ ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ چکا ہے۔
رات گئے امریکا سے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔
امن مذاکرات کی کامیابی سے عالمی معیشت کو فائدہ ہوگا، احسن اقبال
وفاقی وزیر ترقی و منصوبہ بندی احسن اقبال کا کہنا ہے کہ پاکستان کو اسلام آباد امن مذاکرات کی میزبانی پر فخر ہے۔ امن مذاکرات کی کامیابی سے عالمی معیشت کو فائدہ ہوگا۔
ایک بیان میں احسن اقبال نے کہا کہ پاکستان نے فریقین کو مذاکرات کی میز پر لانے میں کردار ادا کیا، پاکستان، برادر ممالک کی مثبت کوششوں سے امن کا موقع ملا ہے، بد اعتمادی کے بجائے بات چیت کو فروغ دینا ہوگا۔
احسن اقبال نے کہا کہ کشیدگی کے بجائے برداشت اور عقل سے کام لینے کی ضرورت ہے، جنگ پورے خطے اور دنیا کے لیے تباہ کن ثابت ہو سکتی ہے، یہ بحران اب صرف خطے تک محدود نہیں رہا، دنیا بھر میں مہنگائی اور معاشی دباؤ بڑھ رہا ہے، توانائی کی فراہمی متاثر، عالمی مارکیٹس غیر یقینی کا شکار ہے۔
انکا مزید کہنا تھا کہ جنگ جاری رہی تو مزید لوگ غربت کا شکار ہو سکتے ہیں، اس بحران کا بوجھ عام عوام کو اٹھانا پڑ سکتا ہے، امن مذاکرات کی کامیابی سے عالمی معیشت کو فائدہ ہوگا، یہ مذاکرات لاکھوں خاندانوں کے مستقبل کیلئے اہم ہیں، تاریخ طاقت نہیں، دانشمندی دکھانے والوں کو یاد رکھے گی۔
حماس کا اسلام آباد میں امریکا ایران مذاکرات کا خیر مقدم
حماس کی جانب سے اسلام آباد میں امریکا ایران مذاکرات کا خیر مقدم کیا گیا ہے۔
حماس کی جانب سےجاری بیان میں کہا گیا ہےکہ ہم اسلام آباد میں جاری مذاکرات کی کامیابی کے منتظر ہیں،مذاکرات کی کامیابی سے مشرق وسطیٰ اور خطے میں امن و استحکام آئے گا،یہ بات چیت عرب اور اسلامی ممالک کے درمیان اتحاد کا باعث بنیں گی۔
خیال رہے کہ ایران کیساتھ جنگ بندی مذاکرات کےلیےامریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ چکا ہے،نائب وزیراعظم اسحاق ڈار اور فیلڈمارشل عاصم منیر نے استقبال کیا۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
قبل ازیں رات گئے مذاکرات کیلئےایران کا اعلیٰ سطح کا وفد پاکستان پہنچ گیا،اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
ایرانی اسپیکرنے پاکستان کی پرواز کے دوران جنگ میں شہید بچوں کی تصاویر شیئر کردیں
ایرانی پارلیمنٹ کے اسپیکر باقر قالیباف نے پاکستان کی پرواز کے دوران اپنی تصویر سوشل میڈیا پر جاری کر دی۔
پاکستان آنے والے ایرانی وفد کے ساتھ کچھ ایسے ہم سفر بھی تھے جوجنگ کی ہولناکیوں کی علامت ہیں، طیارے میں چند نشستیں ان بچیوں کیلئے مختص تھیں جو میناب میں امریکی بمباری میں شہید ہوئی تھیں۔ ایرانی وفد کے سربراہ باقر قالیباف نے دل چیر دینے والے منظر کی تصویر شیئر کردی۔
کچھ ایسا ہی منظر ایرانی وفد کے طیارے میں بھی تھا،وفد کے سربراہ محمد باقر قالیباف نے سوشل میڈیا پر ایک تصویرشیئرکی،جس میں طیارے کی کچھ نشستیں بچیوں کیلئے مختص تھیں،لیکن بچیوں کی جگہ انکی تصاویر اور اسکول بیگزنشستوں پر موجودتھے۔
یہ وہ بچیاں ہیں جو 28 فروری کو ایران کے شہر میناب میں امریکی بمباری میں شہید ہوئی تھیں۔ قالیاف نے لکھاکہ یہ ہمارے ہم سفرہیں امید رکھنی چاہیےکہ امن کا سورج جلد طلوع ہوگا،لیکن سفاکیت کے کالے بادل چھٹنے دہائیاں بیت جائیں گی۔
ایران کے بعد امریکی وفد بھی مذاکرات کے لیے اسلام آباد پہنچ گیا
ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ گیا۔ نائب وزیراعظم اسحاق ڈار اور فیلڈمارشل عاصم منیر نے استقبال کیا۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
وزارت خارجہ کے اعلامیے کے مطابق امریکی نائب صدر کا خیرمقدم کرتے ہوئے نائب وزیراعظم اسحاق ڈار نے علاقائی اور عالمی سطح پر دیرپا امن و استحکام کے حصول کے لیے امریکا کے عزم کو سراہا۔
اعلامیے میں کہا گیا ہے کہ اسحاق ڈار نے اس امید کا اظہار کیا کہ فریقین تعمیری انداز میں بات چیت کریں گے۔ اس موقع پر انھوں نے تنازع کے پائیدار اور دیرپا حل کے لیے فریقین کو سہولت فراہم کرنے کے پاکستان کے عزم کا اعادہ کیا۔
قبل ازیں رات گئے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔ امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
امریکا میں پاکستانی سفیر رضوان شیخ نے ایک انٹرویو میں کہا کہ پاکستان کا کام فریقین کو مذاکرات کی میز پر بیٹھانا تھا۔ دونوں جانب سے تعمیری سوچ کا اظہار کیا جارہا ہے۔ مذاکراتی عمل آگے بڑھے گا تو مسائل خود بہ خود حل ہوتے جائیں گے۔
جنگ اور اب مذاکرات کا ایک ہی مقصد ہے ایران کو ایٹمی ہتھیاروں کے حصول سے روکنا، امریکی صدر
امریکی صدر ڈونلڈ ٹرمپ نے کہا جنگ اور اب مذاکرات کا ایک ہی مقصد ہے،ایران کو ایٹمی ہتھیاروں کے حصول سے روکنا،رجیم چینج ہمارے مقاصد میں شامل نہیں تھا لیکن وہ بھی ہوگئی۔
امریکی صدرڈونلڈ ٹرمپ کی میڈیا سےگفتگوکہا ایران کو عسکری میدان میں شکست ہوچکی ہے،اس لیے کسی بیک اپ پلان کی ضرورت نہیں ہے،ان کے پاس میزائل بہت کم رہ گئے ہیں،پیداواری صلاحیت بھی بہت محدود ہوگئی ہے،ہماری فوج نے جو کام کیا وہ بہت شاندار ہے
امریکی صدر نےکہا جےڈی وینس،اسٹیو وٹکوف،وہ آج مل رہے ہیں،جو ہوگا ہم دیکھ لیں گے،ان کیلئےمیری نیک تمنائیں ہیں،معاملہ بڑا ہے،میں دیکھوں گاکیا ہوتاہے،اوراب ہم خلیج کو کھول رہےہیں، وہ ساتھ دیں یا نہ دیں،خلیج کو کھول دیں گے،آبنائے ہرمز کو ہم استعمال بھی نہیں کرتے،دوسرے کرتے ہیں،چند ملک سامنے آئے ہیں جو مدد کرنا چاہتے ہیں۔
مزیدکہا ایران کی نیوی اورایئرفورس ختم ہوچکی،اینٹی ایئرکرافٹ سسٹم بھی تباہ کردیا،انکا لیڈر بھی مارا گیا،سب کچھ ختم ہوگیا،دیکھتے ہیں کیاہوتاہے،۔
سیکریٹری جنرل اقوا متحدہ کا پاکستان میں ہونے والے امریکا ایران مذاکرات کا خیرمقدم
اقوام متحدہ کے سیکرٹری جنرل انتونیو گوتریس پاکستان میں ہونے والے امریکا ایران مذاکرات کی کامیابی کےلیے پرامید ہیں۔
انتونیو گوتریس کے ترجمان نے پریس بریفنگ میں بتایا کہ سیکرٹری جنرل پاکستان کی ثالثی میں ہونے والےامریکا اورایران کے مذاکرات کا خیرمقدم کرتے ہیں۔
ترجمان نے کہا کہ فریقین سفارتی موقع سے فائدہ اٹھاتے ہوئےخلوصِ نیت کے ساتھ بات چیت کریں تاکہ کشیدگی میں کمی لائی جا سکے اور دشمنی کے دوبارہ آغاز کو روکا جاسکے۔ فریقین نے معاملات افہام و تفہیم سے آگے بڑھائےتو ایک دیرپا اور جامع معاہدے کی جانب پیش رفت ممکن ہے۔
نئی تاریخ رقم، امریکا اور ایران کے درمیان مذاکرات آج اسلام آباد میں ہوں گے
امریکا اور ایران کے درمیان اعلیٰ سطح کے مذاکرات آج اسلام آباد میں ہوں گے۔
ایران کیساتھ جنگ بندی مذاکرات کےلیے امریکی نائب صدر جے ڈی وینس کی سربراہی میں امریکا کا اعلیٰ سطح وفد پاکستان پہنچ گیا۔
رات گئے امریکا سے مذاکرات کیلئے ایران کا اعلیٰ سطح کا وفد پاکستان پہنچ گیا، اسپیکر قالیباف کی سربراہی میں ایرانی وفد میں وزیرخارجہ عباس عراقچی بھی شامل ہیں۔
امریکی وفد کی قیادت نائب صدر جے ڈی وینس کررہے ہیں۔ امریکی وفد میں نائب صدرجے ڈی وینس کے علاقہ اسٹیووٹکوف اور جیرڈ کشنر شامل ہیں۔
امریکا میں پاکستانی سفیر رضوان شیخ نے ایک انٹرویو میں کہا کہ پاکستان کا کام فریقین کو مذاکرات کی میز پر بیٹھانا تھا۔ دونوں جانب سے تعمیری سوچ کا اظہار کیا جارہا ہے۔ مذاکراتی عمل آگے بڑھے گا تو مسائل خود بہ خود حل ہوتے جائیں گے۔
پاکستانی سفیر رضوان شیخ نے کہا کہ پاکستان اور عالمی برادری کی نیک خواہشات فریقین کے ساتھ ہیں۔ ہم سب پرامید ہیں کہ اس بات چیت کا کوئی معنی خیز نتیجہ سامنے آئے گا۔
جنگ بندی مذاکرات کیلئے ایران کا اعلیٰ سطح وفد اسلام آباد پہنچ گیا
ایران کا اعلیٰ سطح وفد امریکہ کے ساتھ جنگ بندی مذاکرات میں شرکت کے لیے اسلام آباد پہنچ گیا۔
ترجمان دفتر خارجہ کی جانب سے جاری بیان میں بتایا گیا کہ ایران کے اعلیٰ سطح وفد کی قیادت سپیکر ایرانی پارلیمنٹ محمد باقر قالیباف کر رہے ہیں جبکہ وزیرخارجہ عباس عراقچی بھی وفد کے ہمراہ ہیں ۔
ایرانی وفد کا استقبال فیلڈ مارشل عاصم منیر، نائب وزیراعظم و وزیر خارجہ اسحاق ڈار، سپیکر قومی اسمبلی سردار ایاز صادق او روزیر داخلہ محسن نقوی نے کیا ۔
ترجمان دفتر خارجہ کے مطابق وزیرخارجہ اسحاق ڈار نے امید ظاہر کی کہ فریقین تعمیری انداز میں مذاکرات آگے بڑھائیں گے، پاکستان نےتنازع کے پائیدار اور دیرپا حل کے لیے سہولت کاری جاری رکھنے کے عزم کا اعادہ کیا۔
امریکی نائب صدر پاکستان کیلئے روانہ، اگر ایرانی نیک نیتی کے ساتھ مذاکرات کیلئے تیار ہیں تو ہم بھی تیار ہیں: جے ڈی وینس
امریکی نائب صدر جے ڈی وینس اسلام آباد ٹاکس کیلئے پاکستان روانہ ہو گئے ہیں ۔
تفصیلات کے مطابق ایئرپورٹ پر طیارے میں روانگی سے قبل میڈیا سے گفتگو کرتے ہوئے جے ڈی وینس نے کہا کہ ایران کے ساتھ مذاکرات کے منتظر ہیں،صدر ٹرمپ نے ہمیں مذاکرات کے حوالے سے کافی واضح ہدایات دی ہیں،سمجھتے ہیں ایران کے ساتھ مذاکرات مثبت ہوں گے،اگر ایرانی نیک نیتی کے ساتھ مذاکرات کے لیے تیار ہیں تو ہم بھی تیار ہیں۔
نائب امریکی صدر جے ڈی وینس، اسٹیو وٹکوف اور جیرڈ کشنر امریکا کی نمائندگی کریں گے جبکہ ایران کی طرف سے وزیر خارجہ عباس عراقچی اور اسپیکرباقر قالیباف مذاکرات میں شریک ہوں گے۔ غیرملکی وفود آج کسی بھی وقت اسلام آباد پہنچیں گے۔
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
دفتر خارجہ
اسلام آباد ٹاکس کیلئے ویزا فری سفر کی اجازت سے متعلق ترجمان دفترخارجہ نے وضاحت جاری کر دی ہے ۔
ترجمان دفتر خارجہ نے بیان میں کہا کہ پاکستان نے صرف اسلام آباد ٹاکس میں شریک ممالک کیلئے یہ سہولت دی ہے ،ایران ،امریکا کے وفود، صحافیوں کیلئے ویزا فری سفر کی سہولت فراہم کی گئی ہے ،یہ سہولت ان صحافیوں کیلئے بھی صرف مذاکرات کی مدت تک محدود ہوگی ،اس سہولت کا اطلاق تیسرے ممالک کے شہریوں پر نہیں ہوگا۔
مشرق وسطیٰ میں مستقل امن معاہدہ کےلیے اسلام آباد میں مذاکرات کیلئے تیاریاں مکمل
مشرق وسطیٰ جنگ میں دو ہفتے کی جنگ بندی کے بعد مستقل امن معاہدہ کروانے کی تیاریوں کے سلسلے میں پاکستان کی میزبانی میں اسلام آباد میں مذاکراتی میز سج گئی۔
نائب امریکی صدر جے ڈی وینس، اسٹیو وٹکوف اور جیرڈ کشنر امریکا کی نمائندگی کریں گے جبکہ ایران کی طرف سے وزیر خارجہ عباس عراقچی اور اسپیکرباقر قالیباف مذاکرات میں شریک ہوں گے۔ غیرملکی وفود آج کسی بھی وقت اسلام آباد پہنچیں گے۔
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
دوسری جانب حکومت نے اسلام آباد ٹاکس 2026 کے شرکاء کے لیے بڑی سہولت کا اعلان کردیا۔ وزارت داخلہ نے اسلام آباد ٹاکس کیلئے خصوصی ویزا پالیسی جاری کردی۔
اسلام آباد ٹاکس 2026 کیلئے آنے والے تمام افراد کو"ویزا آن آرائیول" کی سہولت ملے گی، تمام ایئر لائنز کو اسلام آباد ٹاکس 2026 کے شرکاء کو بورڈنگ کی اجازت دینے کی ہدایت کردی گئی ہے۔ ایئرپورٹس پر مسافروں کی رہنمائی کے لیے خصوصی "فیسیلٹیشن ڈیسک" قائم کردیئے گئے، نوٹیفکیشن سیکشن آفیسر (ویزا) آغا حاشر محمود خان کے دستخط سے جاری کیا گیا۔
