Live Updates: ہم بہت جلد ایران سے نکل جائیں گے، نئی ایرانی رجیم نے جنگ بندی کی درخواست کی ہے: ٹرمپ

ایرانی وزارت خارجہ نے بیان  جاری کرتے ہوئے کہاہے کہ  سپریم لیڈر مجتبیٰ خامنہ ای مکمل صحت مند اور خیریت سے ہیں،جنگی حالات کی وجہ سے  مجتبیٰ خامنہ ای عوام کے سامنے نہیں آرہے۔

ایرانی وزارت خارجہ نے بیان میں کہا کہ دنیا میں اب کوئی بھی امریکی سفارت کاری پر بھروسہ نہیں کر سکتا،امریکا مذاکرات کو اپنے  مطالبات مسلط کرنے کیلئے استعمال کرتا ہے،امریکا سفارتکاری کو بھی طاقت کے استعمال کی راہ ہموار کیلئے استعمال کرتا ہے،جنگ کو امریکا اور اسرائیل نے شروع کیا،تہران مسلط کی گئی جنگ میں اپنے دفاع کررہا ہے۔

دوسری جانب پاسداران انقلاب نے امریکی صدر ڈونلڈ ٹرمپ کے جنگ بندی سے متعلق بیان کی تردید کر دی ہے  اور کہا کہ آبنائے ہرمز کو امریکی صدر کی مضحکہ خیز نمائش سے نہیں کھولا جائیگا،آبنائے ہرمز مضبوط اور مکمل کنٹرول میں ہے۔

امریکی صدر ڈونلڈ ٹرمپ نے  سوشل میڈیا پر بیان جاری کرتے ہوئے کہا کہ ایران کی نئی رجیم نے امریکا سے جنگ بندی کی درخواست کی ہے،اس  وقت تک ہم ایران کو مکمل طور پر تباہ کر رہے ہیں ۔

امریکی صدر کا کہناتھا کہ جب آبنائے ہرمز آزاد اورمحفوظ ہو جائے گی،تب ہم سیز فائر پر غور کریں گے،ایران کے نئے صدر پہلے والوں سے کہیں زیادہ ذہین ہیں،امریکا  ایران کی جنگ بندی درخواست پر غور کرے گا،ہم ایران کو پتھر کے دور میں واپس بھیج رہے ہیں۔

ڈونلڈ ٹرمپ نے رائٹرز سے گفتگو میں کہا کہ ہم بہت جلد ایران سے نکل جائیں گے،جوہری مواد کی پرواہ نہیں، سیٹلائٹ کے ذریعے ایران کی نگرانی کریں گے،نیٹو کے ساتھ تعلقات پر غور کریں گے،ہم پہلے ہی  ایران میں رجیم چینج کرچکے ہیں۔ 

کویت نے دو روز کیلئے نیشنل بینک بند کر دیئے، بینکوں کی بندش کا فیصلہ شہریوں کی حفاظت کے پیش نظر کیا گیا۔

کویتی حکام نے بیان جاری کرتے ہوئے کہا کہ نیشنل بینک کی بندش کا اعلان ایران کے بڑھتے حملوں کے باعث کیاگیا،آج اور کل نیشنل بینک بند رہیں گے،بنکوں کی بندش کا فیصلہ شہریوں کی حفاظت کے مدنظر کیا۔

اماراتی وزارت دفاع

اماراتی وزارت دفاع نے بیان جاری کرتے ہوئے کہا کہ بدھ کو 5بیلسٹک میزائلوں اور 35ڈرونز کو روکا گیا،تمام میزائل اور ڈرونز ایران کی جانب سے داغے گئے،جنگ کے آغاز سے ابتک 438بیلسٹک اور 19کروز میزائل حملے ہوئے،28فروری سے اب تک 2ہزار12ڈرونز حملوں کو ناکام بنایا گیا۔

قطر ایئر ویز

قطر ایئرویز نے فلائٹ آپریشن بتدریج بحال کرنے کا اعلان  کر دیاہے، دوحا سے بین الاقوامی پروازوں کیلئے نیافلائٹ شیڈول جاری کر دیا گیا، قطرایئرویز  کا کہناتھا کہ پندرہ مئی تک پروازوں کا دائرہ کار 120مقامات تک بڑھائیں گے۔ 

تہران میں ایک ریلی کے دوران پاکستان کے حق میں نعرے لگائے گئے اور ایرانی شہری پاکستانی پرچم اٹھائے شریک ہوئے۔

ریلی میں شریک افراد نے پاکستان سے اظہارِ یکجہتی کرتے ہوئے "پاکستان شکریہ" کے نعرے بھی لگائے، جبکہ شرکاء نے دونوں ممالک کے درمیان برادرانہ تعلقات کو سراہا۔

ایک ایرانی شہری کا کہنا تھا کہ پاکستانی عوام کی محبت کو ایران کبھی نہیں بھولے گا، اور دونوں ممالک کے درمیان دوستی مزید مضبوط ہوگی۔

ایرانی وزیر خارجہ

ایرانی وزیر خارجہ عباس عراقچی نے تہران میں ریلی میں شرکت کی اور کہا کہ میں لوگوں کا حوصلہ بڑھانے کیلئے ریلیوں میں آتا ہوں، لوگوں کا جوش و خروش بلند ترین سطح پر ہے، میری شمولیت سمندر میں قطرے کے برابر ہے، میں خود ان شہریوں کو دیکھ کر حوصلہ پاتا ہوں، وطن کے دفاع کیلئے لوگوں کا عزم ناقابل بیان ہے۔ 

نائب وزیراعظم اور وزیر خارجہ اسحاق ڈار کے دورہ چین میں فریقین نے خلیج اور مشرق وسطیٰ میں امن اور استحکام کی بحالی کیلئے 5 نکاتی اقدام کا آغاز کردیا۔  پاک چین ورائے خارجہ ملاقات میں ترقی پذیر ممالک پر کشیدگی کے سنگین سماجی و معاشی اثرات پر گہری تشویش کااظہار کیا گیا۔ ترجمان دفتر خارجہ کے مطابق چینی وزیرخارجہ نے پاکستان کے فعال سفارتی کردار اور کوششوں کو سراہا اور بھرپور حمایت بھی کی۔

نائب وزیراعظم اور زیرخارجہ اسحاق ڈار نے  چینی وزیرخارجہ کی دعوت پر بیجنگ کا دورہ کیا۔ دورہ مکمل ہونے پر دفتر خارجہ کے جاری اعلامیے میں کہا گیا ہے دونوں وزرائے خارجہ نے مغربی ایشیا میں علاقائی پیش رفت اور دوطرفہ تعلقات پر تبادلہ خیال کیا۔

اسحاق ڈار نے تنازع کے حل اور مکالمے کی بحالی کیلئے پاکستانی کوششوں سے آگاہ کیا۔ پاکستان، سعودی عرب، ترکیہ اور مصر کے وزرائے خارجہ کے اجلاس سے بھی آگاہ کیا۔ فریقین نے دوطرفہ تعلقات میں بڑھتی پیش رفت پر اطمینان کا اظہار کیا۔

اعلامیے کے مطابق ملاقاتوں میں سی پیک ٹو کے تحت ترقی، اسٹریٹجک تعاون،اعلیٰ سطح کے تبادلے اور رابطے بڑھانے پر زور دیا گیا۔ پاک چین وزرائے خارجہ نے افغانستان کی صورتحال پر بھی  تبادلہ خیال کرتے ہوئے امن، استحکام اور دہشت گردی کے مؤثر سدباب کی اہمیت پر زور دیا۔ فریقین نے مستقبل میں بھی باقاعدہ رابطے میں رہنے پر اتفاق بھی کیا۔

ایرانی صدر مسعود پزشکیان نے مشروط جنگ بندی پر رضا مندی ظاہر کردی۔

ایرانی صدر مسعود پزشکیان نے کہا کہ ایران کے پاس جنگ ختم کرنے کا ’ضروری ارادہ‘ موجود ہے، بشرطیکہ کچھ شرائط پوری کی جائیں، مطالبات پورے کرو، دوبارہ حملہ نہ کرنے کی ضمانت دو تو جنگ ختم کرنے کیلئے تیار ہیں۔

صدر پیزشکیان کا کہنا ہے کہ ایران امریکہ اور اسرائیل کے ساتھ جنگ کا خاتمہ چاہتا ہے، لیکن اس کے لیے کچھ تقاضے پورے ہونا ضروری ہیں۔

مسعود پزشکیان نے کہا کہ خلیج فارس اور آبنائے ہرمز کی موجودہ صورتحال دشمنی کے اقدامات کا نتیجہ ہے ۔ آبنائے ہرمز صرف امریکا اور ان کے اتحادیوں کے لیے بند ہے۔ جنگ میں کسی بھی بہانے سے بیرونی مداخلت کے سنگین نتائج ہوں گے۔

انہوں نے مزید کہا کہ یورپی یونین کی امریکی اور صہیونی جرائم پر خاموشی افسوسناک ہے، کہا ہمارا خطے کے ممالک پر حملہ کرنے کا کوئی ارادہ نہیں تھا، خطے میں امریکی فوجی اڈے ہونے کی وجہ سے حملے کئے گئے۔

عالمی تنازعات کے نتیجے میں ہونے والے معاشی نقصان پر نظر رکھنے والے ماہرین کا کہنا ہے کہ ایران جنگ سے امریکا کو روزانہ تقریباً دو ارب ڈالر کا نقصان ہو رہا ہے۔

برطانوی نشریاتی ادارے کے مطابق براؤن یونیورسٹی کے جنگی لاگت کے منصوبے کی ڈائریکٹر سٹیفنی سیویل کا کہنا ہے کہ ہتھیاروں اور فوجی اخراجات، امریکی اثاثوں کو پہنچنے والے نقصانات اور دیگر اخراجات کی مد میں اس جنگ سے امریکیوں کو پہلے ہی دسیوں ارب ڈالر کا نقصان پہنچ چکا ہے۔

امریکی میڈیا کے مطابق پینٹاگون نے مارچ کے آغاز میں کانگریس کو بتایا تھا کہ جنگ کے پہلے چھ دنوں میں 11.3 ارب ڈالر لاگت آئی ہے۔ سیویل کے خیال میں درحقیقت یہ لاگت اس سے کہیں زیادہ ہے۔ جنگ کے نتیجے عوامی قرضوں میں روزانہ کی بنیاد پر بہت بڑی رقم کا اضافہ ہو رہا ہے۔

ہارورڈ یونیورسٹی کے دفاعی بجٹ کی ماہر لنڈا بلائمز کا کہنا ہے کہ ممکنہ طور پر اس جنگ پر پہلے ہی تقریباً روزانہ کی بنیاد پر دو ارب ڈالر لاگت آ رہی ہے۔

سیویل کا کہنا ہے کہ جنگی اخراجات کا بوجھ ہمیشہ اوسط امریکی پر پڑتا ہے۔ جنگ کے نتیجے میں ایندھن کی قیمتیں اوپر جا چکی ہیں۔ اس کے علاوہ مہنگائی، کاروبار میں غیر یقینی صورتحال اور انشورنس کی لاگت میں اضافے جیسے طویل مدتی اثرات بھی پڑیں گے۔

وائٹ ہاؤس پہلے ہی کہہ چکا ہے کہ ایران میں جنگ کے لیے مزید 200 ارب ڈالر کا مطالبہ کیا جائے گا جو ایک بہت خطیر رقم ہے۔

مشرق وسطیٰ کشیدگی کے دوران متحدہ عرب امارات اور قطر جانے والے پاکستانیوں کی تعداد میں غیر معمولی اضافہ ہوگیا جبکہ سعودی عرب جانے والوں کی تعداد میں مجموعی طور پر 57 فیصد کمی ہوگئی۔

ذرائع کے مطابق 3 ماہ ماہ میں متحدہ عرب امارات جانے والوں میں 1500 فیصد سے زائد اضافہ ہوگیا، مارچ 2026 میں یو اے ای جانے والوں میں 320 فیصد اضافہ ریکارڈ کیا گیا۔

مارچ میں 9533 پاکستانی متحدہ عرب امارات گئے،گزشتہ سال تعداد 2271 تھی، فروری میں 692 فیصد کا بڑا اضافہ دیکھا گیا،14035 پاکستانی یو اے ای منتقل ہوئے، جنوری 2026 میں بھی متحدہ عرب امارات جانے والوں میں 505 فیصد اضافہ ریکارڈ کیا گیا۔

قطر جانے والوں کی تعداد میں 110 فیصد اضافہ ہوگیا،17687 افراد منتقل ہوئے، صرف مارچ میں قطر جانے والوں کی تعداد میں معمولی کمی دیکھی گئی، کویت جانے والوں کی تعداد میں بھی اضافہ،3 ماہ میں 184 پاکستانی گئے۔

دیگر خلیجی ممالک کے برعکس سعودی عرب جانے والوں کی تعداد میں مجموعی طور پر 57 فیصد کمی آئی، رواں سال کے پہلے 3 ماہ میں 57500 سے زائد پاکستانی سعودی عرب گئے، صرف مارچ کے دوران 23366 پاکستانی سعودی عرب منتقل ہوئے۔

اسرائیل کی ایمرجنسی سروسز کا کہنا ہے کہ ایران کی جانب سے اسرائیل پر میزائل حملوں کی اطلاعات کے بعد اس کی ٹیموں کو متعدد علاقوں میں تعینات کر دیا گیا ہے۔

وسطی اسرائیل میں کئی مقامات پر میزائل اہداف پر گرے۔ 24 گھنٹے میں مزید 104 اسرائیلی زخمی ہوگئے۔ یمن سے حوثیوں نے بھی میزائل حملہ کردیا۔ حزب اللہ نے جنوبی اسرائیل میں صیہونی فوج کا ڈرون مار گرایا۔

دوسری جانب اسرائیل کا کہنا ہے کہ اس نے ایک فیکٹری پر حملہ کیا جو اس کے بقول کیمیائی ہتھیاروں کی تیاری میں ملوث تھی۔ تاہم ایران کا کہنا ہے کہ جس فیکٹری کا نشانہ بنایا گیا وہاں دوائیں تیار کی جاتی ہیں۔

خلیجی ممالک پر حملے حاری رہے۔ کویت کے بین الاقوامی ہوائی اڈے پر ایندھن کے ڈپو کو ڈرون کے ذریعے نشانہ بنایا گیا جس کی وجہ سے آگ بھڑک اٹھی۔

سعودی عرب کا کہنا ہے کہ اس نے دو ڈرونز روکے ہیں، بحرین پر بھی حملہ کیا گیا ہے اور قطر کے ساحل کے نزدیک ایک آئل ٹینکر کو میزائل حملے کا نشانہ بنایا گیا۔

ایرانی وزیرخارجہ عباس عراقچی کا کہنا ہے کہ امریکا سے مذاکرات کرنے پر ایران کو تحفظات ہیں، ایران عارضی جنگ بندی کے بجائے پورے خطے میں دشمنی کے خاتمے کو قبول کریگا۔

الجزیرہ ٹی وی سے گفتگو میں ایرانی وزیرخارجہ عباس عراقچی نے کہا کہ اسٹیو وٹکوف سے براہ راست پیغامات وصول کئے لیکن اس مطلب یہ نہیں مذاکرات ہورہے ہیں، جو کچھ اس وقت ہو رہا ہے وہ مذاکرات نہیں بلکہ پیغامات کا تبادلہ ہے، خطے میں موجود دوستوں کے ذریعے پیغامات کا تبادلہ ہوا ہے۔

عباس عراقچی نے کہا کہ ایران میں کسی مخصوص فریق کے ساتھ مذاکرات کی خبریں درست نہیں، یہ تمام پیغامات وزارت خارجہ اور سیکیورٹی اداروں کے دائرہ کار میں آتے ہیں ، ہم نے امریکی 15 تجاویز پر کوئی جواب نہیں دیا، امریکا سے مذاکرات کرنے پر ایران کو تحفظات ہیں۔

ایرانی وزیرخارجہ نے کہا کہ آبنائے ہرمز مکمل طور پر کھلا ہے، آبنائے ہرمز صرف ان کے لیے بند ہے جو ہم سے جنگ کر رہے ہیں، یہ جنگ ہم نے نہیں شروع کی،ہم نے صرف اپنا دفاع کیا، ایران اپنا دفاع اچھی طرح کرنا جانتا ہے۔

انہوں نے مزید کہا کہ ایران امریکی زمینی کارروائی سے خوفزدہ نہیں، ہم امریکا کی زمینی کارروائی کا انتظار کررہے ہیں، ہمیں نہیں لگتا امریکا میں زمینی کارروائی کی ہمت ہے، کسی بھی زمینی حملے کا مقابلہ کرنے کیلئے پوری طرح تیار ہیں۔

مشرق وسطیٰ میں جنگ کے باعث عالمی منڈی میں خام تیل کی قیمتوں میں ہوشربا اضافہ ہوگیا۔

رپورٹ کے مطابق برطانوی کروڈ کی قیمت 118 ڈالر فی بیرل سے تجاوز کرگئی جبکہ امریکی خام تیل 103 ڈالر فی بیرل میں فروخت ہورہا ہے۔ اِس وقت آبنائے ہرمز پر تقریباً 3 ہزار جہاز پھنسے ہوئے ہیں۔

متحدہ عرب امارات بھی تیل بحران سے محفوظ نہ رہ سکا۔ حکومت نے پیٹرول اور ڈیزل کی قیمتوں میں 30 سے 70 فیصد تک اضافہ کردیا ۔

ڈیزل کی نئی قیمت 2.72 درہم سے بڑھ کر 4.69 درہم ہوگئی ۔ سپر پیٹرول، اسپیشل نائنٹی فائیو اور ای پلس نائنٹی ون پیٹرول کی قیمتوں میں بھی نمایاں اضافہ کردیا گیا ۔

امریکی صدر ڈونلڈ ٹرمپ نے دو سے تین ہفتوں میں ایران کیخلاف جنگ ختم کرنے کا اعلان کردیا۔

ڈونلڈ ٹرمپ نے واضح کردیا کہ ایران میں مزید رکنے کی کوئی وجہ نہیں رہی ۔ ممکن ہے دو سے تین ہفتوں سے بھی پہلے جنگ ختم ہو۔ جنگ ختم کرنے کیلئے ڈیل ضروری نہیں

صدر ٹرمپ نے دعویٰ کیا کہ ایران میں رجیم چینج پہلے ہی ہوچکی ہے لیکن رجیم چینج امریکا کا مقصد نہیں تھا بلکہ فوجی کارروائی کا اصل مقصد ایران کو جوہری ہتھیار حاصل کرنے سے روکنا تھا اور یہ ہدف حاصل کرلیا گیا۔ نئی قیادت کم شدت پسند ہے۔

صدر ٹرمپ نے مزید کہا کہ ایران کو دوبارہ تعمیر کرنے میں 15 سے 20 سال لگیں گے۔ ایران کے پاس نہ نیوی ہے نہ فوج اور نہ ائیرفورس ہے۔

امریکی صدر نے واضح کیا کہ آبنائے ہرمز میں جو کچھ ہوگا اس سے ہمارا کوئی لینا دینا نہیں ۔ فرانس، چین اور دیگر ممالک کو تیل چاہیے تو جائیں اور ہرمز سے تیل لے لیں ۔ ان ممالک کو اپنا دفاع کرنا چاہیے ۔ صدر ٹرمپ کل امریکی قوم سے خطاب کریں گے جس میں ایران جنگ سے متعلق اہم اعلان متوقع ہے۔

