حکومت کی جانب سے ملک بھر میں بجلی چوری کے خلاف کریک ڈاؤن کا سلسلہ بدستور جاری ہے۔
سرکاری اعداد وشمار کے مطابق حکومتی فیصلے کے پیشِ نظر ملک بھر میں بجلی چوری کے خلاف مؤثر کاروائیوں کے ثمرات نظر آنے لگے ہیں، 31 دسمبر تک کے اعدادوشمار کے مطابق ملک بھر سے 2.58 بلین روپے وصول کیے گئے جبکہ اس عرصے کے دوران 107 افراد کو گرفتار کرلیا گیا۔
حکام کے مطابق اسلام آباد، لاہور، فیصل آباد اور ملتان سے 1.39 بلین روپے وصول کئے جا چکے ہیں، لاہور سے 48 افراد جبکہ 14 افراد ملتان سے گرفتار کئے گئے ہیں، پشاور سے 0.50 بلین روپے وصول اور ایک ملزم کو گرفتار کیا گیا جبکہ نئے ضم شدہ اضلاع سے 0.02 بلین روپے وصول کئے جا چکے ہیں۔
حیدرآباد اور سکھر سے مجموعی طور پر 41 افراد گرفتار اور 0.5 بلین روپے وصول کئے جا چکے ہیں، کوئٹہ سے 0.12 بلین روپے وصول اور 3 افراد گرفتار کئے گئے جبکہ گوادر سے 0.05 بلین روپے وصول کئے جا چکے ہیں۔
#CrackdownOnElectricityTheft: Govt's decisive actions yield results as the battle against electricity theft intensifies nationwide!
— SAMAA TV (@SAMAATV) January 6, 2024
Key recoveries include 1.39 billion rupees from major cities & significant arrests in #Lahore & #Multan.#SamaaTV pic.twitter.com/DOlOznzbYK
اعداد وشمار کے مطابق یکم ستمبر سے اب تک کے اعدادوشمار کے مطابق 2.58 بلین روپے وصول کئے جا چکے ہیں، متعلقہ حکومتی ادارے بجلی چوری کے خلاف کریک ڈاؤن کا سلسلہ جاری رکھنے کے لئے پرعزم ہیں۔