ڈونلڈ ٹرمپ کی جے ڈی وینس کو ایران جنگ سے نکلنے کا راستہ ڈھونڈنے کی ہدایت
امریکی صدر ڈونلڈ ٹرمپ نے نائب صدر جے ڈی وینس کو ایران جنگ سے نکلنے کا راستہ ڈھونڈنے کی ہدایت کردی۔
عالمی میڈیا کے مطابق ٹرمپ انتظامیہ میں جے ڈی وینس جنگ کے سب سے زیادہ مخالف تھے، جے ڈی وینس ماضی میں بھی جنگ کے خلاف بیانات دیتے رہے ہیں۔
قبل ازیں امریکی نشریاتی ادارے سے گفتگو کرتے ہوئے صدر ڈونلڈ ٹرمپ کا کہنا تھا کہ اسلام آباد مذاکرات کے نتیجے میں ایران کے ساتھ امن معاہدے کے لیے پر امید ہوں۔ ایران اور امریکہ کے درمیان مذاکرات سے قبل اسرائیلی وزیرِ اعظم نیتن یاہو لبنان پر حملوں میں کمی کریں گے۔
ڈونلڈ ٹرمپ نے کہا کہ اسرائیلی وزیرِ اعظم نیتن یاہو نے فون کرکے حملوں میں کمی کرنے کی یقین دہانی کرائی، نیتن یاہو سے بات کر لی ہے اور وہ حملوں میں کمی کریں گے۔ لبنان پر اسرائیلی حملوں میں کمی آئی ہے۔
امریکی نائب صدر، ایرانی قیادت کو خوش آمدید کہتے ہیں، صدر استحکام پاکستان پارٹی
وفاقی وزیرمواصلات اور صدر استحکام پاکستان پارٹی عبدالعلیم خان نے اسلام آباد میں ایران امریکا مذاکرات کے تناظر میں خیرمقدمی پیغام میں مہمانوں کو خوش آمدید کہتے ہوئے پاکستان کو عالمی امن کا مرکز قرار دے دیا۔
پاکستان میں ایران اور امریکا کے درمیان ممکنہ جنگ بندی مذاکرات کے تناظر میں وفاقی وزیر عبدالعلیم خان نے خیرمقدمی پیغام جاری کرتے ہوئے عالمی قیادت کو خوش آمدید کہا ہے۔ عبدالعلیم خان کا کہنا تھا کہ امریکی نائب صدر اور ایرانی قیادت کو دل کی گہرائیوں سے خوش آمدید کہتے ہیں۔
صدر استحکام پاکستان پارٹی نے کہا کہ اسلام آباد آج عالمی سیاست کا مرکز نگاہ بن چکا ہے۔ وزیراعظم اور عسکری قیادت کی بہترین سفارتکاری کے باعث دنیا پاکستان کی معترف ہو رہی ہے، نائب وزیراعظم اسحاق ڈار کی کاوشیں بھی قابل تحسین ہیں۔
وفاقی وزیر مواصلات نے دنیا بھر میں جنگی حالات کی مذمت کرتے ہوئے کہا کہ امن ہی جینے کا واحد راستہ ہے اور پاکستان نے عملی طور پر خود کو عالمی امن کا علمبردار ثابت کیا ہے۔
عبدالعلیم خان نے امید ظاہر کی کہ اسلام آباد سے دنیا بھر کیلئے سلامتی اور استحکام کا مثبت پیغام جائے گا اور مذاکرات کا یہ سلسلہ کامیابی سے ہمکنار ہوگا۔
پاکستان اور فرانس کا لبنان میں جنگ بندی کی خلاف ورزیوں پر اظہار تشویش
پاکستان اور فرانس نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔
ترجمان دفترخارجہ کے مطابق نائب وزیراعظم اسحاق ڈار سے فرانس کے وزیر خارجہ ژاں نوئل بیروٹ نے ٹیلیفونک رابطہ کیا، فرانسیسی وزیر خارجہ نے جنگ بندی یقینی بنانے میں پاکستان کی کوششوں کو سراہا۔
اعلامیے کے مطابق ژاں نوئل نے خطے میں امن کیلئے پاکستان کے سفارتی کردار کی حمایت کا اظہار کیا، دونوں وزرائے خارجہ نے لبنان میں جنگ بندی کی خلاف ورزیوں پر تشویش کا اظہار کیا اور جنگ بندی کے مکمل نفاذ اور احترام کی اہمیت پر زور دیا۔
دونوں رہنماوں نے پاکستان اور فرانس کا دوطرفہ تعلقات مزید مضبوط بنانے، دونوں ممالک نے تجارت اور اقتصادی تعاون بڑھانے کے عزم کا اعادہ کیا۔ دونوں وزرائے خارجہ نے قریبی رابطے جاری رکھنے کا فیصلہ کیا۔
جنوبی لبنان میں ایک بار پھر اسرائیلی فوج کی بمباری
جنوبی لبنان میں ایک بار پھر اسرائیلی فوج نے بمباری کی ہے۔
عرب میڈیا کے مطابق صبح سے اب تک لبنان کے علاقے صرفند کے علاقے میں 2 بار اسرائیلی فوج کی جانب سے بمباری ہوئی ہے۔
واضح رہے کہ امریکا اور ایران جنگ بندی کے بعد لبنان میں بدھ کو ہونے والے اسرائیلی فوج کے حملوں میں 200 سے زائد افراد شہید ہو گئے ہیں۔ لبنان کی وزارتِ صحت کا کہنا ہے کہ کشیدگی کے شروع ہونے کے بعد سے اب تک بدھ کے روز حملوں میں سب سے زیادہ لوگ شہید ہوئے ہیں۔
واضح رہے کہ لبنان جنگ میں اب تک مجموعی اموات کی تعداد1600سے تجاوز کرگئی ہے،ہزاروں زخمی، لاکھوں بے گھر ہوچکے ہیں، جاں بحق افراد میں102خواتین،130بچے اور طبی عملے کے57 کارکن شامل ہیں۔
امریکا ایران کے بعد یوکرین اور روس کے درمیان بھی عارضی جنگ بندی ہوگئی
امریکا ایران کے بعد یوکرین اور روس کے درمیان بھی عارضی جنگ بندی ہوگئی۔
روسی صدر ولادی میر پیوٹن نے آرتھوڈوکس ایسٹر کے موقع پر 32 گھنٹے کی جنگ بندی کا اعلان کیا۔ جسے یوکرینی صدر زیلنسکی نے بھی منظور کرلیا۔
گزشتہ سال بھی ایسٹر کے موقع پر دونوں ملکوں کے درمیان 30 گھنٹے کی جنگ بندی ہوئی تھی تاہم اس دوران دونوں جانب سے جنگ بندی کی خلاف ورزیوں کے الزامات سامنے آئے تھے۔
امریکا ایران مذاکرات کا اسلام آباد میں انعقاد پاکستان کے لیے اعزاز کی بات ہے، وزیر داخلہ
اسلام آباد مذاکرات کے لئے غیر ملکی وفود کی آمد کے پیش نظر ریڈ زون کو مکمل سیل کردیا گیا۔ صرف متعلقہ افراد کو داخلے کی اجازت ہو گی۔وزیرداخلہ نے غیرملکی وفود کی سیکیورٹی کے لیے ہرممکن اقدامات یقینی بنانے کی ہدایت کردی۔
وفاقی وزیر داخلہ محسن نقوی کی زیر صدارت سکیورٹی و دیگر انتظامات سے متعلق خصوصی اجلاس ہوا۔اسلام آباد میں امریکہ ایران مذاکرات کے حوالے سے تیاریوں اور سکیورٹی پلان کا تفصیلی جائزہ لیا گیا۔وزیرداخلہ محسن نقوی کی غیر ملکی مہمانوں کے لیے انتظامات کی ہدایت جاری کی۔
وزیر داخلہ محسن نقوی کا کہنا تھا کہ جنگ بندی کے بعد امریکہ ایران مذاکرات کا اسلام آباد میں انعقاد پاکستان کے لیے ایک اعزاز کی بات ہے۔ وزیر داخلہ محسن نقوی کی آنے والے وفود کی مہمان نوازی اور سکیورٹی کیلئے ہر ممکن اقدامات یقینی بنانے کی ہدایت کی گئی۔
اجلاس میں فیصلہ کیا گیا کہ ریڈ زون کو مکمل سیل کیا جائے گا اور صرف متعلقہ افراد کو داخلے کی اجازت ہو گی۔ سکیورٹی کے حوالے سے وزارت داخلہ میں کنٹرول روم قائم کر دیا گیا ہے۔
اجلاس میں وزیر مملکت داخلہ طلال چوہدری، وفاقی سیکرٹری داخلہ، چیف کمشنر۔ آئی جی اسلام آباد پولیس، کمشنر راولپنڈی، ڈی جی ایف آئی اے، ڈی سی اسلام آباد، رینجرز، فیڈرل کانسٹیبلری اور وزارت خارجہ کے نمائندوں نے شرکت کی۔
ایران کے سابق وزیر خارجہ کمال خرازی زخموں کی تاب نہ لا کر شہید ہوگئے
ایران کے سابق وزیر خارجہ کمال خرازی زخموں کی تاب نہ لاتے ہوئے شہید ہوگئے۔
ایرانی میڈیا کے مطابق سابق وزیر خارجہ گزشتہ روز اپنے خالق حقیقی سے جاملے۔ یکم اپریل کو امریکا اور اسرائیل کی بمباری میں کمال خرازی کی اہلیہ موقع پر ہی شہید ہوگئی تھیں جبکہ انہیں شدید زخم آئے تھے۔
ڈاکٹر کمال خرازی ایران کی اعلیٰ قیادت کے قریبی مشیر رہے۔ وہ مجتبیٰ خامنہ ای کے مشیر تھے اور اس سے قبل علی خامنہ ای کے بھی قریبی ساتھی رہ چکے تھے۔
جنگ بندی کے دوران ایرانی افواج نے کسی ملک پر کوئی حملہ نہیں کیا، ترجمان
ایرانی پاسداران انقلاب کے ترجمان کا کہنا ہے کہ جنگ بندی کے دوران ایرانی افواج نے کسی ملک پر کوئی حملہ نہیں کیا۔
بیان کے مطابق اگر کسی ملک پر حملہ ہوا ہے تو یہ اسرائیل کی سازش ہے، ایرانی افواج کسی پر حملہ کریں گے تو اس کا اعلان کریں گے۔
دوسری جانب ترجمان امریکی سینٹ کام کے مطابق جنگ بندی کے تحت ایران کے خلاف کارروائیاں عارضی طور پر روک دیں، جنگ میں ایران کی نیوی، بحریہ ،دفاعی نظام اور ڈرونز کی صلاحیت ختم کردی، جنگ میں ایران کو تاریخی شکست کا سامنا کرنا پڑا۔
بیان کے مطابق ہم نے ایران میں 13ہزار فوجی اہداف کو کامیابی سے نشانہ بنایا، امریکی فوج اب بھی مشرق وسطیٰ میں موجود ہے اور الرٹ ہے، امریکا علاقائی شراکت داروں کی مدد جاری رکھے گا۔
نیتن یاہو کے خلاف بدعنوانی مقدمے کی کارروائی دوبارہ شروع کرنے کا اعلان
سیز فائر کے بعد اسرائیل میں ہنگامی حالات کی صورتحال ختم ہونے کے بعد اسرائیلی عدالت نے نیتن یاہو کے خلاف بدعنوای کے مقدمے کی کارروائی دوبارہ شروع کرنے کا اعلان کردیا۔
خبر ایجنسی کے مطابق نیتن یاہو کے خلاف بدعنوانی کے مقدمے کی سماعت اتوار سے شروع ہوگی، مقدمے کی کارروائی اتوار سے بدھ تک جاری رہے گی، ان کے خلاف مقدمات کی سماعت 2020 سے جاری ہیں۔
نیتن یاہو اسرائیلی وزیرِاعظم ہیں جن پر اقتدارکے دوران فردِ جرم عائد کی گئی، ایران جنگ کی آڑ میں نیتن یاہو نے تمام عدالتی کارروائیاں معطل کردی تھیں۔ نیتن یاہو کی جانب سے بار بار رکاؤٹیں ڈالنے کی وجہ سے 2020 سے جاری مقدمے کی کارروائی مکمل ہونے کا نام نہیں لیتی۔
سعودی عرب پر حملوں کے بعد تیل و گیس کی پیداوار میں نمایاں کمی ریکارڈ
سعودی عرب کی سرکاری خبر رساں ایجنسی نے انکشاف کیا ہے کہ حالیہ حملوں کے نتیجے میں ملک کے اہم توانائی منصوبے شدید متاثر ہوئے ہیں، جس کے باعث تیل اور گیس کی پیداوار اور ترسیل میں نمایاں کمی واقع ہوئی ہے۔
رپورٹ کے مطابق ایک بڑے تیل پمپنگ اسٹیشن پر حملے کے نتیجے میں یومیہ 7 لاکھ بیرل تیل کی ترسیل متاثر ہوئی، جبکہ منیفہ اور خریص آئل فیلڈز پر حملوں سے مجموعی طور پر یومیہ 3 لاکھ بیرل پیداوار کم ہو گئی ہے۔ اس طرح سعودی عرب کی مجموعی تیل پیداواری صلاحیت میں یومیہ 6 لاکھ بیرل تک کمی ریکارڈ کی گئی ہے۔
سعودی نیوز ایجنسی کے مطابق جبیل میں سٹورپ، راس تنورہ، ینبع میں سامرف اور ریاض ریفائنری جیسے بڑے صنعتی اور توانائی کے مراکز بھی ان حملوں کی زد میں آئے ہیں، جس کے باعث نہ صرف ملکی سطح پر بلکہ عالمی منڈی میں بھی تیل کی سپلائی متاثر ہونے لگی ہے۔
مزید بتایا گیا ہے کہ جُعیمہ کے پروسیسنگ پلانٹس میں آگ لگنے سے ایل پی جی کی برآمدات بھی متاثر ہوئی ہیں۔ ان حملوں میں ایک سیکیورٹی اہلکار جاں بحق جبکہ 7 سعودی شہری زخمی ہوئے ہیں۔
رپورٹ میں خبردار کیا گیا ہے کہ اگر ان حملوں کا سلسلہ جاری رہا تو عالمی تیل کی سپلائی میں مزید کمی آ سکتی ہے، جس کے نتیجے میں بین الاقوامی منڈی میں توانائی کا بحران شدت اختیار کر سکتا ہے۔
ماہرین کے مطابق سعودی عرب جیسے بڑے تیل پیدا کرنے والے ملک کی سپلائی متاثر ہونے سے عالمی معیشت پر بھی گہرے اثرات مرتب ہو سکتے ہیں۔
جنگ نہیں چاہتے مگر اپنے حقوق سے دستبردار نہیں ہوں گے،ایرانی سپریم لیڈر
ایران کے سپریم لیڈر مجتبیٰ خامنہ ای نے واضح کیا ہے کہ ایران جنگ نہیں چاہتا، تاہم اپنے حقوق سے کسی صورت دستبردار نہیں ہوگا۔
ایرانی سپریم لیڈر مجتبیٰ خامنہ ای کا بیان سرکاری ٹیلی وژن پر پڑھ کر سنایا گیا، جس میں انہوں نے کہا کہ آبنائے ہرمز کے انتظام کو مزید مؤثر بنایا جائے گا اور ایران پر حملہ کرنے والوں کو ہرگز معاف نہیں کیا جائے گا۔
ایرانی سپریم لیڈر مجتبیٰ خامنہ ای نے کہا کہ ہم ہر نقصان کا ازالہ طلب کریں گے، آبنائے ہرمز کے انتظام کے حوالے سے نیا طریقہ کار اختیار کریں گے، بہادر ایرانی قوم، اس میدانِ جنگ میں فاتح ثابت ہوئے۔
انہوں نے خبردار کیا کہ یہ متکبر طاقتیں کسی بھی موقع پر خطے کے ممالک کا استحصال کرنے اور انہیں ذلیل و شرمندہ کرنے سے گریز نہیں کریں گی۔
امریکی صدر اسلام آباد مذاکرات کے نتیجے میں ایران کے ساتھ امن معاہدے کے لیے پُرامید
امریکی صدر ڈونلڈ ٹرمپ کا کہنا ہے کہ اسلام آباد مذاکرات کے نتیجے میں ایران کے ساتھ امن معاہدے کے لیے پر امید ہوں۔
امریکی نشریاتی ادارے سے گفتگو کرتے ہوئے صدر ڈونلڈ ٹرمپ نے کہا ہے کہ ایران اور امریکہ کے درمیان مذاکرات سے قبل اسرائیلی وزیرِ اعظم نیتن یاہو لبنان پر حملوں میں کمی کریں گے۔