ایران کے صدر مسعود پزشکیان نے بیان جاری کرتے ہوئے کہا کہ ایران جنگ ختم کرنے کے لیے تیار ہے،جنگ اس وقت ختم ہوگی جب مطالبات پورے کئے جائیں گے۔

ایرانی صدر  نے کہا کہ اس بات کی ضمانت دی جائے آئندہ اس پر دوبارہ کوئی حملہ نہیں ہوگا،خلیج فارس اور آبنائے ہرمز کی موجودہ صورتحال دشمنانہ اقدامات کا نتیجہ ہے، آبنائے ہرمز امریکا اور ان کے اتحادیوں کے جہازوں کے لیے بند ہے، جنگ میں کسی بھی بہانے سے بیرونی مداخلت کے سنگین نتائج ہوں گے، یورپی یونین کی امریکی اور صہیونی جرائم پر خاموشی افسوسناک ہے،ہمارا خطے کے ممالک پر حملہ کرنے کا کوئی ارادہ نہیں تھا،خطے میں امریکی فوجی اڈے ہونے کی وجہ سے حملے کئے گئے۔

امریکی وزیرجنگ پیٹ ہیگسیتھ  نے بریفنگ دیتے ہوئے کہا کہ ہفتے کو مشرقِ وسطیٰ کے دورے پرگیا،امریکی فوجیوں سے ملاقات کی،ہماری طیارے ایران میں کارروائیوں میں مصروف ہے،ہمارے پائلٹ ایران میں بہت موثر طریقے سے کام کرتے ہیں،ایران میں اہداف کا حصول کامیابی سے جاری ہے۔

امریکی وزیرجنگ کا کہناتھا کہ آپریشن ایپک فیوری کامیابی اور تیزی سے جاری ہے،ہم نے ایرانی نیوی ،فضائی اور لیڈر شپ کو ختم کردیا،گذشتہ روز ایران  میں 200مقامات پر حملے کئے،ایران کچھ میزائل فائر کرتا ہے وہ بھی ہم گرادیتے ہیں،امریکی صدر ڈونلڈ ٹرمپ ایران کے ساتھ ڈیل چاہتے ہیں،ایران کے ساتھ جنگ میں آنے والے دن فیصلہ کن ہوں گے،امریکا کے بہت آپشنز موجود ہیں لیکن ایران پر آپشنز کم ہوتے جارہے ہیں،ایران کی فضائی حدود میں کارروائیاں کرہے ہیں۔

انہوں نے کہا کہ اگر ایران معاہدہ نہیں کرتا تو جنگ مزید شدت کے ساتھ جاری رہے گی، اگر ایران سمجھداری کا مظاہرہ کرے تو وہ معاہدہ کر لے گا، ایران کی سپلائی چین کو مکمل طور پر تباہ کردیا، ایران کی نئی حکومت پہلے والی سے عقل مند ہونی چاہیے۔

اس موقع پر  جنرل ڈین کین کا کہناتھا کہ ایران کی صلاحیتوں کو تباہ اور کمزور کرنے کا سلسلہ جاری ہے،ایران میں اہم صنعتی اور تحقیقی مراکز پر  حملے جاری ہیں،امریکی فوج نے ایران کی بحریہ کے 150 سے زائد جہاز تباہ کر دیے، ایرانی میزائلوں کی مینوفیکچرنگ سائٹس کو بھی نشانہ بنا رہے ہیں،ایران میں  اب تک 11,000 سے زائد اہداف کو نشانہ بنایا ہے۔ 

ترجمان قطری وزارت خارجہ نے بیان جاری کرتے ہوئے کہاہے کہ امریکا اور ایران میں ثالثی کے عمل میں قطر شریک نہیں ہے، ہماری توجہ اپنے وطن کے دفاع پر مرکوز ہے۔

تفصیلات کے مطابق پاکستان کی جانب سے کی جانے والی کوششوں کی مکمل حمایت کرتے ہیں، فریقین، ثالثوں اور خطے کے دیگر کرداروں کے ساتھ مسلسل رابطے میں ہیں، امید ہے پاکستان کی کوششیں کامیاب ہونگی، مستقل امن و استحکام کا باعث بنیں گی۔

ترجمان کا کہناتھا کہ امریکہ کے ساتھ اسٹریٹجک دفاعی شراکت داری نے تحفظ میں اہم کردار ادا کیا، قطر کی مسلح افواج نے تقریباً 90 فیصد حملوں کو ناکام بنایا، یہ واضح ہو گیا کہ قطر کوئی آسان ہدف نہیں ہے۔

امریکی صدر ڈونلڈ ٹرمپ نے آبنائے ہرمز استعمال کرنے والے ممالک کو مشورہ دیتے ہوئے کہا کہ جوبرطانیہ کی طرح آبنائے ہرمز سے تیل نہیں نکال پا رہے وہ امریکا سے تیل خریدیں، جو ایسا نہیں کرتے وہ ممالک خود اپنی حفاظت اور وسائل کے حصول کے لیے ہمت پیدا کریں۔

تفصیلات کے مطابق صدر ٹرمپ کا کہناتھا کہ امریکا ان کیلئے موجود نہیں ہو گا جیسے وہ امریکا کیلئے موجود نہیں تھے، ایران اب بنیادی طور پر کمزور یا تباہ ہو چکا ہے، مشکل مرحلہ مکمل ہو چکا ہے، باقی ممالک کو خود اپنی توانائی کے لیے اقدامات کرنے ہوں گے، فرانس نے اسرائیل جانے والے طیاروں کو اپنی فضائی حدود استعمال کرنے نہیں دی، فرانس نے ایران کے خلاف کارروائی میں بالکل بھی مدد نہیں کی، امریکا ان کا یہ رویہ کبھی نہیں بھولے گا۔

امریکی سائنسی جریدے نے دعویٰ کیا ہے کہ ایران کا 60 فیصد افزودہ یورینیم اب بھی محفوظ ہے۔

امریکی سائنسی جریدے کےمطابق گزشتہ سال حملےسےپہلے ایران ممکنہ طور پر ایٹمی مواد اصفہان منتقل کرچکا تھا، 9 جون کو ایک گاڑی 18 کنٹینرز کےساتھ نطنز پلانٹ سے نکلی تھی۔

سائنسی جریدہ کی جانب سےکہاگیا ہےکہ سیٹلائٹ تصاویرمیں نظر آنےوالےکنٹینرز ایٹمی مواد محفوظ کرنے کیلئےاستعمال ہوتے ہیں،60 فیصد افزودہ یورینیم کو 10 دن کےاندر ایٹمی ہتھیاروں کےدرجے تک افزودہ کیاجا سکتا ہے۔

پینٹاگون نے جنگ سے پہلے سیکرٹری آف وار کی سرمایہ کاری کی تردید کردی۔

پینٹاگون کے ترجمان شان پارنل کےمطابق خبرمیں کیےگئےدعوے حقائق پر مبنی نہیں اور ان کا حقیقت سے کوئی تعلق نہیں،،یہ الزام سراسر جھوٹا اور من گھڑت ہے،ایسی غیر مصدقہ رپورٹس عوام کو گمراہ کرنے کا باعث بنتی ہیں، اس لیے خبر فوری طور پر واپس لی جانی چاہیے۔

واضح رہےکہ برطانوی اخبارفنانشل ٹائمز نے رپورٹ کیا تھا کہ وزیرِ دفاع کے ویلتھ مینیجر نےجنگ سے چند ہفتےقبل بلیک راک سےدفاعی شعبے کے ایک فنڈ میں بڑی سرمایہ کاری کے حوالے سے رابطہ کیا تھا،2 کمپنیوں کے شیئرز دستیاب نہیں تھے اس لیے سرمایہ کاری نہ ہوسکی۔

دوسری جانب وال اسٹریٹ جرنل کےمطابق امریکا نےاصفہان پربنکربسٹربم گرائے،اصفہان میں اسلحہ ڈپو پر907 کلوگرام وزنی بم گرایا گیا،حملے  میں بڑی مقدار میں پینی ٹریٹر اسلحہ استعمال کیا گیا،صدر ٹرمپ نےاصفہان پر بمباری کے بعد دھماکوں کی فوٹیج بھی شیئر کردی۔

امریکی اشاعتی و نشریاتی ادارے بلوم برگ نےتیل کی قیمت 200 ڈالر فی بیرل تک جانے کا خدشہ ظاہر کردیا۔

امریکی اشاعتی و نشریاتی ادارے بلوم برگ نے ایران سے امریکا اسرائیل کی جنگ طویل ہونے کی صورت میں عالمی معیشت کو بڑا دھچکا لگنے کا انتباہ بھی کردیا،رپورٹ میں کہا گیا ہے آبنائے ہرمز کی بندش سے عالمی تیل سپلائی میں یومیہ تقریباً 11 ملین بیرل کی کمی ریکارڈ کی جا رہی ہے

رپورٹ کےمطابق یورپ میں ڈیزل کی قلت کےخطرات بڑھ گئے،عالمی مہنگائی میں اضافہ اور معیشتوں پر دباؤ تیز ہورہا ہے،کئی ممالک نے ایندھن بچانے کے اقدامات اور راشننگ شروع کردی ہے،بلوم برگ کے مطابق سعودی عرب اوریو اے ای متبادل راستوں سے سپلائی بڑھانے کیلئے کوشاں ہیں،بحران سے نمٹنے کیلئےعالمی ذخائر بھی استعمال کیےجارہےہیں لیکن یہ حل مستقل اور پائیدار حل نہیں۔

بلوم برگ رپورٹ کےمطابق ایل این جی سپلائی متاثر،گیس بحران کے خدشات بھی بڑھ گئے،کئی ممالک نے ایندھن بچانے کے اقدامات اور ریشننگ شروع کردی،طویل جنگ کی صورت میں عالمی معیشت کو بڑا جھٹکا لگنے کا خدشہ ہے، طلب کم کرنے کیلئے قیمتوں میں مزید اضافہ ناگزیر ہے۔

امریکی اخبار وال اسٹریٹ جرنل کے مطابق صدر ٹرمپ ایران کے خلاف جنگ ختم کرنے پر آمادہ ہیں۔

ٹرمپ نےمشیروں کوبتایا کہ وہ آبنائے ہرمزکھلوائے بغیرتنازع ختم کرنا چاہتے ہیں،ٹرمپ نےفیصلہ کیا کہ فی الحال ایرانی بحریہ اورمیزائل ذخیرے کو ختم کرنے کے اپنے اہداف پر توجہ دی جائے۔

سرکاری عہدیدارکےمطابق ٹرمپ نےکہا عالمی گزرگاہ کھلوانے کیلئے فورسز بھیجتے ہیں تو تنازع چھ ہفتوں سےبڑھ جائےگا،اہم گزرگاہ کھلوانے کیلئے ایران پرسفارتی دباؤ ڈالا جائےگا،بصورت دیگر یورپی اور خلیجی قیادت پر زور دیا جائے کہ وہ عالمی گزرگاہ کھلوانے کی قیادت کریں۔ 

دوسری جانب اسرائیل اور امریکا کی ایران پر جارحیت جاری ہے،صوبہ ہرمزگان میں کارگو کشتی پر حملے میں آٹھ افراد شہید ہوگئے،اصفہان،نجف آباد،مبارکہ،کاشان اورشہرضا پر بھی بمباری کی گئی،ایران میڈیا کےمطابق مختلف مقامات میں دھماکوں کے بعد دھوئیں کے بادل چھاگئے۔

ایران کابھی جوابی وار،صیہونی ریاست پر میزائل داغ دیے،شارجہ میں بھی ڈرون حملہ کیا گیا،ٹیلی کام کمپنی کی عمارت کو نشانہ بنایا گیا،دبئی میں ڈرون کاملبہ گرنے سے چار افراد زخمی ہوگئے،دبئی ساحل کےقریب کویتی آئل ٹینکر پرپروجیکٹائل کاحملہ،جہازمیں آگ بھڑک اٹھی،یوکےمیری ٹائم ایجنسی کے مطابق جہاز پر موجود تمام عملہ محفوظ ہے۔

اسرائیل اور امریکا کی ایران پر جارحیت جاری 
اصفہان،نجف آباد،مبارکہ ،کاشان اور شہرضاپر بمباری 
مختلف مقامات میں دھماکوں کے بعد دھوئیں کے بادل چھاگئے،ایرانی میڈیا
بعض صنعتی اور سیکیورٹی تنصیبات کونقصان پہنچنے کی اطلاعات
صوبہ ہرمزگان میں کارگو کشتی پر حملے میں 8افراد جاں بحق

عالمی مارکیٹ میں خام تیل کی قیمتوں میں  اضافہ ریکارڈ کیا جارہا ہے۔

غیرملکی میڈیا رپورٹس کے مطابق امریکی خام تیل 3.40فیصداضافےسے106ڈالرفی بیرل ہوگیا،برینٹ کروڈ 0.19 فیصد اضافے سے 112 ڈالر فی بیرل ہوگیا۔

دوسری جانب پاسدارانِ انقلاب ایران نےمیزائلوں اورڈرونز سے خطے میں امریکا کے 5 فوجی اڈوں کمانڈ اینڈ کنٹرول مراکز،ڈرون تنصیبات اور مختلف مقامات پر موجود امریکا اور اسرائیل کے اہلکاروں کو نشانہ بنانے کا دعویٰ کیا ہے۔

ترجمان وائٹ ہاؤس کیرولائن لیویٹ نے کہاہے کہ ایران کے ساتھ مذاکرات جاری ہے، اچھی پیش رفت ہو رہی ہے،جو کچھ عوام میں کہا جاتا ہے وہ نجی ملاقاتوں سے مختلف ہوتا ہے۔

تفصیلات کے مطابق ترجمان وائٹ ہاؤس کا کہناتھا کہ ایران کے پاس اب امریکایا اس کے اتحادیوں کو دھمکی دینے کی صلاحیت نہیں،صدر ٹرمپ پہلے دن سے امریکا کو محفوظ بنانے کی کوشش کررہے ہیں،ایران کی نیوی ،فضائی اور دفاعی نظام مکمل طور پر تباہ کردیا،ایرانی حکومت کے لیے حقیقی معاہدہ کرنے کا اچھا موقع ہے۔

انہوں نے کہا کہ ایران کو چاہیے وہ جوہری عزائم کو مستقل طور پر ترک کردے،اہداف کے حصول تک آپریشن ایپک فیوری جاری رہے گا،چند روز میں آبنائے ہرمز سے مزید 20 آئل ٹینکرز کے گزرنے کی توقع ہے۔

امریکی صدر ڈونلڈ ٹرمپ نے نیویارک پوسٹ سے گفتگو کرتے ہوئے کہا کہ  مجھے لگتا ہے مجتبیٰ خامنہ ای شدید زخمی اور بری حالت میں ہیں، ایرانی اسپیکر کے بارے میں ایک ہفتے بعد بتاؤں گا،تب تک ہم بہت کچھ جان لیں گے۔

تفصیلات کے مطابق صدرٹرمپ کا کہناتھا کہ ایران میں رجیم چینج ہوگیا ہم نئے گروپ سے بات کررہے ہیں،اسرائیلی ریفائنری پر ایرانی حملے کا جواب  آپ تھوڑی دیر میں دیکھ لیں گے،جلد یہ جان لیں گے  ایرانی پارلیمنٹ کے اسپیکر تعاون کے لیے تیار ہیں یا نہیں۔

امریکی وزیر خارجہ

امریکی وزیر خارجہ مارکو روبیو نے الجزیرہ ٹی وی سے گفتگو کرتے ہوئے کہا کہ ایران اور امریکا کے درمیان ثالثوں کے ذریعے  بات چیت ہوئی،نہیں معلوم ایران میں اس وقت کون حکمرانی کررہا ہے،آبنائے ہرمز پر ایران کی حاکمیت کو تسلیم کرنا قابل قبول ہے،ایران نیوکلیئر ہتھیار حاصل کر کے دنیا کو دھمکانا اور بلیک میل کرنا چاہتا ہے،ایران کو نیوکلیئر ہتھیار حاصل کرنے کی اجازت نہیں دی جائے گی۔

امریکی وزیر خارجہ نے کہا کہ ایران کو دہشت گردی کی حمایت اور پڑوسیوں کو دھمکانا بند کرنا ہوگا،عسکری کارروائیاں ختم ہونے کے بعد آبنائے ہرمز سے متعلق اقدام کرینگے،آبنائے ہرمز کی بندش سے اتحادیوں پر پڑنے والے اثرات سے آگاہ ہیں،نیٹو کا رویہ تشویشناک اور مایوس کن ہے،افسوس ہے کہ اسپین نے ہمیں اپنے اڈے استعمال کرنے سے منع کیا۔

ایرانی صدر مسعود پزشکیان

ایرانی صدر مسعود پزشکیان نے بیان جاری کرتے ہوئے کہا کہ  جنگ کے خاتمے کا کوئی بھی فیصلہ ہماری شرائط پر ہوگا،جنگ تمام حالات کو مدنظر رکھ کر کی جائے گی،ایرانی عوام کی عزت اور مفادات کا ہرقیمت پر تحفظ کریں گے،آج ایران دنیا کے سامنے  روشن موتی کی طرح چمک رہا ہے،ملکی حفاظت اور سلامتی  کیلئے مسلح افواج کا کردار تاریخی ہے۔

عرب میڈیا

ایران نے 30روز میں خلیجی ممالک پر 5ہزار200حملے کئے،سعودی عرب نے 57میزائلوں اور 1006ڈرونز کو روکا،کویت پر ایران کی جانب سے 309بیلسٹک میزائل داغے گئے،کویتی فوج نے 616ڈرون حملوں کو ناکام بنایا،قطر پر ایران نے 206میزائل اور90ڈرونز داغے،بحرین نے 174میزائل اور 391ڈرون مار گرائے،یواے ای نے 413میزائل اور 1914ڈرونز کو روکا،ایران نے سلطنت عمان پر19ڈرون حملے کئے۔ 

امریکی صدر ڈونلڈ ٹرمپ نے ایک بار پھر ایران کو دھمکی  دیتے ہوئے کہا کہ  معاہدہ طے نہ پایا تو ایران کے تمام بجلی پیدا کرنے والے مراکز تباہ کریں گے۔

سوشل میدیا پر جاری پیغام میں ڈونلڈ ٹرمپ کا کہناتھا کہ امریکا ایران میں اپنی فوجی کارروائیاں ختم کرنے کے لیے ایک نئی اور زیادہ معقول قیادت کے ساتھ سنجیدہ مذاکرات کر رہا ہے جس میں خاطر خواہ پیش رفت ہو چکی ہے۔ اگر کسی وجہ سے جلد معاہدہ طے نہ پایا اور آبنائے ہرمز فوری طور پر کاروبار کے لیے کھولی نہ گئی۔ تو ہم ایران کے تمام بجلی پیدا کرنے والے مراکز۔ تیل کے کنوؤں اور خارگ جزیرے کو تباہ کردیں گے۔ ان تنصیبات کو ہم نے دانستہ طور پر اب تک نہیں چھیڑا۔

ایران نے پاسدارانِ انقلاب کی بحریہ کے کمانڈر علی رضا تنگسیری کی شہادت کی تصدیق کر دی۔

