مشیر کھیل پنجاب وہاب ریاض کا اتھلیٹ ارشد ندیم کے لئے انعامی رقم کا اعلان کردیا۔
وزیراعلی پنجاب محسن نقوی کی ہدایت پر محکمہ سپورٹس نے ارشد ندیم کے لئے 30 لاکھ روپے انعام کا اعلان کیا ۔ ارشد ندیم نے حالیہ ورلڈ اتھلیٹکس چیمپئن شپ میں چاندی کا تمغہ جیتا ہے۔ ارشد کی کامیابی اتھلیٹکس ورلڈ چیمپئن شپ میں پاکستان کا پہلا میڈل ہے۔ ارشد سمیت تمام قومی کھلاڑیوں کی پزیرائی کے لئے کام کررہے ہیں۔
وہاب ریاض کا کہنا تھا کہ تمام کھلاڑی جذبے اور لگن سے محنت کریں حکومت پنجاب آپ کی سرپرستی کرے گی۔ پنجاب انڈونمنٹ فنڈ کا اجراء جلد کیا جارہا ہے۔ پنجاب میں کھیل اور کھلاڑیوں کا مستقبل روشن ہے۔ وزیر اعلی پنجاب کی ہدایت پر سپورٹس سیکٹر کو مستحکم کرنے پر کام کررہے ہیں۔