ڈونلڈ ٹرمپ نے کہا کہ اسرائیلی وزیرِ اعظم نیتن یاہو نے فون کرکے حملوں میں کمی کرنے کی یقین دہانی کرائی، نیتن یاہو سے بات کر لی ہے اور وہ حملوں میں کمی کریں گے۔ لبنان پر اسرائیلی حملوں میں کمی آئی ہے۔
ان کا مزید کہنا تھا کہ وہ پُر امید ہیں کہ اسلام آباد میں مذکرات کے دوران امن معاہدہ ہو جائے گا۔ ایرانی رہنما بہت معقول لوگ ہیں، ایران نے ان تمام چیزوں سے اتفاق کرلیا ہے جس پر اسے اتفاق کرنا تھا اور اس کے عہدیدار جب میڈیا سے بات نہیں کرتے تو مناسب نظر آتے ہیں۔
امریکی صدر نے ایک اور پیغام میں لکھا کہ ایران کی جانب سے آبنائے ہرمز سے گزرنے والے ٹینکرز سے فیس وصولی کی اطلاعات ہیں۔ اگر ایران ایسا کررہا ہے تو اسے روکنا ہوگا۔ جو ہورہا ہے وہ معاہدے کےمطابق نہیں، ایران کےساتھ یا اس کے بغیر آبنائے ہرمز سے تیل کی ترسیل جلد شروع ہوگی۔
وزارت داخلہ نے اسلام آباد ٹاکس کیلئے خصوصی ویزا پالیسی جاری کردی
حکومت نے اسلام آباد ٹاکس 2026 کے شرکاء کے لیے بڑی سہولت کا اعلان کردیا۔ وزارت داخلہ نے اسلام آباد ٹاکس کیلئے خصوصی ویزا پالیسی جاری کردی۔
اسلام آباد ٹاکس 2026 کیلئے آنے والے تمام افراد کو"ویزا آن آرائیول" کی سہولت ملے گی، تمام ایئر لائنز کو اسلام آباد ٹاکس 2026 کے شرکاء کو بورڈنگ کی اجازت دینے کی ہدایت کردی گئی ہے۔
ایئرپورٹس پر مسافروں کی رہنمائی کے لیے خصوصی "فیسیلٹیشن ڈیسک" قائم کردیئے گئے، نوٹیفکیشن سیکشن آفیسر (ویزا) آغا حاشر محمود خان کے دستخط سے جاری کیا گیا۔
دوسری جانب اسلام آباد میں مذاکرات کے لیے غیرملکی وفود کی آمد کے تناظر میں وفاقی وزیر داخلہ محسن نقوی کی زیرصدارت سیکیورٹی اور دیگر انتظامات سےمتعلق اہم اجلاس ہوا۔ جس میں امریکا ایران مذاکرات کی تیاریوں اورسیکیورٹی پلان کا تفصیلی جائزہ لیا گیا۔
وفاقی وزیر داخلہ نے غیر ملکی مہمانوں کے لیے بہترین انتظامات یقینی بنانے کی ہدایت کرتے ہوئے کہا اسلام آباد میں امریکا ایران مذاکرات کا انعقاد پاکستان کےلیے اعزاز ہے۔ اجلاس میں فیصلہ کیا گیا کہ ریڈ زون کو مکمل طور پر سیل کیا جائے گا اور صرف متعلقہ افراد کو داخلے کی اجازت ہوگی۔۔ وزارت داخلہ میں کنٹرول روم بھی قائم کر دیا گیا۔
اسرائیل کے ساتھ براہ راست مذاکرات شروع ہو چکے ہیں: لبنانی صدر
لبنان کے صدر جوزف عون نے بیان جاری کرتے ہوئے کہا ہے کہ اسرائیل کے ساتھ براہ راست مذاکرات شروع ہوچکے ہیں۔
تفصیلات کے مطابق لبنانی صدر نے بیان میں کہا کہ مسئلے کا واحد حل اسرائیل کے ساتھ جنگ بندی ہے،اسرائیل کی جانب سے جنگ بندی کا مثبت جواب ملا ہے۔
دوسری جانب ترک وزیرخارجہ حاقان فیدان نے نیوز کانفرنس سے خطاب میں کہا کہ امید ہے لبنان میں مستقل جنگ بندی پر عمل درآمد کیا جائیگا،نیتن یاہو کو لبنان کا امن سبوتاژ کرنےکی اجازت نہیں دیں گے،لبنان کو جنگ بندی شامل کیا جانا چاہیے۔
لبنان کے وزیراعظم کی شہبازشریف سے اسرائیلی حملے رکوانے کیلئے تعاون کی درخواست
وزیر اعظم محمد شہباز شریف نے لبنان کے وزیراعظم نواف سلام سے ٹیلیفونک رابطہ کیا جس دوران لبنان کے خلاف اسرائیل کی جارحیت کی شدید مذمت کی گئی۔
وزیراعظم نے لبنان کے خلاف اسرائیل کی جاری جارحیت کی شدید مذمت کی اور ہزاروں قیمتی جانوں کے ضیاع پر دکھ کا اظہار کیا۔ وزیراعظم نے کہا کہ پاکستان علاقائی امن کے لیے مخلصانہ کوششوں میں مصروف ہے اور اسی جذبے کے تحت ایران اور امریکا کے درمیان امن مذاکرات کا انعقاد کیا جا رہا ہے۔
وزیر اعظم شہباز شریف کی امن کی کوششوں پر شکریہ ادا کرتے ہوئے، لبنان کے وزیر اعظم نے لبنان اور اس کے عوام کو نشانہ بنانے والے حملوں کو فوری طور پر ختم کرنے کے لیے پاکستان سے تعاون طلب کیا۔ دونوں رہنماؤں نے رابطے میں رہنے پر اتفاق کیا۔
اسرائیلی فوج کا رہنما حزب اللہ علی یوسف خرشی کو شہید کرنے کا دعویٰ
اسرائیلی فوج نے حزب اللہ کے سربراہ نعیم قاسم کے ڈپٹی علی یوسف خرشی کو شہید کرنے کا دعویٰ کیا ہے۔
ترجمان صیہونی فوج کے مطابق حزب اللہ کے رہنما کو بیروت میں گزشتہ روز نشانہ بنایا، علی یوسف خرشی نعیم قاسم کے ذاتی سیکرٹری بھی تھے۔
دوسری جانب عالمی رہنماوں کا کہنا ہے کہ امریکا اور ایران کی جنگ بندی کا اطلاق لبنان پر بھی ہونا چاہیے۔ یورپی یونین کی فارن پالیسی چیف کایا کالاس نے کہا کہ اسرائیل کے حملوں کو کسی بھی طرف دفاعی کارروائی نہیں کہا جاسکتا۔ حق دفاع اس تباہی کا جواز نہیں ہوسکتا۔ جنگ بندی میں لبنان کو بھی شامل ہونا چاہیے۔
برطانوی اور فرانسیسی وزرائے خارجہ نے بھی لبنان میں جنگ بندی کا مطالبہ کیا۔ ایمنیسٹی انٹرنیشنل نے اپنے بیان میں کہا کہ دس منٹ کے اندر 100 مقامات پر بمباری کی گئی۔ ذمہ دار ممالک اسرائیل کو ہتھیاروں کی فراہمی روک دیں۔
امن کا موقع ضائع نہیں ہونے دیں گے، سیاسی و عسکری قیادت کا مذاکرات کامیاب بنانے کا عزم
وزیراعظم شہباز شریف کی زیرصدارت اعلیٰ سطح کا مشاورتی اجلاس ہوا ہے جس میں سیاسی و عسکری قیادت نے امریکا اور ایران مذاکرات کامیاب بنانے کے عزم کا اظہار کیا۔
ذرائع کے مطابق وزیراعظم شہباز شریف کی زیر صدارت اعلیٰ سطح مشاورتی اجلاس میں اعلیٰ عسکری اور سول قیادت نے اسلام آباد مذاکرات کےحوالے سے تفصیلی مشاورت کی۔
شرکاء نے اسلام آباد مذاکرات کو کامیاب بنانے کے عزم کا اظہار کیا، کہا کہ جنگ بندی پر پاکستان کا مثبت، تعمیری کردارعالمی سطح پرسراہا جارہا ہے، امن کا یہ موقع ضائع نہیں ہونے دیا جائے گا۔ شرکاء نے جنگ بندی میں کلیدی کردار پر فیلڈ مارشل کو بھرپور خراج تحسین پیش کیا۔
واضح رہے کہ مستقل جنگ بندی کےلیے امریکا اور ایران کے درمیان مذاکرات کل اسلام آباد میں ہوں گے، وزیراعظم شہباز شریف کو مذاکرات کی جگہ سے متعلق بریفنگ دی گئی، وزیراعظم کو دفتر خارجہ سمیت اہم مقامات اور معزز مہمانوں کی آمد و رفت، ان کیلئے انتظامات پر بریفنگ دی گئی۔
ذرائع کے مطابق وزیراعظم شہبازشریف نے مذاکراتی مقام سمیت دیگر جگہوں کا دورہ کیا، وزیراعظم کے ساتھ وزیر داخلہ اور دیگر متعلقہ حکام بھی شریک تھے۔ وزیراعظم نے متعلقہ حکام کو ہدایت کی کہ مہمانوں کی آمد،انتظامات میں کوئی کوتاہی نہ برتی جائے۔
امریکی سفیر کی وزیر داخلہ سے ملاقات، مذاکرات کے انتظامات پر گفتگو
وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی ہے۔جس میں مشرق وسطیٰ کی موجودہ صورتحال پر تفصیلی بات چیت کی گئی۔ امریکی سفیر نے جنگ بندی کا خیر مقدم کرتے ہوئے پاکستان کے مضبوط اور مثبت سفارتی کردار کو سراہا۔
ملاقات میں اسلام آباد میں ہونے والے اعلیٰ سطح کے مذاکرات اور ان کے انتظامات پر بھی تبادلہ خیال کیا گیا۔ وزیر داخلہ محسن نقوی نے کہا کہ امریکی نائب صدر جے ڈی وینس سمیت دیگر اہم شخصیات پاکستان کے خصوصی مہمان ہوں گی۔ انہوں نے کہا کہ تمام غیر ملکی وفود کے لیے فول پروف سیکیورٹی فراہم کرنے کا جامع پلان تیار کر لیا گیا ہے۔
امریکی سفیر نیٹلی بیکر نے پاکستان کے مخلصانہ کردار اور خطے میں امن کے لیے کوششوں کو سراہتے ہوئے مثبت پیش رفت کی امید ظاہر کی۔
ایران جنگ بندی کی کسی بھی خلاف ورزی کا فیصلہ کن جواب دے گا،ایرانی صدر
ایران کے صدر مسعود پزشکیان کا کہنا ہے کہ ایران جنگ بندی کی کسی بھی خلاف ورزی کا فیصلہ کن جواب دے گا۔
ایران کے سرکاری خبر رساں ادارے کی جانب سے یہ خبر سامنے آئی ہے کہ ایران کے صدر مسعود پزشکیان نے جنوبی ایران میں واقع لاوان آئل ریفائنری پر حملے کی شدید مذمت کی ہے۔
ارنا کے مطابق اس واقعے کو جنگ بندی کی متعدد خلاف ورزیوں میں سے ایک قرار دیا گیا ہے۔ بیان میں مزید کہا گیا کہ اسلامی جمہوریہ ایران کسی بھی جارحیت کا فیصلہ کن جواب دے گا۔
دوسری جانب ایرانی پاسداران انقلاب کا کہنا ہے کہ لبنان پر حملے بند نہ ہوئے تو دشمن کو سخت جواب کا سامنا کرنا پڑ سکتا ہے۔
ایرانی سپریم نیشنل سیکیورٹی کونسل کے رکن محسن رضائی نے بھی اپنے بیان میں کہا کہ ہم اپنی پوری طاقت کے ساتھ حزب اللہ کے ساتھ کھڑے ہیں، جنگ بندی کے ٹوٹنے کی ذمہ داری امریکا پر عائد ہوگی۔
اسرائیلی اقدامات خطے میں جاری امن کوششوں کو نقصان پہنچا رہے ہیں،پاکستان
دوسری جانب ترجمان دفتر خارجہ طاہر حسین اندرابی کے جاری بیان میں کہا گیا ہے پاکستان لبنان میں اسرائیلی حملوں سے بھاری جانی نقصان اور انفراسٹرکچر کی تباہی کی شدید مذمت کرتا ہے۔ پاکستان لبنانی حکومت اور عوام سے مکمل یکجہتی کا اظہار کرتا ہے اور مشکل کی اس گھڑی میں ان کے ساتھ کھڑا ہے۔
بیان کے مطابق اسرائیلی اقدامات بین الاقوامی قوانین کی خلاف ورزی ہی نہیں بلکہ خطے میں جاری امن کوششوں کو نقصان بھی پہنچا رہے ہیں۔ پاکستان نے لبنانی آزادی و علاقائی خود مختاری اور امن و استحکام کی مکمل حمایت کا اعادہ بھی کیا ہے۔
دوسری جانب پاکستان اور سعودی عرب نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔ پاک سعودی وزرائے خارجہ نے دیرپا امن و استحکام کیلئے جنگ بندی کا مکمل احترام و نفاذ ناگزیر قرار دیا ہے۔
نائب وزیراعظم ووزیرخارجہ اسحاق ڈار نے سعودی وزیر خارجہ شہزادہ فیصل بن فرحان سےٹیلی فون پر رابطہ کیا۔ دونوں رہنماؤں نے لبنان میں جنگ بندی کی خلاف ورزیوں کی شدید مذمت کرتے ہوئے کہا کہ دیرپا امن و استحکام کو یقینی بنانےکیلئے جنگ بندی کے مکمل احترام اور نفاذ کی فوری ضرورت ہے۔ اسحاق ڈار نے پائیدار امن کے کیلئے پاکستان کی کوششوں کی سعودی عرب کی مسلسل حمایت کو سراہا۔
پاکستان اور سعودی عرب کا لبنان میں جنگ بندی کی خلاف ورزیوں پر اظہار تشویش
پاکستان اور سعودی عرب نے لبنان میں جنگ بندی کی خلاف ورزیوں پر شدید تشویش کا اظہار کیا ہے۔ پاک سعودی وزرائے خارجہ نے دیرپا امن و استحکام کیلئے جنگ بندی کا مکمل احترام و نفاذ ناگزیر قرار دیا ہے۔ پاکستان نے لبنان پر اسرائیلی حملوں اور بھاری جانی نقصان کی شدید مذمت کرتے ہوئے کہا ہے کہ اسرائیل خطے میں امن کی کوششوں کو نقصان پہنچا رہا ہے۔
نائب وزیراعظم ووزیرخارجہ اسحاق ڈار نے سعودی وزیر خارجہ شہزادہ فیصل بن فرحان سےٹیلی فون پر رابطہ کیا۔ دونوں رہنماؤں نے لبنان میں جنگ بندی کی خلاف ورزیوں کی شدید مذمت کرتے ہوئے کہا کہ دیرپا امن و استحکام کو یقینی بنانےکیلئے جنگ بندی کے مکمل احترام اور نفاذ کی فوری ضرورت ہے۔ اسحاق ڈار نے پائیدار امن کے کیلئے پاکستان کی کوششوں کی سعودی عرب کی مسلسل حمایت کو سراہا۔
دوسری جانب ترجمان دفتر خارجہ طاہر حسین اندرابی کے جاری بیان میں کہا گیا ہے پاکستان لبنان میں اسرائیلی حملوں سے بھاری جانی نقصان اور انفراسٹرکچر کی تباہی کی شدید مذمت کرتا ہے۔ پاکستان لبنانی حکومت اور عوام سے مکمل یکجہتی کا اظہار کرتا ہے اور مشکل کی اس گھڑی میں ان کے ساتھ کھڑا ہے۔
بیان کے مطابق اسرائیلی اقدامات بین الاقوامی قوانین کی خلاف ورزی ہی نہیں بلکہ خطے میں جاری امن کوششوں کو نقصان بھی پہنچا رہے ہیں۔ پاکستان نے لبنانی آزادی و علاقائی خود مختاری اور امن و استحکام کی مکمل حمایت کا اعادہ بھی کیا ہے۔
لبنان میں اسرائیلی حملوں میں شہادتوں کی تعداد 200 سے متجاوز
لبنان کے سرکاری خبر رساں ادارے کے مطابق لبنان میں بدھ کو ہونے والے اسرائیلی فوج کے حملوں میں 200 سے زائد افراد شہید ہو گئے ہیں۔