غیر ملکی خبر ایجنسی کے مطابق ایرانی پاسدارانِ انقلاب نے علی رضا تنگسیری کی شہادت کی تصدیق کرتے ہوئے کہا ہے کہ وہ شدید زخمی تھے۔ اسرائیلی وزیرِ دفاع نے دعویٰ کیا تھا کہ 26 مارچ کو اعلیٰ افسران کو نشانہ بنایا گیا تھا۔

بین الاقوامی میڈیا رپورٹس کے مطابق ایک اسرائیلی عہدیدار نے بتایا ہے کہ حملہ ایرانی شہر بندر عباس میں کیا گیا جہاں علی رضا تنگسیری کو نشانہ بنایا گیا تھا۔

ایرانی دفترخارجہ نے امریکا کے ساتھ ثالثوں کے ذریعے پیغام رسانی کی تصدیق کردی۔

ترجمان اسماعیل بقائی کے مطابق امریکا کے ساتھ کوئی براہ راست مذاکرات نہیں ہورہے تاہم امریکا کے ساتھ ثالثوں کے ذریعے پیغام رسانی ہوتی ہے۔

اسماعیل بقائی نے کہا کہ ایران ہر جگہ اپنے شہریوں کے حقوق کا تحفظ کرے گا، امید ہے متحدہ عرب امارات ایرانی شہریوں کے ساتھ دور اندیشی سے پیش آئے گا۔

ان کا مزید کہنا تھا کہ لبنان میں ایران کے سفیر بیروت میں اپنی ذمہ داریاں جاری رکھیں گے، روس یوکرین جنگ اور امریکا ایران جنگ کا کوئی موازنہ نہیں بنتا۔

قبل ازیں امریکی صدر نے کہا کہ پاکستان کے ذریعے ایران امریکا مذاکرات میں پیشرفت ہورہی ہے۔ ڈونلڈ ٹرمپ نے کہا کہ ایران کے ساتھ ڈیل جلد ہوسکتی ہے۔ ایران نے کئی جہازوں کو آبنائے ہرمز سے گزرنے کی اجازت دی،جہاز گزرنے میں ایرانی اسپیکر کی اجازت شامل تھی۔

ایران نے امریکا اور اسرائیل کے حملوں کو بھرپور جواب دیا۔ اسرائیل کے شہر حیفا اور دیگر علاقوں میں اہم تنصیبات پر میزائل داغ دیے۔

جنوبی اسرائیل میں ایرانی میزائل حملے کے بعد کیمیکل پلانٹ میں خوفناک آگ بھڑک اٹھی۔ متحدہ عرب امارات، کویت اور بحرین میں بھی امریکی اہداف نشانہ بنے۔ کویتی وزارت دفاع نے پانچ ڈرونز مار گرانے کا دعویٰ کیا۔ کویتی حکام کے مطابق حملے میں ایک بھارتی شہری ہلاک ہوگیا۔

اسرائیلی میڈیا کے مطابق ایرانی میزائل حملے میں اسرائیلی آئل ریفارنری میں آگ بھڑک اٹھی، حیفا شہر کے آئل ریفائنری میں لگی آگ پر قابو پانے کی کوششیں جاری ہیں۔

 عراق میں امریکا کے زیر استعمال وکٹری ایئر بیس پر ڈرون حملہ کیا گیا جس میں عراقی اسپیشل فورسز کا طیارہ تباہ ہوگیا۔ جنوبی لبنان میں اسرائیلی فوج اور حزب اللہ کی لڑائی جاری ہے۔ حزب اللہ کے حملوں میں 6 اسرائیلی فوجی زخمی ہوگئے۔

دوسری جانب ترجمان قطری وزارت خارجہ نے کویت میں اہم تنصیبات پر ایرانی حملوں کی مذمت کرتے ہوئے کہا کہ کویت میں پاور اسٹیشنز اور واٹر پلانٹ پر حملہ قابل مذمت ہے، کویت کے ساتھ یکجہتی کا اظہارکرتے ہیں۔

تیل کی قیمتوں میں کمی کیلئے آسٹریلیا نے ایندھن پر ٹیکس میں کمی کردی۔

آسٹریلوی وزیراعظم انتھونی البانیز کا کہنا ہے کہ پیٹرول اور ڈیزل پر ٹیکس آدھا کردیا گیا جس سے تیل کی قیمتوں میں 18 سینٹ تک کمی ہوسکتی ہے۔ ٹیکس میں کٹوتی بدھ سے شروع ہوگی اور اگلے چار ماہ تک لاگو رہے گی۔

انہوں نے امریکی صدر نے جنگ کے اہداف واضح کرنے کا مطالبہ کرتے ہوئے کہا کہ چاہتے ہیں  جنگ کے مقاصد کے بارے میں زیادہ وضاحت ہو اور کشیدگی میں کمی ہونی چاہیے۔

دوسری جانب آبنائے ہرمز کی بندش سے فلپائن میں ایندھن کی شدید قلت پیدا ہوگئی، فلپائن بھر میں 365 پیٹرول اسٹیشنز بند ہوگئے، 28 فروری کے بعد فلپائن میں تیل کی قیمتیں دوگنی ہوچکی ہیں۔

مشرق وسطیٰ کی صورتحال اور پاکستان کی ثالثی کے معاملے پر آج ایوان صدر میں ایک اور بیٹھک ہوگی۔

صدرمملکت آصف علی زرداری اجلاس کی صدارت کریں گے۔ وزیراعظم شہبازشریف اور اہم وفاقی وزراء شرکت کریں گے۔ عسکری اور صوبائی قیادت کی شرکت بھی متوقع ہے۔

واضح رہے کہ مشرقِ وسطیٰ سے جنگ کے بادل ہٹانے کےلیے پاکستان نے امن کی شمع تھام لی ہے۔ گزشتہ روز خطے میں قیام امن کےلئے پاکستان، سعودی عرب، ترکی اور مصر کے وزرائے خارجہ کا اجلاس اسلام آباد میں منعقد ہوا۔ پاکستان، سعودی عرب، ترکیہ اور مصر نے امریکا ایران جنگ بندی پر اتفاق کرتے ہوئے مشرق وسطیٰ میں کشیدگی کے خاتمے پر زور دیا۔

اجلاس کے بعد پریس کانفرنس کے دوران وزیرخارجہ اسحاق ڈار نے کہا کہ تینوں مسلم ممالک نے پاکستانی کی سفارتکاری کی کوششوں کی تعریف اور  تائید کی۔  چین بھی پاکستان کے تعمیری کردار کی بھرپور حمایت کرتا ہے۔  خطے میں امن کیلئے پرعزم ہیں۔

اسحاق ڈار نے کہا کہ پاکستان ایران اورامریکا کے درمیان مذاکرات کیلئےکاوشیں کررہاہے، پاکستان کی امن کیلئے کاوشوں کو سراہا جانا چاہیے، وزیراعظم کی قیادت میں علاقائی، عالمی امن کیلئے پاکستان بھرپور کردار اداکررہاہے۔ خطےمیں جاری کشیدگی کسی کے مفاد میں نہیں۔ یواین چارٹرکےتحت تمام ممالک کی خودمختاری اورسلامتی کا احترام کیا جانا چاہیے۔

وزیرخارجہ نے کہا کہ اجلاس میں خطے کی بدلتی صورتحال کا جائزہ لیا گیا، اجلاس میں خطے کی صورتحال پر تفصیلی تبادلہ خیال کیا گیا، سعودی عرب،مصر اور ترکیہ کے وزرائے خارجہ نے مشاورتی اجلاس میں شرکت کی، سعودیہ، مصر اور ترکیہ کے وزرائے خارجہ کے ساتھ میٹنگ اچھی رہی، مسلم امہ کا اتحاد موجودہ صورتحال میں مزید اہمیت اختیار کرگیا ہے۔

نائب وزیراعظم کہا ہے کہ پاکستان خطے میں جاری کشیدگی کے خاتمے اور پائیدار امن کے قیام کے لیے بھرپور سفارتی کوششیں جاری رکھے ہوئے ہے اور اسی سلسلے میں ایران اور امریکہ کے درمیان ممکنہ مذاکرات کی میزبانی کے لیے تیار ہے۔ اسحاق ڈار نے عالمی برادری سے اپیل کی کہ وہ خطے میں امن کے قیام کے لیے پاکستان کی کوششوں کا ساتھ دے۔

اجلاس میں چاروں برادر ممالک کے درمیان تعاون کو مزید مضبوط بنانے پر بھی اتفاق کیا گیا اور اس مقصد کے لیے وزارت خارجہ کے سینئر حکام پر مشتمل ایک کمیٹی قائم کرنے کا فیصلہ کیا گیا جو باہمی مشاورت سے آئندہ لائحہ عمل طے کرے گی۔

وال سٹریٹ جرنل کی رپورٹ کے مطابق امریکی صدر ایران سے ایک ہزار پاؤنڈ وزنی یورینیئم نکالنے کے لیے فوجی آپریشن پر غور کر رہے ہیں۔

رپورٹ میں سکیورٹی اہلکاروں کے حوالے سے کہا گیا ہے کہ اس آپریشن میں امریکی فوج کئی دنوں یا طویل عرصے تک‘ ایران میں رہ سکتی ہے۔

ٹرمپ نے تاحال اس بارے میں فیصلہ نہیں کیا مگر وہ اس پر غور کر رہے ہیں کیونکہ اس سے ایران کو ایٹمی ہتھیار بنانے سے روکنے کا مرکزی ہدف حاصل کرنے میں مدد مل سکتی ہے۔

نیو یارک ٹائمز کی رپورٹ کے مطابق خطے میں تعینات فوجی دستوں کو اصفہان میں جوہری تنصیبات پر موجود افزودہ یورینیئم حاصل کرنے کے مشن میں استعمال کیا جا سکتا ہے۔ لیکن انھیں جزیرہ خارگ یا آبنائے ہرمز کے تحفظ کے لیے بھی استعمال کیا جا سکتا ہے۔

امریکی اخبار نیو یارک ٹائمز نے اس ماہ کے اوائل میں رپورٹ کیا تھا کہ یہ سمجھا جاتا ہے کہ اصفہان کے پہاڑ کے اندر جوہری ہتھیار بنانے کے لیے مواد رکھا گیا ہے جسے ضبط کر کے تباہ کرنے کے امریکی آپریشن پر ٹرمپ غور کر رہے ہیں۔

گزشتہ رات ایئر فورس ون میں صحافیوں سے گفتگو کرتے ہوئے ٹرمپ نے کہا کہ ایران یہ مواد حوالے کرنے کے لیے تیار ہے اور اگر وہ ایسا نہیں کرے گا تو اس کے پاس ملک ہی نہیں بچے گا۔

اقوام متحدہ کے جوہری توانائی اور یورینیم افزودگی کے نگران ادارے عالمی ایٹمی توانائی ایجنسی (آئی اے ای اے) نے تصدیق کی ہے کہ شمال مغربی ایران میں خنداب ہیوی واٹر ری ایکٹر کو اسرائیلی حملے میں ’شدید نقصان پہنچا ہے اور اس نے کام کرنا بند کر دیا ہے۔

ایران کی جوہری توانائی کے ادارے نے جمعہ کے روز بتایا تھا کہ جوہری تنصیبات پر دو بار حملہ کیا گیا ہے۔ حملے کی تصدیق شدہ فوٹیج میں ری ایکٹر کے قریب آگ کا ایک گولہ اور دھواں اٹھتا دیکھا جا سکتا ہے۔

ایرانی ادارے کا کہنا ہے کہ حملے کے نتیجے میں کسی جانی نقصان یا تابکاری کی اطلاع نہیں ہے۔ اسرائیل نے حملے سے کچھ دیر قبل پلانٹ سے انخلا کا حکم جاری کر دیا تھا۔

سیٹلائٹ کی تصویروں کے آزادانہ تجزیے اور پلانٹ کے متعلق حاصل معلومات کے بعد آج آئی اے ای اے نے بتایا ہے کہ اس پلانٹ میں کوئی اعلان کردہ جوہری مواد نہیں ہے۔

ایرانی ذرائع ابلاغ نے ملک کی وزارت توانائی کے حوالے سے خبر دی ہے دارالحکومت تہران میں بجلی کی تنصیبات پر حملے کے نتیجے میں ملک کے دو صوبوں تہران اور البرز کے کچھ حصوں میں بجلی کی فراہمی منقطع ہوگئی ہے۔

نائب وزیرِ توانائی مصطفیٰ رجبی مشہدی نے سرکاری ٹی وی پر کہا ہے کہ کرج شہر کے باہر ایک شارپنل بجلی کے ایک بڑے کھمبے سے ٹکرا ہے۔ اس سے قبل ایک ذریعہ نے شہر میں بجلی کی فراہمی میں تعطل کی اطلاع دی تھی۔

ایرانی حکام کا مزید کہنا تھا کہ آج رات ہونے والے حملوں کی وجہ سے مشرقی تہران میں ایک پاور ٹرانسمیشن کا سب سٹیشن تباہ ہو گیا ہے تاہم انھوں نے لوگوں کو تسلی دی کہ انھیں پریشان ہونے کی ضرورت نہیں۔ بعد ازاں بمباری کے بعد تہران اور کاراج میں معطل بجلی بحال کردی۔

لبنان میں اقوام متحدہ کی عبوری فورس کا کہنا ہے کہ جنوبی لبنان میں ادچیت القصیر میں فورس کی پوزیشن کے نزدیک ایک پروجیکٹائل کے پھٹنے کے نتیجے میں امن فوج کا ایک اہلکار جاں بحق جبکہ 3 زخمی ہوگئے۔

ایکس پر جاری ایک بیان میں لبنان میں اقوام متحدہ کی عبوری فورس کا کہنا ہے کہ امن کے مقصد کی خدمت کرتے ہوئے کسی کو بھی اپنی جان سے ہاتھ نہیں دھونا چاہیے۔

فورس کا کہنا ہے کہ ابھی انھیں اس بارے میں اطلاع نہیں کہ یہ پروجیکٹائل کہاں سے آیا تھا اور اس متعلق تحقیقات کا آغاز کر دیا گیا ہے۔

اس سے قبل عالمی ادارہ صحت کے سربراہ کا کہنا تھا کہ اتوار کو جنوبی لبنان میں ایک ایمبولینس پر حملے میں طبی عملے کا ایک رکن مارا گیا۔ انھوں نے اس کا الزام خطے میں اسرائیل کی بڑھتی ہوئی فوجی کارروائیوں‘ پر عائد کیا تھا۔ ٹیڈروس اذانوم گریبیسس کا کہنا تھا کہ جنوبی لبنان میں طبی سازوسامان کے ایک گودام کو بھی حملہ کر کے تباہ کر دیا گیا ہے۔

دوسری جانب ترجمان انڈونیشین وزارت خارجہ کے مطابق چاروں افراد انڈونیشین فوج کے اہلکار ہیں، انڈونیشیا نے واقعے کی مذمت کرتے ہوئے تحقیقات کا مطالبہ کردیا۔

ایران جنگ کو شروع ہوئے ایک ماہ سے زیادہ عرصہ ہو گیا ہے اور اب پیر کو ایشیا کی منڈیوں میں کاروبار کے آغاز پر تیل کی قیمتیں 115 ڈالر فی بیرل سے تجاوز کر گئی ہیں۔

برینٹ کروڈ کی قیمت اس وقت 115.84 ڈالر ہے جو 2.9 فیصد اضافہ ظاہر کرتی ہے۔ 28 فروری کو امریکی و اسرائیلی حملے قبل تیل کی قیمت 72 ڈالر فی بیرل کے لگ بھگ تھی۔

گذشتہ ہفتے 19 مارچ کو قیمت 118 ڈالر تک پہنچی تھی اور جمعے کی دوپہر تک یہ 112 ڈالر سے کچھ کم پر تھی۔ تیل کی قیمتوں میں ریکارڈ ماہانہ اضافے کا امکان ہے۔

میڈیا سے گفتگوں میں حکام کا کہنا ہے کہ اگر جنگ طویل ہوتی ہے تو حکومت کو قیمتیں بڑھانی پڑیں گی لیکن کم آمدن والے افراد کے لیے حکومت ٹارگٹڈ سبسڈی، پیٹرولم کی راشننگ (کوٹہ) مختص کرنے جیسے آپشنز پر غور کر رہی ہے۔

پاکستان کے پاس اگلے چار سے پانچ ہفتوں کی ضرورت کے لیے درکار خام تیل کی سپلائی یا انوینٹری موجود ہے تاہم اگر تیل کی قیمتیں بڑھتی رہیں تو حکومت کو کچھ اقدامات کرنے پڑیں گے۔

امریکی صدر ڈونلڈ ٹرمپ کا کہنا ہے کہ پاکستان کے ذریعے ایران امریکا مذاکرات میں پیشرفت ہورہی ہے۔

ڈونلڈ ٹرمپ نے کہا کہ ایران کے ساتھ ڈیل جلد ہوسکتی ہے۔ ایران نے کئی جہازوں کو آبنائے ہرمز سے گزرنے کی اجازت دی،جہاز گزرنے میں ایرانی اسپیکر کی اجازت شامل تھی۔

ایک طرف مذاکرات کی باتیں دوسری طرف زمینی کارروائی کی دھمکی کہا ایران کے خلاف مختلف آپشنز پر غور کر رہے ہیں،  امریکا خارگ جزیرے پر قبضہ کرسکتا ہے۔ خارگ جزیرے کو انتہائی آسانی سے حاصل کیا جا سکتا ہے۔

امریکی صدر نے کہا کہ فورسز نے اب تک ایران میں تیرہ ہزار ہداف کو نشانہ بنایا ہے۔ مجتبیٰ خامنہ ای کی صورتحال غیر واضح ہے، ان کی پہلی اور دوسری قیادت ختم ہوچکی ۔۔ تیسری قیادت ذمہ دار لگتی ہے۔

ترجمان خاتم الانبیاء ہیڈ کوارٹرز ابراہیم ذوالفقاری کا کہنا ہے کہ تباہی کے سوا امریکی فوج کے حصے میں کچھ نہیں آئے گا، امریکی فوج خلیج فارس کی شارک مچھلیوں کی خوراک بن جائیں گے۔

ایک بیان میں ترجمان ایرانی فوج ابراہیم ذوالفقاری نے کہا کہ امریکی صدر کئی بارزمینی کارروائی کی دھمکی دے چکے ہیں، خطہ امریکی فوجیوں کی ذلت آمیز قید میں تبدیل ہوجائے گا، تباہی کے سوا امریکی فوج کے حصے میں کچھ نہیں آئے گا۔

ابراہیم ذوالفقاری نے کہا کہ امریکی صدر ٹرمپ نیتن یاہو کے ہاتھوں مہرہ بن چکے، ڈونلڈ ٹرمپ دنیا کے سب سے زیادہ جھوٹ بولنے والے صدر ہیں، ٹرمپ اپنے عجیب وغریب بیانات کی وجہ سے قابل اعتماد نہیں، ٹرمپ کے غلط فیصلے امریکی فوج کو موت کی دلدل میں لے جارہے ہیں۔

وزیراعظم شہبازشریف کا کہنا ہے کہ مشرق وسطیٰ میں کشیدگی کے خاتمے کےلیے اجتماعی کوششیں ناگزیر ہیں۔ کشیدگی سے قیمتی جانوں، معیشت اور املاک کا نقصان ہورہا ہے۔

