لاہور میں انتخابی مہم کے دوران مسلم لیگ ن کے رہنماء حمزہ شہباز شریف پر نوجوان نے جوتے سے حملے کی کوشش کی تاہم لیگی متوالوں کے ہتھے چڑھ گیا۔
لاہور کے ترنم چوک ٹیکسالی میں خطاب کے دوران مسلم لیگ ن کے رہنماء حمزہ شہباز کو نوجوان کی جوتا مارنے کی کوشش کی تاہم نوجوان لیگی متوالوں کے ہتھے چڑھ گیا۔
رپورٹ کے مطابق مسلم لیگ ن کے مشتعل کارکن نوجوان پر ٹوٹ پڑے تاہم نوجوان کو پولیس کے حوالے کردیا گیا۔
انتخابی جلسے سے خطاب کرتے ہوئے حمزہ شہباز نے کہا کہ یہاں لاہور میں میٹرو بس اور اورنج لائن چلتی ہے، پی کے ایل آئی میں گردوں کا علاج ہوتا ہے، نواز شریف وہ لیڈر ہے جس نے ملک کو ایٹمی قوت بنایا، پاکستان کو ایٹمی قوت کے بعد معاشی قوت بنائیں گے۔