لبنان کی وزارتِ صحت کا کہنا ہے کہ کشیدگی کے شروع ہونے کے بعد سے اب تک بدھ کے روز حملوں میں سب سے زیادہ لوگ شہید ہوئے ہیں۔
ایک اور بیان میں لبنانی سول ڈیفنس ایجنسی کے حوالے سے کہا گیا کہ 254 افراد شہید اور 1165 زخمی ہوئے، اسرائیلی دفاعی افواج نے لبنان کے دارالحکومت بیروت، جنوبی علاقوں اور ملک کے دیگر حصوں میں اب تک کے سب سے شدید حملے کیے ہیں۔
بین الاقوامی ریڈ کراس کمیٹی نے بدھ کے روز لبنان کے گنجان آباد علاقوں میں ہونے والی تباہ کن حملوں اور ان میں ہونے والی ہلاکتوں اور نقصان پر شدید تشویش کا اظہار کیا ہے۔
انسانی حقوق کی تنظیم ایمنسٹی انٹرنیشنل نے اسرائیل سے مطالبہ کیا کہ وہ بین الاقوامی انسانی قانون کے تحت اپنی ذمہ داریوں کو پورا کرے اور شہریوں کی حفاظت کو یقینی بنائے۔
واضح رہے کہ لبنان جنگ میں اب تک مجموعی اموات کی تعداد1600سے تجاوز کرگئی ہے،ہزاروں زخمی، لاکھوں بے گھر ہوچکے ہیں، جاں بحق افراد میں102خواتین،130بچے اور طبی عملے کے57 کارکن شامل ہیں۔
لبنان میں فوجی سرگرمیاں امن کوششوں کے لیے سنگین خطرہ بن سکتے ہیں، اقوامِ متحدہ
اقوام متحدہ کے سیکریٹری جنرل انتونیو گوتریس نے اسرائیل کی جانب سے آٹھ اپریل کو لبنان بھر میں بڑے پیمانے پر حملوں کی مذمت کرتے ہوئے تمام فریقین سے فوری طور پر کارروائیاں بند کرنے کی اپیل کی ہے۔
سیکریٹری جنرل انتونیو گوتریس کی جانب سے جاری بیان میں کہا گیا ہے کہ ان حملوں کے نتیجے میں سینکڑوں شہری بشمول بچے ہلاک اور زخمی ہوئے ہیں، اور ساتھ ہی شہری بنیادی ڈھانچے کو بھی نقصان پہنچا ہے۔ انھوں نے شہریوں کی بڑھتی ہوئی ہلاکتوں پر تشویش کا اظہار کیا ہے۔
انتونیو گوتریس نے خبردار کیا ہے کہ لبنان میں فوجی سرگرمیاں جنگ بندی اور خطے میں پائیدار اور جامع امن کی کوششوں کے لیے سنگین خطرہ بن سکتے ہیں، تنازع کا کوئی فوجی حل نہیں ہو سکتا۔
ایرانی وزیرخارجہ کا فیلڈ مارشل سے ٹیلیفونک رابطہ، جنگ بندی کیلئے پاکستانی اقدامات کی تعریف
ایرانی وزیر خارجہ عباس عراقچی نے فیلڈ مارشل عاصم منیر سے ٹیلی فونک رابطہ کیا اور جنگ کے خاتمے کے لیے مسلسل اور مؤثر کوششوں پر پاکستان کی تعریف کی۔
پاکستان میں ایرانی سفارتخانے کے اعلامیے کے مطابق ایرانی وزیر خارجہ عباس عراقچی نے کہا کہ پاکستان کے تعمیری اور ذمہ دارانہ کردار کو سراہتے ہیں، خطے میں امن و سلامتی کے فروغ اور جنگ بندی میں پاکستان کے کردار کو سراہتے ہیں۔
اس سے پہلے ایک بیان میں عباس عراقچی کا کہنا تھا کہ ایران کی طرف سے اپنے عزیز بھائی وزیراعظم شہباز شریف اور فیلڈ مارشل عاصم منیر کا شکریہ ادا کرتے ہیں، انہوں نے خطے میں جنگ کے خاتمے کی انتھک کوشش کی۔
جنگ بندی کیخلاف ورزیاں، خام تیل کی قیمت میں ایک بار پھر اضافہ
عالمی مارکیٹ میں خام تیل کی قیمت میں ایک بار پھر اضافے کا رجحان ہے۔
رپورٹ کے مطابق امریکی خام تیل 3 فیصد اضافے کے ساتھ 97 ڈالر فی بیرل پر پہنچ گیا جبکہ برطانوی خام تیل کی قیمت میں 2.2 فیصد اضافہ، 96.86 ڈالر فی بیرل پر فروخت جاری ہے۔
قبل ازیں ایرانی پارلیمنٹ کے اسپیکر محمد باقر قالیباف کا کہنا ہے مذاکرات شروع ہونے سے پہلے ہی 10 نکاتی تجویز کی 3 شقوں کی خلاف ورزی ہوچکی۔
سوشل میڈیا پیغام میں انہوں نے کہا جنگ بندی سے متعلق پہلی شق پر ہی عمل نہیں ہو رہا۔ مذاکرات یا جنگ بندی میں ایسی صورتحال کسی طور مناسب نہیں۔
دوسری جانب دوسری جانب امریکی نائب صدر جے ڈی وینس نے کہا کہ ایرانیوں کو سنجیدگی کے ساتھ مذاکرات کی میز پر آنا ہوگا، ایرانیوں کا خیال تھا جنگ بندی معاہدے میں لبنان بھی شامل ہے لیکن ایسا نہیں ہے، ایران چاہتا ہے لبنان کی وجہ سے معاملہ ٹوٹ جائے تو یہ اس کا انتخاب ہوگا۔ صدر ٹرمپ کے پاس دوبارہ جنگ کی طرف جانے کے آپشنز موجود ہیں۔
اگر ایران کے ساتھ معاہدہ نہ ہوا تو پہلے سے بدترین بمباری ہوگی، امریکی صدر
امریکی صدر ڈونلڈ ٹرمپ کا کہنا ہے کہ اگر ایران کے ساتھ معاہدہ نہ ہوا تو پہلے سے بدترین بمباری ہوگی۔
سوشل میڈیا پر پیغام میں ڈونلڈ ٹرمپ نے کہا کہ امریکی جنگی جہاز، فوجی اور ہتھیار ایران کے آس پاس ہی رہیں گے، ضرورت پڑی تو دشمن کے خلاف مہلک کارروائی کرسکتے ہیں۔
ڈونلڈ ٹرمپ نے کہا کہ حقیقی معاہدہ اور اس پر عملدرآمد ہونے تک معاملات ایسے ہی رہیں گے، اگر کسی وجہ سے معاہدہ نہ ہوا تو پہلے سے بدترین بمباری ہوگی، یہ پہلے ہی طے تھا کہ ایٹمی ہتھیار نہیں ہونگے اور آبنائے ہرمز کو کھولنا ہوگا۔
دوسری جانب امریکی نائب صدر جے ڈی وینس نے کہا کہ امریکا نے پاکستان کے ذریعے ایران کے ساتھ مذاکرات کئے، ایران نے آبنائے ہرمز کھولنے کا وعدہ کیا ہے، ایران کے ساتھ مذاکرات اس ہفتے شروع ہورہے ہیں۔
جے ڈی وینس نے کہا کہ ایران کسی صورت جوہری ہتھیار نہیں رکھ سکتا، ہم ایران پر پابندیاں کم کرنے پر بات کرسکتے ہیں، جنگ بندی کے بعد اگلا قدم ایرانیوں کو اٹھانا ہے، صدر ٹرمپ کے پاس دوبارہ جنگ کی طرف جانے کے آپشنز موجود ہیں۔
انہوں نے کہا کہ ایرانیوں کو سنجیدگی کے ساتھ مذاکرات کی میز پر آنا ہوگا، ایرانیوں کا خیال تھا جنگ بندی معاہدے میں لبنان بھی شامل ہے لیکن ایسا نہیں ہے، ایران چاہتا ہے لبنان کی وجہ سے معاملہ ٹوٹ جائے تو یہ اس کا انتخاب ہوگا۔
امریکا اور ایران کے درمیان مستقل جنگ بندی کیلئے مذاکرات کل اسلام آباد میں ہوں گے
مشرق وسطیٰ میں مستقل امن کےلیے پاکستان امریکا اور ایران کے درمیان مذاکرات کا میزبان بن گیا۔
دونوں ممالک کے درمیان براہ راست مذاکرات کی میز کل اسلام آباد میں سجے گی۔ ایران اور امریکا کے اعلیٰ سطح وفود جمعہ کو اسلام آباد پہنچیں گے۔
خبر ایجنسی کے مطابق ایرانی وفد کی قیادت اسپیکر باقر قالیباف اور وزیرخارجہ عباس عراقچی کریں گے۔ ترجمان وائٹ ہاؤس کیرولائن لیویٹ کہتی ہیں۔ صدر ڈونلڈ ٹرمپ مذاکراتی ٹیم کو پاکستان بھیج رہے ہیں ۔
امریکی ٹیم میں نائب صدر جے ڈی وینس ۔ نمائندہ خصوصی اسٹیو وٹکوف اور جیرڈ کشنر شامل ہوں گے۔ مذاکرات کا پہلا دور ہفتے کو ہو گا۔ ترجمان وائٹ ہاؤس کا کہنا ہے کہ ایران نے اشارہ دیا ہے وہ یورینیم حوالے کرسکتے ہیں۔
ریڈ زون کو پرائیویٹ گاڑیوں کے لیے مکمل طور پر بند کردیا گیا ہے۔ غیرملکی وفود کی آمدورفت کی وجہ سے سیکیورٹی کے انتہائی سخت انتظامات کئے جارہے ہیں۔
جڑواں شہروں میں جمعرات اور جمعہ کو عام تعطیل ہوگی۔ کابینہ ڈویژن کی جانب سے جاری نوٹیفکیشن کے مطابق اسلام آباد میں آج سرکاری دفاتر بند رہیں گے۔ موجودہ چار روزہ ورک ویک کے تحت جمعہ 10 اپریل کو بھی چھٹی ہوگی۔ تمام افسران ورک فرام ہوم کریں گے۔ سرکاری دفاتر کے تمام افسران اور اسٹاف ممبرز شہر سے باہر نہیں جاسکیں گے۔ وفاقی آئینی عدالت اور اسلام آباد ہائیکورٹ بھی بند رہے گی۔ الیکشن کمیشن میں بھی دو روز تعطیل ہوگی۔
غیرملکی وفود کی آمد کے پیش نظر ٹریفک پولیس نے ایڈوائزری بھی جاری کر دی۔ ترجمان کے مطابق غیرملکی وفود کی آمدورفت کی وجہ سے سیکیورٹی انتظامات انتہائی سخت ہیں۔ شہری ریڈ زون اور اس کے اطراف غیرضروری سفر سے اجتناب کریں۔ ایکسپریس ہائی وے پر ڈائیورشنزلگائی جائیں گی۔
اسلام آباد میں آج سے ہیوی ٹریفک کا داخلہ بند ہے۔ دوسری طرف ڈپٹی کمشنر راولپنڈی نے بھی نو اور دس اپریل کوعام تعطیل کا اعلان کر دیا۔۔ ڈپٹی کمشنر حسن وقار چیمہ کے مطابق اسلام آباد کی طرح راولپنڈی میں بھی دو دن تعطیل ہوگی۔
امریکا کو جنگ بندی یا اسرائیل میں سے ایک راستہ چننا ہوگا، ایرانی وزیر خارجہ
ایرانی وزیر خارجہ عباس عراقچی نے کہا ہے کہ ایران اور امریکا جنگ بندی کی شرائط واضح اور دو ٹوک ہیں ۔ امریکا کو جنگ بندی یا اسرائیل کے ذریعے جنگ میں سے ایک راستہ چننا ہوگا۔
سوشل میڈیا پر بیان میں عباس عراقچی نے کہا کہ دونوں چیزیں ایک ساتھ ممکن نہیں ہیں ۔ گیند اب امریکا کے کورٹ میں ہے ۔ دنیا دیکھ رہی ہے کہ امریکا اب اپنی کی گئی باتوں پر قائم رہتا ہے یا نہیں۔
ایرانی پارلیمنٹ کے اسپیکر محمد باقر قالیباف کا کہنا ہے مذاکرات شروع ہونے سے پہلے ہی 10 نکاتی تجویز کی 3 شقوں کی خلاف ورزی ہوچکی۔
سوشل میڈیا پیغام میں انہوں نے کہا جنگ بندی سے متعلق پہلی شق پر ہی عمل نہیں ہو رہا۔ مذاکرات یا جنگ بندی میں ایسی صورتحال کسی طور مناسب نہیں۔
مذاکرات کیلئے نائب صدر جے ڈی وینس کی قیادت میں ٹیم پاکستان بھیج رہے ہیں : ترجمان وائٹ ہاؤس
ترجمان وائٹ ہاؤس کیرولائن لیویٹ نے اعلان کیاہے کہ ایران امریکہ مذاکرات کا پہلا دور ہفتے کو اسلام آباد میں ہوگا جس میں نائب صدر جے ڈی وینس ، خصوصی ایلچی سٹیو وٹکوف اور جیرڈ کشنر شریک ہوں گے ۔
ترجمان وائٹ ہاوس کے مطابق نائب صدرجے ڈی وینس کی قیادت میں ٹیم پاکستان بھیج رہے ہیں، جے ڈی وینس ایران کے مسئلے پر اہم کردار ادا کیا،امریکا اور ایران ہفتہ کو پاکستان میں مذاکرات کریں گے، ایران نے اشارہ دیا ہے وہ یورینیم حوالے کر سکتے ہیں،لبنان ایران کے جنگ بندی معاہدے کا حصہ نہیں،ایران کے دیے گئے 10نکات پر ہی جنگ بندی ممکن ہوئی۔
ترجمان کا کہناتھا کہ آپریشن ایپک فیوی میں ایرانی فضائیہ ،نیوی اور فوجی صلاحیت ختم کردی،ایران جوہری اور میزائل پروگرام پر حملے کئے گئے،ایران اب اپنے علاقائی پراکسیوں کو ہتھیار فراہم نہیں کر سکتا،جنگ کے دوران 13امریکی فوجی ہلاک اور سیکڑوں زخمی ہوئے،سیز فائر معاہدہ امریکا کی فتح ہے۔
انہوں نے کہا کہ ٹرمپ صدر کی ریڈ لائنز تبدیل نہیں ہوئی ہیں،ایران نے آبنائے ہرمز کھولنے پر اتفاق کیا ہے،ایران میں 13ہزارسے زائد اہداف کو نشانہ بنایا،ایران کے بیلسٹک پروگرام سالوں پیچھے دھکیل دیا۔
لبنان میں اسرائیلی حملے جاری، 87 افراد شہید، 700 زخمی
لبنان میں اسرائیل کے فضائی حملوں کا سلسلہ جاری ہے، جس کے نتیجے میں آج صبح سے اب تک 87 افراد شہید اور 700 زخمی ہو چکے ہیں،
عرب میڈیا رپورٹس کے مطابق مشرقی علاقوں کے ایک گاؤں میں جنازے پر بمباری کے نتیجے میں 10 افراد شہید ہو گئے، جس پر شدید غم و غصے کا اظہار کیا جا رہا ہے۔
جنوبی شہر سیدون پر حملے میں 4 افراد جان کی بازی ہار گئے، جبکہ مغربی بیروت اور عدلون میں بھی الگ الگ حملوں کے دوران 3،3 افراد شہید ہوئے۔
مزید برآں بقاہ ویلی کے شہر دوریس میں کم از کم 2 افراد شہید ہوئے، جبکہ دیگر مختلف مقامات پر ہونے والے حملوں میں بھی 2 شہری جاں بحق ہوئے۔
حملوں کے بعد متعدد علاقوں میں خوف و ہراس پھیل گیا ہے اور امدادی کارروائیاں جاری ہیں، جبکہ زخمیوں کو قریبی اسپتالوں میں منتقل کیا جا رہا ہے۔
لبنان جنگ بندی معاہدے میں شامل نہیں،امریکی صدر
امریکی صدر ڈونلڈ ٹرمپ نے سی بی ایس نیوز سے گفتگو کرتے ہوئے کہا کہ لبنان جنگ بندی معاہدے میں شامل نہیں ہے ۔
تفصیلات کے مطابق صدر ٹرمپ کا کہناتھا کہ لبنان اس لئے جنگ بندی میں شامل نہیں کیونکہ حزب اللہ موجود ہے،لبنان میں حزب اللہ کے ساتھ اسرائیل کی جنگ الگ ہے۔
دوسری جانب ایک اور مقام پر گفتگو کرتے ہوئے صدر ٹرمپ کا کہناتھا کہ معنی خیز نکات امریکا کیلئے قابل قبول ہے،یہ وہ نکات ہیں جن کی بنیاد پر ہم نے جنگ بندی پر اتفاق کیا،ہم ایران کے ساتھ بند کمروں میں گفتگو کریں گے۔