ترکیہ اور مصر کے وزرائے خارجہ نے وزیرِاعظم ہاؤس میں وزیرِاعظم محمد شہباز شریف سے ملاقات کی۔ نائب وزیرِاعظم و وزیرِ خارجہ سینیٹر محمد اسحاق ڈار، قومی سلامتی کے مشیر لیفٹیننٹ جنرل محمد عاصم ملک، معاونِ خصوصی طارق فاطمی اور سیکریٹری خارجہ سفیر آمنہ بلوچ بھی ملاقات میں موجود تھے۔

وزیراعظم نے معزز مہمانوں کو پاکستان کی سفارتی کاوشوں سے آگاہ کیا، وزیراعظم نے دونوں رہنماؤں کے ساتھ اپنی حالیہ گفتگو کا بھی ذکر کیا۔ وزیراعظم نے طیب اردوان،عبدالفتاح السیسی کیلئے نیک تمناؤں کا اظہار کیا۔

وزرائے خارجہ نے وزیرِاعظم کو مشرقِ وسطیٰ میں جاری صورتحال پر اپنے اپنے ممالک کے نقطہ نظر سے آگاہ کیا۔ وزیراعظم اور فیلڈ مارشل عاصم منیر کی قیادت کو خراج تحسین پیش کیا۔

وزیراعظم شہبازشریف نے کہا کہ کشیدگی کے خاتمے کیلئے اجتماعی کوششیں ناگزیر ہیں، پاکستان ایران امریکا مذاکرات کےلیے مثبت کردارادا کرتا رہے گا۔

ایرانی نائب صدرمحمد رضا عارف کا کہنا ہے کہ آبنائے ہرمز کا نظام اب ماضی جیسا نہیں رہے گا، آبنائے ہرمز کے  نظام میں بڑی تبدیلی لائیں گے۔

ایک بیان میں ایرانی نائب صدرمحمد رضا عارف نے کہا کہ جنگ میں کامیابیوں کو اقتصادی اور سیکورٹی فوائد کیلئے استعمال کریں گے۔

قبل ازیں ترجمان ایرانی حکومت نے کہا کہ آبنائے ہرمز پر ہمارا اختیار مانا جائے۔ پابندیوں کا خاتمہ ناگزیر ہے ۔ کسی بھی مذاکرات میں ہرجانے کا معاملہ بھی  زیر بحث آنا چاہیے۔

واضح رہے کہ ایران کے خلاف امریکا اور اسرائیل کے حملوں کے دوران خلیج میں متعدد جہازوں پر حملے ہوئے ہیں۔ ان میں تیل کے ٹینکر، کارگو اور دیگر کمرشل جہاز شامل ہیں۔

ایران نے خبردار کیا کہ آبنائے ہرمز سے گزرنے والے ہر جہاز کو نشانہ بنایا جائے گا۔ ابتدائی دنوں میں ہونے والے ان حملوں نے خطے کے کئی ممالک کو اپنی تیل کی پیداوار کم کرنے پر مجبور کیا اور عالمی توانائی مارکیٹ میں ہلچل مچ گئی۔

ماہرین کا کہنا ہے کہ خلیج میں جہازوں پر حملوں اور آبنائے ہرمز میں کشیدگی کے باعث عالمی توانائی سپلائی کو شدید خطرات لاحق ہو گئے ہیں۔ ان کے مطابق اگر یہ صورتحال برقرار رہی تو تیل اور ایل این جی کی ترسیل مزید متاثر ہو سکتی ہے، جس سے عالمی منڈی میں قیمتوں میں تیزی اور بین الاقوامی تجارت میں بڑی رکاوٹیں پیدا ہونے کا خدشہ ہے۔

تجزیہ کاروں کا یہ بھی کہنا ہے کہ آبنائے ہرمز میں عدم استحکام طویل ہوا تو دنیا بھر میں ایندھن اور شپنگ کے اخراجات میں نمایاں اضافہ ہو سکتا ہے۔

ایرانی میزائل حملے کے نتیجے میں اسرائیل کے جنوب میں واقع صحرائے نقب کے ایک انڈسٹریل مقام پر آگ لگ گئی ہے۔

اسرائیل کے سرکاری میڈیا کی جانب سے شیئر کی گئی فوٹیج میں ایک مقام سے اٹھتا ہوا دھواں دیکھا جا سکتا ہے، جو ان کے مطابق ایک انڈسٹریل کمپلیکس ہے۔ اسرائیلی فوج کا کہنا ہے کہ یہ نقصان ایرانی میزائل کا ایک ٹکڑا گرنے سے ہوا ہے۔

واضح رہے کہ ایران کے پاسدارانِ انقلاب کا کہنا ہے کہ آج اس کی جانب سے اسرائیل پر تازہ حملے کیے گئے ہیں۔ پاسدارانِ انقلاب کا کہنا تھا کہ خطے میں امریکی اور اسرائیلی اہداف کو لبنان میں اسرائیلی حملے میں ہلاک ہونے والے صحافیوں کی یاد میں نشانہ بنایا گیا ہے۔

آج صبح اسرائیلی فوج کی جانب سے کہا گیا تھا کہ اس کا فضائی دفاعی نظام ایران کی طرف سے فائر کیے گئے میزائلوں کو روک رہا ہے۔ متاثرہ علاقوں میں لوگوں کو محفوظ پناہ گاہوں میں منتقل ہونے کی ہدایات دی گئیں تھیں۔

ایران میں ہونے والے میزائل حملے کے نتیجے میں کراچی کے علاقے ماڑی پور سے تعلق رکھنے والا 26 سال کا نوجوان یاسر خان جاں بحق ہوگیا۔

اہل خانہ کے مطابق واقعہ ایران کی بندرگاہ بندر عباس پر پیش آیا جہاں یاسر ایک ٹگ بوٹ پر اپنے فرائض انجام دے رہا تھا کہ اچانک میزائل حملہ ہوگیا۔ یاسر کے بھائی واجد خان نے بتایا کہ 23 مارچ کی شب وہ ڈیوٹی پر موجود تھا جب حملہ ہوا اور وہ جان کی بازی ہار گیا۔

واجد خان نے کہا کہ واقعے کو 6 روز گزر گئے،میت تاحال پاکستان منتقل نہ ہو سکی، واقعے کے بعد حکومتی سطح پر کوئی رابطہ نہیں کیا گیا۔ حکومت فوری یاسر کی میت وطن واپس لائے۔

دوسری جانب سماء کی خبر پر پاکستانی سفیر مدثر ٹیپو پاکستان قونصل خانے زاہدان کوہنگامی طورپرہدایات جاری کردیں۔ پاکستانی سفیر مدثر ٹیپو نے کہا کہ یاسر کی میت فوری طور پروطن بھجوانے کے اقدامات کیے جائیں، یاسر کی میت سرکاری خرچ پر کراچی منتقل کی جائےگی۔

امریکی سینٹرل کمانڈ (سینٹکام) نے تصدیق کی ہے کہ ایک امریکی جنگی بحری بیڑا یو ایس ایس ٹریپولی 3500 سیلرز اور میرینز کو لے کر مشرقِ وسطیٰ پہنچ گیا ہے۔

سینٹکام کی جانب سے جاری کیے گئے بیان میں کہا گیا ہے کہ اس بحری بیڑے کے ہمراہ ایک ٹرانسپورٹ اور سڑائیک فائتر ہوائی جہاز بھی ہے۔

اس سے قبل واشنگٹن پوسٹ نے رپورٹ کیا تھا کہ پینٹاگون ایران میں کئی ہفتوں کے زمینی آپریشن کی تیاری کر رہا ہے۔ اس کا کہنا ہے کہ یہ واضح نہیں ہے کہ آیا ٹرمپ اس کی منظوری دیں گے یا نہیں۔

واشنگٹن پوسٹ رپورٹ کر رہا ہے کہ پینٹاگون ایران میں کئی ہفتوں کی زمینی کارروائیوں کی تیاری کر رہا ہے۔ اخبار نے امریکی حکام کے حوالے سے رپورٹ کیا ہے کہ یہ واضح نہیں ہے کہ صدر ٹرمپ زمینی فوج کی تعیناتی کے منصوبے کی منظوری دیں گے یا نہیں۔

رپورٹ میں کہا گیا ہے کہ موجودہ منصوبے اس بات کی نشاندہی کرتے ہیں کہ اس طرح کی زمینی کارروائیاں مکمل حملہ نہیں ہوں گی، بلکہ سپیشل آپریشنز فورسز اور روایتی پیادہ فورس کے ذریعے چھاپہ مار کارروائیاں کی جائیں گی۔

رپورٹس کے مطابق خلیج کی طرف جانے والے امریکی بحری جہازوں پر 4 ہزار سے زیادہ امریکی میرینز موجود ہیں جبکہ 82 ویں ایئر بورن کے پیرا ٹروپرز سٹینڈ بائی پر ہیں۔

مشرقِ وسطیٰ سے جنگ کے بادل ہٹانے کےلیے پاکستان نے امن کی شمع تھام لی۔ خطے میں قیام امن کےلئے پاکستان، سعودی عرب، ترکی اور مصر کے وزرائے خارجہ کا اجلاس اسلام آباد میں منعقد ہوا۔ پاکستان، سعودی عرب، ترکیہ اور مصر نے امریکا ایران جنگ بندی پر اتفاق کرتے ہوئے مشرق وسطیٰ میں کشیدگی کے خاتمے پر زور دیا۔

اجلاس کے بعد پریس کانفرنس کے دوران وزیرخارجہ اسحاق ڈار نے کہا کہ تینوں مسلم ممالک نے پاکستانی کی سفارتکاری کی کوششوں کی تعریف اور  تائید کی۔  چین بھی پاکستان کے تعمیری کردار کی بھرپور حمایت کرتا ہے۔  خطے میں امن کیلئے پرعزم ہیں۔

اسحاق ڈار نے کہا کہ پاکستان ایران اورامریکا کے درمیان مذاکرات کیلئےکاوشیں کررہاہے، پاکستان کی امن کیلئے کاوشوں کو سراہا جانا چاہیے، وزیراعظم کی قیادت میں علاقائی، عالمی امن کیلئے پاکستان بھرپور کردار اداکررہاہے۔ خطےمیں جاری کشیدگی کسی کے مفاد میں نہیں۔ یواین چارٹرکےتحت تمام ممالک کی خودمختاری اورسلامتی کا احترام کیا جانا چاہیے۔

وزیرخارجہ نے کہا کہ اجلاس میں خطے کی بدلتی صورتحال کا جائزہ لیا گیا، اجلاس میں خطے کی صورتحال پر تفصیلی تبادلہ خیال کیا گیا، سعودی عرب،مصر اور ترکیہ کے وزرائے خارجہ نے مشاورتی اجلاس میں شرکت کی، سعودیہ، مصر اور ترکیہ کے وزرائے خارجہ کے ساتھ میٹنگ اچھی رہی، مسلم امہ کا اتحاد موجودہ صورتحال میں مزید اہمیت اختیار کرگیا ہے۔

نائب وزیراعظم کہا ہے کہ پاکستان خطے میں جاری کشیدگی کے خاتمے اور پائیدار امن کے قیام کے لیے بھرپور سفارتی کوششیں جاری رکھے ہوئے ہے اور اسی سلسلے میں ایران اور امریکہ کے درمیان ممکنہ مذاکرات کی میزبانی کے لیے تیار ہے۔ اسحاق ڈار نے عالمی برادری سے اپیل کی کہ وہ خطے میں امن کے قیام کے لیے پاکستان کی کوششوں کا ساتھ دے۔

اجلاس میں چاروں برادر ممالک کے درمیان تعاون کو مزید مضبوط بنانے پر بھی اتفاق کیا گیا اور اس مقصد کے لیے وزارت خارجہ کے سینئر حکام پر مشتمل ایک کمیٹی قائم کرنے کا فیصلہ کیا گیا جو باہمی مشاورت سے آئندہ لائحہ عمل طے کرے گی۔

ایرانی اسپیکر محمد باقر قالیباف کا کہنا ہے کہ امریکا مذاکرات کی بات کر رہا ہے لیکن خفیہ طور پر زمینی حملے کی منصوبہ بندی کی جارہی ہے۔

ایک بیان میں محمد باقر قالیباف نے کہا کہ امریکا اور اسرائیل کی جانب سے ایران پر مسلط کردہ جنگ اہم موڑ پر پہنچ چکی ہے۔ ایرانی مسلح افواج امریکی زمینی کارروائی کا انتظار کررہی ہیں تاکہ امریکا اور اس کے علاقائی اتحادیوں کو سخت سزا دے سکیں۔

دوسری جانب ترجمان ایرانی حکومت فاطمہ مہاجرانی کا کہنا ہے کہ ایران پائیدار امن کی جانب بڑھنے کے لیے تیار ہے لیکن کسی بھی مذاکرات میں ہرجانے کا معاملہ زیرِ بحث آنا چاہیے۔

فاطمہ مہاجرانی نے موقف واضح کردیا کہ ایران نے اس جنگ کا آغاز نہیں کیا لیکن نقصان بہت اٹھایا۔ اعلیٰ قیادت سمیت سیکڑوں ایرانی حملوں میں شہید ہوئے۔ شہریوں کے گھروں اور بنیادی ڈھانچے کو تباہ کیا گیا۔ ہرجانے کے ساتھ ساتھ ہرمز پراختیار اور پابندیوں کا خاتمہ بھی اہم نکات ہیں جو مذاکرات میں زیر بحث آنے چاہیں۔

امریکی صدر ڈونلڈ ٹرمپ کو ملک گیراحتجاج کی طوفانی لہرکا سامنا۔ واشنگٹن، نیویارک اورلاس اینجلس سمیت امریکا کے تمام بڑے شہروں میں صدر ٹرمپ کے خلاف احتجاجی ریلیاں نکالی گئیں۔ نو کنگز تحریک کے منتظمین کی جانب سے تین ہزار سے زائد مقامات پراحتجاج کیا گیا۔

امریکی صدر کو دوسری مدت میں تیسری بار ملک گیر احتجاجی تحریک کا سامنا ہے۔ 50 ریاستوں میں 3 ہزار سے زائد مقامات پر نوکنگز ریلیاں نکالی گئی۔ واشنگٹن میں مظاہرین نے ملٹری بیس کی جانب مارچ کیا اور ٹرمپ انتظامیہ کے ارکان کی گرفتاری کا مطالبہ کیا۔

نیویارک میں بھی ہزاروں لوگ ریلی میں شریک ہوئے، لاس اینجلس میں مظاہرین نے ٹرمپ بادشاہ نہیں جوکر کے نعرے لگائے، ڈیلاس میں ٹرمپ کے حامی اور نو کنگز ریلی کے شرکا آمنے سامنے آگئے۔ پولیس نے دونوں کے درمیان بیچ بچاؤ کرالیا۔

دوسری جانب اسرائیل میں بھی ہزاروں افراد جنگ کے خلاف سڑکوں پر آگئے، پولیس نے ریلی کے شرکا کو تشدد کا نشانہ بنایا۔متعدد کو حراست میں لے لیا۔

یورپ میں بھی ٹرمپ کی پالیسیوں کے خلاف احتجاج ہوا، اسپین۔ اٹلی ، یونان اور دیگر ملکوں میں امریکی سفارتخانوں کے باہر احتجاج کیا گیا۔

پرنس سلطان ایئربیس پر تباہ ہونے والے امریکی طیارے کی تصاویر سامنے آگئیں۔

امریکی میڈیارپورٹس کے مطابق تباہ ہونے والے طیاروں میں امریکی ایئرفورس کا ای تھری ریڈار طیارہ بھی شامل ہیں،امریکی ایئرفورس کے پاس کل 16 ریڈار طیارے تھے،

امریکی میڈیا کے مطابق اس طرح کا نیا طیارہ بنانے میں ایک ارب ڈالر لاگت آئے گی، ایران کے میزائل حملے میں 3 ٹینکر طیارے بھی تباہ ہوئے۔

خیال رہےکہ سعودی عرب کا پرنس سلطان ایئر بیس امریکی فوج کےزیراستعمال ہےجس کو ایران نے گزشتہ روز نشانہ بنایا،حملے میں کم از کم 12 امریکی فوجی بھی زخمی ہوئے جن میں سے 4 کی حالت تشویشناک ہے۔

امریکی اخبار واشنگٹن پوسٹ کی جانب سے دعوی کیا جارہا ہے کہ پینٹاگون ایران میں زمینی آپریشن کی تیاری کر رہا ہے،ایران میں زمینی کارروائی محدود نوعیت کی ہوسکتی ہے،زمینی آپریشن مکمل یلغار نہیں ہوگی

واشنگٹن پوسٹ کےمطابق ٹرمپ کی منظوری سے جنگ کا زیادہ خطرناک مرحلہ شروع ہوگا،خارگ جزیرے پر قبضہ،آبنائے ہرمزکے ساحلی علاقوں پرحملوں پر غور کیا جارہا ہے،

دوسری جانب ممکنہ زمینی کارروائی ایک اور امریکی بحری بیڑہ مشرق وسطیٰ پہنچ گیا،3500فوجی اور میرینز یو ایس ایس طرابلس کےذریعےپہنچے،بحری بیڑے پر جنگی طیارے،تکنیکی آلات بھی موجود ہیں۔

حزب اللہ کے  اسرائیلی اڈوں پراعلیٰ معیار کے میزائلوں سے حملے،اسرائیل کے زیر قبضہ 4 قصبوں کو نشانہ بنایا۔

حزب اللہ کی طرف سےہفتہ کواسرائیلی فوجی تنصیبات پرمیزائل حملے کیےگئے،حزب اللہ نے شمالی اسرائیل میں عین شامر ایئرفیلڈ اور رگاویم فوجی کیمپ کو نشانہ بنانے کا دعویٰ کیا۔

حزب اللہ کاکہنا ہے کہ یہ حملےلبنانی شہریوں کی جبری بےدخلی اور مکانوں کی تباہی کے جواب میں کیےگئے۔

ایران نے جوہری عدم پھیلاؤ کے معاہدے سے نکلنے پر غور شروع کردیا،ایرانی ارکان پارلیمنٹ کی جانب سے حکومت پر این پی ٹی معاہدے سے نکلنے کیلئے دباؤ ڈالا جارہا ہے۔

پارلیمنٹ سمیت متعلقہ ادارے این پی ٹی سے ایران کے دستبردار ہونے پر غور کر رہے ہیں، واضح ہو چکا ہے کہ ایران کے این پی ٹی میں رہنے کا جواز ہی نہیں بچا،این پی ٹی سے نکلنے کا مطلب ایٹمی ہتھیار بنانا نہیں ہے۔

ایران نے پاکستانی پرچم بردار بحری جہازوں کو آبنائے ہرمز سے گزرنے کی اجازت دیدی۔

نائب وزیراعظم اسحاق ڈار کا کہنا ہے کہ ایران نے پاکستانی پرچم بردار مزید 20 جہازوں کو آبنائے ہرمز سے گزرنے کی اجازت دیدی۔ پاکستانی پرچم بردار 2 جہاز روزانہ آبنائے ہرمز سے گزریں گے۔

نائب وزیراعظم نے ایکس پر پیغام میں کہا کہ ایران کا اقدام ہماری مشترکہ کوششوں کو مزید مضبوط کرے گا۔ مذاکرات، سفارت کاری اور اعتماد سازی ہی آگے بڑھنے کا واحد راستہ ہے۔

I am pleased to share a great news that the Government of Iran has agreed to allow 20 more ships under the Pakistani flag to pass through the Strait of Hormuz; two ships will cross the Strait daily.

