ملک کے مختلف علاقوں میں گرج چمک کیساتھ بارش اور پہاڑوں پر برفباری کی پیشگوئی کی گئی ہے ۔
تفصیلات کے مطابق مغربی ہواؤں کے زیر اثر بلوچستان کے مختلف شہروں میں کہیں ہلکی تو کہیں تیز بارش ہوئی ہے۔ بارش کے سردی کی شدت میں اضافہ ہوگیا۔
محکمہ موسمیات کے مطابق چاغی، کوئٹہ، چمن، زیارت، قلعہ عبداللہ، قلعہ سیف اللہ، لورالائی، پشین، مستونگ، ژوب، قلات میں آج بھی وقفے وقفے سے بارش کا امکان ہے۔
اس کے علاوہ موسیٰ خیل، خاران، ہرنائی، سبی، نوشکی، خضدار اور مکران کے ساحلی علاقوں میں تیز ہواؤں اور گرج چمک کےساتھ درمیانی بارش اور پہاڑوں پر برفباری کا امکان ہے۔