وزیراعظم شہبازشریف کا جنگ بندی کی خلاف ورزیوں کی اطلاعات پر تشویش کا اظہار
وزیراعظم شہبازشریف نے جنگی علاقے میں چند مقامات پر جنگ بندی کی خلاف ورزیوں کی اطلاعات پر تشویش کا اظہار کیاہے ۔
وزیراعظم شہبازشریف نے ایکس پر پیغام جاری کرتے ہوئے کہا کہ جنگ بندی کی خلاف ورزیاں امن عمل کی روح کو نقصان پہنچا سکتی ہیں، وزیراعظم نے تمام فریقین سے تحمل اور ذمہ داری کا مظاہرہ کرنے کی اپیل کی ۔
انہوں نے کہا کہ طےشدہ دو ہفتوں کی جنگ بندی کا احترام کیا جائے،جنگ بندی برقرار رہی تو سفارتکاری کو تنازع کے پُر امن حل کا موقع ملے گا،خطے میں پائیدار امن کیلئے مذاکراتی عمل کو آگے بڑھانا ضروری ہے۔
یاد رہے کہ آج صبح پاکستان کی ثالثی کی کوششیں رنگ لائیں اور امریکہ نے ایران پر اپنا بڑا حملہ 20 روز ملتوی کرتے ہوئے جنگ بندی پر اتفاق کیا جبکہ ایران نے بھی آبنائے ہرمز کھولنے کا اعلان کیا ۔
وزیراعظم شہبازشریف نے ایرانی صدر سے ٹیلیفونک رابطہ کیا اور 10 اپریل کو اسلام آباد میں مذاکرات کی دعوت کو قبول کرنے پر شکریہ ادا کیا ۔
کابینہ اجلاس کا اعلامیہ
وزیراعظم شہبازشریف کی زیر صدارت وفاقی کابینہ کے اجلاس کا اعلامیہ جاری کر دیا گیاہے جس میں کہا گیاہے کہ شہبازشریف کی کابینہ اجلاس میں آمد پر پورا ہال تالیوں سے گونج اٹھا، وزیراعظم شہباز شریف نے تمام کابینہ ارکان کا شکریہ ادا کیا۔
وزیرِاعظم نےخلیج میں کشیدگی کے خاتمے اور جنگ بندی کی کوششوں پر اعتماد میں لیا ، وفاقی کابینہ نے وزیراعظم،نائب وزیراعظم اور فیلڈمارشل کو خراج تحسین پیش کیا، وزیراعظم و وفاقی کابینہ نے قوم سے جمعہ کو مستقل امن و پاکستان کیلئے خصوصی دعاکی اپیل بھی کی ۔
کابینہ ارکان نے پاکستان کی سفارتی محاذ پر کوششوں اور دنیا بھر میں پذیرائی کو تاریخی قرار دیا، وفاقی کابینہ نے ملکی معاشی ترقی کیلئے محنت کے مضبوط عزم کا اعادہ کیا،مخلصانہ کوششوں سے خطہ مستقل امن کی جانب تیزی سے گامزن ہے۔
کابینہ اراکین نے کہا کہ وزیراعظم اور فیلڈمارشل نے انتہائی کشیدہ اور ناامیدی کی فضا میں فریقین کو جنگ بندی پر راضی کیا،دنیا بھر میں پوری قوم کا سر فخر سے بلند کیاہے۔
برطانوی وزیرخارجہ ایویٹ کوپر کا امریکا، اسرائیل اور ایران جنگ بندی کا خیر مقدم
برطانوی وزیر خارجہ ایویٹ کوپر نے امریکہ ، اسرائیل اور ایران کے درمیان جنگ بندی کا خیر مقدم کرتے ہوئے کہا کہ مذاکرات کی کوششوں پر پاکستان اور دیگر کے شکر گزار ہیں،خطے میں سیکیورٹی اور امن کیلئے جنگ بندی بہتر پیش قدمی ہے۔
برطانوی وزیرخارجہ نے کہا کہ اس ہفتے پاکستان میں امریکا ایران مذاکرات کی کامیابی کے منتظرہیں،خطے میں سلامتی اور بین الاقوامی جہازوں کی آمدورفت کیلئےیہ اہم قدم ہے،مذاکرات کیلئے پاکستان اور اس میں شامل لوگوں کا شکریہ ادا کرتی ہوں،ہمیں کشیدگی میں کمی لا کر آبنائے دوبارہ کھولنےکی ضرورت ہے،شپنگ، انشورنس اور توانائی کے شعبوں کے ساتھ کام جاری رکھیں گے۔
ایویٹ کوپر نے کہا کہ ایران کو حملے بند اور آبنائے ہرمز میں تجارتی نظام کو فعال رکھنا چاہیے،یہ ضروری ہے مجوزہ مذاکرات تنازع کے مکمل خاتمے کی طرف لے جائیں،لبنان میں دشمنی کے فوری خاتمے کا بھی مطالبہ کرتی ہوں،خطے میں سلامتی کیلئے بین الاقوامی سطح پر کام کرتے رہیں گے۔
آبنائے ہرمز کو کھول دیا گیا ہے، جلد آمدورفت شروع ہوگی، ایران کبھی ایٹمی ہتھیار نہیں بنا سکے گا: امریکی وزیر جنگ
جنگ بندی کے اعلان کے بعد پینٹاگون میں پریس بریفنگ سے خطاب کرتے ہوئے امریکی وزیر جنگ پیٹ ہیگسیتھ نے کہا کہ صدر ٹرمپ نے تاریخ رقم کردی ہے، قاسم سلیمانی کے قتل سے لے کر اوباما کی ڈیل ختم کرنے تک، صدر ٹرمپ نے جو کامیابیاں حاصل کی وہ کسی صدر کو نہیں ملیں۔ افزودہ یورینیم ایران خود ہمیں دے گا یا ہم نکال لیں گے، نئی ایرانی رجیم کے ہمارے ساتھ رابطے الگ نوعیت کےہیں
انہوں نے بتایا کہ آپریشن ایپک فیوری میدان جنگ میں ایک تاریخی فتح ہے، 40 دن سے بھی کم وقت میں دنیا کی بڑی افواج میں سے ایک کو ختم کیا، ہم نے اپنی طاقت کا صرف 10 فیصد کا مظاہرہ کیا اور ایران کو شکست دی،ایران کے میزائل پروگرام کو تباہ کردیا ہے، منگل کی رات کو ایران پر 800 حملے کیے گئے۔
پیٹ ہیگسیتھ کا کہناتھا کہ ایران کی فیکٹریوں کو ملبے کا ڈھیر بنا دیا ہے، ایران کا ایٹمی مواد زمین میں دفن ہے جس کی نگرانی کررہے ہیں،ایران کے نئے سپریم لیڈر زخمی ہیں، اب ہمارے پاس ایک حقیقی امن اور معاہدے کا چانس ہے، صدر ٹرمپ سے بہتر ڈیل کوئی نہیں کرسکتا، پینٹاگون نے اپنا کردار ادا کردیا ہے۔
امریکی وزیر جنگ کا کہناتھا کہامریکی فوج ایران کے آس پاس ہی رہے گی،ہم یقینی بنائیں گے کہ ایران جنگ بندی معاہدے پر عملدرآمد کرے، معاہدے کا مطلب ایران کبھی ایٹمی ہتھیار نہیں بنا سکے گا،افزودہ یورینیم ایران خود ہمیں دے گا یا ہم نکال لیں گے، نئی ایرانی رجیم کے ہمارے ساتھ رابطے الگ نوعیت کےہیں۔
ان کا کہناتھا کہ آبنائے ہرمز کو کھول دیا گیا ہے، جلد آمدورفت شروع ہوگی، ہم پرامید ہیں کہ جنگ بندی برقرار رہے گی۔
جنرل ڈین کین
جنرل ڈین کین کا کہناتھا کہ آپریشن ایپک فیوری کے تین مقاصد تھے،ایران کے میزائل اور ڈرونز صلاحیت کو تباہ کرنا،ایران کی نیوی کو ختم کرنا اور دفاعی انڈسٹری کو تباہ کرنا،جنگ بندی ایک وقفہ ہے، ہماری فورسز دوبارہ لڑائی کیلئے تیار ہیں، امید ہے دوبارہ لڑائی کی نوبت نہیں آئے گی، 38 دن کی جنگ میں تمام عسکری مقاصد کو حاصل کرلیا۔
انہوں نے کہا کہ آپریشن ایپک فیوری کے دوران 13 ہزار حملے کیے گئے، 1500 ایرانی ڈیفینس سسٹمز کو نشانہ بنایا، ایرانی نیوی کے زیادہ تر اثاثے اب سمندر کی تہہ میں ہے، 150 سے زیادہ جنگی بحری جہاز سمندر میں ڈوب چکے ہیں، ایرانی کی 90 فیصد دفاعی فیکٹریوں کو نشانہ بنایا، شہید ڈرونز بنانے والی تمام فیکٹریاں تباہ ہوئی۔
جنرل ڈین کین نے کہا کہ 80 فیصد ایرانی جوہری تنصیبات کو نقصان پہنچا۔
ترکیہ اور قطر کا جنگ بندی کا خیر مقدم
ترکیہ اور قطر نے امریکہ اور ایران کے درمیان جنگ بندی کا خیر مقدم کرتے ہوئے پیغام جاری کر دیا ۔
ترکیہ کے صدر رجب طیب اردگان نے بیان جاری کرتے ہوئے کہا کہ گزشتہ رات ہونے والی جنگ بندی پر ہم اطمنان کا اظہار کرتے ہیں، 28 جنوری سے اس جنگ نے ہمارے خطے کو تباہی سے دوچار کیا تھا۔
انہوں نے کہا کہ امید ہے اس جنگ بندی پر زمینی سطح پر مکمل عمل درآمد ہوگا، کسی بھی ممکنہ اشتعال انگیزی یا تخریب کاری کا موقع نہیں دیا جائے گا، اپنے دوست اور برادر ملک پاکستان کا شکریہ ادا کرتے ہیں، ہماری خواہش ہے کہ ہمارے خطے کو امن، سکون اور استحکام حاصل ہو، ترکیہ اپنے خطے اور دنیا بھر میں امن کی آواز بلند کرتا رہے گا۔
قطر وزارت خارجہ
قطری وزارت خارجہ نے امریکا ایران جنگ بندی کا خیرمقدم کرتے ہوئے کہا کہ جنگ بندی کا اعلان کشیدگی میں کمی کی جانب ایک اہم قدم ہے، تناؤ کو روکنے کیلئے اس پیش رفت کو فوری طور پر آگے بڑھانا ضروری ہے، امن کیلئے وزیراعظم پاکستان اور فیلڈ مارشل کی کوششوں کو سراہتے ہیں، ان کی ثالثی کے باعث جنگ بندی ممکن ہوئی،پائیدار امن کیلئے جنگ بندی پر مکمل عمل درآمد کیا جائے۔
صدر ٹرمپ کا جنگ بندی کے بعد ایران کو ہتھیار فروخت کرنے والے ممالک پر ٹیرف عائد کرنے کا اعلان
امریکہ اور ایران کے درمیان جنگ بندی پر عملدرآمد شروع ہو گیاہے اور امریکہ کا پہلا جہاز بھی آبنائے ہرمز سے روانہ ہو چکا ہے تاہم ٹرمپ کا کہناہے کہ ایران کو ہتھیار فروخت کرنے والے ممالک پر ٹیرف عائد کر یں گے۔
امریکی صدر ڈونلڈ ٹرمپ نے سوشل میڈیا پر پیغام جاری کرتے ہوئے کہا کہ ان ممالک پر امریکا کے ساتھ تجارت میں 50 فیصد ٹیرف عائد ہوگا، یہ ٹیرف فوری طور پر عائد کیا جائے گا۔
امریکا ایران کے ساتھ مل کر کام کرے گا،ایران میں رجیم چینج ہوگئی ہے جو ہمارا مقصد تھا، ایران میں مزید یورینیم کی افزودگی نہیں ہوگی۔
صدر ٹرمپ نے کہا کہ زمین میں دفن افزودہ یورینیم کو ایران کے ساتھ مل کر نکالیں گے، افزودہ مواد کی سیٹلائٹ کے ذریعے نگرانی ہورہی تھی اب بھی ہوتی ہے، ہم ایران پر پابندیوں اور ٹیرف میں نرمی کریں گے، 15 نکات میں سے زیادہ تر پر پہلے اتفاق ہوچکا ہے۔
چین کا امریکا اور ایران میں جنگ بندی کا خیر مقدم
چینی دفتر خارجہ کے ترجمان نے امریکا اور ایران کے درمیان جنگ بندی کا خیر مقدم کرتے ہوئے اسے ایک مثبت اور خوش آئند پیش رفت قرار دیا ہے۔
ترجمان کا کہنا تھا کہ چین خطے میں کشیدگی کے خاتمے اور امن کے قیام کے لیے ہر ممکن کوششوں کی حمایت کرتا ہے۔ انہوں نے پاکستان کی جانب سے جنگ بندی کے لیے کی جانے والی سفارتی کوششوں کو بھی سراہا اور انہیں قابلِ تعریف قرار دیا۔
چینی ترجمان کے مطابق مشرق وسطیٰ میں پائیدار امن کے قیام کے لیے چین نے بھی فعال کردار ادا کیا اور آئندہ بھی استحکام اور امن کے لیے اپنا کردار جاری رکھے گا۔
پاکستان نے امریکا اور ایران کے درمیان جنگ رکوادی، آبنائے ہرمز سے جہاز گزرنا شروع
پاکستان کی سفارتی کوششیں رنگ لے آئیں۔ امریکا اور ایران کے درمیان جنگ بندی پر عملدرآمد شروع ہوگیا۔
خبر ایجنسی کے مطابق امریکا اور ایران کی جانب سے جنگ بندی کے اعلان کے بعد پہلا بحری جہاز آبنائے ہرمز سے گزر گیا۔
خیال رہے کہ امریکی صدر ڈونلڈ ٹرمپ کی جانب سے اعلان کردہ دو ہفتے کی جنگ بندی کی ایک شرط یہ ہے کہ ایران آبنائے ہرمز کو دوبارہ کھولے گا۔
ماہرین کے مطابق اعتماد بحال ہونے ہونے میں وقت لگے گا، اگلے چند دنوں میں خلیج سے بہت سے بحری جہازوں کو نکلیں گے تاہم ان میں سے کچھ ہی آبنائے ہرمز میں داخل ہوں گے کیونکہ جنگ بندی ختم ہونے کی صورت میں جہازوں کے وہاں پھنس جانے کا امکان ہے۔
ایرانی سرکاری نشریاتی ادارے کے مطابق امریکا جن نکات پر مذاکرات کر رہا ہے وہ ایران کے پیش کردہ 10 نکاتی منصوبے کا حصہ ہیں۔ ان نکات میں خطے میں جاری جنگوں کا خاتمہ اور ایران کے لیے اہم سیاسی و اقتصادی ضمانتیں شامل ہیں۔ آبنائے ہرمز کو دوبارہ کھولنا۔ آبنائے ہرمز میں محفوظ اور آزادانہ بحری گزرگاہ کے لیے پروٹوکول اور شرائط کا قیام شامل ہیں۔
واضح رہے کہ پاکستان نے سپرپاور امریکا اور ایران کے درمیان جنگ رکوادی۔ امریکی صدر ڈونلڈ ٹرمپ اور ایرانی قیادت نے پاکستان کی تجویز پر سرتسلیم خم کرلیا۔ امریکا اور ایران نے پاکستان کی تجویز پر دو ہفتوں کیلئے جنگ روک دی۔ 10 اپریل کو اسلام آباد میں امریکا اور ایران کے درمیان براہ راست مذاکرات ہوں گے۔
جنگ بندی ایک بروقت قدم، مذاکرات اور استحکام کی راہ ہموار ہوگی،صدرمملکت
صدر مملکت آصف علی زرداری نے امریکا اور ایران کے درمیان جنگ بندی کا خیرمقدم کرتے ہوئے کہا کہ جنگ بندی ایک بروقت قدم ہے، اس سے مذاکرات اور استحکام کی راہ ہموار ہوگی۔
ایک بیان میں صدرمملکت نے کہا کہ دنیا تباہی کے دہانے پر تھی،پاکستان نے انسانیت کی خاطر خلوص نیت سے کام کیا، صدر نے وزیراعظم شہبازشریف اور فیلڈمارشل عاصم منیر کی انتھک کوششوں کی تعریف کیں۔
آصف علی زرداری نے کہا کہ نائب وزیراعظم اسحاق ڈار کی سفارتی بصیرت اور قیادت نے امن کی راہ ہموار کی، واشنگٹن، تہران اور اسلام آباد کی قیادت نے تباہی کے بجائے مذاکرات کا انتخاب کیا۔