This is a welcome and constructive gesture by Iran and deserves appreciation. It…

— Ishaq Dar (@MIshaqDar50) March 28, 2026

اسحاق ڈار نے کہا کہ ایران کا اقدام خوش آئند اور امن کی نوید ہے۔ خطے میں استحکام لانے میں مددگار ثابت ہو گا، ایران کا مثبت اعلان امن کی جانب اہم پیشرفت کی نشاندہی کرتا ہے۔

امریکی نائب صدر جے ڈی وینس کا کہنا ہے کہ ایران میں زیادہ ترعسکری اہداف حاصل کرلیے ۔ ایران میں طویل قیام کا کوئی ارادہ نہیں۔

ایک انٹرویو میں جے ڈی وینس نے کہا کہ صدرٹرمپ حالیہ کارروائی کچھ  وقت کیلئے جاری رکھیں گے۔ کارروائی کا مقصد ایران کو جوہری ہتھیاروں سے روکنا ہے۔ امریکا کا ایک یا دو سال بعد دوبارہ ایران میں کارروائی کا ارادہ نہیں۔

امریکی نائب صدر نے کہا کہ مستقبل میں ایران میں دوبارہ کارروائی کی ضرورت نہ پڑے، تہران اب بھی دھمکیاں دے رہا ہے اور جوہری ہتھیار بنانے کی کوشش کررہا ہے۔

ایران اور امریکا کو ایک ساتھ بٹھانے کی تیاریوں کے سلسلے میں مصر اور ترکی کے وزرائے خارجہ پاکستان  پہنچ گئے۔ سعودی عرب کے وزرائے خارجہ بھی جلد پہنچیں گے ۔ چاروں ممالک کے وزرائے خارجہ کا اہم اجلاس کل اسلام آباد میں ہوگا

مصر کے وزیر خارجہ ڈاکٹر بدر عبدالعاطی 4 ممالک کے وزرائے خارجہ کی ملاقات میں شرکت کےلیے اسلام آباد پہنچ گئے ہیں۔ ایڈیشنل سیکریٹری خارجہ نے اسلام آباد پہنچنے پر مصری وزیر خارجہ کا استقبال کیا۔

نائب وزیراعظم اور وزیر خارجہ سینیٹر اسحاق ڈار کی دعوت پر بدر عبدالعاطی اسلام آباد پہنچے ہیں۔ اُن کا دورہ 2 روزہ ہے، اس دوران پاکستان، ترکیہ، سعودی عرب اور مصر کے وزرائے خارجہ ملاقات ہوگی جبکہ بدر عبدالعاطی کی ملاقات وزیراعظم شہباز شریف سے بھی ہوگی۔

یاد رہے کہ 4 فریقی اجلاس کی صدارت نائب وزیراعظم محمد اسحاق ڈار کریں گے، خطے میں کشیدگی کم کرنے کی کوششوں سمیت مختلف امور پر تفصیلی تبادلہ خیال کیا جائے گا۔

ترجمان دفتر خارجہ کے مطابق مصری وزیر خارجہ کا مذکورہ دورہ پاکستان اور مصر کے درمیان قریبی، برادرانہ تعلقات کا عکاس ہے، ائیرپورٹ پر ایڈیشنل فارن سیکرٹری سید احمد معروف نے معزز مہمان کا استقبال کیا۔

مصری وزیر خارجہ 29سے 30 مارچ 2026 تک اسلام آباد کا دورہ کریں گے۔ اس حوالے سے ترجمان وزارت خارجہ کا گذشتہ روز ایک بیان میں کہنا تھا کہ پاکستان میں اہم سفارتی سرگرمیوں کا آغاز ہونے جا رہا ہے۔

انہوں نے کہا کہ مشرق وسطیٰ کی موجودہ صورتحال کے پیش نظر سعودی عرب ترکیہ اور مصر کے وزرائے خارجہ کے ساتھ اہم علاقائی اور عالمی امور پر تفصیلی مشاورت کی جائے گی۔

نائب وزیراعظم و وزیر خارجہ اسحاق ڈار نے قطری وزیراعظم اور وزیر خارجہ شیخ محمد بن عبدالرحمان بن جاسم الثانی سے ٹیلی فونک رابطہ کیا۔ دونوں رہنماؤں نے خطے میں کشیدگی کم کرنے پر زور دیا۔ اسحاق ڈار نے انڈونیشین وزیر خارجہ کے ساتھ بھی علاقائی وبین الاقوامی پیشرفت اور باہمی دلچسپی کے امور پر تبادلہ خیال کیا۔

نائب وزیراعظم و وزیر خارجہ اسحاق ڈار کا قطر کے وزیراعظم سے ٹیلی فونک رابطہ ہوا۔ اسحاق ڈار اور شیخ محمد بن عبدالرحمان نے موجودہ علاقائی وبین الاقوامی پیش رفت پرگفتگو کی۔

ترجمان دفتر خارجہ کے مطابق دونوں رہنماؤں نے  فوری طور پر خطے میں کشیدگی کم کرنے کی اہمیت پر زور دیا۔ قطری وزیراعظم نے امن و استحکام کیلئے پاکستان کی سفارتکاری اور مذاکرات کی کوششوں کو سراہا۔  دونوں رہنماؤں نے پاکستان اور قطر کے درمیان گہرے برادرانہ تعلقات کو مزید مضبوط بنانے کے عزم کا اعادہ کیا۔

 نائب وزیراعظم و وزیرخارجہ اسحاق ڈار کا انڈونیشیا کے وزیر خارجہ سے بھی ٹیلی فونک رابطہ ہوا۔ دونوں رہنماؤں نے پاکستان اور انڈونیشیا کے درمیان مضبوط برادرانہ تعلقات کا اعادہ کیا ۔ خطے کی بدلتی صورتحال کے تناظر میں قریبی رابطے میں رہنے پر  بھی اتفاق  کیا گیا۔

ایران کے خاتم الانبیا مرکزی ہیڈکوارٹر کے ترجمان کرنل ابراہیم ذوالفقاری نے دعویٰ کیا ہے کہ ایران نے دبئی میں یوکرین کے اینٹی ڈرون سسٹمز کے ایک گودام کو نشانہ بنایا ہے۔

ایرانی ذرائع ابلاغ میں شائع ہونے والے ایک بیان میں دعویٰ کیا گیا ہے کہ پاسدارانِ انقلاب کی ایرو سپیس اور نیول فورسز نے ایک مشترکہ آپریشن میں امریکی فوج کی مدد کے لیے دبئی میں یوکرینی اینٹی ڈرون سسٹمز کے ایک گودام کو نشانہ بنا کر تباہ کر دیا ہے۔

کرنل ابراہیم ذوالفقاری کا کہنا ہے کہ اس گودام میں 21 یوکرینی اہلکار بھی موجود تھے لیکن ان کے معتلق اطلاع نہیں کہ آیا انھیں اس حملے میں نقصان پہنچا ہے۔ یوکرین کی وزارت خارجہ کے ترجمان ہیورہی تیکھی نے ایرانی دعوؤں کی تردید کی ہے۔

ترجمان قطری وزارت دفاع کے مطابق یوکرین اور قطر کے درمیان دفاع معاہدہ طے پاگیا، دفاعی معاہدہ، میزائلوں اور دفاعی نظام شامل ہے۔

اعلامیے کے مطابق یوکرین اور قطر نے دفاعی تعاون کے معاہدے پر دستخط کر دیے، دونوں ممالک کے درمیان دفاعی تعاون کو مزید مضبوط بنانے پر بھی اتفاق کیا گیا۔

قبل ازیں یوکرین کے صدر زیلنسکی نے متحدہ عرب امارات کے صدر شیخ محمد بن زاید النہیان سے ملاقات کی۔ ایئرپورٹ پہنچنے پر یو اے ای کے وزیر توانائی نے صدر زیلنسکی کا استقبال کیا۔ یوکرینی صدر کا کہنا ہے اسٹریٹجک معاملات پر خلیجی ممالک کے ساتھ کام کرنے کیلئے تیار ہیں۔

 متحدہ عرب امارات اور یوکرین دفاعی معاہدے پر بات چیت کررہے ہیں۔ دفاعی تعاون کا معاہدہ آخری مرحلے میں ہے۔ یوکرینی صدر اپنا دورہ یو اے ای مکمل کرکے قطر پہنچ گئے۔

اس سے پہلے وہ سعودی عرب بھی گئے جہاں شہزادہ محمد سلمان سے ملاقات کی ۔ دونوں ملکوں کے درمیان دفاعی تعاون کا بھی معاہدہ بھی طے پایا۔

لبنانی ذرائع ابلاغ کے مطابق جنوبی لبنان میں میڈیا کی ایک گاڑی پر اسرائیلی حملے میں 3 لبنانی صحافی جاں بحق ہوگئے۔

رپورٹ کے مطابق مارے جانے والوں میں علی شعیب، فاطمہ اور محمد فتونی شامل ہیں۔ علی شعیب حزب اللہ کے زیر انتظام نیٹ ورک المنار ٹی وی کے رپورٹر تھے جبکہ فاطمہ اور محمد فتونی المیادین کے نامہ نگار تھے۔ یہ تینوں جنوبی لبنان کے قصبے جزین میں ہونے والے اسرائیلی فضائی حملے میں جاں بحق ہوئے ہیں۔

لبنان کے صدر جوزف عون نے اس حملے کی مذمت کرتے ہوئے کہا کہ یہ جرم اس بین الاقوامی قانون کی خلاف ورزی ہے جس کے تحت جنگ کے دوران صحافیوں کو تحفظ فراہم حاصل ہوتا ہے۔

جنگ شروع ہونے کے بعد یہ دوسرا موقع ہے جب اسرائیل پر لبنان میں صحافیوں کو نشانہ بنانے کا الزام لگایا گیا ہے۔ گذشتہ ہفتے المنار ٹی وی کے میزبان محمد شیری اور ان کی اہلیہ کو بھی ایک ٹارگٹڈ اسٹرائیک میں قتل ہے۔

یمن میں حوثی باغیوں نے دھمکی دی ہے کہ اگر ایران پر حملے جاری رہے تو وہ جنگ میں شامل ہو جائیں گے۔

حوثی باغیوں نے اسرائیل اور امریکہ کو مشرقِ وسطیٰ میں جاری جنگ کے دوران حملوں کے لیے بحیرہ احمر کو استعمال کرنے کے خلاف خبردار بھی کیا ہے۔

حوثیوں کے ترجمان بریگیڈیئر جنرل یحییٰ ساری نے ایک ویڈیو بیان میں تصدیق کی کہ اگر امریکہ اور اسرائیل نے ایران کے خلاف کارروائیاں جاری رکھیں تو وہ بھی جنگ میں شامل ہو سکتے ہیں۔

اُن کا یہ بھی کہنا تھا کہ بحیرہ احمر کے ذریعے اسلامی جمہوریہ ایران اور کسی بھی مسلم ملک کے خلاف کارروائیاں کرنے کی اجازت نہیں دی جائے گی۔ بحیرہ احمر کو کسی بھی مسلمان ملک کے خلاف استعمال ہونے نہیں دیں گے۔

دوسری جانب اسرائیلی دفاعی افواج کا کہنا ہے کہ اس نے یمن سے اسرائیلی حدود کی جانب داغے گئے ایک میزائل کی نشاندہی کی ہے۔ جنگ کے آغاز کے بعد یمن سے داغا جانے والا یہ پہلا میزائل ہے۔

ماہرین کے مطابق حوثیوں کی تنازع میں ​​شمولیت ’بڑی اہمیت‘ کی حامل ہے کیونکہ وہ ایک اور اہم بین الاقوامی تجارتی بحیرہ احمر پر بیٹھے ہیں۔ آبنائے ہرمز کی بندش کے بعد بحیرہ احمر کی ممکنہ بندش یہ ایک ڈراؤنا خواب ہے۔

ایران کے صدر مسعود پزشکیان نے خطے کے ممالک کے نام جاری ایک پیغام میں کہا ہے کہ اگر آپ ترقی اور سیکیورٹی چاہتے ہیں تو ہمارے دشمنوں کو جنگ کے لیے اپنی سرزمین استعمال نہ ہونے دیں۔

ایکس پر پیغام میں ایرانی صدر کا کہنا ہے کہ ہم کئی بار کہہ چکے ہیں کہ کبھی پیشگی حملے نہیں کرتا، لیکن اگر ہمارے بنیادی ڈھانچے یا اقتصادی مراکز کو نشانہ بنایا گیا تو ہم اس کا بھرپور جواب دیں گے۔

یاد رہے کہ گزشتہ روز امریکہ اور اسرائیل نے اصفہان اور خوزستان میں مبارکہ سٹیل انڈسٹریز کے ساتھ ساتھ اردکان یلو کیک پروڈکشن پلانٹ اور صوبہ مرکزی میں خندب میں ہیوی واٹر فیسیلٹی سمیت کئی اہم ایرانی تنصیبات کو نشانہ بنیا تھا۔

دوسری جانب ایران نے کویت کے بین الاقوامی ہوائی اڈے اور سعودی عرب کے شہزادہ سلطان ایئر بیس پر حملے کیے ہیں جن میں متعدد افراد زخمی ہونے کی اطلاعات ہیں۔

ایران کے خلاف امریکا اور اسرائیل کی غیر قانونی جارحیت جاری جاری ہے۔

خوزستان میں ایرانی اسٹیل پلانٹ پر بمباری کی گی جس کے بعد اسٹیل پلانٹ میں پیدوار کو بند کرنا پڑا۔ تہران میں یونیورسٹی آف سائنس اینڈ ٹیکنالوجی پر بمباری کی گئی۔ بوشہر میں ایٹمی پاور پلانٹ کے قریب بم برسائے گئے۔

امریکی اخبار واشنگٹن پوسٹ کے مطابق 3 دہائیوں بعد جنگ میں لینڈ مائنز کے استعمال کا انکشاف ہوا ہے۔ شیراز شہر کے مضافات میں متعدد مقامات پر لینڈ مائنز پائے گے، ایرانی حکام کے مطابق امریکی فوج نے فضا سے لینڈ مائنز گرائے۔

عام شہریوں کو لاحق خطرات کے باعث لینڈ مائنز کے استعمال پر پابندی ہے، آخری بار امریکی فوج نے 1991 کی عراق جنگ میں لینڈ مائنز استعمال کیے تھے۔

دوسری جانب ایران نے جوابی حملوں میں تل ابیب اور خطے میں امریکی تنصیبات پر میزائل داغ دیے۔ ایرانی فوج کے ترجمان کے مطابق دبئی میں امریکی فوج کے ڈو ٹھکانوں کو نشانہ بنایا گیا۔ جہاں پانچ سو سے زائد امریکی فوجی ٹھہرے ہوئے تھے۔ یوکرین کے ایئر ڈیفنس ڈپو کو بھی تباہ کیا گیا۔

ابوظبی میں میزائل کا ملبہ گرنے سے ایک پاکستانی اور پانچ بھارتی شہری زخمی ہوگئے۔ سعودی عرب میں پرنس سلطان ایئربیس پر حملے میں 12 امریکی فوجی زخمی ہوئے۔ آئل ٹنیکر طیارے اور ایک ریڈار طیارہ بھی تباہ ہوگیا۔ کویت ایئرپورٹ میں ریڈار سسٹم تباہ کردیا۔ عمان کے قریب امریکی بحری جہاز کو نشانہ بنایا گیا۔

مشرق وسطیٰ میں جنگ کے باعث ادویات کا خام مال درآمدکرنے میں مسائل سے ذیابیطس سمیت مختلف ادویات کی قیمتوں میں ہوشربا اضافہ ہوگیا۔ ذیابیطس کےعلاج میں استعمال ہونے والی انسولین کی قیمت دو گنا سے بھی بڑھ گئی۔

انسولین انجیکشن ڈیوائس کی قیمت 2200 سے بڑھ کر4720 ہوگئی۔ بدہضمی اورتیزابیت کی دوا کے پیک کی قیمت530 سےبڑھا کر 620 روپے کردی گئی۔

وٹامنز اور غذائی سپلیمنٹ کی گولیوں کے پیک کی قیمت 480 سے بڑھا کر 510 روپے مقرر کی گئی۔ وٹامن بی کی کمی دور کرنے والی دوا کی قیمت 500 سے بڑھا کر 600 روپے کردی گئی۔

تھائیرائڈ کے مرض کے علاج میں استعمال ہونے والی دوا کی قیمت 85 سے بڑھا کر 290 روپے مقرر کی گئی۔ ٹائیفائیڈ کے علاج میں استعمال ہونے والی دوا کی قیمت 805 سے بڑھا کر 930 روپے کردی گئی۔ دیگر متعدد جان بچانے والی ادویات کی قیمتیں بھی بڑھ گئیں۔

ایرانی فوج نے مختلف حملوں میں 500 سے زائد امریکی فوجیوں کو نشانہ بنانے کا دعویٰ کردیا۔

ترجمان ایرانی فوج کے مطابق امریکی فوج کے دو ٹھکانوں کو نشانہ بنایا گیا، دبئی میں ایک مقام پر 400 امریکی فوجی موجود تھے، ایک اور مقام پر 100 سے زائد امریکی فوجی موجود تھے۔

بیان کے مطابق دونوں مقامات کو گائیڈڈ میزائلز اور ڈرونز سے نشانہ بنایا گیا، ایمبولینسز کئی گھنٹے تک لاشوں اور زخمیوں کو نکالتی رہیں، ٹرمپ کو سمجھنا ہوگا یہ خطہ امریکی فوجیوں کا قبرستان بنے گا۔

دوسری جانب جنوبی لبنان میں حزب اللہ سے لڑائی میں 9 اسرائیلی فوجی زخمی ہوگئے۔ ترجمان اسرائیلی فوج کے مطابق 2 فوجی اینٹی ٹینک میزائل لگنے سے زخمی ہوئے جبکہ 7 فوجی حزب اللہ کے راکٹ حملوں کا نشانہ بن کر زخمی ہوئے۔

امریکی صدرڈونلڈ ٹرمپ نے ایک بار پھر ایران سے بات چیت کی تصدیق کردی،کہا ایران کے ساتھ مذاکرات جاری ہیں،نتائج جلد سامنے آئیں گے۔

امریکی صدرڈونلڈ ٹرمپ نےکہا ایران کےخلاف جنگ میں اہداف کےحصول سے دو ہفتے دور ہیں،مشرق وسطیٰ کو ایران کی غنڈہ گردی سے آزاد کرادیا،نیٹو نے ضرورت پڑنے پر ہماری مدد نہیں کی۔ یہ رویہ یاد رکھیں گے۔

پاک بھارت جنگ روکنےکا ذکر کرتے ہوئےصدر ٹرمپ نے ایک بار پھر وزیراعظم شہباز شریف کی تعریف کی اور انہیں بہترین انسان قرار دیا۔

دوسری جانب امریکا ایران میں غیر قانونی ہتھیار استعمال کرنے لگا،امریکی اخبارواشنگٹن پوسٹ نے دعوی کیاہےکہ 3دہائیوں بعد جنگ میں لینڈمائنزکااستعمال کیاجارہاہے،شیرازشہرکےمضافات میں متعدد مقامات پرلینڈمائنز پائے گے۔

