مسلم لیگ ن کے صدر اور سابق وزیر اعظم شہباز شریف نے کہا ہے کہ ہیر پھیر نہیں ، صرف شیر پر مہر لگانی ہے،8فروری کاسورج ن لیگ کی فتح کیساتھ طلوع ہوگا،اورنوازشریف کی قیادت میں پاکستان کو عظیم بنائیں گے۔
مسلم لیگ ن کےصدرشہبازشریف نےاین اے ایک 129گلشن راوی میں جلسےسےخطاب کرتے ہوئےکہا کہ اس بارش میں آپ کاپرجوش استقبال گواہی دےرہاکہ آٹھ فروری کاسورج ن لیگ کاہوگا،اللہ تعالی کےفضل وکرم سےآج ایک اچھی خبرآئی،ٹرانسپرنسی انٹرنیشنل کی رپورٹ میں کہاگیاکہ نواز شریف کی حکومت ہٹانےتک کرپشن کنٹرول تھی، جبکہ عمران نیازی کےدورمیں کرپشن اوپرگئی۔
انہوں نے کہا کہ نوجوان نسل پاکستان کاسرمایہ ہےان کےلئے جان لڑادیں گے،ہم نےاسپورٹس کمپلیکس بنائے تھےاب پھربنائیں گے،سوئمنگ پولز بھی بناکردیں گےاورہرپارک میں ای لائبریریزبنائیں گے، جہاں آپ دنیا بھر کے اخبارت آپ پڑھ سکیں گے ، وہاں چائےپکوڑوں کابھی انتظام ہوگا۔
سابق وزیر اعظم نے کہا کہ میں وعدہ کرتا ہوں کہ لیپ ٹاپ دینےکاپروگرام دوبارہ شروع کریں گے،اقتدارمیں آکر نوجوانوں کووظائف دیں گے،اگراللہ تعالیٰ نےنواز شریف کوموقع دیاتونوجوانوں کے لئےپروگرام دوبارہ شروع ہوں گے۔
انہوں نے بلاول بھٹو کے مناظرے کے چیلنج پر کہا کہ کس سےمناظرہ کروں جہاں اسکولوں میں ڈیسک ہےنہ قلم،مناظرے کا چیلنج دینے والے اپنے صوبے کے اسکولوں کا حال دیکھیں پھر مناظرہ بھی ہوجائے گا ، مقابلہ اورموازنہ بھی ہوجائے گا ۔
انہوں نے جلسے کے شرکا کو کہا کہ ہیر پھیر نہیں ، صرف شیر پر مہر لگانی ہے،8فروری کاسورج ن لیگ کا سورج ہوگا،ہمارے پاس تیل ہے نہ گیس،نوجوان ہماراسرمایہ اوراثاثہ ہیں،لیکن پھر بھی پھرموقع ملا تو غریبوں کیلئےمفت دوائیں،بچوں کیلئےتعلیم عام کریں گے۔
شہبا زشریف نے کہا کہ جب ووٹ آف نوکانفیڈینس ہواتوان جماعتوں نےجو عمران خان کےساتھ تھی ہمیں بھی ووٹ دیا،13پارٹیوں کی حکومت چلانابہت مشکل ہے،انھوں نےنوازشریف کےتمام ترقیاتی کاموں کوختم کردیا،ایک اورموقع آرہاہےآپ نے8فروری کوشیرپرمہرلگانی ہے۔