انہوں نے کہا کہ امن کوششوں میں تعاون پر سعودی عرب، چین، ترکیہ، روس، مصر شکرگزار ہیں، امن معاشی استحکام اور عوام کی فلاح وبہبود کیلئے ناگزیر ہے۔
پیٹرولیم مصنوعات کی قیمتوں میں فی لیٹر 100 روپے تک کمی کا امکان
عالمی مارکیٹ میں قیمتیں گرنے کے بعد ملک میں پیٹرول اور ڈیزل سستا ہونے کا امکان ہے۔
ذرائع پیٹرولیم انڈسٹری کے مطابق ملک میں پیٹرولیم مصنوعات کی قیمتوں میں بڑی کمی کا امکان ہے، پیٹرول 55 روپے فی لیٹر تک سستا ہو سکتا ہے جبکہ ڈیزل کی قیمت میں 95 سے 100 روپے کمی ہوسکتی ہے۔
پیٹرولیم قیمتوں کا حتمی فیصلہ وزیراعظم کی طرف سے کیا جائے گا۔ وزیراعظم شہباز شریف کا آج قوم سے خطاب بھی متوقع ہے جس میں پیٹرولیم مصنوعات کی قیمتوں اور کھپت سے متعلق حکومتی حکمت عملی بیان کیے جانے کا بھی امکان ہے۔
واضح رہے کہ امریکی صدر ڈونلڈ ٹرمپ کی جانب سے ایران کے ساتھ 2 ہفتوں کی جنگ بندی کے اعلان کے بعد عالمی مالیاتی منڈیوں میں زبردست مثبت ردِعمل دیکھنے میں آیا ہے۔
جنگ بندی کے بعد عالمی مارکیٹ میں خام تیل کی قیمتیں 13 سے 15 فیصد گرگئیں، برطانوی خام تیل برینٹ کی قیمت میں 17 ڈالر31 سینٹ فی بیرل کمی ہوگئی۔ برطانوی خام کی قیمت 112 ڈالر فی بیرل سے کم ہوکر 94 ڈالر 69 سینٹ پرآگئیں۔
عالمی منڈی میں امریکی خام تیل کی قیمت میں بھی 19 ڈالر 25 سینٹ کی کمی ہوگئی، ڈبلیو ٹی آئی فی بیرل قیمت 115 ڈالر سے کم ہو کر 96 ڈالر 73 سینٹ پر آگئی۔
پاکستان کا ایران جنگ سیزفائر میں کلیدی کردار،"اسلام آباد ٹالکس" ایکس پرٹاپ ٹرینڈبن گیا
مشرق وسطیٰ جنگ میں سیزفائر پر دنیا بھر میں پاکستان کے چرچے ہورہے ہیں، سوشل میڈیا ایکس پر بھی اسلام آباد ٹالکس ٹاپ ٹرینڈبن گیا ۔ صارفین تعریفیں کرتے نہیں تھک رہے تو ماہرین کا کہنا ہے یہ بات انتہائی قابل ستائش ہے کہ دنیامیں امن کے فیصلے اب پاکستان میں ہوں گے ۔
ایران جنگ بندی میں مؤثرسفارتکاری اورکامیاب ملٹری ڈپلومیسی کی بدولت پاکستان عالمی منظرنامےمیں مرکزنگاہ ہے ۔ سوشل میڈیا ایکس پرصارفین نے پاکستانی حکومت اورعسکری قیادت کی بھرپورپذیرائی کی اور انہیں عالمی امن کاسفیرقراردیا۔
عالمی رہنماوں کی جانب سے بھی ایران جنگ بندی کیلئے پاکستان کے بطورثالث نتیجہ خیزکردارکی بھر پورستائش کی جارہی ہے ۔ سوشل میڈیا صارفین کا کہنا ہے پاکستان نےامریکا،اسرائیل اور ایران کشیدگی کم کرنےکیلئے بروقت اورموثر اقدامات کئے۔پاکستان کی کامیاب سفارت کاری نے خطےکوبڑی تباہی سے بچا لیا۔ ماہرین کا کہنا ہے جنگ بندی میں پاکستان کاکلیدی کردارنہ صرف ملک کاوقار بلند کرتا ہے بلکہ خطے کےمعاشی اوردفاعی مفادمیں ہے ۔
وزیراعظم کا ایرانی صدر سے ٹیلی فونک رابطہ، مذاکرات کی دعوت قبول کرنے پر خراج تحسین
وزیراعظم شہباز شریف نے ایرانی صدر سے ٹیلیفونک رابطہ کیا۔وزیراعظم نے جنگ بندی اور مذاکرات کی پیشکش قبول کرنے پر مسعود پزشکیان سمیت ایرانی قیادت کی دانشمندی اور دور اندیشی کی تعریف کی۔ ایرانی صدر نے جنگ بندی میں پاکستان کی کوششوں کو خراج تحسین پیش کیا۔
وزیراعظم محمد شہباز شریف نے ایران کے صدر ڈاکٹر مسعود پزشکیان سے ٹیلیفونک گفتگو کی۔ تقریباً 45 منٹ سے زائد جاری رہنے والی خوشگوار اور دوستانہ گفتگو کے دوران وزیراعظم نے ایرانی قیادت کی دانشمندی اور دور اندیشی کو سراہا۔
وزیراعظم نے جنگ بندی پر آمادگی اور ایران اور امریکہ کے درمیان رواں ہفتے اسلام آباد میں مذاکرات کی میزبانی کی پیشکش قبول کرنے کا خیرمقدم کیا۔ انہوں نے ایران کے سپریم لیڈر آیت اللہ مجتبیٰ خامنہ ای کے لیے بھی اپنے تعظیم کا اظہار کیا۔
صدر ڈاکٹر مسعود پزشکیان نے وزیراعظم کا شکریہ ادا کیا اور ایران اور امریکہ کے درمیان عارضی جنگ بندی کے قیام میں پاکستانی قیادت کی کوششوں کو سراہا۔
انہوں نے پاکستانی عوام کے لیے نیک خواہشات کا اظہار کیا اور تصدیق کی کہ ایران اسلام آباد میں ہونے والے مذاکرات میں شرکت کرے گا۔ دونوں رہنماؤں نے باہمی رابطے میں رہنے پر اتفاق کیا۔
پی ٹی آئی کا امریکا ایران سیز فائر پر خیر مقدمی اعلامیہ جاری
پاکستان تحریک انصاف نے امریکا ایران سیز فائر پر خیر مقدمی اعلامیہ جاری کردیا اور امید ظاہر کی ہے کہ فریقین سیزفائرکی شرائظ پر سختی سے عملدرآمد کریں گے۔
پی ٹی آئی اعلامیے میں سیز فائر میں ثالثی اور کردارادا کرنے والے تمام فریقین کو خراج تحسین پیش کیا گیا ہے۔ کہا گیا تحریک انصاف ہمیشہ امن اورمذاکرات کی حامی ہے آج بھی یہی ہمارا موقف ہے۔
اعلامیے کے مطابق ملٹری کارروائیوں سے مسائل کا حل نہیں نکالا جا سکتا ۔ تاریخ نےثابت کیا کہ جنگیں صرف تباہی لاتی ہیں، امید ہے دونوں فریق مستقل جنگ بندی تک عارضی سیز فائر پرعمل یقینی بنائیں گے۔ جنگ بندی سے خطے میں امن و استحکام بحال ہوگا۔
بیان کے مطابق خطے میں پائیدار امن کیلئے سفارتکاری،ڈائیلاگ ناگزیرہیں ۔۔ اسٹیک ہولڈرز خطے میں مکمل امن کی بحالی اور استحکام کیلئے مثبت کردارکریں اور خطےمیں دیرپا امن کیلئے سنجیدہ اقدامات کیے جائیں۔
جنگ بندی کیلئے پاکستان کی کوششوں کی حمایت کرتے ہیں، سعودی وزارت خارجہ
سعودی عرب نے امریکا اور ایران جنگ بندی کےلیے پاکستان کی کوششوں کا خیر مقدم کیا ہے۔
ترجمان سعودی وزارت خارجہ کے مطابق خطے میں پائیدار امن اور مستقل جنگ بندی کیلئے پاکستان کی کوششوں کی حمایت کرتے ہیں، امریکی صدر اور وزیراعظم پاکستان کی جانب سے جنگ بندی کے اعلان کا خیر مقدم کرتے ہیں۔
دوسری جانب اماراتی صدارتی مشیر انور قرقاش نے کہا کہ متحدہ عرب امارات ایک ایسی جنگ میں سرخرو ہوا جس سے ہم بچنا چاہتے تھے، ہم اپنی خودمختاری، وقار اور کامیابیوں کا دفاع کرنے میں کامیاب رہے۔
انور قرقاش نے کہا کہ پیچیدہ علاقائی منظرنامے میں مضبوط گرفت کے ساتھ آگے بڑھ رہے ہیں، ہماری قوت، استقامت اور ثابت قدمی نے اماراتی ماڈل کو مزید مستحکم کیا۔
متحدہ عرب امارات نے امریکا ایران جنگ بندی کو خوش آئند قرار دے دیا
اماراتی صدارتی مشیر انور قرقاش نے امریکا ایران جنگ بندی کو خوش آئند قرار دے دیا۔
اماراتی صدارتی مشیر انور قرقاش نے کہا کہ متحدہ عرب امارات ایک ایسی جنگ میں سرخرو ہوا جس سے ہم بچنا چاہتے تھے، ہم اپنی خودمختاری، وقار اور کامیابیوں کا دفاع کرنے میں کامیاب رہے۔
انور قرقاش نے کہا کہ پیچیدہ علاقائی منظرنامے میں مضبوط گرفت کے ساتھ آگے بڑھ رہے ہیں، ہماری قوت، استقامت اور ثابت قدمی نے اماراتی ماڈل کو مزید مستحکم کیا۔
عالمی مارکیٹ میں سونے اور چاندی کی قیمتوں میں بڑا اضافہ
جنگ بندی کے اعلان کے بعد عالمی مارکیٹ میں سونے اور چاندی کی قیمتوں میں بڑا اضافہ ہوگیا۔
سونا 3.59 فیصد اضافے کے ساتھ 4 ہزار 828 ڈالر فی اونس کا ہوگیا جبکہ چاندی کی قیمت میں 7.63 فیصد اضافہ، 77 ڈالر فی اونس پر فروخت جاری ہے۔
دوسری جانب عالمی آئل مارکیٹ پر مثبت اثرات جاری ہیں۔ عالمی مارکیٹ میں خام تیل کی قیمتیں 13 سے 15 فیصد تک گرگئیں۔
برطانوی خام تیل برینٹ کی قیمت میں 17 ڈالر 31 سینٹ فی بیرل کمی ہوگئی، برطانوی خام کی قیمت 112 ڈالر سے کم ہوکر 94 ڈالر 69 سینٹ پر آگئی۔
امریکی خام تیل کی قیمت میں بھی 19 ڈالر 25 سینٹ کی کمی دیکھی گئی، ڈبلیو ٹی آئی خام تیل کی قیمت 115 ڈالر سے کم ہوکر 96 ڈالر 73 سینٹ ہوگئی۔
جنگ بندی کے باوجود اسرائیل کی وحشیانہ کارروائیاں جاری
جنگ بندی کے باوجود اسرائیل کی وحشیانہ کارروائیاں جاری ہیں۔
عرب میڈیا کے مطابق لبنان میں تازہ اسرائیلی حملے میں 8 شہری شہید، 22 زخمی ہوگئے۔
خیال رہے کہ امریکا اور ایران کی جانب سے جنگ بندی کے اعلان کے بعد اسرائیل کا کہنا ہے کہ اس جنگ بندی کا اطلاق لبنان پر نہیں ہو گا۔
اسرائیل کی جانب سے جاری باضابطہ بیان میں کہا گیا ہے کہ اسرائیل صدر ٹرمپ کے ایران کے خلاف دو ہفتوں کے لیے حملوں کو معطل کرنے کے مشروط فیصلے کی حمایت کرتا ہے تاہم دو ہفتے کی جنگ بندی میں لبنان شامل نہیں ہے۔
جنگ بندی کے تحت ایران اور عمان آبنائے ہرمز سے گزرنے والے جہازوں سے محصولات لیں گے
جنگ بندی کے تحت ایران اور عمان آبنائے ہرمز سے گزرنے والے بحری جہازوں سے محصولات لیں گے۔
خبر ایجنسی کے مطابق ایران ان فنڈز کو تعمیرنو کے لیےاستعمال کرےگا تاہم عمان کے منصوبےغیر واضح ہیں۔ تجزیہ کاروں کے مطابق اگر ایسا ہوا تو یہ ایران کی بڑی کامیابی تصور کی جائےگی۔
واضح رہے کہ ایرانی سرکاری نشریاتی ادارے کے مطابق امریکہ جن نکات پر مذاکرات کر رہا ہے وہ ایران کے پیش کردہ 10 نکاتی منصوبے کا حصہ ہیں۔ ان نکات میں خطے میں جاری جنگوں کا خاتمہ اور ایران کے لیے اہم سیاسی و اقتصادی ضمانتیں شامل ہیں۔
ایران کے 10 نکاتی منصوبے میں عراق، لبنان اور یمن میں جنگ کا مکمل خاتمہ، ایران کے خلاف جنگ کا مکمل اور مستقل خاتمہ، پورے خطے میں تمام تنازعات کا اختتام، آبنائے ہرمز کو دوبارہ کھولنا۔ آبنائے ہرمز میں محفوظ اور آزادانہ بحری گزرگاہ کے لیے پروٹوکول اور شرائط کا قیام شامل ہیں۔
ایران کی تعمیرِ نو کے اخراجات کے لیے مکمل معاوضے کی ادائیگی، ایران پر عائد تمام پابندیوں کا مکمل خاتمہ، امریکہ کے پاس منجمد ایرانی اثاثوں اور فنڈز کی فوری رہائی ایجنڈے کا حصہ ہے۔
ایران کے یورینیم کامعاملہ بہترین طریقےسےسنبھال لیا جائے گا، امریکی صدر
امریکی صدر ڈونلڈ ٹرمپ نے اپنے ایک تازہ بیان میں کہا ہے کہ ایران کے یورینیم کامعاملہ بہترین طریقےسےسنبھال لیا جائے گا۔ ایران کو مذاکرات کی میز پر چین لایا ہے۔
امریکی صدر نے خبر رساں ایجنسی سے گفتگو کرتے ہوئے کہا کہ ایران کے ساتھ جنگ میں امریکا نے مکمل فتح حاصل کی، 100 فیصد فتح حاصل کی، اس بارے میں کوئی سوال نہیں۔
انہوں نے کہا کہ دو ہفتوں کی جنگ بندی کےتحت ایران کے یورینیم کامعاملہ بہترین طریقےسےسنبھال لیا جائے گا، ایران کی یورینیم کو مکمل طور پر سنبھال لیا جائےگا ورنہ میں یہ معاہدہ نہ کرتا۔
دوسری جانب سوشل میڈیا پر پیغام میں آج عالمی امن کیلئے ایک بڑا دن ہے، ایران سمیت ہر کوئی چاہتا تھا جنگ بندی ہو، امریکا آبنائے ہرمز میں آمدورفت کی بحالی میں مدد کرے گا، لاتعداد مثبت اقدامات ہوں گے، بہت پیسہ بنے گا۔ امریکا کی طرح مشرق وسطیٰ کا بھی سنہرا دور آئے گا۔
جنگ کے خطرات تھمتے ہی پاکستان اسٹاک مارکیٹ کی بلند پرواز
امریکا اور ایران کے درمیان جنگ بندی کے اعلان کے بعد عالمی منڈیوں میں بڑا ردعمل سامنے آیا ہے تیل کی قیمتوں میں نمایاں کمی جبکہ اسٹاک مارکیٹس میں زبردست تیزی دیکھی گئی۔
پاکستان اسٹاک مارکیٹ کھلتے ہی ہنڈریڈ انڈیکس میں 12 ہزار سے زائد پوائنٹس کا اضافہ دیکھا گیا۔ ایک ساتھ 14 حدیں بحال ہوگئیں۔ ہنڈریڈ انڈیکس ایک لاکھ 51 ہزار سے سیدھا ایک لاکھ 64 ہزار پر پہنچ گیا۔ غیر معمولی تیزی کے باعث پاکستان اسٹاک ایکسچینج میں ٹریڈنگ ایک گھنٹےکیلئے روک دی گئی ہے۔
عالمی بینچ مارک برینٹ کروڈ کی قیمت تقریباً 15.9 فیصد کمی کے بعد 92.30 ڈالر فی بیرل تک آ گئی جبکہ امریکی مارکیٹ میں ٹریڈ ہونے والا خام تیل بھی تقریباً 16.5 فیصد کمی کے ساتھ 93.80 ڈالر فی بیرل پر گیا۔
ماہرین کے مطابق قیمتیں اب بھی اس سطح سے زیادہ ہیں جہاں تنازع شروع ہونے سے قبل 28 فروری کو تیل تقریباً 70 ڈالر فی بیرل پر ٹریڈ ہو رہا تھا۔