ایرانی حکام کےمطابق امریکی فوج نے فضا سےلینڈمائنز گرائے،عام شہریوں کو لاحق خطرات کے باعث لینڈ مائنز کے استعمال پر پابندی ہے،آخری بار امریکی فوج نے 1991 کی عراق جنگ میں لینڈ مائنز استعمال کیے تھے۔

ایران نے اسرائیل پر ایک اور تگڑا وار کرتے ہوئے کلسٹرمیزائل داغ دیے،جس کے نتیجے میں ایک اسرائیلی ہلاک جبکہ متعدد زخمی ہوگئے۔

روسی میڈیا کےمطابق ایران کی جانب سےتل ابیب میں کثیرالمنزلہ عمارتوں کونشانہ بنایا جارہا ہے،میزائل اسرائیلی فضا میں داخل ہوتےہی سائرن بج اٹھے،لوگ شیلٹرز میں پناہ لینے پر مجبور ہوگئے۔

ایرانی میڈیا کےمطابق ایرانی فوج نےکویت کی الشویخ بندرگاہ پر امریکا کے 6 ٹیکٹیکل جہازوں کونشانہ بنایا ہے، 3 لڑاکا جہازسمندر میں غرق ہوگئےجبکہ دیگر 3 میں آگ لگی ہوئی ہے۔

پاسداران انقلاب کےمطابق وعدہ صادق چہارم نامی آپریشن کےتحت دشمن پرحملے کی 84 ویں لہر میں دبئی کے ساحل اورایک ہوٹل میں امریکی اہلکاروں کو خودکش ڈرونز سے نشانہ بنایا گیا ہے،ایرانی حکام کے مطابق دونوں حملوں میں کئی امریکی فوجی مارے گئے ہیں۔

سعودی عرب میں سلطان ایئربیس پر امریکا کو بڑا نقصان،کئی ری فیولنگ طیارے متاثر، بارہ امریکی اہلکار زخمی ہوگئے۔

An Iranian missile hit the Prince Sultan airbase in Saudi Arabia on Friday, damaging several U.S. refueling aircraft. pic.twitter.com/xLQHiLUzbd

— World Source News (@Worldsource24) March 27, 2026

اسرائیل اورامریکا کی ایران پر بھی جارحیت جاری،بوشہر پاور پلاونٹ اور اخنداب میں واٹر پلانٹ پر حملے کیے گئے،تہران میں یونیورسٹی آف سائنس اینڈ ٹیکنالوجی پر شدید بمباری کی گئی۔

ایران کے خلاف امریکا اور اسرائیل کے حملے جاری ہیں، اصفہان میں رہائشی عمارتوں پر بمباری سے 26 شہری جاں بحق ہوگئے جن میں سات بچے اور سات خواتین شامل ہیں۔

تفصیلات کے مطابق  قم شہر میں چھ شہری امریکی اور اسرائیلی حملوں کا نشانہ بنے، ہلال احمر ایران کے مطابق تہران میں بھی رہائشی عمارتوں کو نشانہ بنایا گیا۔ کئی افراد ملبے تلے دب گئے۔ چار ہفتوں سے جاری جنگ میں 1937 ایرانی جاں بحق ہوچکے ہیں۔

ایران نے جوابی کاروائی کرتے ہوئے اسرائیل پر میزائل داغ دیے  ، کویت، بحرین اور قطر میں بھی امریکی تنصیبات کو نشانہ بنایا گیا۔ پاسداران انقلاب نے بغیر اجازت آبنائے ہرمز عبور کرنے کی کوشش کرنے پر ایک بحری جہاز کو نشانہ بنایا۔

 سعودی وزارت دفاع کے مطابق دارالحکومت ریاض پر 6 میزائل داغے گئے۔ دو کو فضا میں تباہ کیا گیا۔ چار غیر آباد علاقے میں گر گئے۔ کوئی جانی نقصان نہیں ہوا۔ 

پاسداران انقلاب کی جانب سے جاری بیان میں کہا گیاہے کہ آبنائے ہرمز بند ہے،جو بھی گزرنے کی کوشش کرے گا نشانہ بنائیں گے۔

پاسداران انقلاب نے امریکی اڈوں کے قریب شہریوں کو انخلا کی ہدایت کی ہے،کہا کہ امریکی فوجی جہاں ملیں گے ہم ان پر حملہ کریں گے،نقصان سے بچنے کیلئے امریکی اڈوں کی حدود سے دور رہیں

امریکا اوراسرائیل کی جنگ میں مشرق وسطیٰ میں ہزاروں کا جانی نقصان ہوا

الجزیرہ کےمطابق ایران میں ایک ہزار 937 افراد جاں بحق، 24 ہزار سے زائد زخمی ہوئے،لبنان میں ایک ہزار 94 شہری جانوں سےہاتھ دھو بیٹھے،عراق میں 89 شہری بیرونی حملوں میں لقمہ اجل بنے،متحدہ عرب امارات میں 11، کویت میں 6، بحرین میں 3 شہری مارے گئے۔

ایرانی وزیرخارجہ عباس عراقچی نےکہاایران پر دو ایٹمی طاقتوں نےغیرقانونی جنگ مسلط کی ہوئی ہے،ہم پراس وقت حملہ کیاگیاجب ہم سفارتی عمل میں مصروف تھے،9ماہ میں 2 بار مذاکرات کےعمل کوسبوتاژ کیا گیا۔

ایرانی وزیرخارجہ عباس عراقچی نےاقوام متحدہ کی ہیومن رائٹس کونسل سےخطاب میں کہاایران کے شہر میناب میں اسکول کی بچیوں کاقتل عام کیاگیا،اسکول پراس حملےکاکوئی جوازقابل قبول نہیں،اسکول پر حملہ امریکی اوراسرائیلی جرائم کی واحد مثال نہیں ہے،امریکا اور اسرائیل نہتے عوام پر بلا تفریق بمباری کررہے ہیں،رہائشی علاقوں، تیل اور پانی کے ذخائر پر بمباری کی جاتی ہے

فلسطین اور لبنان میں انسانی حقوق کی سنگین خلاف ورزیاں جاری ہیں،اقوام متحدہ اور عالمی برادری کو ان جرائم پر جواب طلبی کرنی چاہیے۔

امریکی فوج کو افرادی قوت کی کمی کا سامنا ہے،کمی پوری کرنے کیلئے بھرتی کیلئے زیادہ عمر کی حد بڑھانے کا فیصلہ کیا گیا ہے۔

 امریکی میڈیا رپورٹس کےمطابق امریکی فوج میں بھرتی کیلئے 35 کے بجائے 42 سال عمر کی حد مقرر ہو گی،منشیات کے الزام میں ایک بار گرفتار ہونے والے بھی فوج میں بھرتی کے اہل ہونگے۔

دوسری جانب پینٹاگون مزید 10 ہزارفوجی مشرق وسطیٰ بھیجنے پرغور کررہا ہے،وائٹ ہاؤس میں اس حوالے سے فیصلہ اگلے ہفتے متوقع ہے،مزید فوج کی تعیناتی ایران میں فوج اتارنے کی تیاریوں کا حصہ ہو سکتی ہے

ایرانی پاسداران انقلاب نے انوکھے انداز میں پاکستان کا شکریہ ادا کیا۔

اسرائیل پرداغے جانے والے میزائلوں پر تھینک یوپیپلز آف پاکستان لکھ دیا،پاکستان کے شکریے کے ساتھ میزائل حملوں کی ویڈیو جاری کر دی۔

ایران کےشہرقم پربمباری کے بعد امدادی کارروائیاں جاری ہیں،ہلال احمر ایران کا کہنا ہے کہ بمباری کے نتیجے میں 6 افراد جاں بحق ہوچکے ہیں،ملبے تلے دبے افراد تک پنہچنے کی کوشش کررہے ہیں

امریکی صدر ڈونلڈ ٹرمپ نے دعویٰ کیا کہ ایران نے آبنائے ہرمز سےپاکستانی پرچم بردار 10 آئل ٹینکرز کو جذبہ خیر سگالی کے طور پرگزرنے کی اجازت دیدی۔

امریکی صدرڈونلڈ ٹرمپ  نےکہا ایران کی جانب سےدس آئل ٹینکرز کا تحفہ یہ ظاہرکرتا ہےکہ وہ جنگ بندی کےلیےسنجیدہ ہے تاہم انہوں نےخبردارکیا ہےکہ تہران مذاکرات میں سنجیدگی دکھائے قبل اس کے کہ بہت دیر ہو جائے‘ایک بار دیر ہو گئی تو دوبارہ موقع نہیں ملے گا۔

امریکی صدرڈونلڈ ٹرمپ نےدعویٰ کیا کہ کچھ ٹینکرز پاکستان کے جھنڈے والے تھے،تاہم اس بات کی اسکی ایران اور پاکستان کی جانب سے کوئی تصدیق سامنے نہیں آئی۔۔

امریکی صدرڈونلڈ ٹرمپ نےایران کی توانائی تنصیبات پرحملے دس دن کیلئے معطل کرنےکا اعلان کیا، سماجی رابطےکی ویب سائٹ پر صدرٹرمپ نےجاری بیان میں کہا کہ 6 اپریل 2026 تک ایران کی درخواست پر توانائی تنصیبات پر حملے روک رہے ہیں،ایران کے ساتھ مذاکرات مثبت انداز میں آگے بڑھ رہے ہیں۔

اس سے پہلےصدر ٹرمپ نے ان تنصیبات پر حملے 5 روز کیلئے روکنے کا اعلان کیا تھا جس کی مدت آج یعنی جمعہ کو ختم ہونا تھی۔

دوسری جانب مذاکرات میں پیشرفت کے باوجود ایران پر امریکی اور اسرائیلی جارحیت جاری ہے،قم میں رہائشی عمارت پر بمباری سے چھ افراد شہید ہوگئے،تہران،تبریز،ارومیہ اور دیگر مقامات پر بھی حملے کیے گئے۔

امریکی صدر ڈونلڈ ٹرمپ نے ایران کی توانائی تنصیبات پر حملے دس دن کیلئے معطل کرنے کا اعلان کردیا۔

سماجی رابطے کی ویب سائٹ پر صدر ٹرمپ نے جاری بیان میں کہا کہ 6 اپریل 2026 تک ایران کی درخواست پر توانائی تنصیبات پر حملے روک رہے ہیں،ایران کے ساتھ مذاکرات مثبت انداز میں آگے بڑھ رہے ہیں۔

اس سے پہلےصدر ٹرمپ نے ان تنصیبات پر حملے 5 روز کیلئے روکنے کا اعلان کیا تھا جس کی مدت آج یعنی جمعہ کو ختم ہونا تھی۔

دوسری جانب مذاکرات میں پیشرفت کے باوجود ایران پر امریکی اور اسرائیلی جارحیت جاری ہے،قم میں رہائشی عمارت پر بمباری سے چھ افراد شہید ہوگئے،تہران،تبریز،ارومیہ اور دیگر مقامات پر بھی حملے کیے گئے۔

عالمی بینک نے مشرقِ وسطیٰ میں جاری تنازع پرخدشات کا اظہار کردیا،کہاتوانائی کےبعد کھاد اور زرعی اجناس کی فراہمی بھی خطرے میں ہے،واضح کیا کہ اشیائے ضروریہ کی قیمتیں اور سپلائی چین متاثر ہو رہی ہیں۔

اسرائیلی فوج میں اہلکاروں کی شدید کمی کا سامنا،آرمی چیف نے خطرے کی گھنٹی بجا دی۔

عرب میڈیا رپورٹس کے مطابق اسرائیلی آرمی چیف نے اعلیٰ حکام کو آگاہ کردیا،کہاکئی محاذ کھولنےسےفوج میں افرادی قوت کی کمی ہے،اہلکاروں کی کمی کے باعث فوج اندرونی طور پر ٹوٹ پھوٹ کا شکار ہو جائے گی ۔

اسرائیلی آرمی چیف نے مزید کہا بہت جلد فوج اپنے معمول کے مشن کیلیے تیار نہیں ہوگی، اہلکاروں کی کمی مستقبل قریب میں فوجی تیاریوں کو نقصان پہنچا سکتی ہے۔

عالمی بینک نےمشرق وسطی تنازعے سےپیدا حالات پر اپنےبیان میں کہامشرق وسطی بحران سے عالمی سپلائی چینز پر اثرات پڑ رہے ہیں،علاقائی کشیدگی کےباعث لاجسٹکس متاثرہورہےہیں،اس کی وجہ سے نقل و حمل کے اخراجات بڑھ رہے ہیں۔

خام تیل،قدرتی گیس اور کیمیائی کھادوں سمیت اہم اشیاء کی قیمتیں بڑھ رہی ہیں،مارچ میں خام تیل کی قیمتیں تقریباً 40 فیصد بڑھ گئیں، ایشیا میں مائع قدرتی گیس کی قیمتیں تقریبا دوتہائی بڑھ گئیں، نائٹروجن بیسڈ کھادوں کی قیمتیں تقریباً 50 فیصد بڑھ گئیں،یہ اثرات ابھرتی ہوئی مارکیٹوں پردباؤ ڈال رہے ہیں۔

  کئی رکن ممالک نے ورلڈ بینک سے مدد کی درخواست کی ہے،ان ممالک کو فوری مالی امداد، پالیسی مشاورت فراہم کی جائے گی،عالمی بینک گلوبل مارکیٹ ڈیویلپمنٹس کی مسلسل نگرانی کر رہا ہے، تاکہ متاثرہ ممالک میں ملازمتیں اور معاشی نمو برقرار رہے،ابھرتی ہوئی مارکیٹوں میں خطرے کا احساس بڑھ رہا ہے،عالمی بینک ان ممالک کے ساتھ رابطے میں ہے

ایران نے جنگ بندی کیلئے امریکہ کی جانب سے بھیجی گئی 15  تجاویز پر مشتمل مسودے کا باضابطہ جواب بھجوا دیا ہے ۔

ایرانی خبررساں ایجنسی تسنیم کے مطابق ایران نے ثالث کاروں کے ذریعےگزشتہ رات تجاویز کا جواب بھجوایا،  ایران اب امریکا کے ردعمل کا انتظار کر رہا ہے۔

 سینئر ایرانی عہدیدار نے برطانوی خبررساں ایجنسی  رائٹرز سے گفتگو میں کہا کہ ایران نے امریکی تجویز کا جائزہ لیا جو پاکستان کے ذریعے پہنچائی گئی ،  سفارتکاری کا عمل رکا نہیں ،  امریکی تجویز یک طرفہ اور غیر منصفانہ ہے ۔واشنگٹن حقیقت پسندی کا مظاہرہ کرے تو آگے بڑھنے کا راستہ نکل سکتا ہے ۔ترکیہ اور پاکستان ، ایران اور امریکا کے درمیان ثالثی کی کوشش کررہے ہیں ۔اس مرحلے میں مذاکرات کا کوئی منصوبہ نظر نہیں آتا۔

مشرق وسطیٰ میں امریکی نمائندے سٹیو وٹکوف نے کہاہے کہ امریکہ نے پاکستان کے ذریعے ایران کو 15 نکاتی مسعودہ پیش کیاہے ۔

تفصیلات کے مطابق سٹیو وٹکوف کا کہناتھا کہ ایران کے ساتھ امن معاہدے کیلئے فریم ورک تیار کر لیا گیاہے ، ہم نے ایران کو 15 نکاتی معاہدہ پاکستان کے ذریعے پیش کیاہے ۔

اس موقع پر امریکی وزیر خارجہ کا کہناتھا کہ ایران مشرق وسطیٰ اور خطے کیلئے خطرہ ہے، ایران نے خلیجی ممالک میں ہر جگہ حملے کئے، دنیا کو بہتر اور محفوظ ملک بنانا صدر ٹرمپ کا مشن ہے۔

جے ڈی وینس نے کہا کہ ایران کسی صورت جوہری ہتھیار نہیں رکھ سکتا۔ 

امریکی صدر ڈونلڈ ٹرمپ نےکابینہ اجلاس میں گفتگو کرتے ہوئے کہا کہ ایران کی فوجی صلاحیت کو ختم کردیا،ہم نے ایران کے ڈرونز ،نیوی ، ریڈار سسٹم اور فضائیہ کو مکمل ختم کردیا ہے ، وہ امریکا کے ساتھ ڈیل چاہتے ہیں اور ڈیل کیلئے بھیک مانگ رہے ہیں۔

امریکی صدر ڈونلڈ ٹرمپ کا کہناتھا کہ باراک اوباما نے ایران کے ساتھ بدترین ڈیل کی تھی،ہمیں نہیں معلوم کہ ہم کوئی معاہدہ کرنا چاہتے ہیں یا نہیں،میں ایک  زبردست مذاکرات کار ہوں،اگر ہم ایران پر حملہ نہ کرتے تو دو ہفتے میں ایٹمی ہتھیار بنا لیتا،ہم نے بی ٹو بمبار طیاروں کے ذریعے ایران کی جوہری تنصیبات پر حملہ کیا۔

انہوں نے کہا کہ ایران مشرق وسطیٰ کو کنٹرول کرنا چاہتا تھا ،کوئی بھی عقلمند شخص کی کہانی پر یقین نہیں کرے گا،ایران کا مواصلاتی نظام مکمل طور پر ختم ہوچکا،امریکا کو کسی ملک کی مدد کی ضرورت نہیں،نیٹو کاغذی شیر کے سوا کچھ نہیں ہے، نیٹو نے ایران کے حوالے سے ہماری مدد نہیں کی ، دیکھتے ہیں صحیح ڈیل کرسکتے ہیں یا نہیں،ایران کے پاس موقع ہے وہ جوہری ہتھیار ختم کردے، امید ہے آبنائے ہرمز کھل جائے گی۔ 

ابو ظہبی میں میزائل کا ملبہ گرنے سے جاں بحق ہونے والے دونوں افراد کی شناخت ہو گئی ہے جن میں ایک پاکستانی اور ایک بھارتی شہری شامل ہے ۔

تفصیلات کے مطابق ابوظہبی میں حکام نے تصدیق کی ہے کہ ایک میزائل کا ملبہ گرنے سے دو افراد ہلاک اور تین زخمی ہو گئے ہیں۔ حکام کے مطابق متعدد کاروں کو بھی نقصان پہنچا ہے۔

مشرقِ وسطیٰ میں جاری لڑائی کے دوران ابو ظہبی کو بھی متعدد حملوں کا سامنا رہا ہے اور یہاں ایران نے اب تک 2100 سے زائد میزائل اور ڈرونز لانچ کیے ہیں۔اگرچہ وزارت دفاع کا کہنا ہے کہ زیادہ تر حملوں کو روک دیا گیا ہے، لیکن معلومات تک رسائی میں یہاں بھی مشکلات کا سامنا ہے۔

حملوں سے ہونے والے نقصانات کی تصاویر لینے اور ویڈیو ریکارڈ کرنے کی پاداش میں اب تک 100 سے زائد افراد کو گرفتار کیا جا چکا ہے۔

خلیجی اور عرب ممالک کے مشترکہ بیان میں ایران کے حملوں کی شدت مذمت کی گئی ہے۔

یواے ای، کویت، بحرین، سعودی عرب، قطر اور اردن نے مشترکہ بیان میں کہا  کہ ایران کے حملوں میں خودمختاری ،علاقائی سالمیت اور عالمی قوانین کی خلاف ورزی ہیں،حملے براہ راست ہوں یا پراکیسز کے ذریعے قابل قبول نہیں ہیں۔

