بلوچستان کے ضلع سبی میں ایف سی بلوچستان نارتھ کے زیراہتمام آل پاکستان کبڈی ٹورنامنٹ کا انعقاد کیا گیا۔ ایک ہفتے تک جاری رہنے والے ٹورنامنٹ میں ملک کے مختلف شہروں کی آٹھ ٹیموں نے حصہ لیا۔
ٹورنامنٹ کو دیکھنے کیلئے ضلع سبی کے قبائلی عمائدین، یونیورسٹی اور کالجز کے طلباء اور کھلاڑیوں سمیت مقامی لوگوں کی ایک بڑی تعداد نے شرکت کی۔
ٹورنامنٹ کا فائنل میچ رحیم یار خان کلب اور خان خدائے مرغزانی کلب کے مابین کھیلا گیا جسے سنسنی خیز مقابلے کے بعد رحیم یار خان کلب نے جیتا۔
ٹورنامنٹ کے اختتام پر فاتح ٹیم اور کھلاڑیوں کو انعامات اور ٹرافیز سے نوازا گیا۔ فائنل میچ میں کھلاڑیوں اور مقامی لوگوں کا جوش خوب دیدنی تھا۔ فائنل میچ کے اختتام پر ٹینٹ پیگنگ اور دیگر ثقافتی نمائشوں کا اہتمام بھی کیا گیا جسے شائقین نے خوب سراہا۔
All Pakistan Kabaddi Tournament!
— SAMAA TV (@SAMAATV) December 30, 2023
Over a week, 8 teams battled it out, drawing massive crowds from #Sibi's local community, including tribal elders, passionate students, and spirited players.
Sportsmanship at its finest! #SamaaTV #FCBalochistan pic.twitter.com/SflMlAL0NC