یاد رہے کہ مشرقِ وسطیٰ میں کشیدگی کے باعث تیل اور گیس کی سپلائی شدید متاثر ہوئی تھی، خاص طور پر ایران کی جانب سے آبنائے ہرمز سے گزرنے والے جہازوں پر حملوں کی دھمکی کے بعد توانائی کی قیمتوں میں بڑا اضافہ دیکھنے میں آیا تھا۔
امریکا اور ایران کی جنگ بندی کا اطلاق لبنان پر نہیں ہو گا، اسرائیل
امریکا اور ایران کی جانب سے جنگ بندی کے اعلان کے بعد اسرائیل کا کہنا ہے کہ اس جنگ بندی کا اطلاق لبنان پر نہیں ہو گا۔
اسرائیل کی جانب سے جاری باضابطہ بیان میں کہا گیا ہے کہ اسرائیل صدر ٹرمپ کے ایران کے خلاف دو ہفتوں کے لیے حملوں کو معطل کرنے کے مشروط فیصلے کی حمایت کرتا ہے۔
بیان کے مطابق اسرائیل اس بات کو یقینی بنانے کے لیے امریکی کوششوں کی بھی حمایت کرتا ہے کہ ایران اب امریکہ، اسرائیل، اس کے عرب پڑوسیوں اور دنیا کے لیے جوہری، میزائل اور دہشت گردی کا خطرہ نہ بن سکے۔
بیان میں کہا گیا یے کہ امریکا نے اسرائیل کو بتایا ہے کہ مذاکرات کے دوران ان مشترکہ اہداف کو حاصل کرنے کی کوشش کی جائے گی۔ اسرائیل کا کہنا ہے کہ دو ہفتے کی جنگ بندی میں لبنان شامل نہیں ہے۔
امریکا،ایران جنگ بندی معاہدے پرعالمی برادری کا خیرمقدم
امریکا اور ایران جنگ بندی معاہدے پر عالمی برادری نے خیرمقدم کیا ہے۔
سیکرٹری جنرل اقوام متحدہ انتونیو گوتریس نے پاکستان اور دیگر ممالک کی طرف سے جنگ بندی کو کوششوں کو سراہا۔ انہوں نے کہا انسانی تکالیف کو کم کرنے کے لیے دشمنی کا خاتمہ انتہائی ضروری ہے ۔ فریقین عالمی قوانین کا احترام اور جنگ بندی شرائط پر عمل کریں۔
ملائیشیا نے بھی امریکا اور ایران کی جنگ معاہدے کا خیرمقدم کیا اور پاکستان کی کوششوں کی تعریف کی ۔ مصری وزارت خارجہ نے بیان میں کہا دو ہفتوں کی جنگ بندی سے سفارت کاری کو آگے بڑھانے کا ایک اور موقع ملے گا ۔
آسٹریلوی وزیراعظم انتھونی البانیز نے کہا امریکا اور ایران کے درمیان جنگ بندی پر خوشی ہے۔ امید ہے عارضی جنگ بندی سے مستقل جنگ بندی کی راہموار ہوگی۔ نیوزی لینڈ اور جاپان نے بھی امریکا اور ایران کے درمیان جنگ بندی معاہدے کو سراہا۔
عالمی مارکیٹ میں خام تیل کی قیمتیں 15 فیصد تک گرگئیں
ایران امریکا جنگ بندی کے عالمی آئل مارکیٹ پر مثبت اثرات جاری ہیں۔ عالمی مارکیٹ میں خام تیل کی قیمتیں 13 سے 15 فیصد تک گرگئیں۔
برطانوی خام تیل برینٹ کی قیمت میں 17 ڈالر 31 سینٹ فی بیرل کمی ہوگئی، برطانوی خام کی قیمت 112 ڈالر سے کم ہوکر 94 ڈالر 69 سینٹ پر آگئی۔
امریکی خام تیل کی قیمت میں بھی 19 ڈالر 25 سینٹ کی کمی دیکھی گئی، ڈبلیو ٹی آئی خام تیل کی قیمت 115 ڈالر سے کم ہوکر 96 ڈالر 73 سینٹ ہوگئی۔
جنگ سے قبل 28 فروری کو برینٹ کی قیمت 70 ڈالر فی بیرل تھی جبکہ جنگ سے پہلے ڈبلیو ٹی آئی خام تیل 67 ڈالر فی بیرل میں ٹریڈ ہورہا تھا۔
عالمی مارکیٹ کے اثرات پاکستان میں پیٹرولیم مصنوعات پر پڑیں گے اور پاکستان میں پیٹرولیم مصنوعات کی قیمتوں میں کمی متوقع ہے۔
واضح رہے کہ پاکستان نے سپرپاور امریکا اور ایران کے درمیان جنگ رکوادی۔ امریکی صدر ڈونلڈ ٹرمپ اور ایرانی قیادت نے پاکستان کی تجویز پر سرتسلیم خم کرلیا۔
امریکا اور ایران نے پاکستان کی تجویز پر دو ہفتوں کیلئے جنگ روک دی۔ پاکستان ایرانی تہذیب کو صفحہ ہستی سے مٹانے کی دھمکی دینے والے امریکا کو مذاکرات کی میز پر لے آیا ۔ 10 اپریل کو اسلام آباد میں امریکا اور ایران کے درمیان براہ راست مذاکرات ہوں گے۔
جنگ بندی کرانے پر وزیراعظم اور فیلڈ مارشل عاصم منیر کے شکر گزار ہیں،ایرانی وزیرخارجہ
ایرانی وزیر خارجہ عباس عراقچی نے کہا ہے کہ آئندہ دو ہفتوں کے دوران آبنائے ہرمز سے محفوظ گزرگاہ ممکن ہوگی، جس کے لیے ایران کی مسلح افواج سے ہم آہنگی اور تکنیکی حدود کا خیال رکھا جائے گا۔
انھوں نے کہا کہ وزیراعظم شہباز شریف کی برادرانہ درخواست، امریکا کی جانب سے 15 نکاتی تجویز پر مذاکرات کی خواہش، اور امریکی صدر کی جانب سے ایران کی 10 نکاتی تجویز کے عمومی فریم ورک کو مذاکرات کی بنیاد کے طور پر قبول کرنے کے اعلان کو مدنظر رکھتے ہوئے، میں ایران کی سپریم نیشنل سکیورٹی کونسل کی جانب سے یہ اعلان کرتا ہوں کہ اگر ایران پر حملے روک دیے جائیں تو ہماری طاقتور مسلح افواج بھی اپنی دفاعی کارروائیاں معطل کر دیں گی۔
عباس عراقچی نے اپنے بیان میں مزید کہا کہ ایران کی جانب سے میں اپنے برادر ملک پاکستان کے وزیراعظم شہباز شریف اور فیلڈ مارشل عاصم منیر کی خطے میں جنگ کے خاتمے کے لیے کی جانے والی انتھک کوششوں پر دلی تشکر اور قدردانی کا اظہار کرتا ہوں۔
فیلڈ مارشل عاصم منیر اور شہبازشریف سے بات چیت کے بعد جنگ بندی کا فیصلہ کیا، امریکی صدر
امریکی صدر ڈونلڈ ٹرمپ نے کہا ہے کہ پاکستان کے وزیرِ اعظم شہباز شریف اور آرمی چیف فیلڈ مارشل عاصم منیر سے بات چیت کے بعد وہ ایران کے خلاف طے شدہ حملے کو دو ہفتوں کے لیے مؤخر کرنے پر آمادہ ہیں، بشرطیکہ ایران آبنائے ہرمز کو فوری، مکمل اور محفوظ طریقے سے کھول دے۔
صدر ٹرمپ نے کہا کہ امریکہ اپنے تمام فوجی اہداف حاصل کر چکا ہے اور ایران کے ساتھ طویل المدتی امن معاہدے پر پیش رفت کافی حد تک ہو چکی ہے۔ انھوں نے بتایا کہ ایران کی جانب سے 10 نکاتی تجویز موصول ہوئی ہے جو مذاکرات کے لیے قابلِ عمل بنیاد فراہم کرتی ہے۔ موجودہ جنگ بندی دوطرفہ ہوگی۔
امریکی صدر کے مطابق امریکہ اور ایران کے درمیان زیادہ تر اختلافی نکات پر اتفاق ہو چکا ہے، اور دو ہفتوں کی مہلت معاہدے کو حتمی شکل دینے میں مدد دے گی۔ انھوں نے کہا کہ بطور صدر، اور مشرقِ وسطیٰ کے ممالک کی نمائندگی کرتے ہوئے، اس دیرینہ مسئلے کے حل کے قریب پہنچنا ان کے لیے باعثِ اعزاز ہے۔
امریکا کے ساتھ مذاکراتی عمل جمعے کو اسلام آباد میں شروع ہوگا، ایران
ایران نے تصدیق کی ہے کہ امریکہ کے ساتھ 10 نکاتی ایجنڈے پر مذاکراتی عمل 15 روز کے لیے اسلام آباد میں جمعے سے شروع ہوگا، جس میں ضرورت پڑنے پر مزید توسیع بھی کی جا سکے گی۔
ایران کی سپریم نیشنل سکیورٹی کونسل نے اپنے تازہ بیان میں کہا ہے کہ گذشتہ 40 دنوں میں ایرانی عوام اور مسلح افواج کی مزاحمت نے دشمن کو پسپائی پر مجبور کر دیا ہے، اور جنگ کے بیشتر اہداف حاصل ہو چکے ہیں۔
بیان کے مطابق ایران نے ابتدا سے ہی فیصلہ کیا تھا کہ جنگ اس وقت تک جاری رہے گی جب تک دشمن کو پچھتاوے اور مایوسی کی کیفیت میں نہ پہنچا دیا جائے اور ملک کے خلاف طویل المدتی خطرات ختم نہ ہو جائیں۔
بیان میں کہا گیا کہ ایران نے امریکی صدر کی جانب سے دی گئی متعدد ڈیڈ لائنز کو مسترد کیا ہے اور واضح کیا ہے کہ دشمن کی کسی بھی مہلت کو کوئی اہمیت نہیں دی جاتی۔
سپریم نیشنل سکیورٹی کونسل کے مطابق اب جبکہ ایران کو میدانِ جنگ میں برتری حاصل ہے، اور امریکہ اس کے بیشتر مطالبات تسلیم کر چکا ہے، اس لیے فیصلہ کیا گیا ہے کہ مذاکرات جمعے کے روز اسلام آباد میں ہوں گے تاکہ جنگ میں حاصل ہونے والی کامیابیوں کو سیاسی سطح پر بھی مضبوط کیا جا سکے۔
بیان میں کہا گیا کہ ایران نے دشمن کی تمام تجاویز مسترد کرتے ہوئے اپنا 10 نکاتی منصوبہ امریکہ کو پاکستان کے ذریعے پیش کیا ہے، جس میں آبنائے ہرمز سے کنٹرولڈ گزرگاہ، خطے میں مزاحمتی گروہوں کے خلاف جنگ کا خاتمہ، امریکی افواج کا انخلا، ایران کو ہونے والے نقصانات کا ازالہ، تمام پابندیوں کا خاتمہ، منجمد اثاثوں کی بحالی اور ان تمام امور کی سلامتی کونسل کی ایک پابند قرارداد کے ذریعے توثیق شامل ہے۔
ایرانی حکام کے مطابق پاکستان کے وزیراعظم نے اطلاع دی ہے کہ امریکہ ان اصولی نکات کو مذاکرات کی بنیاد کے طور پر قبول کر چکا ہے۔ تاہم بیان میں زور دیا گیا کہ اس کا مطلب جنگ کا خاتمہ نہیں، اور جنگ اسی وقت ختم ہوگی جب 10 نکاتی منصوبے کی تمام تفصیلات مذاکرات میں طے پا جائیں۔
سپریم نیشنل سکیورٹی کونسل نے عوام، سیاسی جماعتوں اور تمام طبقات سے اپیل کی ہے کہ وہ قومی اتحاد برقرار رکھیں اور اس عمل کی حمایت کریں۔ بیان کے آخر میں کہا گیا کہ اگر مذاکرات میں دشمن کی پسپائی سیاسی کامیابی میں تبدیل نہ ہوئی تو ایران اپنے مطالبات پورے ہونے تک میدان میں لڑائی جاری رکھے گا۔
ایران کا 10 نکاتی ایجنڈا کیا ہے جس پر امریکا مذاکرات پر تیار ہوا؟
ایرانی سرکاری نشریاتی ادارے کے مطابق امریکہ جن نکات پر مذاکرات کر رہا ہے وہ ایران کے پیش کردہ 10 نکاتی منصوبے کا حصہ ہیں۔ ان نکات میں خطے میں جاری جنگوں کا خاتمہ اور ایران کے لیے اہم سیاسی و اقتصادی ضمانتیں شامل ہیں۔
ایران کے 10 نکاتی منصوبے میں عراق، لبنان اور یمن میں جنگ کا مکمل خاتمہ، ایران کے خلاف جنگ کا مکمل اور مستقل خاتمہ، پورے خطے میں تمام تنازعات کا اختتام، آبنائے ہرمز کو دوبارہ کھولنا۔ آبنائے ہرمز میں محفوظ اور آزادانہ بحری گزرگاہ کے لیے پروٹوکول اور شرائط کا قیام شامل ہیں۔
ایران کی تعمیرِ نو کے اخراجات کے لیے مکمل معاوضے کی ادائیگی، ایران پر عائد تمام پابندیوں کا مکمل خاتمہ، امریکہ کے پاس منجمد ایرانی اثاثوں اور فنڈز کی فوری رہائی ایجنڈے کا حصہ ہے۔
ایران کی جانب سے جوہری ہتھیار حاصل نہ کرنے کی مکمل یقین دہانی، مندرجہ بالا شرائط کی منظوری کے ساتھ تمام محاذوں پر فوری جنگ بندی شامل ہے۔ یہ نکات اس فریم ورک کا حصہ ہیں جس پر ایران کا کہنا ہے کہ امریکہ مذاکرات کے لیے آمادہ ہے۔
وزیراعظم کی امریکا اور ایران کو 10 اپریل کو اسلام آباد میں مذاکراتی عمل شروع کرنے کی دعوت
پاکستان نے امریکا اور ایران کو جنگ بندی معاہدے کے بعد مذاکراتی ٹیموں کو جمعے کو اسلام آباد آنے کی دعوت دے دی ہے۔
وزیر اعظم شہباز شریف نے ایکس پر اپنے پیغام میں لکھا کہ وہ آنے والے دنوں میں مزید خوشخبریاں شیئر کرنے کے منتظر ہیں۔
شہباز شریف نے اپنے پیغام میں لکھا کہ انتہائی عاجزی کے ساتھ مجھے یہ اعلان کرتے ہوئے خوشی محسوس ہو رہی ہے کہ ایران اور امریکا، اپنے اتحادیوں کے ساتھ ہر جگہ بشمول لبنان فوری طور پر جنگ بندی پر متفق ہو گئے ہیں۔
انھوں نے کہا کہ میں اس دانشمندانہ فیصلے کا گرمجوشی سے خیرمقدم کرتا ہوں اور دونوں ممالک کی قیادت کا شکریہ ادا کرتا ہوں۔ ساتھ ہی میں ان کی مذاکراتی ٹیموں کو دعوت دیتا ہوں کہ وہ جمعہ، 10 اپریل 2026 کو اسلام آباد تشریف لائیں، تاکہ تمام تنازعات کے حتمی حل کے لیے مزید بات چیت کی جا سکے۔‘
وزیر اعظم نے کہا کہ دونوں فریقوں نے غیر معمولی بصیرت اور سمجھ بوجھ کا مظاہرہ کیا ہے اور امن و استحکام کے مقصد کو آگے بڑھانے میں تعمیری طور پر مصروف رہے ہیں۔
شہباز شریف نے کہا کہ ہمیں پوری امید ہے کہ ’اسلام آباد مذاکرات‘ پائیدار امن کے قیام میں کامیاب ہوں گے، اور ہم آنے والے دنوں میں مزید خوشخبریاں شیئر کرنے کے خواہشمند ہیں۔
پاکستان نے سپرپاور امریکا اور ایران کے درمیان جنگ رکوادی
پاکستان نے سپرپاور امریکا اور ایران کے درمیان جنگ رکوادی۔ امریکی صدر ڈونلڈ ٹرمپ اور ایرانی قیادت نے پاکستان کی تجویز پر سرتسلیم خم کرلیا۔
امریکا اور ایران نے پاکستان کی تجویز پر دو ہفتوں کیلئے جنگ روک دی۔ پاکستان ایرانی تہذیب کو صفحہ ہستی سے مٹانے کی دھمکی دینے والے امریکا کو مذاکرات کی میز پر لے آیا ۔ 10 اپریل کو اسلام آباد میں امریکا اور ایران کے درمیان براہ راست مذاکرات ہوں گے ۔