مشترکہ بیان میں کہاگیا کہ ایران حملے یا دھمکیاں پراکسیز کے استعمال کو فوری اور غیر مشروط طور پر بند کرے،خطے کے ممالک  کو غیر مستحکم کرنے والی سرگرمیوں کی مزید مذمت کرتے ہیں،اقوام متحدہ  کے آرٹیکل 51 کے مطابق دفاع کا حق رکھتے ہیں۔

برطانوی اخبار کی جانب سے دعوی سامنے آیا ہے کہ روس ایران کو ڈرون ،دوائیاں اور خوراک بھیج رہاہے۔

برطانوی اخبار کےمطابق ایران نے روس سے مزید فضائی سہولتیں مانگ لی ہیں،روس نے ایران کو ڈرونز کی فراہمی کا سلسلہ مارچ میں شروع ہوا،کریملن کے مطابق افواہیں گردش کررہی ہیں ایرانی قیادت سے بات چیت ہورہی ہے۔

برطانوی خبرایجنسی کے مطابق ایران نے امریکی تجاویز باضابطہ طور پر مسترد نہیں کیں،ایران میں کچھ شخصیات جنگ بندی تجاویز کا جائزہ لے رہی ہیں۔

ایران کے پاسداران انقلاب نے جنگ کے دوران ایک امریکی ایف-18 طیارہ مار گرانے کا دعویٰ کیا ہے۔

پاسداران انقلاب نے ایک ویڈیو جاری کرتے ہوئے دعویٰ کیا تھا کہ یہ طیارہ چابہار کے قریب گرایا گیا تاہم امریکی سینٹرل کمانڈ نے ایران کی جانب سے ایف-18 لڑاکا طیارہ مار گرانے کی تردید کی ہے۔

آئی آر جی سی کے بیان میں کہا گیا ہے کہ ’آئی آر جی سی کی نیول موبیلائزیشن فورس کے جدید ایئر ڈیفنس نے ایک لڑاکا طیارے کو درستگی سے نشانہ بنایا جو بحر ہند میں گر کر تباہ ہو گیا۔

ملائیشیا کے وزیر اعظم انور ابراہیم نے پاکستانی ہم منصب شہباز شریف سے ٹیلی فونک رابطہ کیا ہے۔

ترجمان کے مطابق گفتگو کے دوران دونوں رہنماؤں نے عید الفطر کی مبارکباد کا تبادلہ کیا اور امت کے اتحاد اور ترقی کے لیے دعا کی۔

بیان کے مطابق وزیرِ اعظم نے مشرقِ وسطیٰ میں جاری کشیدگی کے خاتمے کے لیے پاکستان کی قیادت میں ثالثی کی کوششوں کی حمایت کے پیغام پر ملائیشیا کے وزیرِ اعظم کو خراج تحسین پیش کیا۔

وزیرِ اعظم شہباز شریف نے ملائیشیا کے وزیر اعظم کو امریکہ اور ایران کو مذاکرات کی میز پر لانے کے لیے برادر خلیجی ممالک اور ایران کے رہنماؤں کے ساتھ ان کی بات چیت سمیت تازہ ترین سفارتی کوششوں سے آگاہ کیا۔

بیان کے مطابق وزیرِ اعظم شہباز شریف نے ملائیشیا کے وزیرِ اعظم کا شکریہ ادا کیا اور اُنھیں یقین دلایا کہ پاکستان خطے کی موجودہ صورتحال میں کشیدگی کو کم کرنے کے لیے مخلصانہ اور حقیقی کوششیں جاری رکھے گا۔ دونوں رہنماؤں نے آپسی رابطے بحال رکھنے پر اتفاق کیا۔

ایرانی پاسداران انقلاب نے آپریشن وعدہ صادق کی 82 ویں لہر کا آغاز کردیا۔

مشرقِ وسطیٰ میں جاری کشیدگی کے دوران ایران نے ایک بار پھر اسرائیل پر میزائل حملہ کر دیا۔ ایرانی میزائلوں  نے صیہونی علاقوں میں تباہی مچادی، کئی گاڑیاں تباہ ہوگئیں۔ گھروں کو نقصان پہنچا۔

تل ابیب میں سائرن بج اٹھے ۔۔ حیفا اور مقبوضہ بیت المقدس میں بھی دھماکوں کی آوازیں گونج رہی ہیں۔ ایرانی پاسداران انقلاب ک خطے میں امریکا کے چار فوجی اڈوں اور تنصیبات کو نشانہ بنایا۔

ایران نے دشمن کے ایف ایٹیین طیارے کو مار گرانے کا دعویٰ کیا ہے۔ ابوظبی میں میزائل کا ملبہ گرنے سے دو افراد جاں بحق  اور تین زخمی ہوگئے۔

امریکا نے پاکستان کی درخواست پر 2 ایرانی رہنماؤں کو عارضی طور پر ٹارگٹ لسٹ سے ہٹادیا گیا۔

عالمی خبررساں ایجنسی کے مطابق ایرانی وزیرخارجہ اور اسپیکر محمد باقر کو پاکستان کی درخواست پر ہٹ لسٹ سے نکالا گیا، پاکستان نے دونوں رہنماؤں کا اہداف کی لسٹ سے نکالنے کی درخواست کی تھی۔

رپورٹ کے مطابق پاکستان نے امریکا سے کہا اگر دونوں رہنماؤں کو نشانہ بنایا تو بات کرنے کیلئے کوئی رہنما نہیں بچے گا، امریکا سے اسرائیلی حکام سے کہا وہ پیچھے ہٹ جائے اور رہنماؤں کو نشانہ بنانے سے گریز کرے۔

دوسری جانب امریکی اخبار وال اسٹریٹ جرنل کے مطابق امریکا اور اسرائیل نے 2ایرانی رہنماؤں نے ٹارگٹ لسٹ سے ہٹایا، ایرانی رہنماؤں میں وزیرخارجہ عباس عراقچی اور اسپیکرمحمد باقر قالیباف کا نام شامل ہیں۔

رپورٹ کے مطابق عباس عراقچی اور محمد باقر قالیباف کا نام 4سے 5روز کیلئے ٹارگٹ لسٹ سے ہٹایا گیا ہے، صدر ٹرمپ نے  یہ اقدام اعلیٰ سطح مذاکرات کی راہ ہموار کرنے کیلئے کیا ہے۔ ترکیہ، پاکستان اور مصر جنگ بندیکی کوشش کر رہے ہیں۔

طیاروں میں استعمال ہونے والے ایندھن کی قیمت میں بڑا اضافہ ہوگیا۔

جیٹ فیول 176 روپے سے بڑھ کر 417 روپے فی لیٹر تک جاپہنچا، جیٹ فیول کی قیمتوں میں اضافے سے فضائی سفر مزید مہنگا ہونے کا خدشہ ہے۔

بنیادی کرایہ برقرار تاہم فیول ایڈجسٹمنٹس کی وجہ سے ایئر ٹکٹس مہنگی ہوئیں۔ متعدد ایئرلائنز کے کرایوں میں 100 فیصد تک اضافہ ہوگیا۔

ترجمان پی آئی اے کے مطابق تمام ایئرلائنز نے فضائی کرایوں میں فیول ایڈجسٹمنٹ بھی کردی، پی آئی اے کے کرایوں میں 10 سے 100 ڈالر تک کا اضافہ ہوا ہے، پی آئی اے کی مقامی پروازوں پر 10 ڈالر فیول سرچارج عائد کردیا گیا۔

کینیڈا روٹس پر 100 ڈالر تک فیول سرچارج لاگو کیا جارہا ہے، برطانیہ جانے والی پروازوں پر 75 ڈالر اضافی وصول ہورہا ہے، سعودی عرب اور گلف روٹس پر 50 ڈالر تک سرچارج ہے۔

نجی ایئرلائنز نے 15 سے 150 ڈالر تک اضافی چارجز نافذ کردیئے، خلیجی فضائی حدود کی بندش سے پاکستانی ایئرلائنز پر دباؤ بڑھ گیا۔

عالمی مارکیٹ میں خام تیل کی قیمتوں میں ایک بار پھر تیزی دیکھی جارہی ہے۔

امریکی کروڈ آئل کی قیمتوں میں 2 فیصد اضافہ ریکارڈ کیا گیا۔ دوران ٹریڈنگ ڈبلیو ٹی آئی کروڈ کی قیمت 92.26 صفر ڈالر فی بیرل تک پہنچ گئی جب کہ برٹش برینٹ کروڈ 104.23 ڈالر فی بیرل پر ٹریڈ ہو رہا ہے۔

یاد رہے کہ امریکی صدر ڈونلڈ ٹرمپ کے ایران کے بجلی گھروں پر حملے 5 روز کیلئے موخر کرنے کے اعلان کے بعد عالمی منڈی میں تیل کی قیمتوں میں بڑی کمی ریکارڈ ہوئی تھی تاہم ایران کی جانب سے جنگ بندی کےلیے امریکی شرائط مسترد کرنے کے بعد آج دوبارہ تیل کی قیمتوں میں اضافہ دیکھا جارہا ہے۔

واضح رہے کہ پرویس ٹی وی نے ایرانی اعلیٰ عہدیدار کے حوالے سے دعویٰ کیاہے کہ ایران نے جنگ بندی کی امریکی تجاویز کو مسترد کردیا ہے۔ ایرانی عہدیدار کے مطابق ایران اس جنگ کو اپنی شرائط اور اپنے وقت پر ختم کرے گا،امریکی پیشکش کاجائزہ لیا، وہ حد سے تجاوز ہے، صدر ٹرمپ کو جنگ کے خاتمے کا تعین کرنے کی اجازت نہیں دیں گے۔

امریکی اخبار کے مطابق امریکی صدر ڈونلڈ ٹرمپ نے قریبی مشیروں سے کہا ہے کہ یہ تنازع آخری مراحل میں داخل ہوچکا ہے۔ ایران کے ساتھ طویل جنگ سے بچنا چاہتے ہیں۔

رپورٹ کے مطابق صدر ٹرمپ ایران جنگ کو طویل کرنے سے گریزاں اور ایران کیخلاف جنگ چند ہفتوں میں ختم کرنے کےلیے پرامید ہیں۔ ٹرمپ نے کہا امریکا کو ایرانی تیل تک رسائی حاصل ہوسکتی ہے۔

امریکی صدر ڈونلڈ ٹرمپ نے کہا ہم اس وقت ایران میں مشن مکمل کرنےکی تیاری کر رہے ہیں،ایران میں ایسا کوئی نہیں ہے جو سپریم لیڈر بننے کےلیے تیار ہو،ایران اب مذاکرات کررہا ہے اور بے تابی سےڈیل چاہتا ہے،ایرانی قیادت کو ڈرہے ڈیل سے انکار کیا تو ہمارے ہاتھوں مرےگی، بی ٹو بمبارطیاروں نے ایرانی جوہری مقامات کو تباہ کر دیا۔

ان کا مزید کہنا تھا کہ ایران کی جوہری ہتھیار حاصل کرنے کی کوشش ناکام ہوگئی، اوباما نےایران کی جوہری ہتھیارحاصل کرنےکی خواہش کوممکن بنایا، قاسم سلیمانی کی ہلاکت سےایرانی فوجی قیادت میں خلل پیداہوا، فورسزنے ایران کے100میزائلوں کوروکاجواہم ہدف کی طرف آرہےتھے۔

امریکا نے مزید 2500فوجی مشرقِ وسطیٰ بھیجنے کا اعلان کردیا۔

ایران جنگ میں مذاکرات کےساتھ ساتھ زمینی آپریشن پرغورجاری ہے،امریکامزیدفوجی مشرق وسطی بھیجےگا،پینٹاگون نےتصدیق کہ ہےکہ اس دستے میں فرسٹ کامبیٹ بریگیڈ کے کمانڈرز لاجسٹک سپورٹ یونٹس بھی شامل ہیں،یہ دستہ ہنگامی آپریشنزکی صلاحیت رکھتا ہے۔

دوسری جانب امریکی صدر ڈونلڈ ٹرمپ نےکہا ہم اس وقت ایران میں مشن مکمل کرنےکی تیاری کر رہے ہیں،ایران میں ایسا کوئی نہیں ہےجوسپریم لیڈربننے کےلیےتیارہو،ایران اب مذاکرات کررہا ہے اور بےتابی سےڈیل چاہتا ہے،ایرانی قیادت کو ڈرہےڈیل سے انکارکیاتوہمارے ہاتھوں مرےگی، بی ٹو بمبارطیاروں نے ایرانی جوہری مقامات کو تباہ کر دیا۔

امریکی میڈیا رپورٹس کےمطابق ایران خارگ جزیرے پر دفاعی تیاریارں بڑھارہاہے،ایران خارگ جزیرے پرمزید اہلکار،دفاعی نظام اور میزائل نصب کررہاہےایران نےخارگ ساحل کے قریب بارودی سرنگیں نصب کر دیں۔

امریکا اور اسرائیل کے ایران پرحملے جاری،مشہدپربمباری کے بعد آگ بھڑک اٹھی،ایرانی شہر تہران،کاراج اور شہریارمیں دھماکےسنےگئے،دوسری جانب سعودی وزارت دفاع کامشرقی ریجن میں2ڈرون گرانےکادعویٰ کیا ہے،سعودی عرب کےسلطان ایئربیس کےقریب دھماکوں کی اطلاع موصول ہوئیں ہیں۔

ترجمان وائٹ ہاؤس کیرولائن لیویٹ نے کہاہے کہ ایران نے حقیقت تسلیم نہ کی تو امریکا سب سے بڑا حملہ کرے گا،ایران کو غلط فہمیوں سے بچنا چاہیے،ایران مزید غلط اندازے لگانا بند کرے۔

ترجمان وائٹ ہاؤس کا کہناتھا کہ ایران میں آپریشن ختم ہونے کے بعد تیل،گیس کی قیمتیں کم ہوں گی،ایران کے خلاف بنیادی مقاصد حال کرنے کے قریب ہیں، اگر ایران نے شکست تسلیم نہ کی تو ٹرمپ انہیں مزید نقصان پہنچانے کیلئے تیار ہیں،آپریشن کو چار سے چھ ہفتوں میں مکمل کر رہے ہیں، 7ہزار ٹن کا بم استعمال کرکے اہداف کو نشانہ بنایا گیا، ایران میں 90فیصد میزائل تنصیبات کو تباہ کردیا گیا،ایران میں 3ہفتوں میں 9ہزارمقامات کو تباہ کیا۔

پرویس ٹی وی نے ایرانی اعلیٰ عہدیدار کے حوالے سے دعویٰ کیاہے کہ ایران نے جنگ بندی کی امریکی تجاویز کو مسترد کردیاہے ۔

پریس ٹی وی کے مطابق ایرانی عہدیدار نے گفتگو کرتے ہوئے بتایا کہ ایران اس جنگ کواپنی شرائط اور اپنے وقت پر ختم کرے گا،امریکی پیشکش کاجائزہ لیا، وہ حد سے تجاوز ہے، صدر ٹرمپ کو جنگ کے خاتمے کا تعین کرنے کی اجازت نہیں دیں گے، علاقائی ثالث کے ذریعے پیغام بھیجا کہ ہم اپنا دفاع جاری رکھیں گے، جنگ کے خاتمے کی پہلی شرط حملوں اور قتلِ عام کا خاتمہ ہے، ایرانی شرائط پوری ہونے تک دفاعی آپریشنز جاری رہیں گے۔

دوسری جانب ایرانی سپیکر محمد باقر قالیباف نے گفتگو کرتے ہوئے کہا کہ خطے میں امریکی افواج کی تعیناتیوں کا باریک بینی سے جائزہ لے رہے ہیں، جنرلز نے جو بگاڑ پیدا کیا ہے، اسے سپاہی درست نہیں کر سکتے، امریکی فوجی نیتن یاہو کے فریب کا شکار ہوں گے، اپنی سرزمین کے دفاع کے ہمارے عزم کو آزمانے کی کوشش نہ کریں۔

ایرانی نیوی کے سربراہ ریئر ایڈمرل شہرام ایرانی نے امریکا کو دھمکی دیتے ہوئے کہا کہ امریکی بحری بیڑہ یو ایس ایس ابراہم لنکن کی مسلسل نگرانی کررہے ہیں، ایرانی میزائلوں کی رینج میں آتے ہی بحری بیڑے کونشانہ بنائیں گے۔

چین نے امریکا اور ایران کے درمیان ثالثی کی پاکستانی کوششوں کی حمایت کردی ہے۔

 ترجمان چینی دفتر خارجہ نے پریس بریفنگ میں کہاکہ جنگ بندی اور امن مذاکرات کی کوششیں اہم اقدامات ہیں، چین کشیدگی میں کمی کی تمام کوششوں کی حمایت کرتا ہے۔ مشرق وسطیٰ میں امن و استحکام اور سمندری آمدورفت کے راستوں کی بحالی عالمی برادری کے مفاد میں ہے۔

 ترجمان نے کہا چین خود بھی مشرق وسطیٰ میں قیام امن کیلئے انتھک محنت کررہا ہے۔ خطے میں تمام فریقوں کے ساتھ رابطے برقرار ہیں۔

دوسری جانب بلومبرگ کا اپنی رپورٹ میں کہناتھا کہ ترکیہ عرب ممالک کو ایران کے خلاف جنگ میں شمولیت سے روک رہا ہے، انقرہ سعودی عرب، متحدہ عرب امارات، قطر اور دیگر کو ضبط اور تحمل کی تلقین کررہا ہے، خلیجی ممالک کو ڈر ہے ایران اہم بنیادی ڈھانچے جیسے بجلی اور پانی کی سہولیات کو نقصان نہ پہنچائے۔

جنگی صورتحال کے باعث سعودی عرب میں پھنسے زائرین کیلئے بڑی سہولت کا اعلان کر دیا گیا۔ سعودی وزارت داخلہ کے مطابق 25 فروری کو ختم ہونے والے ویزوں کی مدت میں 18 اپریل تک توسیع دے دی گئی ہے۔

وزارت داخلہ کا کہنا ہے کہ ویزے کی یہ توسیع مقررہ فیس ادا کرکے "ابشر" پلیٹ فارم کے ذریعے حاصل کی جا سکتی ہے۔ مزید بتایا گیا ہے کہ تمام اقسام کے ویزہ ہولڈرز بغیر کسی جرمانے کے ملک سے روانہ ہو سکتے ہیں۔

سعودی حکام نے ہدایت کی ہے کہ قانونی کارروائی سے بچنے کیلئے تمام زائرین 18 اپریل سے پہلے سعودی عرب چھوڑ دیں۔

امریکا نے جنگ کے خاتمے کے لیے ایران کو 15 نکاتی منصوبہ بھیج دیا۔ ایرانی عہدیدار نے امریکی مسودہ ملنے کی تصدیق کردی۔

رائٹرز سے گفتگو میں سینئر ایرانی عہدیدار نے کہا کہ پاکستان نے امریکی تجاویز کا مسودہ تہران کے حوالے کردیا، مذاکرات کے مقام کا تعین کرنے کیلئے مذاکرات جاری ہیں۔

دوسری جانب پاکستان میں تعینات ایرانی سفیر نے کہا کہ ایران اور امریکا کے درمیان کوئی بات چیت نہیں ہورہی تاہم پاکستان جیسے دوست ممالک مذاکرات کی راہ ہموارکرنے کی کوشش کررہے ہیں، امید ہے یہ کوششیں جنگ کے خاتمے میں مددگارثابت ہوں گی۔

