بالی ووڈ کوئین اور لیجنڈری اداکارہ ممتاز اداکار احسن خان سے کئے جانے والے وعدہ پورا کرنے کے لئے ان کی دعوت پر لاہور ان کے گھر پہنچ گئی۔
فوٹو اینڈ ویڈیو شیئرنگ پلیٹ فارم انسٹاگرام پر اداکار احسن خان کی جانب سے اپنے مداحوں کے ساتھ تصاویر اور ویڈیوز جاری کی گئیں جن میں انہیں اپنے گھر پر بھارتی فلم انڈسٹری کی لیجنڈری اداکارہ ممتاز کا استقبال کرتے دیکھا گیا۔
اس موقع پر اداکارہ ریشم اور گلوکار شفقت امانت علی بھی موجود تھے۔
View this post on Instagram
اداکارہ ممتاز نے احسن خان کی فیملی اور وہاں موجود دیگر افراد سے خوش گپیاں کیں جبکہ گلوکار کی موجودگی کا فائدہ اٹھا کر انہوں نے گانے کی فرمائش بھی کی۔
View this post on Instagram
لیجنڈری اداکارہ کی فرمائش پر شفقت امانت علی نے ’’ آج جانے کی ضد نہ کرو ‘‘ گا کر سماں باندھ دیا ۔
View this post on Instagram
اس موقع پر ممتاز کا کہنا تھا پاکستان کے عوام اور فنکاروں نے بہت پیار دیا ، احسن خان اور فیملی نے بھرپور میزبانی کی جبکہ احسن خان کی جانب سے اپنے پیغام میں کہا گیا کہ اداکارہ کی اپنے گھر پر میزبانی میرے لئے اعزاز ہے۔