وزیراعظم شہبازشریف اور فیلڈمارشل عاصم منیر کی انتھک محنت رنگ لائی ۔ امریکا اور ایران نے بھی پاکستان کی سول اور عسکری قیادت سے اظہارتشکر کیا۔
جنگ بندی سے متعلق وزیراعظم شہبازشریف کا ٹوئٹ عالمی میڈیا کی شہ سرخی بن گیا ۔ دنیا نے مان لیا پاکستان نے امن کا راستہ دکھا دیا ۔ پاکستان نے تاریخ رقم کردی جنگ بندی ممکن بنادی۔
اقوام متحدہ کی سلامتی کونسل میں آبنائے ہرمز سے متعلق قرار داد کو چین نے ویٹو کردیا
اقوام متحدہ کی سلامتی کونسل میں آبنائے ہرمز سے متعلق قرار داد کو چین نے ویٹو کردیا۔
تفصیلات کے مطابق بحرین کی جانب سے پیش کی گئی قرار داد کو سعودی عرب، قطر، متحدہ عرب امارات اور کویت کی حمایت حاصل تھی۔ قرار داد کے حق میں گیارہ ووٹ ڈالے گئے، چین سمیت دو ارکان نے مخالفت کی جبکہ پاکستان سمیت دو ارکان نے ووٹنگ میں حصہ نہیں لیا۔
خبر رساں ایجنسی کی رپورٹ کے مطابق قرار داد کے مسودے میں آبنائے ہرمز پر جہاز رانی کےتحفظ پر زور دیا گیا تھا جبکہ اس مقصد کیلئے طاقت کے استعمال کا ذکرشامل نہیں تھا۔ چند دن پہلے چین اور روس نے اس قرار داد پر ووٹنگ رکوادی تھی۔
پاکستان کی سعودی عرب پر حملوں کے بعد بھی سفارتی کوششیں جاری ہیں: سی این این
امریکی نشریاتی ادارے سی این این نے کہاہے کہ سعودی عرب پر حملوں کے بعد بھی پاکستان کی سفارتی کوششیں جاری ہیں اور فریقین کو مذاکرات کیلئے میز پر لانے کی کوشش میں مصروف ہے ۔
سی این این کے مطابق پاکستانی قیادت سفارتی رابطوں میں پیشرفت کیلئے سرتوڑ محنت کررہی ہے، پاکستان فریقین کو مذاکرات کی میز پر لانے کی کوششوں میں مصروف ہے۔
وال سٹریٹ جرنل
دوسری جانب وال سٹریٹ جرنل نے اپنی رپورٹ میں دعویٰ کیاہے کہ ایران نے امریکا کے ساتھ براہ راست سفارتکاری معطل کردی ہے ،صدر ٹرمپ کی جانب سے نئی دھمکیوں کے بعد ایران نے یہ فیصلہ کیا، ایران کے فیصلے سے مذاکرات کی کوششوں میں پیچیدگی آئی ہے۔
ایرانی عہدیدار کا کہناتھا کہ ایران نے رابطے منقطع کر کے اپنی ناپسندیدگی اور مزاحمت کا پیغام دینا چاہا۔ وال سٹریٹ جرنل کے مطابق یہ واضح نہیں کہ ڈیڈ لائن سے پہلے براہِ راست مذاکرات دوبارہ شروع ہوں گے یا نہیں۔
فاکس نیوز
فاکس نیوز نے دعویٰ کیا کہ ایران کے ساتھ مذاکرات جاری ہیں، امریکی عہدیدار نے گفتگو کرتے ہوئے کہا کہ ایران سے رابطے میں ہیں، ہم خوش قسمت رہے تو آج کوئی معاہدہ ہوگا۔
امریکی نائب صدر
امریکی نائب صدر جے ڈی وینس نے کہا کہ ایران پر حملوں سے متعلق ہماری پالیسی تبدیل نہیں ہوئی،خارگ کے جزیرے میں فوجی تنصیبات پر حملہ کیا آئل تنصیبات نہیں، خارگ پر بمباری ہماری اسٹریٹجی میں تبدیلی کو ظاہر نہیں کرتا، ڈیڈ لائن سے پہلے ایرانی توانائی تنصیبات کو نشانہ نہیں بنائیں گے۔
اسرائیلی فوج
امریکی طیارے اصفہان میں اٹیک مشن کیلئے اتر ےلیکن ایرانی فورسز کی جوابی کارروائی میں امریکی فوجی بھاگ نکلے: ایرانی میڈیا
ایرانی میڈیا نے دعویٰ کیاہے کہ اصفہان میں امریکی طیاروں کی تباہی کا ریسکیو مشن سے کوئی تعلق نہیں، یہ آپریشن ایرانی ایٹمی تنصیبات پر حملے کیلئے شروع کیا گیا تھا۔
پریس ٹی وی کی رپورٹ کے مطابق امریکا کے دو سی ون تھرٹی طیارے اصفہان میں ایک پرانی ایئر فیلڈ پر اترے، ایک میں امریکی کمانڈوز اور دوسرے میں خصوصی گاڑیاں، چھوٹے ہیلی کاپٹرز اور دیگر سامان تھے۔
ایرانی فورسز نے طیارے لینڈ ہوتے ہی حملہ کردیاجس کی وجہ سے امریکی اٹیک مشن ریسکیو مشن میں بدل گیا۔ اورامریکی کمانڈوز دستاویزات اور ہتھیار چھوڑ کر ہیلی کاپٹروں میں بھاگ گئے اور جاتے جاتے اپنی دونوں سی ون تھرٹی طیارے تباہ کردیے۔
ایرانی میڈیا کے مطابق امریکا کے برطرف ہونے والے جنرلز نے ٹرمپ اور پیٹ ہیگسیتھ کو اس مشن سے منع کیا تھا جس کی وجہ سے حملے سے ایک دن پہلے انہیں ہٹا دیا گیا۔
پاکستان کی سعودی عرب پر ایرانی میزائل اور ڈرون حملوں کی شدید مذمت
پاکستان نے سعودی عرب پر ایرانی میزائل اور ڈرون حملوں کی شدید مذمت اور قیمتی جانوں کے ضیاع پر گہرے دکھ اور افسوس کا اظہار کیا ہے ۔
حکومت پاکستان نے سعودی عرب پر ایرانی حملوں پر گہری تشویش کا اظہار کیا ہے ۔ ترجمان دفتر خارجہ طاہر حسین اندرابی کے مطابق توانائی تنصیبات کو نشانہ بنانا قابل مذمت اور خطرناک اقدام ہے ، اہم انفرااسٹرکچر کو نقصان پہنچانے کی سخت الفاظ میں مذمت کرتے ہیں ، حملے سعودی خودمختاری اور علاقائی سالمیت کی سنگین خلاف ورزی ہیں ۔
ترجمان دفتر خارجہ نے کہا پاکستان مشکل وقت میں سعودی حکومت اور عوام کے ساتھ کھڑا ہے ، پاکستان نے سعودی عرب کی سلامتی کیلئے غیر متزلزل حمایت کا اعادہ بھی کیا ہے ۔
پاسدران انقلاب
ایران کی پاسداران انقلاب نے سعودی عرب میں پیٹروکیمیکل پلانٹ پر حملوں کی ذمہ دری قبول کر لی ہے۔
پاسداران انقلاب کے مطابق الجبیل میں امریکی کمپنیوں کو میزائلوں اور ڈرونز کے ذریعے نشانہ بنایا گیا، جُعیمہ میں امریکی کمپنی شورڈن فلپس کے پیٹرو کیمیکل کمپلیکس پر بھی حملہ کیا گیا، نشانہ بننے والی امریکی کمپنیوں میں صدرہ، ایکسن موبل اور ڈارک کیمیکلز بھی شامل ہیں۔ پاسداران کے مطابق سعودی عرب میں پلانٹس پر حملہ شیراز میں ہماری تنصیبات پر حملوں کا جواب ہے۔
سعودی وزارت دفاع کا کہنا ہے کہ آج سعودی فضائی حدود میں گیارہ میزائلوں اور اٹھارہ ڈرونز کو تباہ کیا۔ میزائلوں کا ملبہ گرنے سے توانائی کی تنصیبات کو نقصان پہنچا۔ سیکیورٹی وجوہات کی بنا پر سعودی عرب اور بحرین کو ملانے والا واحد پل کنگ فہد کازوے پل کو کئی گھنٹے بند رکھنے کے بعد دوبارہ ٹریفک کیلئے کھول دیا گیا۔
ایران کا سعودی عرب میں امریکی تنصیبات پر بڑا حملہ، پاسداران انقلاب نے ذمہ دار قبول کر لی
ایران کی پاسداران انقلاب نے سعودی عرب میں پیٹروکیمیکل پلانٹ پر حملوں کی ذمہ دری قبول کر لی ہے۔
پاسداران انقلاب کے مطابق الجبیل میں امریکی کمپنیوں کو میزائلوں اور ڈرونز کے ذریعے نشانہ بنایا گیا، جُعیمہ میں امریکی کمپنی شورڈن فلپس کے پیٹرو کیمیکل کمپلیکس پر بھی حملہ کیا گیا، نشانہ بننے والی امریکی کمپنیوں میں صدرہ، ایکسن موبل اور ڈارک کیمیکلز بھی شامل ہیں۔ پاسداران کے مطابق سعودی عرب میں پلانٹس پر حملہ شیراز میں ہماری تنصیبات پر حملوں کا جواب ہے۔
سعودی وزارت دفاع کا کہنا ہے کہ آج سعودی فضائی حدود میں گیارہ میزائلوں اور اٹھارہ ڈرونز کو تباہ کیا۔ میزائلوں کا ملبہ گرنے سے توانائی کی تنصیبات کو نقصان پہنچا۔ سیکیورٹی وجوہات کی بنا پر سعودی عرب اور بحرین کو ملانے والا واحد پل کنگ فہد کازوے پل کو کئی گھنٹے بند رکھنے کے بعد دوبارہ ٹریفک کیلئے کھول دیا گیا۔
اسرائیل کی ایران پربمباری، یہودی عبادت گاہیں مکمل تباہ، 15 شہادتیں، ایران کا بھی جوابی وار،درجنوں میزائل داغ دئیے
اسرائیل کی ایران پر تازہ بمباری میں یہودی عبادت گاہیں مکمل طور پر تباہ ہوگئیں، ایران کا بھی جوابی وار،درجنوں میزائل داغ دئیے۔
امریکا اور اسرائیل کےحملوں سے یہودی عبادت گاہیں بھی محفوظ نہیں،تہران میں بمباری سےیہودی عبادت گاہیں ملبےکا ڈھیر بن گئی،مغربی ایشیا میں یہودیوں کی دوسری بڑی آبادی ایران میں ہے۔
اسرائیلی فوج نےکہا ہےکہ ایران پرفضائی حملوں کی لہر مکمل کرلی گئی، حملہ تہران سمیت ایران کے مختلف علاقوں میں انفراسٹرکچرکو نقصان پہنچانےکےلیے کیا تھا
ایران پراسرائیل اورامریکا کےحملوں میں شہادتوں کی تعداد 15 ہوگئی،9 شہری تہران کے علاقے شہریار پر بمباری میں شہید ہوئے،تہران کے علاقے پردیس میں ملبے سے 6 شہدا کی لاشیں ملیں۔
ایران نے بھی اسرائیلی تنصیبات پرمیزائل حملےکردئیے،وسطی اسرائیل میں کئی مقامات پر میزائل ہدف پر گرے،ساحلی شہر ایلات میں ایک میزائل کو فضا میں تباہ کیا گیا۔
حزب اللہ نے بھی اسرائیلی تنصیبات پر حملوں کا دعویٰ کیا ہے،کہنا ہے کہ کریات شمونا سمیت دو مقامات پر اسرائیلی تنصیبات کو نشانہ بنایا،اسرائیلی فوجی بھی ہمارے حملوں کا ہدف بنے
دوسری جانب جنگ بندی کی کوششوں پرچینی دفترخارجہ نےردعمل دیتے ہوئےکہاامن کیلئےکی جانے والی تمام کوششوں کی حمایت کرتے ہیں،ہم پاکستان کی جانب سے ثالثی کی کوششوں کو سپورٹ کرتے ہیں،امید ہےفریقین امن کا یہ موقع ضائع جانے نہیں دیں گے،امریکا اور ایران اپنے اختلافات بات چیت کے ذریعے دور کریں۔
ٹرمپ کی دھمکی کے بعد مشرق وسطیٰ کے پلوں پر ایرانی حملوں کا خدشہ
ٹرمپ کی دھمکی کے بعد مشرق وسطیٰ کے پلوں پرایرانی حملوں کا خدشہ ہے۔
، سعودی حکام کےمطابق سعودی عرب اوربحرین کوملانےوالا پل ٹریفک کیلئے بندکردیاگیا،کنگ فہد کازوے کو احتیاطی تدابیر کےتحت بندکیاگیا ہے،25 کلومیٹر طویل پل سعودی عرب اور بحرین کو ملانے والا واحد زمینی راستہ ہے۔
دوسری جانب نیوزی لینڈ کےوزیراعظم نےٹرمپ پرتنقیدکرتےہوئےکہا ایران پرمزید حملوں کی امریکی دھمکی بےفائدہ ہے،انہوں نے کشیدگی کو کم کرنے پرتوجہ دینے پر زور دیا۔
امریکی صدر کی ایران کو دھمکی،عالمی منڈی میں خام تیل کی قیمتوں میں پھر اضافہ
امریکی صدر ڈونلڈ ٹرمپ کی ایران کو دھمکی دینے کے بعد عالمی منڈی میں خام تیل کی قیمتوں میں پھر اضافہ ریکارڈ کیا جارہا ہے۔
امریکی خام تیل کی قیمت 2.86 فیصدبڑھ گئی،مارکیٹ میں امریکی خام تیل 115 ڈالر فی بیرل پر فروخت ہورہا ہے،برطانوی خام تیل 1.5 فیصد اضافے کے ساتھ 111 ڈالرفی بیرل پر پہنچ گیا۔
دوسری جانب اوپیک ممالک نےمئی کیلئے تیل کی پیداوار بڑھانے کا فیصلہ کیا ہے۔ ترجمان کے مطابق مئی میں روزانہ کی بنیاد پر دولاکھ بیرل سے زائد تیل کی پیداوار بڑھائیں گے، تیل کی پیداوار بڑھانے کا مقصد توانائی کی مارکیٹوں میں جاری ہلچل کو روکناہے، سعودی عرب اور روس سمیت کئی خلیجی ممالک بھی تیل کی پیداوار بڑھانے متفق ہوئے۔
ایرانی وزیر نائب کھیل کا پاور پلانٹس بچانے کیلئے ہیومن چین بنانے کا اعلان
ایرانی وزیر نائب کھیل نے پاور پلانٹس بچانے کیلئے ہیومن چین بنانے کا اعلان کردیا۔
ایرانی وزیرنائب کھیل علی رضارحیمی کاکہنا ہےکہ آج دوپہر کو تمام بجلی گھروں کےقریب انسانی ہاتھوں کوزنجیربنائیں گے،ملک بھر کےنوجوان،کھلاڑی اورقومی ہروزاس مہم میں شریک ہوں، ہم یہ پیغام دیں گےکہ عوامی ڈھانچے پر حملہ جنگی جرم ہے۔
ایرانی سپریم لیڈر مجتبیٰ خامنہ ای شدید زخمی اور بے ہوش ہیں، برطانوی اخبار کا دعوی
ایرانی سپریم لیڈر مجتبیٰ خامنہ ای کی صحت سے متعلق برطانوی اخبار نے دعوی کیا ہے کہ وہ شدید زخمی اور بے ہوش ہیں۔
برطانوی اخبار دی ٹائمز کے مطابق ایرانی سپریم لیڈرمجتبیٰ خامنہ ای کا ایران کے شہرقم میں علاج چل رہا ہے،یہ دعویٰ امریکا اوراسرائیل کی انٹیلی جینس میمومیں سامنےآئی،ایرانی سپریم لیڈرروزمرہ کے معاملات چلانے کے قابل نہیں ہیں،وہ جنگ کے پہلے روز زخمی ہوئے تھے۔
دوسری جانب ٹرمپ کی دھمکی کےبعد مشرق وسطیٰ کےپلوں پرایرانی حملوں کاخدشہ ہے،جس کے پیش نظر سعودی عرب اوربحرین کوملانےوالا پل ٹریفک کیلئے بندکردیاگیا،کنگ فہد کازوے کو احتیاطی تدابیر کے تحت بند کیا گیا،25 کلومیٹر طویل پل سعودی عرب اور بحرین کو ملانے والا واحد زمینی راستہ ہے۔