واضح رہے کہ ایران جنگ کے خاتمے کےلیے پاکستان نے دونوں ملکوں کو مذاکرات کی میز پر بٹھانے کی کوششیں شروع کردی۔ نیویارک ٹائمز کے مطابق امریکا نے جنگ بندی کا پندرہ نکاتی منصوبہ پاکستان کے ذریعے تہران تک پہنچا دیا۔

 امریکی مطالبات میں ایٹمی پروگرام کو ختم کرنا، میزائل پروگرام کو محدود کرنا اور آبنائے ہرمز سے سمندری آمد ورفت کی بحالی شامل ہیں۔ ایرانی میڈیا کے مطابق تہران نے مذاکرات کیلئے تمام امریکی اڈوں کے خاتمے اور جنگ میں نقصانات پر ہرجانے کی ادائیگی سمیت 6 شرائط رکھی ہیں۔

وزیراعظم شہباز شریف کا کہنا ہے کہ خلیجی ممالک کی غذائی ضروریات کا خیال رکھنا ہمارا فرض ہے، تمام محکمے غذائی تحفظ کے حوالےسے خلیجی ممالک سے قریبی رابطے میں رہیں۔

وزیراعظم شہباز شریف کی زیر صدارت موجودہ علاقائی صورتحال پر جائزہ اجلاس میں خلیجی ریاستوں کو اشیائے خورونوش کی فراہمی اور بندرگاہوں سے متعلق امور زیر غور آیا۔ وزیراعظم نے خلیجی ممالک کو اشیائے خورونوش کی فراہمی کی حکمت عملی پر اطمینان کا اظہار کیا اور متعلقہ محکموں اور افسران کو شاباش دی۔

وزیراعظم نے کہا کہ تمام محکمے غذائی تحفظ کے حوالےسے خلیجی ممالک سے قریبی رابطے میں رہیں، موجودہ علاقائی صورتحال کے تناظر میں عالمی سپلائی لائن متاثر ہے، خلیجی ممالک کی غذائی ضروریات کا خیال رکھنا ہمارا فرض ہے، ملکی ضروریات متاثر کئے بغیر اشیاء خورونوش کی خلیجی ممالک کو ایکسپورٹ تیز کی جائیں۔

شہباز شریف کا کہنا تھا کہ ملکی غذائی ضروریات کیلئے اشیاء خورونوش کی طلب و رسد کی مکمل نگرانی کی جائے، حکومتی اداروں کی سطح پر فیصلہ سازی میں کسی قسم کی تاخیر قابل قبول نہیں، فیصلہ سازی میں تاخیر کرنے والے افراد کی جواب دہی یقینی بنائی جائے گی۔ وزیراعظم نے اہم ہوائی اڈوں پر فلائٹ آپریشنز بڑھانے کے لئے جامع لائحہ عمل تیار کرنے کی ہدایت کردی۔

اجلاس کو خلیجی ممالک کو اشیائے ضروریہ کی برآمدات کے حوالے سے اقدامات پر بریفنگ دی گئی۔ حکام نے بتایا کہ گئی خصوصی کمیٹی نے خلیجی ممالک کو برآمدات کیلئے 40 فوڈ آئٹمز کی منظوری دی،جس میں اشیاء میں چاول،خورنی تیل،چینی،گوشت،پولٹری،خشک دودھ،ڈیری مصنوعات اور پھل سبزیاں شامل ہیں۔

خلیجی ممالک کے ساتھ تجارت کے حوالے سے برآمد کنندگان کا ڈیٹا بیس تیار کرلیا گیا ہے، سبزیوں، پھلوں اور گوشت کی برآمد کے حوالے سے کوئی اضافی ادائیگی نہیں کی جائے گی، اشیائے خورونوش کی برآمدات کے لیے ہوائی اور بحری اوپن روٹس استعمال کئے جائیں گے، خلیجی ممالک کے ساتھ بزنس ٹو بزنس اجلاس اور ویب نارز منعقد کئے جارہے ہیں، کراچی اور بن قاسم کی بندرگاہیں عیدالفطر کی چھٹیوں کے دوران بھی بھرپور فعال رہیں۔

امریکی صدر ڈونلڈ ٹرمپ نے کہا ایران میں نئی قیادت آئی ہےاس کو ہم رجیم چینج کہہ سکتے ہیں،ایران اس بات پر راضی ہے وہ کبھی ایٹمی ہتھیار حاصل نہیں کرے گا۔

امریکی صدرٹرمپ کی وائٹ ہاؤس میں میڈیا سےگفتگوکہاہم ایران سےمذاکرات کررہے ہیں،اب ہم صحیح افراد سےبات کررہےہیں،اب جن سےبات کررہےہیں وہ ڈیل چاہتے ہیں،ایران اس بارسمجھداری سے بات کر رہا ہے،ایران کے میزائلوں کے ذخیرے میں کافی حد تک کمی آئی ہے۔

امریکی صدر نےمزید کہا ایران نے ایک ایساکام کیاجو واقعی حیرت انگیزتھا،انہوں نےہمیں ایک تحفہ دیا اور وہ تحفہ آج پہنچا،یہ ایک بہت بڑا تحفہ تھا،جس کی قیمت بہت زیادہ تھی،نائب صدرجےڈی وینس، وزیر خارجہ مارکو روبیو اور اسٹیو وٹکوف ڈیل کے معاملے پر متحرک ہیں۔

ایرانی دفتر خارجہ کے ترجمان اسماعیل بقائی نے امریکا سے بات چیت کی تردید کردی۔

اسماعیل بقائی نے کہا کہ کل ہم نے واضح کر دیا تھا کہ امریکا اور ایران کی کوئی بات چیت نہیں ہورہی، ہمیں امریکا کے ساتھ سفارتکاری کا بہت ہی تباہ کن تجربہ ہوا ہے،9  ماہ کے اندر دو بار مذاکرات کے دوران ہم پر حملہ ہوا۔ امریکا کا یہ رویہ سفارتکاری میں خیانت سمجھا جاتا ہے۔

بھارتی میڈیا کو انٹرویو میں ایرانی وزارت خارجہ کے ترجمان اسماعیل بقائی کا کہنا ہے کہ امریکا کی سفارتکاری پر کوئی بھی اعتماد نہیں کر سکتا، جس طرح یہ جنگ شروع کی گئی اب کون مذاکرات کے دعووں کو قابلِ اعتبار سمجھ سکتا ہے۔

اسماعیل بقائی آبنائے ہرمز میں مختلف اقدامات جنگی صورتحال کے باعث نافذ کیے گئے ہیں، جو ممالک جارحیت میں شامل نہیں وہ ایران سے رابطہ کرکے اس گزرگاہ سے گزر سکتے ہیں، ایران آبنائے ہرمز سے گزرنے والے جہازوں سے فیس وصول کرتا رہے گا۔

قبل ازیں ایرانی خاتم الانبیا سنٹرل ہیڈ کوارٹرز کے ترجمان لیفٹیننٹ کرنل ابراہیم ذوالفقاری نے کہا کہ امریکا کے اندرونی اختلافات اس حد تک پہنچ گئے ہیں کہ وہ اپنے ساتھ مذاکرات کرنے لگے ہیں، امریکا سے کہتا ہوں، اپنی ناکامی کو معاہدہ مت کہو۔

لیفٹیننٹ کرنل ابراہیم ذوالفقاری نے کہا کہ ہماری مرضی کے بغیر نہ تیل کی پرانی قیمتیں واپس آئیں گی اور نہ ہی سابقہ نظام بحال ہوگا۔ یہ اس وقت ممکن ہوگا جب ایران کے خلاف کارروائی کا خیال تمہارے ناپاک ذہنوں سے مٹ جائے۔

دوسری جانب ایران کے سابق سیکرٹری نیشنل سیکیورٹی کونسل علی‌اکبر احمدیان نے میڈیا سے گفتگو میں کہا کہ برسوں سے ہم اس انتظار میں تھے کہ امریکی ہماری نامزد کردہ جگہوں تک آجائیں، 2 دہائیوں سے زائد ہم اس لمحے کیلئے تیاری کررہے تھے، اب ہمارے پاس امریکی فوجیوں کے لیے صرف ایک پیغام ہے، مزید قریب آؤ۔

مودی سرکار کی ناقص پالیسیوں نے بھارتی عوام کو گیس اور پیٹرول کے شدید بحران کی دلدل میں دھکیل دیا۔

متحدہ عرب امارات کے اخبار خلیج ٹائمز نے نااہل مودی کی ناکام پالیسیوں کے بھارتی عوام پر پڑنے والے منفی اثرات  آشکار کردیئے۔

رپورٹ میں بتایا گیا ہے کہ خلیج میں کشیدگی کے باعث پوری دنیا توانائی کے بحران کا شکار ہے تاہم مودی سرکار کی دوغلی پالیسیوں نے بھارتی عوام کو پتھر کے دور میں واپس پہنچا دیا ہے۔

خلیج ٹائمز کے مطابق  غریب بھارتی دوبارہ لکڑی اور کوئلے جلانے پرمجبورہے۔ عوام کی بڑی تعداد گیس سے محروم ہیں جبکہ مارکیٹوں میں ملنے والی گیس کی قیمتوں میں ہوشربا اضافہ ہوچکا۔

دوسری جانب بھارتی عوام طویل قطاروں میں لگ کر پیٹرول لے رہی ہیں۔ ماہرین کا کہنا ہے کہ مودی حکومت کی تمام تر توجہ ایران کے خلاف اسرائیل نواز پالیسیوں پر مرکوز رہی ہے جس کے باعث پورا بھارت گیس اور پیٹرول کے بحران سے دوچار ہے۔

ایرانی خاتم الانبیا سنٹرل ہیڈ کوارٹرز کے ترجمان لیفٹیننٹ کرنل ابراہیم ذوالفقاری کا کہنا ہے کہ امریکا کے اندرونی اختلافات اس حد تک پہنچ گئے ہیں کہ وہ اپنے ساتھ مذاکرات کرنے لگے ہیں، امریکا سے کہتا ہوں، اپنی ناکامی کو معاہدہ مت کہو۔

پریس کانفرنس کے دوران ترجمانی ایرانی فوج لیفٹیننٹ کرنل ابراہیم ذوالفقاری نے کہا کہ ہماری مرضی کے بغیر نہ تیل کی پرانی قیمتیں واپس آئیں گی اور نہ ہی سابقہ نظام بحال ہوگا۔ یہ اس وقت ممکن ہوگا جب ایران کے خلاف کارروائی کا خیال تمہارے ناپاک ذہنوں سے مٹ جائے۔

 مسلم ممالک کے نام پیغام میں ایرانی ترجمان نے کہا کہ مسلم ممالک کو کسی دور پار کے ملک کی ضرورت نہیں جس کی پہلی ترجیح اسرائیل ہو۔ امریکا تمھارے دفاع میں ایک گولی بھی نہیں چلائے گا۔

امریکی کانگریس میں صدر ڈونلڈ ٹرمپ کے جنگی اختیارات کم کرنے کی قرار داد پھر مسترد ہوگئی۔

امریکی میڈیا کے مطابق ایک ماہ کے دوران یہ قرار داد تیسری بار مسترد ہوئی ہے، قرار داد کے حق میں 47 اور مخالفت میں 53 ووٹ پڑے۔

قرارداد کا مقصد صدر کی ایران کے خلاف فضائی کارروائی روکنا اور یہ شرط لگانا تھا کہ ایران کے خلاف کسی بھی جنگی کارروائی کی منظوری کانگریس سے لی جائے۔

قرارداد کے حامی ارکان کا کہنا تھا کہ آئین کے مطابق جنگ کی منظوری دینا کانگریس کی ذمہ داری ہے اور اس اقدام کا مقصد وہ اختیار دوبارہ حاصل کرنا تھا۔

ارکان کا مزید کہنا تھا کہ صدر کو کانگریس کے سامنے آ کر یہ بتانا چاہیے کہ امریکہ ایران کے خلاف کیوں لڑ رہا ہے اور یہ جنگ کیسے ختم ہوگی۔

ٹرمپ انتظامیہ ایران سے مذاکرات کی خواہاں ہے جبکہ اہم تنصیبات پر حملے بھی جاری ہیں۔ زمینی آپریشن بھی زیر غور ہے۔

ایرانی سرکاری نیوزایجنسی کے مطابق امریکا اور اسرائیل کا بوشہر میں ایران کی ایٹمی تنصیبات پر قریب حملہ کیا ہے، ایرانی ایٹمی توانائی تنظیم کی بھی حملے کی تصدیق کردی۔ ایرانی حکام کے مطابق حملے میں ایٹمی تنصیبات کو کوئی نقصان نہیں پہنچا۔

دوسری جانب امریکی اخبار وال اسٹریٹ جرنل کے مطابق ٹرمپ انتظامیہ کے ایران کے خلاف سخت اقدامات زیر غور ہے، خارگ آئی لینڈ پر قبضہ ٹرمپ آپشن میں شامل ہے۔ امریکا نے 3ہزاراہلکار مشرق وسطیٰ بھیجنے کا فیصلہ کیا ہے۔ چھاتہ بردار فورس کی مشرق وسطیٰ میں تعیناتی چند گھنٹوں میں متوقع ہے۔

امریکی میڈیا رپورٹس کے مطابق وائٹ ہاؤس میں مذاکرات کے ساتھ ساتھ زمینی آپریشن بھی پر غور جاری ہے،وائٹ ہاؤس عہدیدار کا کہنا ہے کہ ایران کی اولین ترجیح بمباری رکوانا ہے،امریکا مذاکرات کے ذریعے وہ مطالبات منوانا چاہتاہے، جو ایران پہلے مسترد کرتا رہا۔

امریکا نے جنگ کے خاتمے کے لیے ایران کو 15 نکاتی منصوبہ بھیج دیا۔

امریکی میڈیا کے مطابق منصوبے میں مطالبہ کیا گیا ہے کہ ایران کی سرزمین پر کسی بھی مواد کی افزودگی نہ کی جائے۔ امریکا نے ایران سے مطالبہ کیا ہے کہ نطنز، اصفہان اور فردو کے جوہری پلانٹس کو بھی ختم کیا جائے۔

امریکی میڈیا کے مطابق 15 نکاتی منصوبے میں کہا گیا ہے کہ ایران کو خطے میں پراکسیز کو فنڈنگ بند کرنا ہوگی اور آبنائے ہرمز میں آزاد میری ٹائم زون قائم کیا جائے۔

اسرائیلی میڈیا نے دعویٰ کیا ہے کہ امریکا چاہتا ہے جنگ بندی مہینہ بھر کی ہو تاکہ ایران کے ساتھ 15 نکاتی معاہدے پر بات ہوسکے۔

دوسری جانب برطانوی خبر ایجنسی رائٹرز نے دعویٰ کیاہے کہ جنگ بندی کیلئے ایران کی چند شرائط سامنے آگئی ہیں،جن میں ایران پر دوبارہ حملے نہ کرنے کی ضمانت دینے کا مطالبہ بھی شامل ہے۔

رائٹرز کے مطابق ایران نے شرائط عائد کیں ہیں کہ جنگ  کے دوران ہونیوالے نقصانات کا معاوضہ فراہم کیا جائے،آبنائے ہرمز پر مکمل کنٹرول کی اجازت دی جائے۔ رائٹرز کا کہناتھا کہ ایران اپنے میزائل پروگرام کو محدود کرنے سے بھی انکاری ہے۔

دوسری جانب ایرانی سپریم لیڈر کے مشیر محسن رضائی نے جنگ بندی کی شرائط بتاتے ہوئے کہا کہ امریکا اور اس کے اتحادیوں  کو تباہی کا حساب دینا پڑے گا، امریکا کو ایران کے معاملات میں مداخلت نہ کرنے کی ضمانت دینا ہوگی،توانائی تنصیبات پر حملہ ہوا تو امریکا خطرے میں پڑسکتا ہے۔

فلپائن میں تیل کی قلت کے پیش نظر نیشنل ایمرجنسی کا اعلان کردیا گیا۔

فلپائنی صدر نے اپنے بیان میں کہا ایندھن تک یکساں رسائی یقینی بنانےکیلئے سب کو مل کر کام کرنا ہوگا، ایندھن کی بچت کیلئے طیاروں کو گراؤنڈ کرنے پر بھی غور کیا جاسکتا ہے،اضافی ایندھن کے حصول کیلئے چین اور روس سے بات چیت جاری ہے,سربراہ فلپائنی ایئرلائنز کاکہنا ہے کہ قوم کو فیول راشننگ کی طرف جانا پڑسکتا ہے۔

واضح رہےکہ فلپائن دنیا کا پہلا ملک ہےجس نے ایران امریکا جنگ کے تناظر میں تیل کی قلت کے پیش نظر نیشنل ایمرجنسی کا اعلان کیا ہے۔

خیال رہےکہ فلپائن اپنا 98 فیصد تیل خلیج سے درآمد کرتا ہے، اور 28 فروری کو جنگ شروع ہونے کے بعد سے ملک میں ڈیزل اور پیٹرول کی قیمت دگنی سے بھی زیادہ ہو گئی ہے،جس کے باعث یہ اقدام اُٹھانا پڑا۔

حکومت نے دعوٰی کیا ہے کہ مارچ اور اپریل کیلئے پیٹرولیم مصنوعات کی درآمدات یقینی بنا لی گئی ہیں۔ ملک میں پیٹرول اور ڈیزل کا اسٹاک تسلی بخش اور تیل کی سپلائی چین بھی مکمل طور پر مستحکم ہے۔

مشرق وسطیٰ میں جنگ کے باعث پاکستان میں انرجی سپلائی صورتحال اور عالمی رجحانات کا جائزہ لینے کیلئے وزیر خزانہ کی زیر صدارت کابینہ کمیٹی کا اجلاس ہوا۔ وزیر خزانہ کی زیر صدارت اجلاس کو بتایا گیا کہ سعودی عرب سمیت دوست ممالک کے ساتھ تیل کی سپلائی کیلئے تعاون جاری ہے۔

 اجلاس کو بتایا گیا کہ ملک میں پیٹرول اور ڈیزل کا ذخیرہ تسلی بخش ہے۔  سپلائی چین مکمل طور پر مستحکم ہے۔ مارچ اور اپریل کیلئے پیٹرول کی درآمدات بھی یقینی بنا لی گئی ہیں۔ جبکہ ریفائنریز معمول کے مطابق پیداوار جاری رکھے ہوئے ہیں۔

بریفنگ میں بتایا گیا کہ عالمی مارکیٹ میں تیل کی قیمتوں پر گہری نظر ہے۔ حکومت عالمی اور مقامی قیمتوں کے فرق کا جائزہ لے رہی ہے۔ توانائی سپلائی میں خلل سے بچنے کیلئے پیشگی اقدامات کیئے جارہے ہیں۔ سعودی عرب سمیت دوست ممالک کے ساتھ تیل کی سپلائی کیلئے تعاون جاری ہے۔

وزیر خزانہ محمد اورنگزیب نے ہر صورت پیٹرول کی بلا تعطل فراہمی یقینی بنانے کا عزم ظاہر کیا ۔ کہا توانائی سیکیورٹی اور مارکیٹ استحکام حکومت کی اولین ترجیحات ہیں۔